السلام عليكم ورحمة الله وبركاته



كثيـــرةٌ هي أُمنيــات الحيــاة..

وتصِلُ إلى مقامِ الحُلم.. أحيانــاً..!!

مِنــا من بذل في نيــل ما اراد..

ومِنــا من تجاهل.. ولم يسعى للتحقيق..



ـ اذكر لنا أمنية تمنيت أن تتحق لك ولم تتحقق ؟

2 ـ هل بذلت الأسباب لتحقيقها ؟

3 ـ ماذا كان موقفك من عدم تحققها ؟

4 ـ وهل استفدت درسا منها ؟

النجاح الذى يسعد اسرتى

ـ اذكر لنا أمنية تمنيت أن تتحق لك ولم تتحقق ؟
لم يتحقق
2 ـ هل بذلت الأسباب لتحقيقها ؟فى الفترة الاولى بذلت كتير بس فى الترم التانى حصلت ظروف مش بايدى

3 ـ ماذا كان موقفك من عدم تحققها ؟ زعلت جدا بس الى حوليا هونوا عليا

4 ـ وهل استفدت درسا منها ؟استفدت جدااااااااااا


وشكرا على الموضوع الجميل

ـ اذكر لنا أمنية تمنيت أن تتحق لك ولم تتحقق ؟
لاشئ لأني احس بقوة داخلية هي في ذاتها هدف وقد وصلت له وهذا الهدف يهدف لأهداف آخرى لا يهمني إن لم احققها لأني احس بالقوة والارادة وهي أهم من النجاح......

شكرا........

انا كان نفسى ادخل اسنان وافتح عياده للنساء فقط واعمل حاجه اخدم بيها الاسلام
والله انابذلت مجهود كبير السنه دى لكن للاسف محققتش امنيتى وجيبت مجموع ميدخلنيش اسنان
وطبعا موقفى من عدم تحقيقها ان من يوم ماظهرت النتيجه وانا مضيقه ولاباكل ولا بنام غير قليل ومش عايزه اتكلم مع حد
لكن الدرس الى استفادته يعنى هى مش استفاده انا حسيت انى حتى لو دخلت اى كليه وبذلت مجهود مش هعمل حاجه حتى فى اى حاجه تانيه فى حياتى

انا بقى امنيتى كانت شبه مستحيله
انا نفسى ادخل هندسة نووى واعمل ابحاث فى النووى واكمل ابحاث دكتور سميرة موسى
بس للاسف اهلى معارضين فكره هندسة تماما
طبعا زعلانة بس راضية بالمكتوب
انا عملت اللى عليا وجبت مجمود يدخلنى الكلية
بس علشان انا وحيدة و الولد والوالدة عاوزين صيدلة
فانا هضحى بامنيتى علشانهم وانا مبسوطة
لانهم عاملولى كتير

انا بقى امنيتى كانت شبه مستحيله
انا نفسى ادخل هندسة نووى واعمل ابحاث فى النووى واكمل ابحاث دكتور سميرة موسى
بس للاسف اهلى معارضين فكره هندسة تماما
طبعا زعلانة بس راضية بالمكتوب
انا عملت اللى عليا وجبت مجمود يدخلنى الكلية
بس علشان انا وحيدة و الولد والوالدة عاوزين صيدلة
فانا هضحى بامنيتى علشانهم وانا مبسوطة
لانهم عاملولى كتير

تمام جدا كده ..والله هو ده التفكير السليم

انا اللى حصل معايا العكس خالص

انا خلصت تالتة علمى رياضة و ان شاء الله داخل هندسة .. بس للاسف كان نفسى جدا ادخل صيدلة وكل ما افتكر الموضوع ده اتقهر بجد لأنى بعد اللى شفته السنة دى بقيت اكره الرياضة و الهندسة

بس انا ابويا هو اللى خلانى اكمل رياضة و ادخل هندسة و يا ريتنى كنت نشفت دماغى ساعتها :(

جزاكم الله خيرا مروركم نور الموضوع
وطبعا كلنا اكيد اتمنينا امنيات لكن ربنا ما اردش انها تتحقق
لكن اكيد ربنا اراد لنا الخير وبعد عنا الشر
الله اعلم احتمال تكون امنيتى اللى اتمنيتها وما اتحققتش تكون شر وربنا صرفه عنى
يعنى انا مثلا كان نفسى ادخل كلية تربيه او دار علوم لكن ربنا اراد لى انى ادخل اداب لغه عربيه والحمد لله ربنا وفقنى فيها
مش عارفه بقى لو كنت دخلت كليه من اللى كان نفسى فيها كنت هعمل ايه
وايما المفروض نقول الحمد لله