محتارة اوى [الأرشيف] - بوابة الثانوية العامة المصرية

مشتاقة لربى

16-07-2008, 09:16 PM

يا جماعة
حد يساعدنى
انا حاليا رايحة 3 ثانوى و الحمد لله جبت مجموع عالى اوووووووووووووى بجد فى تانية
ومحتارة اخد علم نفس ولا اقتصاد و احصا
كل الناس قالتلى علم نفس بس انا بكره الحفظ عما و نفسى اخد اقتصاد و احصاء خاصة انى جايبة 50 فى الريياضة رغم انها كانت مليانة
و سألت استاذ الرياضة قالى خدى اقتصاد و احصاء لانى همشى فيها و بعرف افكر كويس
ارجوكم ساعدونى اختار ازاى
وانا امى قالتلى اخد اللى مريحنى وانا مرتاحة اوى لاقتصاد و احصا لانى عندى السنة الجيه فيزيا و كيميا و بالمرة احصا علشان يبقى كله تفكير و مسائل و مش هيبقى عندى وقت لعلم النفس

Dr.diamond

16-07-2008, 09:38 PM

اسمعى الكلام وخدى علم نفس انا كنت شاطره فى الرياضه ومقفلاها ونقصت 1.5 فى الاحصاء عشان الامتحان كان صعب والوقت 1.5 بس انما علم النفس جه ميه والناس كلها مقفلاه وحتى لو جه صعب هتكتبى اى حاجه وتاخدى عليها الدرجه

فرح &&

16-07-2008, 09:43 PM

شوفي اننا كنت ادبي فلسفة واقتصاد

القرار الوحيد اللي ندمت عليه اني اخدت اقتصاد واحصاء

بجد والله

لان امتحان الفلسفة وعلم النفس كانوا سهلين والاحصا كانت نااااااااار اكيد انتي سمعتي هو الاقتصاد كويس المشكلة في الاحصا
انا رايى تخدي علم نفس بيقولوا انه سهل جدا

بس اولا واخيرا القرار يرجعلك

lamis11

16-07-2008, 09:51 PM

أنا عن نفسي بصراحة يعني..........أفضل إنك تدخلي إقتصاد وإحصاء لإن علم نفس محتاج لدماغ رايقة وحفظ كتييييييييييييييييييييييير ومادام إنتي فاقدة الأمل في علم نفس يبقى متتعبيش نفسك في التفكير عالفاضي ووفري وقتك وممكن تدربي نفسك أوي في الإقتصاد والإحصا علشان تبقي بروفيشنل فيها وتدخلي حطة رجل على رجل وصلي ركعتي قضاء الحاجة وأنت تريد وأنا أريد والله يفعل مايريد....

فتاة الاسلام

16-07-2008, 09:53 PM

اولا مبروك يا جميل على النجاح
ثانيا
اقتصاد واحصاء احنا لما كنا فى 3 ثانوى كانوا بيقولوا لنا نختار اقتصاد واحصاء لانى كنت علم رياضة
ومعروف اننا مش بنحفظ فالحفظ فى الاقتصاد والاحصاء قليل
انما علم علوم كان فى اللى بيفضل علم نفس وفى اللى بياخد اقتصاد واحصاء

لكن واضح انك اخدتى الاحياء فى تانية
وعندك كيمياء فى تالتة
والكيمياء ارحم من الاحياء بكتير
والاقتصاد واحصاء هيكونوا مناسبين ليكى
لان فيهم تفكير

وانا درست اقتصاد واحصاء وهما سهلين جدا
انا الاحصاء بدات فيها فى التيرم التانى

انتى توكلى على ربنا واللى انتى مرتاحة له ادرسية لانك انتى اللى هتدرسى
وربنا يوفقك فى اللى فية الخير لكى ان شاء الله:)

shimagad_91

16-07-2008, 09:58 PM

انا كنت علمى رياضة وخدت علم نفس وانا بكره الحفظ جدا بس علم النفس للفهم مش للحفظ ولو مفهمتهوش كويس مش هاتمشى فيه والاقتصاد والاحصاء مشكلته فى الاقتصاد مش فى الاحصاء وعلى العموم اعملى اللى انتى شايفاه مناسب ليكى وانا كل الناس كانت معارضانى فى الموضوع ده بس صليت استخارة وقررت علم نفس ومتسأليش مدرس رياضة ولا مدرس علم نفس لان كل مدرس هايبقى منحاز لمادته وصلى اسنخارة وشوفى انت مرتاحة لايه ارجو ان اكون افدتك وسورى عشان طولت عليكى وعلى انا جبت50 مع ان كان عندى نص يوم بس عليه

