السلام عليكم اساتذتي الكرام

مطلوب مساعدتكم ضروري وبشكل عاجل

قريب لي عنده بنت بالصف الاول الثانوي طلب منى ان اساعدها واقويها فى اللغة الانجليزية لان الفتاة لاتفقه اي شيء فى اللغة الانجليزية فهي لاتعرف فقط غير بعض الحروف اما باق المواد فهي جيدة فيها..انا عندي استعداد لمساعدتها ولكن كيف ابدأ معها؟ اريد منكم اعطائي ما هي الاساسيات التى اعطيها لها لتكون جيدة بهذه اللغة؟ اريد من خلال شهور قليلة ان شاء الله اجعل منها فتاة جيدة فى اللغة الانجليزية..انا بدات معها بتدريسها كتابة ونطق الحروف فما هي المراحل التالية؟؟

لو واحد منكم عنده مذكرة او مواقع مخصصة لذلك فياريت ميبخلش علية

جزاكم الله كل خير

اولى ثانوى ومتعرفش غير الحروف !!!

معاك ربنا يا حاج بس عموما نصيحتى من البداية شوف البنت دى اصلا مخها نضيف ولا لا عشان لو مش ذكية ومعندهاش استعداد للتعلم يبقى هتتعب نفسك ع الفاضى دى نقطة

تانى نقطة مبدئيا كده اوعى تعتقد انك هتقدر تدخلها الامتحان السنة دى وهى كويسة ولا حتى ربع كويسة عشان الوقت مش هيسمح لك

تالت حاجة اديها كلمات لحد ما تنفجر معاك عشان ده اساس الانجليزى وابدأ من تحت يعنى اديها اساسيات القواعد زى مضارع بسيط وماضى بسيط ومستمر وتام وverb to be وخلافه وادوات استفهام وشهور سنة وايام اسبوع وكله كله يعنى حاول تلملها منهج الابتدائى كاملا قبل ما تفكر حتى تدخل فى الاعدادى عشان تجيب معاك نتيجة

خلى بالك ان منهج اولى ثانوى صعب بالنسبالها فأبعد عنه دلوقتى خالص وربنا يعينك عشان بصراحة لو البنت دى جابت نتيجة هتحس بفرحة عارمة من جواك

بالنسبة للى يساعدك فانت تروح تجيبلك كتب خارجية من المنهج القديم بتاع الابتدائى لرابعة وخامسة وسادسة وتجيب bit by bit للتلات صفوف الاعدادية ونظم وقتك وقبل ما تبدا معاها بكل حصة حدد انت ناوى تشرحلها ايه عشان النظام هيريحك بس فى الاول شوف زى ما قلتلك فى اول كلامى
وكان الله فى العون يا ريس

شكرا ليك يامستر..عموما ان قولتولهم ماليش دعوة بالمنهج الثانوي..واني حديها منهج ابتدائي....شكرا على افكارك...وانا متابع الموضوع