يا ريت يا جماعه اللي يعرف حاجه عن الافضل في كليات الطب يقول

يعني كل واحد يرتب الاربع كليات (طب وصيدله واسنان وعلاج طبيعي )
ويبين السبب

يعني هو الطب اولا لكن اللي بعده صيدله ام اسنان ام علاج طبيعي


ولو يعرف اي معلومات عن اي حاجه فيهم يقول

لاني اعرف ناس بتزيد عن مجموع الطب وبتدخل صيدله

هو المفروض إنك تشوف الكلية اللي تقدر تتميز فيها ، وكل كليات القمة ممتازة جدا أكيد بس المهم إن كل وحد يختار الأنسب له والكلية اللي بيحبها

و الله هى الحكايه على حسب الميول
يعنى لو مش بتطيق الكيميا زى حلاتى يبقى اوعى تهوب على صيدله
وهى على العموم الحكايه كلها
انت عايز ايه
وربنا يوفقك لما تحبه
فى رعايه الله

بص بقي نصيحة اخوية مني ليك

طب اوعى تقربلها .. دراسة زي الزفت وحاجة قرف .. وانا كل اما بخش في قسم من اقسام المنتدي هنا لازم الاقي السؤال دا

فاصراحة انا تعبت من الدش كل مرة .. يا جماااااااااعة طب حرام على الواحد يخشها بجد

عد 12 سنة من تاريخ دخولك ليها عشان تبقي دكتور عليك القيمة !!

الصيدلة كلية حيوية .. بس ذات طابع تجاري شوية .. يعني لو انتا دماغك شغالة في التجارة كويس وحرك كدا وعايش الحياة يبقي خشها

اسنان كويسه .. بس هل مجوعك هايجيبها ؟!

علاج طبيعي كلية مش واخده حقها في الشهرة لكن بأمانه كلية الواحد يشهد ليها بمستقبل كويس

وفي نهاية الامر .. اهوائك وميولك هيا اللي بتدفعك نحو التقدم لكلية معينة

زيها زي مانتا اختارت كدا في اولي ثانوي تخش علمي ولا ادبي ..

عايز ردود اكثر

ايه توارد الخواطر ده

انا عامله موضوع بنفس المعنى

وبعدين مش حضرتك كنت عايز طب من زمان

بس بصراحه اخويا فى طب هو الى بيقولى متدخليهاش

عشان غير انها صعبه بيبقوا كتير و100 واحد بيقوفوا ادام العينه

والله يا جوليت انا احترت جداااااااااااااا

وما اعرف اعمل ايه

خلااااااااص دماغي هتطير

والله يا جوليت انا احترت جداااااااااااااا

وما اعرف اعمل ايه

خلااااااااص دماغي هتطير

حضرتك كده اقعد مع نفسك وفكر انت عايز تشتغل ايه بعد ما تخلص وايه اكتر كليه فرصها اكتر وياريت متتاثرش بكلام الوالد والوالده عشان اكييد هما مش ساكتين وبقوللك طب بس والله اخويا فيها وبيقولى اوعى تيجى وهتندمى احسن حاجه تصلى صلاه استخاره وتشوف بعد كده انت مرتاح وحابب تبقى ايه

أولاً أنا دكتور غريب جلال والد نورا صاحبة الحساب فى هذا المنتدى...نورا دخلت علاج طبيعى خاص فى جامعة مصر للعلوم والتكنولوجيا فى مدينة السادس من أكتوبر هذا العام
وطالما إنى طبيب فأكيد هناك أسباب جيدة لاختيارى أنا ونورا لكلية العلاج الطبيعى خصوصاً وإن نورا جابت السنة اللى فاتت خمسة وتسعين واتنين من عشرة فى المائة وكان ممكن تدخل طب خاص أو حتى صيدلة أو أسنان خاص
أولاً الطب دراستة طويلة ومزعجة جداً..والأعداد كبيرة جداً والإستفادة ضعيفة جداً..وحرام خصوصا للبنات ضياع سبع سنوات من العمر..وفى الاخر...لا شىء..وتابعوا المشاكل اللى حاصلة على صفحات الجرايد ومطالبة الأطباء بزيادة المرتبات..طبعا بالنسبة للعيادة الخاصة ..اللى فتح خلاص فتح..المشكلة إن مافيش حد حايلاقى عيادة يفتحها إلا فى الريف وبصعوبة؟؟حال الأطباء صعبة جداً..فمابالكم بعد سنوات..
وبالنسبة لطب الأسنان..مين بقى اللى ممكن يتحمل الدراسة الطويلة وغلطة طبيب الأسنان برضة بتبقى خطيرة وبتنتهى فى المحكمة وكذلك مافيش عيادات..يعنى مافيش إلا الشغل فى المستوصفات وهناك التعقيم سيىء جداً..يعنى حايكون لك ضحايا مصابين بالفيروس الكبدى سى وممكن إنت تكون واحد منهم بأنك بتتعامل مع الدم دائماً كطبيب أسنان
تأنى الصيدلة..وهى الأسوأ على الإطلاق..فأقل بنت معاها دبلوم تجارة وشغالة فى صيدلية بتعمل إللى بيعمله الصيدلى وأحسن وعندها خبرة ..وبعدين الصيدلى لا بيحضر أدوية ولا حاجة هو يادوبك بيمد إيده على الرف وبيجيب العلاج..زى العامل فى أى سوبرماركت..دا غير بقى التعامل مع المدمنين اللى داخلين خارجين من الصيدلية وعايزين أدوية مخدرة بالذوق وبالعافية..ومشاكل أخرى لأن الصيدلى بيشتغل فى الشارع.. ..إلا أنه بس لو فتح صيدلية لازم يفضل قاعد فى الصيدلية طول النهار وإلا حايتسرق..و لازم أقول إن نقيب الصيادلة د/زكريا جاد قام بإصدار نداء قبل المرحلة الأولى للتنسيق يحذر فيه الطلبة من التقدم لكليات الصيدلة لأن الأعداد كبيرة جداً وهناك بطالة بين الصيادلة..وأنا شخصياً عندى فى المستشفى الحكومى اللى باشتغل فيها اتناشر صيدلانية إناث..وكلهن غير متزوجات ولا حتى مخطوبات ولا عندهم أمل..وبيقوموا بعمل ممكن تقوم بيه ممرضة..إذ أنهم بيوزعوا العلاج على المرضى فىالعيادة الخارجية للمستشفى..
أما لماذا دخلت نورا كلية العلاج الطبيعى ولماذا اخترت لها هذه الكلية فلهذا حديث اخر وإلى لقاء قريب

برأيى..

لا يوجد ما يسمى بكلية قمة او كلية قاع !!

كل فرد يستطيع أن يحدد في أى المجالات سيبرع

بالتوفيق ..