KHALOOOD

16-07-2008, 10:01 PM

اوعى يابنى انت وهو
خالد وصل وهيقول كلمته :p:p
بصى ياستى
انا بصراحه كنت واخد علم نفس والحمد لله جبت 50 بسهوله جداااااااااااااااااااااااا
النظريه بقى فى انى اخترت علم النفس على الرغم برده انى بمووووت فى الرياضه
وكنت جايب فى تانيه برده 50
بصى علم النفس ماده لذيذه وواقعيه يعنى قبل ما تحفظى بتفهمى
ودا طبعااااااا جميل مش وحش
ادى نقطه
النقطه التانيه بقى
ان لا قدر الله وجالك سؤال ولا حاجه مش عرفتيه هتقدرى تكتبى فيه
اى حاجه من دماغك يعنى ماده مش بتحتاج لقوانين واثباتات
اكيد فهمتينى

تعالى بقى بالنسبه للاقتصاد والاحصى
الاقتصاد محتاج حفظ جامد ويعتبر ماده ادبيه
ثانيا الاحصى مش ساهله او قصدى قوانين وكدااااااا
يعنى مش فيها تاليف كمان بيكون اللعب فيها كتيررررررررررررر
فى طريقه السؤال وكدا

يعنى بعد اللك دا كله بقولك علم النفس احسن
اتكلى على الله وعلى ضمنتى ان شاء الله :)

CoMMaNdo

16-07-2008, 10:09 PM

بوصى
خدى علم نفس اوفلسفه
وسيبيكى خالص من الاحصاء
علشان دى الى ضيعتنى السنه دى
نقصت فيها 10 درجات
هيا الاحصاء حلوة بس الامتحان جابوه ميتحلش
بس نصيحة منى خدى فلسفه او علم نفس
وعلم النفس ذاكرناه ليلية الامتحان وجبنا 50

Dr.ahmed91

16-07-2008, 10:24 PM

فرح &&

16-07-2008, 10:34 PM

نسيت اقلك صلي استخارة

وربنا يوفقك

اخرالعنقود

16-07-2008, 10:51 PM

الف مبروك على المجموع الحلو
بصى اولا صلى صلاه الاستخاره
وانا من راى خدى علم نفس لان الدرجه فيه مضمونه يعنى ان شاء الله تجيبى 50 وانتى حطه رجل على رجل
وامتحان الاحصاء عاد بيجى صعب جدا

وربنا ييسرلك الى فيه الخير

eng_salwa

18-07-2008, 12:24 PM

مادام انتي بتفكري كويس خدي اقتصاد واحصاء لان الامتحان ماكنش صعب وماتخفيش منها اوي

