مشاهدة النسخة كاملة : انا فى مشكلة .........أعمل ايه ؟؟؟؟؟؟؟؟
pureheart 15-07-2008, 08:15 PM السلام عليكم و رحمة الله و بركاتة
انا جبت النتيجة و المجموع كويس 94.6
المشكلة ان انا متاكدة ان انا مظلومة فى درجة على الاقل فى الرياضة و عايزة اعمل تظلم و عايز اعرف اية الاجراءات اللى لازم اعملها و طبعاً انتو عارفين ان درجة فى الثانوية العامة تفرق
و شكراً
انا مش عاوز اكون الرزل اللى بيغلس بس انا ماشوفتش اى حد راح يعمل تظلم ويكشف وخد حاجه
وبرضه ده رايي الخاص القرار فى الاخر يرجعلك
على فكره انا جبت زيك بالظبط بس بالمستوى الرفيع
pureheart 15-07-2008, 08:26 PM انا مش عاوز اكون الرزل اللى بيغلس بس انا ماشوفتش اى حد راح يعمل تظلم ويكشف وخد حاجه
وبرضه ده رايي الخاص القرار فى الاخر يرجعلك
على فكره انا جبت زيك بالظبط بس بالمستوى الرفيع
مش غلاسة ولا حاجة انت بتقول اللى انت شوفتوا
بس انا فى تانية مش تالتة
ومبروك
♥έĻ-мΰšŧâρèdâ♥ 15-07-2008, 08:42 PM اومال انا اعمل ايه اللى كيمياء دمرتنى خالص وناقصة فيها 6.30 لوحدها والباقى الحمد لله تمام
والرياضة جبت فيها 50 تمام والباقى درجة واحدة فى كل ماده بس وحش وحش وحش وحش وحش وحش
لو هتعملى تظلم اعملى وانا ناوية وبشاور عقلى على تظلم بالكيمياء
pureheart 15-07-2008, 08:48 PM اومال انا اعمل ايه اللى كيمياء دمرتنى خالص وناقصة فيها 6.30 لوحدها والباقى الحمد لله تمام
والرياضة جبت فيها 50 تمام والباقى درجة واحدة فى كل ماده بس وحش وحش وحش وحش وحش وحش
لو هتعملى تظلم اعملى وانا ناوية وبشاور عقلى على تظلم بالكيمياء
شكراً على مروريك
و لو انتى شايفة ان انتى مظلومة بجد يبقى لازم تعملى تظلم وتاخدى حقك
Sharp Nails 15-07-2008, 09:49 PM عاوزة تعملى تظلم فى درجة
يابنتى احمدى ربنا انك درجة
وبعدين انتى مش عارفة اية التظلم دة ؟
هتروحى تدفعى دم قلبك
ويقولولك عاوزة تظلم انهى مادة تقولوا الزفت
يروحوا مصورين ليكى المرايا
الى هى الصفحة الى بتكتبى فيها اسمك ورقم جلوسك
فى كراسة الاجابة بيصوروها مش بيجبوها
ولو كان الجمع غلط فى الحالة دية بتتصحح
اما لو كان المصحح عاملك حاجة غلط وهى صح
انسى انها ترجعلك
الدرة المكنونة 15-07-2008, 10:04 PM السلام عليكم ورحمة الله وبركاته
اولا الف مبروك لكل اللى نجحوا ويا رب كل واحد يدخل الكليه اللى بيتمناها
اختى اللى زعلانه علشان درجه احمدى ربنا انت بسم الله مشاء الله مجموعك جميل ربنا يكرمك ويزيدك
التظلم مش هيفيدك فى حاجه وبعدين انت احسن من غيرك كتير وكمان يا ستى انت لسه فى تانيه يعنى قدامك فرصه تجيبى المجموع اللى كان نفسك فيه
fethaghors 15-07-2008, 11:34 PM اعملى التظلم مش هتخسر حاجه
أنا كنت 403.5 وكليتى كانت من 401 وعملت تظلم فى الانجليزى بقيت 24 بدل 23.5
بقيت 404
يعنى الموضوع كله ملوش لزمه بس الواحد يمن انه مظلم وانه واد حقه وخلاص
dr.saeed 16-07-2008, 02:10 AM اعملى طبعا
دى نصيحتى ليكى
وربنا يوفقك
النص درجة هاتفرق
بأذن الله
LuV2Be_Hero 16-07-2008, 02:15 AM السلام عليكم ورحمة الله وبركاته
اولا الف مبروك لكل اللى نجحوا ويا رب كل واحد يدخل الكليه اللى بيتمناها
اختى اللى زعلانه علشان درجه احمدى ربنا انت بسم الله مشاء الله مجموعك جميل ربنا يكرمك ويزيدك
التظلم مش هيفيدك فى حاجه وبعدين انت احسن من غيرك كتير وكمان يا ستى انت لسه فى تانيه يعنى قدامك فرصه تجيبى المجموع اللى كان نفسك فيه
على فكرة انتا كلامك صح وانا بنصحك انك متعمليش تظلم ... لأنك مش هتستفيدى حاجة ..
