طب اسنان ..صيدلة..علاج طبيعى..؟؟؟ [الأرشيف] - بوابة الثانوية العامة المصرية

مشاهدة النسخة كاملة : طب اسنان ..صيدلة..علاج طبيعى..؟؟؟

C A N D Y

16-07-2008, 10:53 PM

السلام عليكم و رحمة الله

دلوقتى يا جماعة الحمد لله انا جبت مجموع كويس يدخلنى اللى انا عايزاه

بس انا مش عارفة اختار اى

انا كان نفسى فى صيدلة

و بعدين سمعت انها (قديمة) و طب اسنان احلى

و من ناحية تانية معظم الناس بيقولولى طب بيطرى احلى حاجة فى علمى و ليه مستقبل كويس اكتر من صيدلة

و مع انى مش مقتنعة ببطرى بس انا شايفة ان مستقبله كويس لان لسة النهاردة واحد متخرج من بيطرى و اشتغل فى نفس الاسبوع

و بعدين علاج طبيعى انا شايفة انه جاااامد جدااا

بصراحة انا شايفة نفسى فى صيدلة او علاج طبيعى
و الناس كلها عمالة تقوللى بيطرى او اسنان

دلوقتى الناس العلمى اللى هنا
هتختارو اى و ليه؟؟؟

و يا جماعة عايزة اقول مش شرط حد جاب مجموع كويس يدخله طب سنان يبأى يستخصره فى صيدلة او بيطرى

التفكير دا غغغلللططط

المهم المستقبل و الشغل بعد الكلية

و لو حد يعرف عن تجربة يعنى ايه من دول اللى مستقبله احسن فى الشغل يا ريت ينفعنى

انا بجد خايفة كتير لان مستقبلى كله معتمد على قرار و انا خايفة اخده غلط

يا ريت حد يساعدنى

C A N D Y

17-07-2008, 12:59 AM

بجد يا جماعة يا ريت حد يرررررردددد علييياااااا

dr.fanakat

17-07-2008, 01:28 AM

انا لو مكانك هختار صيدله
خصوصا انك بنت وانا اسمع عن مثل فلاحى بيقول (البنت المؤدبه بتخش صيدله)
هههههههههه طبعا كله كلام فارغ
بس انا بصراحه شايف ان صيدله اريحلك

Dr.mayson

17-07-2008, 01:57 AM

والله انا فى نفس الحيرة اللى انتى فيها بجد ومستخصرة مجموعى فى صيدلة والكل بيقولى هتدخلى صيدلة وبعدين تطلعى بياااااااعة صراحة انا كنت بحب صيدلة مووووووووووووت وكان ليا فيها احلام كتير بس دلوقتى ميالة لطب ممش علشان انا بحبوا بس علشان هو الاعلى وده بكل صراحة

beautyblotyboy

17-07-2008, 02:03 AM

انا لو مكانك هاختار صيدلة بس انا عمري ما هكون مكانك ربنا معاكي اعملي استخارة

( لؤلؤة الإسلام )

17-07-2008, 02:12 AM

.........بصي يا ستي..
أنا أعرف إن شغل الصيادلة سهل و مريح ..بعكس أسنان : متعب و بيعمل غالبا مشاكل في الضهر و معداته مكلفة ( إلا لو كنتي هتجيبي كرسي حلاق !!!) ..و مش سهل فتح عيادة ..أما علاج طبيعي فجميلة و ليها مستقبل ..
المهم اعملي استخارة و شوفي هتستريحي لإيه ...

و 100000000000 مبروك عالمجموع الكبير !!

moaty

17-07-2008, 02:26 AM

انا جايب 98 % ومش عارف اقدم اية بردو كلهم بيقولولي اكتب طب بشري اول رغبة وانا نفسي اكمل علم كيمياءي
فياريت اللي ليه تجربة او معرفة يقولي

مجرد إنسانه

17-07-2008, 02:29 AM

صلي صلاة الاستخارة وهي الحاجة الوحيدة اللي حتفيدك
ولقد قمت بكتابة ما يتعلق بها في قسم جرس الفسحة
خدي الدعاء وشوفي طريقتها وصليها
وبإذن الله ربنا حيقدملك اللي في الخير لدينك ودنيتك

reham H

17-07-2008, 02:39 AM

C A N D Y

17-07-2008, 02:50 AM

انا لو مكانك هختار صيدله
خصوصا انك بنت وانا اسمع عن مثل فلاحى بيقول (البنت المؤدبه بتخش صيدله)
هههههههههه طبعا كله كلام فارغ
بس انا بصراحه شايف ان صيدله اريحلك

