[B][FONT=Times][SIZE=7][COLOR=blue]

:unsure:

طبعا كل واحد فينا مشى في يوم على قهوه.......أو كافيه ......مش هتفرق

وحتى لو هو مش بيخرج من البيت........اكيد سمعها فى التلفزيون الاف المرات فى المسلسلات بتاع ايام زماااااااااان

"وعندك واحد شاى وصلحه"....."وعندك اتنين شاى فى الخمسينه يا معلم"
وغيرها كتير كتير........والموضه بقى دلوقتى واللى اكيد هييجى يوم ونتكلم عليها...."وعندك حجر تفاح يا معلم واتوصى بالولعه عشان الدماغ تعلى"

اكيد كتير منكم سمع الكلام ده

المهم اننا دلوقتى مش هنتكلم عن الشاى........ولا عن الشيشه.........هنتكلم عن القهوه(او الكابوتشينو او غيرها من المشروبات اللى على الموضه....عشان بس الاجانب)

طبعا انا وانت وبابا وعمو وخالو...وتيتا اكيد بتحب تشرب قهوه
ناس تقولك دى بتصحصح وتخليك فايق كده ودماغك صاحى.....وناس تانيه تقولك بلااااااش قهوه عشان صحتك يا ابنى

والناس العاقله بقى تقولك اشرب بس ما تتقلش منها عشان ما تضركش

انا طبعا بحب القهوه موووووت......وعشان اتاكد من الكلام ده قلت لازم ادور بنفسى علي اى حاجه مؤكده
وانا بدور فى الكتب لقيت مقال عن القهوه.....وقلت لازم اكتبه عشان الناس كييفة القهوة زيي :D

بصوا معايا.......وركزوا

"القهوة يمكن ان تكون نوعا من السم اذا اسقيت لحيوانات التجارب بكميات كبيرة...كما انها يمكن ان تنتج آثارا سامة لدى الاطفال الصغار...ولكن ان يتناولها الكبار بكميات معتدله ,فليس لها تأثيرات سامة بالتأكيد.
ان لرائحة القهوه تاثيرات فى مختلف انحاء الجسم...فالاوعيه الدمويه فى الرأس تتسع بحيث انها تنشط الدورة الدمويه وهذا يؤدى الى أزالة بعض السموم الناتجة عن الارهاق فى الرأس
وتعمل القهوه على زيادة معدل النبض اى انها تنشط القلب...وتزيد من نشاط العضلات والامعاء والغدد المعديه_يعنى بتاع المعده مش اللى بتعدى_وتساعد على ازالة الملح من الدم.وقد يشتاق الانسان السليم_اللى مش مدمنها يعنى_الى شرب القهوة..خااصة بعد وجبة دسمة..ولكن(خلى بالك من الحته الجايه دى)
قد تسبب القهوة لبعض الاشخاص حرقة فى فم المعده"

خلص الموضوع يا جماعه.....وياريت ما حدش بقى يا خد الكلام الحلو اللى فى الاول ده ويروح دلوقتى يعمل شوووووب قهوة ضخم ويقول عشان انشط قلبى وابقى زى الحصان

وعشان اكون خلصت ضميرى قدام ربنا وقدامكم........وده كلام انا واخده فى الكليه ومتاكد منه......القهوه يا جماعه ممكن تؤدى الى زيادة ضربات القلب بصورة غير عاديه نتيجة مواد كيميائيه موجوده فيها........وخلو بالكوا.....زياده ضربات القلب بتعمل ........ولا بلاش اقول اكيد انتوا عارفين


استودعكم الله الذى لا تضيع عنده الودائع
وعايز كل واحد يوعدنى انه هياخد باله من نفسه....والوقاية خير من العلاج
سلاااااااااااااام

جزاك الله خيرا يا كاسبر

جزاك الله خير بس في مشكله لان انا مدمنه للقهوه بطريقه غير معقوله يعني ممكن عالاقل في اليوم 3 كوباية قهو كبيره ربنا يستر بقا بس شكرا على حرصك على صحتنا

جزاك الله خيرا

شكرا لتفاعلكم معه الموضوع
اما روز بقى فممكن اقدر اساعدك بحاجه بسيطه....طبعا مش هينفع اقولك ما تشربش قهوه تانى.....بس ممكن تعمل حاجه تانيه
يعنى ابتدى ب 2 كوباية قهوه وكوبايه شاى........وبعدين كمان فتره.....1 قهوه.....و2 شاى........وبعد كده 0 قهوه و 3 شاى.......
وده عشان الشاى مش بقوة القهوه.......بعد فتره بقى ابتدى غير الكميه بدل النوع....واهم حاجه به سيكولوجيا.....اانك تشيل من عقلك فكرة ان القهوه او الشاى مهمه اوى ليك.....عشان غالبا ده بيبقى تأثير نفسى..زى المدخنات

مشكور أخي د/ كاسبر
وأنا في أولى ثانوي
كنت أتساءل لماذا يحب الأطفال دائماً أن يكونوا دكاترة
عرفت لما طلعت تانية
المهم حضرتك قولت حكاية التدرج دي اللي وصلها العلماء بعد تجارب و أبحاث و ... و....... إلخ
طبعاً مش على القهوة بس
لكن الكثير من الناس عارضوا نفس الفكرة على أساس
إن الواحد لو قدامه كوم حلويات (من النوع الذي يعشقه) و لسه بطنه فيها مكان مش هايسيبه إلا لسبب مقنع قوي
ولأن الحياة مش باللذة دي قوي كده في مصر
فتلاقي الواحد نفسه ينتحر بطريقة أو بأخرى
غير مبال بالعواقب
مستهتر بكلام الدكاترة
بل وأحياناً يتحداهم
إلخ
فهل أجد لدى أحدكم طريقة غير الأزلية
اترك ما تريد أن تمتنع عنه فور أن تقرر ذلك

موضوع رائع يا دكتور كاسبر

ونحن في انتظار المزيد

وفعلا للقهوة اضرار طبيه....

موضوع جميل كاسبر

شكرا د/ كاسبر على النصيحة وانا الحمدلله مبشربش قهوة خالص بس مدمنة كابتشينو ونسكافيه ياترى عندك حل ليا

شكرا لمروركم جميعا
وبعدين ايه يعنى كابوتشينو ونسكافيه......محسسانى انك بتشربى لبن و حلبة.........لا طبعا تركيزات الكافيين فى المشروبين بتوعك دول تقريبا اعلى من الشاى والقهوه.........احنا مش عايزين نحرم حد من حاجه بيحبها.......أنتى بقى زى الشاطره كده تشربى كوباية واحده فى اليوم......بعد الفطار مثلا.....وكفايه على كده......مش عايزن نضر نفسنا يا سمر.......