الفرانكو-آراب

salam 3licom wa rahma allah
hatkalem enharda 3an mawdo3 benarvzny
wa how alzahera beta3et alfranko arab!!

حقيقى بحس انى طفله لسه بتتعلم القراءه
بحس انى بقرأ حرف حرف
وبفتكر دايما مشهد مسرحيه لمارى منيب بتقول " انتى جايه إشتغلى ايه ؟؟


انا بجد نفسى اعرف تفسير لاستخدام الحروف الانجليزى فى الكلام باللغه العربيه
طبعا مش بتكلم عن الناس اللى جهازهم مش بيكتب عربى ومضطرين لاستخدام الحروف الانجليزى
انما اللى بينرفزنى الناس اللى عندها عربى وبرضو بتتكلم كده!
ولما اطلب انها تكتب بحروف عربى لسهولة القراءه يكون الرد
asli met3aweda akteb english
!!
طب اتعودتى ازاى؟
اكيد متولدتيش بتكتبى انجليزي بسرعه!



هل هو نوع من الفزلكه؟
ولا نوع من الكسوف من الحروف العربى؟؟
ولا ايه بالظبط
روشنه يعنى؟
بجد عايزه اعرف تفسير الظاهره دي


عمرى ما شوفت واحد انجليزي بيكتب بحروف عربى ولا هندى ولا صيني
كل لغه ليها حروفها
هتتكلم عربى يبقى حروف عربى
هتتكلم انجليزي يبقى حروف انجليزي
لكن متعملش لغه ولا هى عربى ولا هي انجليزي!!!


!!

طيب انا بعد ده كله برضه لسه بسال ليه
فى رعايه الله

والله انا معاكى
بحس انى وانا بقرا الفرانكو انى بفك شفرات
بس بيبقى فيه اوقات لازم نكتب فرانكو مثلا لما نخش نلعب جيمز او اى حاجه زى كدا
علشان مش بيبقى فيه عربى
لكن فى الشات زى الياهو او المسنجر المفروض العربى عربى والانجليش انجليش
وشكرا ليكى على موضوعك
وفى الاخر دى حرية للى عايز يكتب فرانكو او عربى

أنا مش بحبها بس ببقى حيانا بيبقى لازم اكتب بيها

انا على فكره برضه الموضوع ده بيضايقنى جدا لانى على ما بفهم الكلمه بنسى اللى كانت قبلها
يا ريت بجد الناس يا تكتب عربى يا تكتب انجليزى
مش تعملوا نفسكوا كووووووووووووووول واحنا جهله

malo el3arabi zay elfol

سورى ياجماعة حتة رخامة بس انا مبحبش الكتابة دى اصلا بتخنق بحس انى ساقط كيجى وان

على فكرة انا بردوا زيكوا كدا

بس انا ساعات بستخدمها ونا بلعب جيمز مع اصحابى أو كدا

بس فى ناس كتير بتستخدمها فزلكة أو روشنة

ya 3m wallahe de gamela ...ana bt5n2 w ana bktb 3rbi

w de 7oria sha5sia w thanks 3la elmodow3