وألف مبروك عقبال 3 ثانوى
MohammeD el_SadaT 16-07-2008, 02:59 AM الساكت عن الحق شيطان أخرس
بدام شايفه إن ليكى حق يبقى حرام تسبيه
الدرجه هتفغرق معاكى كتير
بدل ما تبعدى عن اهلك ممكن تكونى قريبه
من كليه لكليه تانيه خالص
و
الحق أحق أن يتبع
توكلى على الله وإمشى فى الإجراءات من الآن
وعلى فكره فى ظل الظروف اللى إحنا فيها أكيد التظلم هيختلف عن كل سنه وهيحاولو يرضو الطلبه
ده مجرد رأى شخصى
Sharp Nails 16-07-2008, 03:02 AM روحى اعملى تظلم
لو جاتلك درجة واحدة
ابقى قوليلى واروح اعمل تظلم انا كمان
على ال12 درجة الى طاروا منى
يابنتى فى يوم هناخد فيه حقنا
دية بلد ظالمة
ملهاش فالحق
pureheart 16-07-2008, 03:49 AM شكراً على مروركوا جميعاً
السادات انا رأيى هو نفس رأيك و صاحب الحق ميضيعوش ابداً
ملك اليمن انتى شكلك متضايقة اوى و لو عملت تظلم ونفع حقولكوا
reham H 16-07-2008, 09:09 AM انا برضك ننزلت اوى فى الكيميا حسب الله ونعم الوكيل وفعلا فكرت فى التظلم بس مش عارفة ايه اللى هيحصل يا جماعة لو حد عنده نموذج اجابة الكيميا ياريت يجيبه
eng_aya 16-07-2008, 10:57 AM يا جماعه انا قررت اعمل تظلم بس عيزه اعرف هو بكلم وامتى وفين ياريت حد يفدني ارجوكم
فانتاستيك 16-07-2008, 11:06 AM السلام عليكم
انا والله العظيم مظلومة ف درجتين
واحده ف الرياضه..لان انا معنديش ولا غلطه ف الرياضه
وونصص ف العربي و نص ف الكيميا
بس الحمدلله انا جبت 98%رغم عن حقد المصحح المفترى
وربنا معانا كلنا
نصيحتى ليكى
متعمليش تصحيح..
كملى طريقك واحمدى ربنا انك ف تانيه يعنى تقدرى تعوضي ف تالته ان شاء الله
..Just Stop 16-07-2008, 11:20 AM اولا مبروك لكل اللى نجح
ثانيا المفروض انك تعملى اللى عليك
ومش هتخسرى حاجة
مش مهم الفلوس اساسا
بس ممكن ربنا يكرمك ويطلعلك درجة واللا حاجة
امال انا اعمل ايه
انا فى الازهر وكشفت على الكيمياء ونا براجع لقيت خمس درجات
ونا عارف ومتاكد انى مش هاخدهم
بس عملت اللى عليا
وربنا يكرمنا جميعا
يعنى اللى انا بقوله انك تعملى اللى عليكى
وفى الاول وفى الاخر محدش بياخد اكتر من نصيبه
ودمتم
eng_aya 16-07-2008, 11:28 AM شكرا جدا على كل اللي نصحني بس فعلا انا هعمل اللي عليه وهروح اعمل التظلم بس مش عرفه ايه الاجرائات وفين اصلا
pureheart 16-07-2008, 05:21 PM شكراً على مروركوا
بصى يا tota 1 انا سائلت على الاجراءات اللى لازم تتعمل و هى :
1_ تعرفى الكنترول اللى كان بيتصحح فيه الورق بتاعك (لو مش عارفة روحى المدرسة و سائلى )
2- حتدفعى 100 جنية على كل ورقة عايزة تشوفيها عشان هما بيصوروا الورقة الاصلية و بيجبوليك الصورة
3- بعدم ماتدفعى 100 جنية تروحى الكنترول و تقدمى التظلم و هما هناك حيقول لكى المعاد اللى تاجى فيه عشان تشوفى الورقة
4- لو فيه درجة مش مجموعة او سؤال مش متصحح حيدوكى الدرجة اما لو سؤال محلول صح و اللى صحح شايف انه غلط مش حاتخدى حاجة
5- لو ادولك درجة حتخدى فلوسك اما لو لا مش حتخدى الفلوس
dr.fanakat 16-07-2008, 05:48 PM على فكره يا جماعه ربنا بحبنا نسعى
(اسعى يا عبد وانا اسعى معاك)
بس بصراحه فى حاجه زى دى انا لو مكانك استخسر الفلوس
علشان انا عارف انى مش هاخد حاجه
خصوصا انك فى تانيه وقدامك فرصه تانيه
لو مش عاجبك كلامى ارميه عرض الحائط
molhm 16-07-2008, 05:51 PM الغريب ان تصحيح الرياضة خصوصا كان فيه تساهل كبيييييييير جدا..مش فاهم أزاى اتظلمتي ..
