http://4.bp.blogspot.com/-Od2PJ4fsL7A/UbTvBwhUtLI/AAAAAAAAAbY/ENKmo2IU65I/s1600/shbab.co1368017117261.jpg

والله سهلة حبيبى
ومكمل بعدك عادى

ده انا ادفن قلبى بايدى
ولا ابكى وانت قصادى

مهو لا الزمان فرقنا
ولا انت سيبت بلادى

ده كل ما فيها انك
بخيانتك ليا راضى
==============

بص ياللى فيوم
كنت بقولك يا حبيبى

انا كرهى غالب حبى
وده هو كل عيبى

وبحمد واشكر ربى
انك مبقتش نصيبى
==============

والله انا كنت واهبلك
كل حياتى ودقاتى

دلوقتى افتكرك اضحك
وضحكى منسينى اهاتى

ومن غيرك انا مرتاح
ومبسوط اوى بأوقاتى
==============
لا عايش انا مجروح
ولا منى رايحه الروح
ولا ببكى او بنوح
والدنيا احلى فعينى

انا كنت بيك مسجون
وكنت عليا ما بتهون
وفالاخر انت تخون
وفاكر نارك تكوينى
=============
كل مشاعرى اهى غابت
واشواقى فحبك ماتت
وقلبى اهو هادى وساكت
ومكانك جواه فاضى

بس انا مستغرب حالى
ازاى انا شوفتك غالى
وسكنتك عقلى وبالى
وحلمت معاك بولادى

كان عقلى ضايع منى ؟
لما سيبتك تألمنى ؟
واستنيتك تخونى ؟
علشان اقدر ابعد عادى
==============

والله سهلة حبيبى
ومكمل بعدك عادى

ده انا ادفن قلبى بايدى
ولا ابكى وانت قصادى

مهو لا الزمان فرقنا
ولا انت سيبت بلادى

ده كل ما فيها انك
بخيانتك ليا راضى


=====================
بــــقـــلـــمـــى /// Mr;NoOoR

رائع كعادتك دائما مستر نور

كلمات رائعه ورساله وداع الى الحبيب
ننتظر جديدك وابداعك
تحياتي

كلمات رائعه