انا شايفة كدا بردو بصراحة مش مقتنعة باسنان
ميرسى لردك

والله انا فى نفس الحيرة اللى انتى فيها بجد ومستخصرة مجموعى فى صيدلة والكل بيقولى هتدخلى صيدلة وبعدين تطلعى بياااااااعة صراحة انا كنت بحب صيدلة مووووووووووووت وكان ليا فيها احلام كتير بس دلوقتى ميالة لطب ممش علشان انا بحبوا بس علشان هو الاعلى وده بكل صراحة

انا عايزة اقولك حاجة
بجد التفكير دا غلط
انا فى امل مجموعى يدخلنى طب
و مع كدا عمرى ما فكرت فيه
لانى عارفة انى مش همشى فى طب
و كتير اوى بيطردو من سنة اولى
انا كانت غلطتى انى كنت هكمل ماث
و تحت الضغط كملت احياء لان اهلى استخسرو المجموع
بجد انا لسة ندمانة انى مش هدخل الكلية اللى طول عمرى بحلم بيها
و مش هعمل الغلطة دى تانى
بجد انتى شوفى انتى عايزة تدخلى اى
المستقبل احسن من اى لقب
و بعدين اى بياعة دى
اللى بيتخرجو من صيدلة دلوقتى بتفوق بيشتغلو فى شركات ادوية
و ليهم شغل جااامد جدااا
حكاية بياعة دى مش صح
شوفى انتى بتحبى اى و كملى فيه
لانك هتنجحى فيه
دى مجرد وجهة نظر
و ميرسى لردك

انا لو مكانك هاختار صيدلة بس انا عمري ما هكون مكانك ربنا معاكي اعملي استخارة

احسن بردو انك مش هتكون مكانى
ان شاء الله تدخل هندسة
و انا فعلا هصلى استخارة
ميرسى لردك

.........بصي يا ستي..
أنا أعرف إن شغل الصيادلة سهل و مريح ..بعكس أسنان : متعب و بيعمل غالبا مشاكل في الضهر و معداته مكلفة ( إلا لو كنتي هتجيبي كرسي حلاق !!!) ..و مش سهل فتح عيادة ..أما علاج طبيعي فجميلة و ليها مستقبل ..
المهم اعملي استخارة و شوفي هتستريحي لإيه ...

و 100000000000 مبروك عالمجموع الكبير !!

الله يبارك فيكى يا قمر
هى طب اسنان بردو كويسة و مش صعبة كتير يعنى و بينى و بينك شكلى كدا هختارها تحت الضغط الزفت اللى انا فيه
بس انا لاقية نفسى فى صيدلة اكتر
و بردو علاج طبيعى داخل راسى
ان شاء الله هصلى استخارة
و ميرسى لردك

انا جايب 98 % ومش عارف اقدم اية بردو كلهم بيقولولي اكتب طب بشري اول رغبة وانا نفسي اكمل علم كيمياءي
فياريت اللي ليه تجربة او معرفة يقولي

لو شايف نفسك فى طب و شايف انك هتجتهد فيها يبأى اكيد قدم طب
بس لو مش مقتنع بالفكرة يبأى متخليش حد يأثر فى قرارك
و يا ريت تصلى استخارة
و بالتوفيق

صلي صلاة الاستخارة وهي الحاجة الوحيدة اللي حتفيدك
ولقد قمت بكتابة ما يتعلق بها في قسم جرس الفسحة
خدي الدعاء وشوفي طريقتها وصليها
وبإذن الله ربنا حيقدملك اللي في الخير لدينك ودنيتك

ان شاء الله هشوف الدعاء
و ميرسى كتييييييير

C A N D Y

17-07-2008, 02:52 AM

بصى هو انا مجربتش لانى لسة فى ثانوى بس ليا اخت فى صيدلة وتانية فى اسنان وتالتة فى علاج طبيعى
بيتهيالى مستقبل العلاج الطبيعى احسن بس اسالى عنه كتير الاول والصيدلة بيقولوا شغلها سهل بس الاسنان برضك مستقبلها بيبقى حلو طالما فى امكانك تدخلى اى حاجة منهم ومحتارة ومش مقررة اعملى استخارة

