انا مدرس حاسب آلى فى مدرسة كمال الداخلى مهنى الابتدائية بقرية شطورة مركز طهطا محافظة سوهاج ، معى 2 مدرسين حاسب آلى آخرين ، المدير بتاعنا شوية خواف ومخلين الحيطة المايلة بتاعته ، المدرسين الاخرين بتوع الحاسب واحدة ابوها واصل فى الادارة وخايف من شكاويه وعشان يتقى شره سايب ابنته ومش بيكلفها بشغل ، والمدرس الثانى واخد بنت وكيل الادارة وعشان حماه طبعا خايف منه وبيسايسه عشان يتقى شره ، ومش فاضل غيرى اى شغل للاخحصاء يكلفنى بيه ، وأى شغل وورد يكلفنى بيه ، وشغل الكنترول نصف العام وآخر العام يكلفنى بيه ، مع انى جدول حصصى زى زييهم ، ارجو من المسئولين الرد والافادة ، ولسيادتكم جزيل الشكر ، وتفضلوا بقبول فائق الاحترام .

بصراحه المشكله مش في المدير المشكله فيك انت انك فابل الظلم انا مدرسة حاسب وشغل الاحصاء ليه بتوع الاوساط والحكومه الالكترونيه اى مدرس يعملها وشغل الكنترول بتاع الكنترول اللى يعمله احنا مابنمدش ايدينا في الحاجات دى وش اعلى ما في خيله يركبه محدش يقدر يجبرك بسيطه روح اعمل رسم قلب بره وقوله الدكتور قالى عضلة القلب ضعيفة ومش هاقدر اقعد على الكمبيوتر ده لو انت خايف غضبة اما لو مش خايف اعمل زينا قله احنا قانونى ملناش الشغل ده وركز على قانونى دى لانها بتخوفهم اوى والحقها بكلمة هشتكى لوكيل الوزارة او النيابه الادارية انك بتتدينى شغل مش شغلى وترهقتى وتجبرنى عليه مما يعطل سير شرحى للطلاب

اوعى ترضى بالظلم ومحدش ليه عندك حاجة كل اللى يقدر المدير يعمله يقول انه مش عاوزك وتتنقل مدرسة تانية ربنا معاك

ارفض واشتكي وقسم الشغل بينكم

استاذى الفاضل :
اولا - مدرس الحاسب وبناءا على تعليمات الكمبيوتر التعليمى لا يسند اليه اعمال ادارية
ثانيا - القرار99 بتاريخ 8 / 6 / 2002 الخاص بتشكيل وحدة المعلومات واحصاء رقم 2 المدير + احد الوكلاء +احد العاملين بالمدرسة ممن يجيدون استخدام الحاسب من غير العاملين بالتدريس " شغل حضرتك فى الاحصاء مخالف للقرار "