basmala

18-07-2008, 07:48 PM

خدى علم نفس وانتى مغمضه عينك ..وصلى صلاه استخاره واللفى فيه الخير بقدمه ربنا

Dr.Rana

18-07-2008, 08:07 PM

د/ ماجدولين

18-07-2008, 10:11 PM

احذري

مفيش حاجة اسمها بحب ومبحبش

ما انتي بتحفظي العربي والاحياء وكمان بتفهمي

وكمان سيبك من الاحصا

الاقتصاد عايز حفظ جامد

ومش معني انك جايبة 50 رياضة واحد يبقى تمشي في الاحصاء

بجد بلاش

علم نفس اضمن وكله بيجيب ال50 ما دام مذاكر ولغتك واسلوبك حلو

اللهم قد بلفت اللهم فاشهد
هو دة رأيى
الثانوية للأسف ليست سوى سباق لجمع الدرجات
والشاطر اللى يجمع درجات اكتر
انا كنت احصاء وجبت 49
وكل زميالى بتوع علم النفس 50
طبعا الدرجة بتفرق
والاحصاء الامتحان مش كان صعب بس كان عاوز وقت اكتر
ولو اعصابك مش كانت حديد جوة اللجنة
مش كنتى هتحلى
لان المسائل فعلا اول سنة تيجى بالمنظر دة
حاجة كمان
ممكن فى مسألة فى الأحصاء تغيرى الأشارة او تعملى عملية غلط ع الألة
فتضيعى وقت
لكن الأحتمال دة قليل فى علم النفس
غير كدة اى سؤال انتى مش عارفة ممكن تألفى وربنا يكرمك
فى رعاية الله وبالتوفيق

فاشل ثانوى

19-07-2008, 05:23 AM

خدى علم نفس واضمنى ال 50 درجه
علم نفس لو مش خدتى علم نفس هتظلمى نفسك صدقنى

DR.Neuro

19-07-2008, 08:25 AM

لكن واضح انك اخدتى الاحياء فى تانية
وعندك كيمياء فى تالتة
والكيمياء ارحم من الاحياء بكتير
والاقتصاد واحصاء هيكونوا مناسبين ليكى
لان فيهم تفكير

نعم ......

مين قال ان الكيميا أرحم من الاحياء

الاحياء دى زى البلسم

الكيميا حلوة بس تقيلة أتقل من الاحياء ملون مرة

-----------------------------

أنصح حضرتك بعلم نفس مش محتاج مجهود بيتاخد فى شهرين وبيتقفل

انا نقصت 1.5 عشان خدت اقتصاد واحصا

Travel

19-07-2008, 08:44 AM

بصى
انا ملاحظة ان كل اللى دخل بيقولك خدى علم نفس او فلسفة
اظاهر ان نظرتى هتبقى مختلفة عنهم
انا كنت واخدة اقتصاد واحصاء
والامتحان مش كان صعب
هو بس كان عاوز وقت اضافى
لان الاسئلة كانت جديدة جدا
مش زى ما اتعودنا عليها
المهم
انا حابة بس اقولك حاجة
استحالة انهم يصعبوا الامتحانات مرتين ورا بعض
يعنى انا معتقدش ان امتحانات السنة الجاية هتبقى صعبة (ان شاء اله)
وهتقولى انى قلت كده
لانهم هيعملوا على تهدئة الراى العام
انصحك انك تاخدى اقتصاد واحصاء
سهلة انك تقفليها والله
هى بس كانت حظ مش اكتر
انا الاقتصاد ما زاكرتوش غير قبل الامتحان بشهر وقفلته الحمد لله
اما الاحصاء انا كنت خارجة وعارفة انى هنقص درجتين
والحمد لله

المهم
انتى صلى استخارة واسالى ربنا يهديكى للطريق الصح (اسالى مجرب)
وربنا يكرمك باذن الله

د/ ماجدولين

19-07-2008, 10:25 AM

المهم
انا حابة بس اقولك حاجة
استحالة انهم يصعبوا الامتحانات مرتين ورا بعض
يعنى انا معتقدش ان امتحانات السنة الجاية هتبقى صعبة (ان شاء اله)
وهتقولى انى قلت كده
لانهم هيعملوا على تهدئة الراى العام

معلش انا مش متفقة معاكى هنا
احنا هنا فى مصر بلد المتناقضات والتقلبات;)
مفيش حاجة هنا بتمشى بالعقل
كلة ماشى بالبركة:)
وسنتنا كانت اول السنين اللى هيحصل فيها كدة
بس مش أخرها
وع فكرة
يسرى الجمل قال انة عاوز يرجع ان الطب ياخد من 85%:confused:
ودة معناه ان سنتنا احسن من السنين اللى بعدها:eek:
ولازم كل اللى داخل ثانوى يعمل حسابو ع كدة عشان مش يندم بعدين:D:)
بالتوفيق