ميرسى كتير لردك
دا انتى كدا متظبتة
3 اخوات و كل اخت فى كلية
ما شاء الله
بس انا كنت عايزة اعرف صيدلة احلى ولا علاج طبيعى
لان هو دا اللى محيرنى م الاول

DR.Neuro

17-07-2008, 02:55 AM

بصى حضرتك
دة كلام طبيبة اسنان

الكلية برده ليها مميزاتها وعيوبها...واول حاجة فيها انها محتاجة قوة بدنية فعلا...بس ايام الدراسة بس....عشان تلاحقى على المذاكرة والعيادات وكده...بس ده بيكون فى سنة تالتة ورابعة بس
لكن الشغل الحقيقى بره طبعا بيكون بمواعيد مش طحن كده زى الكلية...فزيها زى اى شغل محتاج مجهود...مش سوبر اوى يعنى
وبالعكس كمان....انا شايفة انها ممتعة جدا....يعنى محتاجة فنان او حد رايق بيحب يفن ويطلع شغل حلو...ومن اهم الحاجات اللى كنا فاهمينها غلط وفهمناها صح لما دخلنا الكلية واشتغلنا عملى....ان القوة البدنية مش اهم حاجة بقدر الفهم وطريقة استخدام القوة....يعنى مش لازم يكون عندى عضلات عشان اعرف اخلع...بس لازم اعرف ازاى اتحكم فى ايدى وبقوة بسيطة جدا اقدر اخرج السنة....

واهم ميزة طبعا انها بتجيب فلوس جامد http://forum.shamsawy.net/style_emoticons/default/biggrin.gif بس برده بتصرفى فلوس كتير اثناء الدراسة..كتير كتير يعنى

وبجد الكلية دى كنت زعلانة جدا انى دخلتها عشان المجموع...لكن بعد كده لقيتها احسن من غيرها كتيير

العيوب بقى....مع انى متضايقة منها دلوقتى بس مش عارفة بجد اطلع عيب مناسب....العيوب اللى فيها موجودة فى كل كلية وكل مكان...وهى الكوسة "معلش اصل النتيجة لسة طالعة ومفقوعة منها جامد"...وفكرة ان اول سنة فى علوم ومعاملة الدكاترة ساعات بتبقى مش هى وده لحقد دفين جواهم بيقولوا اننا مش دكاترة وكده...حتى ساعات بتوع بشرى بيقولوا كده علشان مش بندرس مواد بشرى بالتفصيل زيهم
بس فى ميزة برده فى ده...ان طب اسنان ده يعتبر تخصص لوحده...وبندرس بس الحاجت اللى ليها علاقة بينا من مواد بشرى مش كل الدش اللى مش هيهمنا فى حاجة

بالنسبة للمذاكرة شايفاها معتدلة جدا....يعنى محتاجة حد يفهم ويتابع...مش زى مذاكرة ثانوية عامة ولا طب بشرى خالص

حاجة اخيرة...اهم حاجة فى الكلية دى بجد عشان الشغل بعد كده ان ايدك تكون كويسة وحابة المجال وحابة تفهميه...مش مهم تقديرات وناس صميمة وكده....لان مجال الشغل محتاج الفهم ده وحب المجال خاصة ان الاسنان اى غلطة فيها ممكن تؤدى لمشاكل جامدة فعلا

DR.Neuro

17-07-2008, 02:56 AM

بالنسبة للصيدلة والعلاج الطبيعى
انا شايف ان صيدلة احسن بكتير ومستقبلها حلو جدا
دة طبعا بعد الاستخارة

DR.Neuro

17-07-2008, 03:04 AM

C A N D Y

17-07-2008, 03:12 AM

بصى حضرتك
دة كلام طبيبة اسنان

بالنسبة للصيدلة والعلاج الطبيعى
انا شايف ان صيدلة احسن بكتير ومستقبلها حلو جدا
دة طبعا بعد الاستخارة

أسنان الرجالة فيها بيبقوا أنجح بصورة كبيرة ... لأن دكتور الأسنان بيعتمد بشكل كبير على قوته البدينة ... يعني بيفضل طول اليوم واقف على رجليه و كدة و بتبقى المهنة مرهقة بدنياً اكتر منها عقلياً ....