أساسا لو أى امتحان رياضة ..لو اتعلم بالحرف ...هتنزل و لو حالل صح..علشان ..الخطوات مثلا .و حاجات فنية بسيطة..
عموما مش خسارة ..ال 100 جنيه جربي..!
Sharp Nails 16-07-2008, 05:59 PM طيب انا هقولك على حاجة علشان متوجعيش قلبك عالفاضى
واحد اعرفه شاطر جداااااا اوكى والكل كان متوقعله درجة تحفة جدااا
وكل درجاته حلوة اوى
بس الكيميا شالها جايب فيها 15
ولما عمل تظلم لقى انه المفروض يجيب فالكيميا 49
قالولوا مينفعش نغير تصحيح مدرس
كدة انت بتشكك فى تصحيحه وهتعملنا مشاكل
والجمهورية كلها هتشكك فى تصحيح ورقها
ومخدش حاجة .................
احمدى ربنا انها جت على درجة
قولى الحمد لله انك مش كنتى زى الولد دة
يابنتى قولى حسبى اله ونعم الوكيل
وان شاء الله اجرك مش هيضع
انا كمان ناس كتير قالولى اعملى تظلم
بس انا مش عاوزة الدرجات دية فى داهية
يبلوها ويشربوا ميتها
وان شاء الله هخد حقى من حبابى عنيهم يوم القيامة
انا بقى عاوزاها فى اليوم دة
ومش مسمحاهم ابدا
Travel 16-07-2008, 07:09 PM السلام عليكم و رحمة الله و بركاتة
انا جبت النتيجة و المجموع كويس 94.6
المشكلة ان انا متاكدة ان انا مظلومة فى درجة على الاقل فى الرياضة و عايزة اعمل تظلم و عايز اعرف اية الاجراءات اللى لازم اعملها و طبعاً انتو عارفين ان درجة فى الثانوية العامة تفرق
و شكراً
انا رايحة برضه اعمل تظلم بس فى الفيزيا
لانى على امل ان ربنا يقف معايا واخد حقى اللى ضاع
انا عملت السنة اللى فاتت وخد درجة فى الانجلش(وانتى عارفة بقى يعنى ايه حاجة تطلع منهم ومابالك بقى بدرجة):D:D
على العموم
كل اللى بيحصل انك بتروحى لادارة الامتحانات تملى ورقة هناك اسمك ورقم التليفون ورقم جلوسك وبياتاتك كلها
ولازم ولى الامر يكون معاكى علشان البطاقة بتاعته (باباكى او مامتك)
وهتروحى بنك مش فاكرة اسمه هتدفعى 100 جنيه وهيدوكى ايصال
بس برضه مش فاكرة اذا كنتى هتروحى تانى للادارة ولا لأ
المهم هيدوكى معاد تروحى فيه
ولما تروحى علشان تشوفى ورقتك
هتلاقى ورقة الامتحان بتاعتك بس متصورة (الاجابة بتاعتك يعنى)
بتعدى الاول الدرجات اللى محطوطة فى الورقة من برة
وبعدين تبداى بقى تشوفى ايه اللى جوا الورقة (اتفرجى على الحلو كله ):D
وبيكون معاكى ورقة منهم تكتبى فيها الشكوى بتاعتك
وبعد ما تخلصى
تبداى تتابعى فى التليفون ايه النظام
عملوا حاجة ولا لا
انا عملت خلاص تظلم فى الفيزيا
وادعيلى اوى بجد
انا محتاجة الدعاء اوى اوى:(:(
وربنا يكرمك ويكرمنى ويكرم الطلبة كلهم
بس خلى بالك
لو سؤال مشطوب بيتصحح
لو مجموع الدرجات اللى برة صح يبقى خلاص
اذا كنتى حاسة انك مظلومة
صلى وادعى ربنا انهم يكونوا مجمعوش حاجة بس
وربنا يكرم
وابقى طمنينى
معلش انا رغاية اوى:D
|