new_style
13-07-2008, 11:32 PM
السلام عليكم ورحمة الله وبركاته
انا دلوقتى طالب 3ث علمى رياضة وكان حلم حياتى انى اخش هندسة بس طبعا مع الامتحانات الزبالة اللى احنا امتحناها دى انسى طبعا والنتيجة هتبان بعد يومين وطبعا انا عارف انى مش هاعدى التسعين خالص وسمعت من واحد صاحبى ان اخوه كان جايب فى الثانوية العامة 53% ودخل معهد المطرية بس ذاكر جامد وجاب تقدير فى السنتين ودخل هندسة فياجماعة انا عايز اعرف الكلام ده حقيقى ولا هجس ولو حقيقى ليه الناس اللى مبتدخلش هندسة مبتدخلهوش علشان هو دراسته صعبة ولا علشان ميبقاش اسمه طالب معهد وعايز ياريت كل المعلومات عن المعهد ده
وشكرا
LA STELLA
15-07-2008, 04:51 PM
ذاكر جامد وجاب تقدير فى السنتين ودخل هندسة فياجماعة انا عايز اعرف الكلام ده حقيقى
اه انا بردو دى كل معلوماتى عنه فعلا
انه سنتين
واللى بيجيب تقدير منه
بيدخل هندسة
بس دا كل اللى اعرفه
ربنا يوفقك :)
هانى خيري
15-07-2008, 05:10 PM
: أولا المعاهد الفنية الصناعية سنتين بتقبل دبلومات الصنايع بمجموع معين والثانوية العامة بأي مجموع , وهى فعلا مؤهلة لكليات الهندسة بشرط حد أدنى جيد جدا(75%) ..وبيكون ليها تنسيق لدخول كليات الهندسة زي تنسيق الثانوية العامة والتنسيق بيكون أقل وبالنسبة للدراسة في المعهد نفسه الدراسة عادية جدا وعايزة بس مذاكرة ومجهود وبصفة عامة هى أسهل بكتير من الثانوية العامة ومافهاش أى تعقيدات
ده كلام أصحابي في الكلية ..كانت مجاميعهم في ال ث.ع تعبانة جدا وبصراحة مستواهم عادي ... دخلوا معهد سنتين وجابوا امتيازات ودخلوا هندسة (أرزاق) والمعاهد برضه فيها دروس وكده .
الخلاصة : المعهد سنتين تدخل منه هندسة بمجموع " مش لازم يعني المطرية..أي معهد"
mR . mOstafa Fathi
16-07-2008, 09:03 PM
ايوة
بتقدير وبتكمل بعدها
ليا ناس قرايبى عملو كدا كتير
وربنا يوفقك
shimagad_91
17-09-2008, 11:21 AM
بص انا كل اللى اعرفه عن الموضوع ده انه زى ما انت بتقول كده بالضبط وزيادة على اللى انت قولته انه مش بتحول منه على هندسة بس لا بتحول منه كمان على فنون جميلة اوفنون تطبيقية او تربية نوعية وعلى فكرة انا روحت المعهد وسألت هناك بنفسى وطلع الكلام ده مضبوط ده غير ان انا اعرف ناس فعلا عملوا كده ودلوقتى فى هندسة واعرف كمان فى تربية نوعية ولو عايز تستفسر على اى حاجة عن الموضوع ده قوللى ممكن افيدك
ma7moud_mada
18-09-2008, 05:29 AM
بص ياسيدى انا هقولك على كل حاجة اولا المعهد ده واخد من ثانوية عامة السنة دى من 71 تقريبا ده فنى صناعى غير فنى تجارى ولازم تبقى علمى رياضة واللى بيقولك هندسة من 75 فى الميه ده غلط الهندسة من 87 وانت طالع لحد 93 وكسر طبعا 93 بترول وتعدين بس علشان تجيب كلية الهندسة لازم تشد حيلك وماتخافش المعهد سهل جدا جدا بس انت لازم تكون حاطط هدف قدامك وربنا يوفقك ولو عوزت اى حاجة انا تحت امرك وعلى فكرة انا فى المعهد ده لو عوزت اى استفسار انا تحت امرك
محمد.فوكس
18-09-2008, 05:38 AM
لو سمحت هو اللي مكتبهوش في الرغبات مش من حقه يدخله؟؟؟؟؟
ma7moud_mada
18-09-2008, 05:45 AM
ممكن تحول ياباشا من الكلية اللى جاتلك ليه بتعمل بيان حالة وبتحول عادى بس لازم تسال الكلية الاول وهو عموما المعهد الدراسة فيه بعد العيد ولو عوزت اى حاجة اكتب اميلك وهفهمك اللى انت عاوزه