ميرسى كتييييير للاضافة القيمة و طب اسنان فعلا جمييييلة جدااا بس انا بردو مقتنعة ان انا مش همشى فيها و صيدلة ممكن تكون اصعب فى الدراسة بس اكيد اسهل فى الشغل

يبأى انا ان شاء الله صيدلة او علاج طبيعى ..و انا شايفة ان علاج طبيعى فرصتها فى الشغل احسن لان الدفعة اقل من صيدلة
بس الله اعلم ان شاء الله هصلى استخارة

ميرسى للرد
و بالتوفيق

DR.Neuro

17-07-2008, 03:15 AM

ودة كلام دكتور برضك عن علاج طبيعى

بالنسبة لعلاج طبيعى الى اعرفوا عنها من ايامى...انها كلية ظريفة جدا وليها مميزاتها وعيوبها
مميزاتها انها مطلوبة جدا بالذات برة فى امريكا وكده.....وانك ممكن تسافرى تشتغلى برة بسهولة جدا من غير اى تعقيدات....وفلوسها حلوة جدا جدا http://forum.shamsawy.net/style_emoticons/default/biggrin.gif
عيوبها بقى...انها تقريبا غير مسجلة فى النقابة....بس دى معلوماتى من حوالى 4 سنين...فاتأكدى من الموضوع ده

C A N D Y

17-07-2008, 04:49 AM

ثانكس تانى ع الاضافة و فعلا دكاترة العلاج الطبيعى مش متسجلين فى النقابة و مش معترف بيهم..هنقول اى بس..ثقااااافة

mR . mOstafa Fathi

17-07-2008, 06:21 AM

علاج طبيعى
شليه من اليست افضل
فى صيدلة وفى اسنان وفى بيطرى والله تمام

وجارى النقل للقسم المناسب

Dr.ahmed91

17-07-2008, 09:43 AM

أسنان الرجالة فيها بيبقوا أنجح بصورة كبيرة ... لأن دكتور الأسنان بيعتمد بشكل كبير على قوته البدينة ... يعني بيفضل طول اليوم واقف على رجليه و كدة و بتبقى المهنة مرهقة بدنياً اكتر منها عقلياً ....

لا ياعم

انا ادخل صيدلة

واحافظ على قوتي البدنية

ححتاجها في حاجات تانية:rolleyes::rolleyes::rolleyes:

Taleba Me7tasa

17-07-2008, 10:19 AM

ياريت يا جماعة نستكمل الحوار لان انا برضه ف حيرة مشابهة

مندولييييين

18-07-2008, 01:12 AM

والله انا احتارت زيادة مش عارفة ادخل ايه انا كمان
صلاة الاستخارة هى اللى هتحدد

C A N D Y

18-07-2008, 02:11 AM

ميرسييى لردودكم كلها
انا صليت استخارة
بس لسة محتارة بين صيدلة و طب بيطرى
بس لسة قدامى وقت افكر
ان شاء الله اللى فيه الخير ليا ربنا هيخلينى اعمله
و ثاانكس تانى ع الردود

ali mesolhy

18-07-2008, 03:57 PM

lقولك ايه خليك فى اسنان كل اللى سالتهم نصحونى بيها دراسة معقولة و شغل كويس ومضمون

C A N D Y

18-07-2008, 04:39 PM

ميرسى لردك و هى فعلا اسنان اسهل كدراسة بس شغل صيدلة و بيطرى اضمن و انا نويت ان شاء الله يا بيطرى يا صيدلة

fethaghors

18-07-2008, 04:44 PM

أسنان أحسنهم أنا فى بشرى ةليا صحاب فى اسنان وفى صيدله
كليتنا مش بتاعت بنات اسنان احسن للبنات
صيدله مقرفه جدا وكل شغلهم فى الضفادع والفئران احنا اخرنا جثث بنى ادمين بس
اسنان مش بيدرسوا غير الجمجمه باين
عامة هيا اسنان احسن حاجه وخلاص

C A N D Y

18-07-2008, 05:10 PM

ميرسى ع الرد
بس انتو كدا يا جماعة هتخلونى افكر فى اسنان تانى
مع ان بيطرى و صيدلة فرصهم اوسع
يعنى بعدهم ممكن اى حد ياخد دبلوما سنة و يبأى lab embryologist
دا غير معمال التحاليل بتاعت بيطرى
غير ان انا ضامنة من دلوقتى ان انا اشتغل فى شركة ادوبة تانى يوم اتخرج من اى واحدة فيهم

