السـلام عليكم ورحمـةة الله وبركاته ..

انا عضوة جديده فى المنتدى الرائع ده .. وأكييد أعضائه زيه ^ ^
المهم انا أمانى طالبة اولى ثانوى وانا اخدت كيمياء وأحياء وتاريخ واخترت الفرنساوى ..
بس مشكلتى انى لحد دلوقتى فى كتب مفتحتهاش لسه وكمان مكسله اووى
وانا حلمى من وانا صغيرة أدخل طب أطفال .. بس والله مش عارفه ايه الكسل ده
انا جايبة فى تالتة اعدادى 95 % وانا والله بصلى وأقرأ قرءان وبرضه مفييش فايده
وحاسه انى ملييش نفس افتح اى كتاب ..
انا ما بدأتش مذاكره غير الكيمياء والانجليزى والفرنساوى والاحياء
وكماان البلاغه معقدانى اووى والرياضه وما ادراكم ما الرياضه والله تسد النفس خالص
فانا عايزاكم تساعدونى وتشجعونى

وانا جبت ملخص المعاصر رياضيات وعربى الاضواء بس بصراحه مش عاجبنى اووى وكمان جبت
الامتحان احياء ولسه هجيب بكره الامتحان تاريخ والكيمياء مش هجيب لانو المستر بتاعى عامل مذكرة كويسه اووى ...

ساعدونى عايزكم تشجعونى اذاكر واكون متفوقة فى الثاانوى
...

السنه مش صعبه بس عشان انتى مش متعوده على النظام ده شايفاها كده
حاولى تنظمى وقتك و تشوفى كل ماده محتاجه وقت اد ايه و قسمى المنهج على الوقت ده
و فيه مواد كنت بذاكرها كل يوم زى الرياضه والانجليزى بس كان مجرد حل كام مسأله مش اكتر
بقية المواد ذاكريها فى يوم درسها قبل ما تروحى الدرس
والعربى ذاكريه من مذكره شيك وابعدى عن الاضواء لانه رغاااى جداً و هيتعبك على الفاضى والسنه ديه مش عاوزه منك تذاكرى كل حاجه بس محتاجه تركزى على الحاجات المهمه و باقى المواد تذاكريها مذاكره ارضاء ضمير وبس
و زى ما بقولك مش لازم تجيبى درجات عاليه قى اولى ثانوى فى كل المواد اهم حاجه العربى والانجليزى و اللغه التانيه
والكيما والفيزيا والاحياء تبقى عارفه الحوار فيها ماشى ازاى والرياضه تبقى عارفه نظامها بردك
انما باقى المواد متضغطيش نفسك فيهم اوى عشان ملهمش لازمه
وربنا يوفقك و تبقى احسن دكتوره :)

شكراا يا هتلر ان شاء الله اعمل بنصايحك
تسلم ايديك

متقلقيش خااالص انا دلوقتي ف تالته ثانوي ولما كنت ف اولي كنت زيك ويمكن اكتر كنت متهابه النظام وكتر المواد والكم ومش عارفه اذاكر ايه ولا ايه المهم اخدت زي شهر كده وبعدين اتعوودت بس بعد معملت جدول ... انتي دلوقتي تعملي جدول وتمشي عليه وبلاش كسل عشان الوقت ميسرقيش لان الترم الاول بيعدي بسرعه ركزي ف دراستك وعودي نفسك ع المذاكرة من دلوقتي علشان لما تروحي تالته ان شاء الله يكون عندك قدرة ع المذاكرة ومتمليش منها بسرعه .. بالتوفيق يا جمييل ^_^

متقلقيش خااالص انا دلوقتي ف تالته ثانوي ولما كنت ف اولي كنت زيك ويمكن اكتر كنت متهابه النظام وكتر المواد والكم ومش عارفه اذاكر ايه ولا ايه المهم اخدت زي شهر كده وبعدين اتعوودت بس بعد معملت جدول ... انتي دلوقتي تعملي جدول وتمشي عليه وبلاش كسل عشان الوقت ميسرقيش لان الترم الاول بيعدي بسرعه ركزي ف دراستك وعودي نفسك ع المذاكرة من دلوقتي علشان لما تروحي تالته ان شاء الله يكون عندك قدرة ع المذاكرة ومتمليش منها بسرعه .. بالتوفيق يا جمييل ^_^

انا والله عمرى ما عملت جدول ومشيت عليهاا !!
بس انا هحاول اذاكر اللى باخده فى نفس اليوم وما أجلش حاجه
لان التأجييل ده هو اللى مضيعنى خالص والله