السلام عليكم ورحمة الله وبركاته
انا عاوزة اعرف ايه نظام اداب لغة عربية
اصلهم بيقولوا صعبة اوى
وانا بحب اللغة العربية جدااااااااا
ونفسى ادخل اداب لغة عربية
بس خايفة تكون صعبة وموادها كتير زى مابيقولوا
ارجوكم اللى فى اداب لغة عربية يفيدنى
وجزاكم الله خيرا

مفيش حد هنا ممكن يساعدى فى اداب لغة عربية ولا ايه؟

انا مش عارفة اقدر اساعدك فى ايه بالظبط
كل اللى اعرفه ان بابا حاليا دكتور فيها
بس انا رأيي ان كلية دار علوم احسن ،،
ع حسب كلام بابا ...

مش عارفة والله اقدر افيدك بايه
عندي اتنين صحابي عايزة اعرفلهم برضه النظام ايه
ياريت لو حد يقدر يساعد

انا مش عارفة اقدر اساعدك فى ايه بالظبط
كل اللى اعرفه ان بابا حاليا دكتور فيها
بس انا رأيي ان كلية دار علوم احسن ،،
ع حسب كلام بابا ...

هما بيقولوا ان اداب لغة عربية صعبة اوى
وانا خايفة منها بجد
وفى نفس الوقت حبة اللغة العربية
ياريت تساليه انها صعبة يعنى اوى؟
ومحتاجة حفظ كتير ولا ايه؟

أداب لغة عربية جميلة جدا بس المشكلة ان الطالب بيفضل طول السنة ما بيذاكرش وما بهتمش غير آخر أسبوعين وده بسبب تأخر نزول الكتب لكن المواد مش صعبة قوى ولا حاجة

وعليكم السلام
بصي انا اداب بس مش لغة عربية وفعلا اللي انا سمعته عن اداب لغة عربية انها صعب اوي
بس لو انتي بتحبيها وعندك ارادة قوية انك توصلي يبقي ان شاء الله تكون سهلة عليكي
ومن ناحية الحفظ طبعا فيها حفظ كتير شعر وقران كريم
واوالموقع دا في مواد الغة العربية بتاعت اداب اسكندرية وربنا معاكي ويوفقكhttp://www.foa.edu.eg/dept_inst/arabic/mawad.html

هما بيقولوا ان اداب لغة عربية صعبة اوى
وانا خايفة منها بجد
وفى نفس الوقت حبة اللغة العربية
ياريت تساليه انها صعبة يعنى اوى؟
ومحتاجة حفظ كتير ولا ايه؟

بابا بيقولى انها مش صعبة ولا حاجة
ومش محتاجة حفظ كتير اوى ده لو انتى حاباها ،،

االسلام عليكم ورحمة الله وبركاته

انا للاسف فى اداب لغه عربيه

اقدر ارد على اى استفسار عايزينه

اى حد عايز يسئل يتفضل وان شاء الله اقدر افيدكم

بس للعلم اعرفوا ان لغه عربيه صعبه على اللى مبيحبش لغه عربيه يعنى هى السهل الممتنع سهله وصعبه

بس بندرس مواد كتير كل فروع اللغه العربيه من

نحو
صرف
ادب
بلاغه
بيان
بديع
فقه
تفسير
قران
حديث
علم لغه
تراكيب

جميع العصور من قبل الاسلام الاسلامى الجاهلى العباسى الاموى الفاطمى الحديث

ده اللى فكراه دلوقت

بالاضافه طبعا لمواد من الاقسام التانيه يعنى لازم بندرس انجلش
تاريخ
فلسفه
علم نفس
فارسى

وغيره

يعنى مش عايزه اسد نفسكوا من الاول

عموما انا هستنى اى اسئله اجاوبكوا عليها

اتمنى التوفيق للجميع

دراسة أوتدريس اللغة العربية أكبر متعة يحصل عليها الإنسان،واللغة العربية أسهل اللغات ،وعموماً أتمنى أن يقبل الطلاب على دراستها في كليات الآداب أو التربية أو دار العلوم ........إلخ
وإن شاء الله سوف نساعد جميعاً دارسي اللغة العربية من خلال هذا الموقع ،وفي النهاية أقول : لدراسة اللغة العربية أجران ،أجر في الدنيا متمثل في الفهم الصحيح للقرآن و استقامة اللسان والقدرة على التعبير ....... وأجر في الآخرة

ممكن أعرف إيه أصعب فرع فى اللغة العربية

هو ممكن يكون الادب
بس اعتقد ان كل اللغة العربية لذيذة جدا
والحمد لله انا قدمت فيها خلاص

والله مفيش اى حاجه صعبه فى اللغه العربيه

بس محتاجه انك تكون اصلا بتحبها عشان تسهلها على نفسك اكتر

هى فعلا متعه

واحلى حاجه اننا بنحفظ القران ونفهمه ونعرف تفسيره وكمان اعرابه

ونتعلم منه

وحاجات تانيه مفيده كتير

بالتوفيق لكل اللى ناوى يدخلها

انا اداب وقدمت لغة عربية
بس اخى مدرس لغة عربية وقالى صعبة كتير عليكى
كلهم بيقولوا صعبة رغم انى بحب العربى جدا بس هحول اى قسم تانى
وربنا يوفقنا

السلام عليكم

يا جماعة انا اختي في كلية اداب لغة عربية بنات عين شمس
وبتقول ان الكلية سهلة جدا جدا جدا وانا مصدقها لاني مشفتهاش بتذاكر خالص و جابت جيد جدا :)
و تقريبا كدة هية من الاوائل

و لو حد عنده اي استفسار عن الكلية ان شاء الله انا هبقى اسألها و رد عليكم

و هية بتقول انها لذيذة جدا و مش محتاجة مذاكرة كتير و الحفظ اللي فيها ممكن يتحفظ قبل الامتحان ;)
و كمان بيخدوا لغة شرقية (عبري او فارسي)

عموما انا مستانية اي استفسار و هية بتقول انها نفسها تشوفكم هناك :)