بيتهيألى دول مجالاتهم اوسع بكتييير من اسنان
لان ادامى بيتخرجو من بيطرى بيشتغلو تانى يوم
و قدامى بيتخرجو من اسنان مش بيعملو حاجة
طبعا كل دا نصيب و بأيد ربنا
بس انا شايفة ان صيدلة احسن لان مجالاتها اوسع

المشتاقة إلى الجنة

18-07-2008, 05:23 PM

mexem

18-07-2008, 05:23 PM

Dr.diamond

18-07-2008, 06:20 PM

يا جماعه ان كنت نويت على صيدله باذن الله

بس انتوا بصراحه قلقتونى من حكايه انها مقرفه شويه وبشرحوا حاجات كده

هى بجد حاجه تخوف يعنى ده عيب فيها ولا ايه

Dr.ahmed91

18-07-2008, 06:34 PM

يا جماعه ان كنت نويت على صيدله باذن الله

بس انتوا بصراحه قلقتونى من حكايه انها مقرفه شويه وبشرحوا حاجات كده

هى بجد حاجه تخوف يعنى ده عيب فيها ولا ايه

بصي يا جوليت

طبعا كل كلية من كليات القطاع الطبي

لازم يكون فيها تشريح وتعامل مع الكائنات الحية

بس طبعا بتختلف من كلية لأخرى

فتلاقي بتاع الطب يتعامل مع جثث (البني ادمين)

والصيدلة بيتعامل مع الضفادع عشان التشريح في اعدادي

اللي احنا بناخدها مع علوم

وحسألك اكتر واعرف

اصل انا ناوي على صيدلة ان شاء الله

C A N D Y

18-07-2008, 10:39 PM

انا برشح طب أسنان
وانا ناوية عليها ان شاء الله
وبالنسبة لفرص العمل فيها فدى مضمونة 100%
والميزة فى طب اسنان ان بإمكانك تفتحى عيادة بعد التخرج على طول
اما فى طب بشرى طبعا لازم ماجيستير عشان تتخصصى فى مجال معين
ده غير ان طب اسنان علم ومهارة فى نفس الوقت
اما فى طب بشرى فالثلاث سنين الاولى كلها دح وحفظ من غير فهم خالص وعايزة قاعدة ع الكتاب من غير حتى ماتروحى الجامعة
يعنى التعب كله بيبقى وقت الامتحانات بس
اما الدراسة طول السنة انا اخواتى بيقولولى ان صيدلة اصعب بكتير جدا من الطب البشرى ومحتاجة مجهود خارق طول السنة

اما طب الاسنان فدى رقيقة جدا وكلية بتاعة فهم مش دح وحفظ بتاع الثانوية العامة
يعنى حياة جديدة ليكى خالص
وربنا يعمل اللى فيه الخير

وان شاء الله انا جايبة 97% وهاقدم على طب الاسنان ويارب تيجى جامعة المنصورة

وان شاء الله كل خير

والف مبروك للجميع

هو اولا طب بشرى دا متشااال م الحسبة خاالص لانى انا كنت فاكراه عملى لقيته نظرى و ملل ..و كل قرايبى اللى فى بشرى كرهونى فيه اصلا
المهم اسنان انا عارفة ان دراستها اسهل من صيدلة
و صيدلة كلها كيميكالز و هم
بس انا الحمد لله استقريت..
انا شايفة نفسى اكتر فى صيدلة
او بيطرى لان الدفعة اقل و العملى فيها اكتر
و مش اى حد بيفتح عيادة اسنان بتمشى
و انا من دلوقتى ضامنة شغلانة تانى يوم اتخرج من دول
يبأى ان شاء الله واحدة فيهم
انا صليت استخارة
و ربنا اكيد هيهدينى للصح
ميرسييى كتيييير لردك
و ربنا يوفقك فى طب اسنان

بصي يا بريشيوس انا اختي كانت في صيدليه وبعدين وقعت سنه فخافت تقع التانيه فتترفض من الكليه
فحولت اسنان بس انا والله زعلت
الصيدليه احلي بتيكير بس هو نصيب
ادخلي صيدله احسن ليكي وربنا يكرمك وتجبيلي الحبوب اللي كنا بنخدوها في البيت

ميرسى كتير لردك
ايوة كدا اخيرا حد يقول صيدلة
و عن تجربة
ان شاء الله انا فعلا ناوية على صيدلة
و م الاول خالص و انا ناوية عليها عشان الحبوب دى:p
اخدها براحتى بأى من غير ضميرى ما يأنبنى و يقوللى كفاية سرقة:D
و ان شاء الله اول شوية اطلع بيهم هبعتهوملك على طول:)

