السلام عليكم
ديه تانى مره اقول الموضوع ده يا جماعه بجد انا مش بعرف اذاكر انجليزى المستر يدينا 4 صفح كلمات فى 3 ايام طبعا انا علم رياضه و يوم و يوم عندى درس رياضه بواجبتها المش بتخلص وامتحان كل حصه فالانجليزى بيبقى اقل المواد االبهتم بيه فباجى يوم الدرس و احفظ ال 3 صفح كلمات اروح الدرس اجى اسمع انسى 40% من الحفظته والجرامر اجى اطبق بعد مذاكرت احل 46 من 50 جمله choose صح و 40 من 50 find the mistake صح انا بقى عاوز حد يقولى ازاى اعالج المشاكل ازاى اقفل امتحان الانجليزى ازاى اذاكر الانجليزى بجد يا جماعه المشكلة ديه مضيقانى حته فى باقى المواد يا رب حد يساعدنى

دى مشاركة انا كنت كتباها فى الجروب
بصو المستر علطول بيقولنا اللى بيذاكر انجلش 24 ساعة هيجيب 45 واللى هيذاكره ساعة او نص ساعة كل يوم هيقفل
وبيقول محدش يدى للانجلش يوم كامل للمذاكرة انتو عندكو 7 مواد و مش فاضيينله خلو ساعة واحدة كل يوم ومتدوش للانجلش حاجة غيرها مذاكرة وواجب وكله
وكمان هو بيخلينا نحفظ اليونت كله مش كلمات اليونت نفسها لا
مثلا واحنا بنحل passage ,choose ,translation اى كلمات بتقف معانا نطلعها ونترجمها ونحفظها ( على فكرة دى اكتر حاجة فادتنى وعلت مستوايا )
بصو انا هقولكو الاول تقسيمة كتابه عشان تبقو فاهمين انا بكلم عن ايه
اول حاجة communication skills وبعدها situation ,4 mini dialogue
بيحلهم معانا فى اول الحصة بعدها reading ,listening, vocab ,notes وطبعا حروف الجر وكل الحاجات دى وبعدها 5 صفحات فيهم اسئلة ثانوية عامة وS.B ,W.B, L.M , additional exercises وبعدين صفحة فاضية دى بنكتب فيها الكلمات الزيادة للى هو بيقولها
وبعدين الجرامر وطبعا اسئلة زى الكلمات
وبعدين صفحة فيها قطعة صعبة وتحت معانى الكلمات الصعبة نحفظها ونحل القطعة
وبعدين صفحة فيها translation نحلهم ونصححهم معاه وكلمات نحفظها و صفحة فاضية نكتب فيها notes بتاعة translation وبيدينا كمان test بتاع سربرايز واجب وفى اول الحصة اللى بعدها الامتحان بيكون هو ال test بتاع the best
ومن الاسبوع الجاى هنبتدى مناقشة موضوع براجراف كل حصة وبعدين نكتبه ويصححه
المهم اليونت يتذاكر كالاتى :
اول يوم : مذاكرة ,situation ,mini dialogue , جرامر وحله طبعا
تانى يوم : القطعة بكلماتها وشوية كلمات
ثالث يوم :كلمات
رابع يوم : كلمات
خامس يوم : كلمات وحل تدريباتها
سادس يوم : translation
سابع يوم حل ال test
وكمان انا معايا كتاب سنيور بحل فيه مع كتابه
اما القصة
اول يوم : قراءة ال text وحفظ الكلمات
باقى الايام لحد قبل الدرس بيوم نقسم اسئلة الفصل على الايام
كل يوم 15 سؤال مثلا
قبل الدرس بيوم حل الواجب

عموما انت قسم اليونت حسب ما بتذاكره بس كل يوم ساعة ايا كانت هتعمل فيها ايه