DR.Neuro

19-07-2008, 10:57 AM

Dr.Nobel

19-07-2008, 11:12 AM

اولا سلام عليكم
ثانيا مبروك النجاح

المهم

رأى تخشي اقتصاد واحصاء وحقيقي انا مش اقدر احكم علي علم النفس لاني مش خدتها بس هاقولك حاجة

اولا مش ينفع تقولي انا جبت في الرياضة 50 يبقي انا هاجيب 50 اقتصاد واحصاء
مينفعش تقيسي متواك في مادة بحلك اللى هتحليه في مادة تانية

لو هتاخدى اقتصاد واحصاء يبقي تاخديهم من شهر 1 علي الاكتر لان دول مواد ب 50 درجة زي الاحياء والرياضة
مينفعش اسمع كلام الناس اللي بيقولو اني اخد الاقتصاد والاحصاء في الاخر وهم 8 حصص الاحصاء واخش اجيب 50
واراهن ان حد عملها السنة دي وجاب 50

لو خدتي المواد دي بجد ومش حكاية انها سهلة والاحصاء تدوري علي كل الافكار مش امتحانات السنين اللي فاتت بس يبقي ان شاء الله تجيبي 50 مستريحة حتى لو عملو ايه في الامتحان
انا خدت الاحصاء من واحد سبتمبر(9) وكله بقي يقولي انت عبيط بس الحمد لله
جبت 49 في الاقتصاد والاحصاء
وانا عارف ان الدرجة اقتصاد

وطبعا لازم تصلي صلاة استخارة

وفاء البحر

19-07-2008, 11:21 AM

بصي يا حبيبه قلبي خدي علم نفس وان شاء الله مش هتندمي انا كنت دي واخدت المادتين وعارفه وطول السنه كنت بقول ان الاقتصاد والاحصاء اسهل من علم النفس ومش كنت بطيق علم النفس ده بس الحمد لله باقل مجهود جبت فيه50 وصاحبتي كانت رياضه وقدمها نص يوم قبل الامتحان وجابت49.5 اما بقي الاقتصاد والاحصا فانا نقصت فيه 10 درجات اللهم لا حسد:D:D وما تخديش رياضه 1 مقياس
وع العموم اعملي استخاره

وفاء البحر

19-07-2008, 11:26 AM

أنا طالبة في الصف الثاني الثانوي علمي علوم والحمد لله نجحت و جبت 91.46% و مش عارفة أتنيني في علمي علوم أو أحول رياضة أو في خيار أخر أنزل سنة و روح ثانوي سعودي و أ عيد ثانية ثانوي مرة تانية و هل لو حولت رياضة هتكون سهله أنا محتارة جدا أرجو أن أستفيد من أراء الجميع.
وشكرا

اقولك حاجه يا رنا ولا تكملي علمي علوم ولا علمي رياضه حولي ادبي
والله انا ليه واحده صاحبتي كانت جايبه في تانيه95.5 وجابت السنتين 89 في رياضه
ووحد جرنا كان جايب 98 وكمل رياضه علشان يلحق هندسه بترول جاب86
وع العموم برحتك

KeMoZzAzZ

19-07-2008, 01:08 PM

فكك من كل اللي اتقال انا كلامى ثقة D:
انا بس بهزر مع احترامى لأراء الاخرين
بصى بجد انا دخلت اقتصاد واحصاء ونقصت فيها درجة ونص وندمت علي كده
لانى لو كنت دخلت علم نفس كنت جبت 50 ,,والنص درجة تفرق في ثانوية عامة
وغير ده كله حوار انك تجيبي 50 في رياضة واحد مالوش دعوة بحاجه اسمها بحب الرياضة D:
انا عندى واحد صاحبي كان جايب 50 السنة اللي فاتت وجاب 31 السنة دي في رياضة 2
بطمنك صح ؟ D:
بجد نصيحة منى خشى علم نفس
لان اقتصاد عايز حفظ برضه ...
وانا اساسا فعلا دماغى رياضة والحمد لله بس لازم الحفظ في المواد دى ..زى الاقتصاد مثلا
وهتلاقى ايدك بتجرى لوحدها في الامتحان من سهولة الامتحان
وماتقوليش يعني اربطها بسلسلة والحجات دى D:d:

Nona 3la ToOol

20-07-2008, 06:58 PM

الف مبروووووك ياقمر على المجموع العالى
وعقبال السنة الجاية وتجيبى مجموع عاااالى برضة وتدخلى الكلية اللى انتى عايزاها باذن الله

بصى بقى ياجميل انتى ولا تحتارى ولا اى حاجة انتى تصلى استخارة وان شاء الله ربنا هيهدكى للى فية الخير
بس انا راى انك تدخلى الحاجة اللى انتى مرتحالها احسن واللى انتى حاسة انك هتمشى فيها كويس
وكمان انتى عملتى حاجة كويسة اوى انك خدى راى استاذ الرياضة لان هوة اكيد يعرف فى الاحصاء ويعرف كمان مستوى تفكيرك واكيد هوة هيقدر يحدد انتى تقدرى تمشى فيها ولا لاء
لكن على الرغم من سهولة علم النفس انتى لو دخلتة وانتى مش راضية عنة مش هتعرفى تحققى فية اى حاجة
وبعدين انا عايزة اقولك على حاجة انتى لو قررتى انك تدخلى علم نفس بليييييييييييييييييييييييييز شيلى من دماغك فكرة انة سهل دى علشان الموضوع دة ضيع ناس كتير اوووى قالوا علم النفس سهل بقى ومابقوش يدوة حقة فى المذاكرة لحد مالقوة نفسهم اتزنقوا فى اخر السنة ومابقوش عارفين يذاكروا اية ولا اية
سورى ياجميل انا طولت عليكى بس يارب اكون قدرت افيدك باى حاجة
وربنا يوفقك ياجميل ويهديكى للى فية الخير

Nona 3la ToOol

20-07-2008, 07:01 PM

sumasamy

16-09-2008, 12:38 AM

على فكرة كل اللى دخل وقال رأيه معملش حاجة الا انه زود حيرتها وحيرتى انا كمان لانى بمر بنفس المشكلة انا كمان دخلة تالتة ثانوى وجبت مجموع كبييييييييييييييير جدااااااااااااااااااااااااااا فى تانية وكملت علمى علوم وبردو محتارة مابين الاقتصاد والحصا وعلم النفس

الشفق الباكي

16-09-2008, 12:44 AM

بصى ياقمر خدى بقى بكلامى دا
راى توكلى على الله وخدى علم نفس وسيبك من الاقتصاد والفلسفه دى
بصى انا كنت اقتصاد واحصا السنادى
اه كنت جايبه 50 فى رياضه تانيه
والحمد لله جبت 47 فسزسا وكان من الممكن اجيب 50لولا التسرع بقى ماعلينا من دى
بس جيت فى الاحصا ادمرت بمعنى الكلمه جبت 42.5
بصى حفظ الاقتصاد رخم جدا
والاحصا دى مش رياضه ولا لها علاقه بالرياضه خالص وجهه نظرى يعنى
وبصراحه الاقتصاد ولاحصا ارخم من بعض
وماتقلوليش رياضه عشان انا بموووت فى الرياضه وطول مده تعاملى مع الاحصا مكنتش حاسه انى بحل رياضه ولا حاجه

aquavia

17-09-2008, 01:39 PM

لولا اختلاف الذواق لبارت السلع
الموضوع ده اثبت إن آراء الناس كتيره أوى و كمان متناقضة
يعنى مثلا ناس قالت إن الكيمياء أسهل من الحياء و ناس قالت العكس

بس الحكاية محسومة أصلا من زمان
مادام انتى ميالة للاقتصاد و الاحصاء كنت صليت صلاة استخارة و خلاص
الموضوع ده ماكنش له لازمة من الأساس لأنك أكيد احترت اكتر

أنا كنت علمى علوم و اخدت اقتصاد واحصاء
و على فكرة عمر الدرجات ماكانت مقياس لأن مستوى الامتحانات بيختلف من سنة لسنة
يعنى السنة دى 2008 الاحصاء جات صعبة لأول مرة -وآخر مرة إن شاء الله- عشان كده تلاقى درجاتها قليلة
وبس ........ معلش طولّت فى الكلام