يا جماعه ان كنت نويت على صيدله باذن الله

بس انتوا بصراحه قلقتونى من حكايه انها مقرفه شويه وبشرحوا حاجات كده

هى بجد حاجه تخوف يعنى ده عيب فيها ولا ايه

يا بنتى مقرفة اى
التشريح دا حاجة طبيعية فى اى كلية
اذا كانوا فى زراعة بيشرحو
و انا قبل كدا ف مدرستى كنت بشرح اصلا ضفادع
هو فى احساس احلى من كدا:p
امال لو كنتى فى طب بشرى بأى و بيتشرحلك الاناتومى على جثث حقيقية
بدام انتى ناوية ع صيدلة يبأى ادخليها
هو حد لسة عارف المناهج ولا اى حاجة
ربنا يستر بس و نعرف نعدى سنة اولى على خير
و ربنا يوفقك

Taleba Me7tasa

19-07-2008, 02:47 AM

غير ان انا ضامنة من دلوقتى ان انا اشتغل فى شركة ادوبة تانى يوم اتخرج من اى واحدة فيهم

طب سؤال صغير وياريت مش تعتبريه رخامة او تدخل
انتى قصدك بحكاية ضامنة شغلانة دي ان فرصها متوفرة
ولا ان انتى تعرفي حد هيشغلك (واسطة يعني)

انا بسال والله عشان اعرف بس حكاية فرصها كتير وكدة
اختك برضه ناوية صيدلة ان شاء الله بس مقلقلة شوية :D
بس عايزة اطمن عشان خلاص شريحتي النهاردة باذن الله

C A N D Y

19-07-2008, 05:39 AM

طب سؤال صغير وياريت مش تعتبريه رخامة او تدخل
انتى قصدك بحكاية ضامنة شغلانة دي ان فرصها متوفرة
ولا ان انتى تعرفي حد هيشغلك (واسطة يعني)

انا بسال والله عشان اعرف بس حكاية فرصها كتير وكدة
اختك برضه ناوية صيدلة ان شاء الله بس مقلقلة شوية :D
بس عايزة اطمن عشان خلاص شريحتي النهاردة باذن الله

بصى يا حبيبة قلبى ..اولا كان ممكن تسالى ع الميل بدل التسييح و الحاجات دى يعنى:rolleyes::D
من ناحية فرصها متوفرة دى طب بيطرى لان الدفعة كلها اصلا 1500
و اعرف واحد مشتغل بعد ما نتيجته بانت بومين من غير وسايط ولا حاجة
و صيدلة بردو
بس بالنسبة ليا انا غالبا هسافر
و ليا قرايب برا واعدينى بحاجة م السنة اللى فاتت
بس يا رب لما ادخل صيدلة كدا مش الاقيهم خلعو:D
و معظم قرايبى بيشتغلو فى شركات ادوية هنا و قالولى بردو هتشتغلى..بس هما نصحونى ببيطرى مش صيدلة
المهم ان اى حد يتفوق اكيد هيلاقى ابواب كتيير قدامه
و ربنا يوفقك فى صيدلة:)

DR.Neuro

19-07-2008, 06:08 AM

بصي يا جوليت

طبعا كل كلية من كليات القطاع الطبي

لازم يكون فيها تشريح وتعامل مع الكائنات الحية

بس طبعا بتختلف من كلية لأخرى

فتلاقي بتاع الطب يتعامل مع جثث (البني ادمين)

جزر جزر يا عم الحاج http://img224.imageshack.us/img224/2334/217eq0.gifhttp://img224.imageshack.us/img224/2334/217eq0.gif

متهيألى طب بيطرى مش حلوة اوى زى صيدلة

صيدلة أحسن بكتير :)

yara_90

31-07-2008, 09:34 PM

انا اعتقد ان اسنان افضل لان دراستها ممتعة

Dr.ahmed91

01-10-2008, 02:43 PM

تنشيط للموضوع

في امان الله

فجر الإسلام

01-10-2008, 02:49 PM

أعتقد يا جماعه كل واحد هيختار الكليه اللي هو فيها
يعني أنا مثلا في طب بيطري مقتنعه بيها جدا بعد ما دخلتها رغم اني دخلتها بحكم مجموعي
وأكيد هقول انها الأحسن
فأفضل حاجه الواحد يستخير ربنا ويشوف هوميال لإيه