الكل يعرف ميزة المدارس التجريبية بان فيها حوافز تجريبى وهى حسب القرار 252 الخاص بالتجريبيات 50% من الاساسى لمدرسى الدراسات واللغة العربية وغيرها ماعدا مدرسى اللغة الانجليزية والفرنسية 75% وكانت تؤخذ من بند التجريبيات من المصروفات الذى يصرف داخل المدرسة على الاثاث والاصلاح والصيانة واجور عمال وحوافز داخل المدرسة
وبعد قرار تجميد اموال المدارس وخصم نسبة 20% من اجمالى اموال المدارس لحساب وزارة المالية
فوجئنا هذا العام بقرارات غريبة بخصوص حوافز التجريبى وهى :
بعد خصم نسبة ال 20% للمالية تخصم نسبة 50% للادارة من اموال التجريبيات ثم النصف يقسم على مدرسين المدرسة ويخصم من كل مدرس نسبة 11% للادارة ايضا !!!!!
لماذا كل هذا الخصم وماذا تبقى لنا من حوافز واين هى الحوافز التى نحسد عليها وكل من يدخل المدرسة يتنطط علينا واول كلمة بتتقال انتو بتاخدو حوافز تجريبى
نعمل يوم كامل ناهيك عن اولياء الامور اللى اشترونا بفلوسهم ...اين الميزة اذن
ولماذا تاخد الادارة هذه الاموال وتحت اى بند ولا يوجد قرار صريح او نشرة لكن التعليمات كلها شفهى وبالتليفون
يبقى نحول لمدارس حكومية افضل بقى بدل الهم ده كله
هل ما يحدث فى الاسكندرية يحدث فى محافظات اخرى ام القرار ده عندنا بس ولو كده
ياريت نتكاتف ونرفع شكوى بهذا الخصوص