sasasosoo
18-07-2008, 04:56 AM
المهزلة الكبرى فى نتيجة الثانوية العامة
|
مشاهدة النسخة كاملة : المهزلة فى نتيجة الثانوية العامة sasasosoo 18-07-2008, 04:56 AM المهزلة الكبرى فى نتيجة الثانوية العامة ماهينور 2 18-07-2008, 04:58 AM دي مش مهزله وبس ده خراب بيوت اسال مجرب sasasosoo 18-07-2008, 04:59 AM عاوز ردود و دعاء بالتوفيق لرجال الكنترولات اللى بيقبضوا بالدولار eng/yasmeen 18-07-2008, 05:10 AM حسبى الله ونعم الوكيل Attar 18-07-2008, 05:11 AM معلش اللى انا فهمته من الجرايد ان الخطأ الفادح ده ان هما نسوا يضيفوا درجة القدرات (فنون وعماره) فى نتيجة الثانويه العامه ودلوقتى النتيجه نازله على المواقع معدله وفيها درجة القدرات اللى هيا (لائق او غير لائق) وفى ناس فهمت الخبر ان هما عايزين يضيفوا الدرجه للمجموع بس ده مش صح هما عايزين يضيفوا الماده فى جدول النتيجه فقط عشان الطلاب يعرفوا هما عملوا ايه فى امتحانات القدرات والمصدر: جريدة الجمهوريه وهيا موضحها كل حاجه فى الرابط ده http://www.algomhuria.net.eg/ ماهينور 2 18-07-2008, 05:21 AM معلش اللى انا فهمته من الجرايد ان الخطأ الفادح ده ان هما نسوا يضيفوا درجة القدرات (فنون وعماره) فى نتيجة الثانويه العامه ودلوقتى النتيجه نازله على المواقع معدله وفيها درجة القدرات اللى هيا (لائق او غير لائق) وفى ناس فهمت الخبر ان هما عايزين يضيفوا الدرجه للمجموع بس ده مش صح هما عايزين يضيفوا الماده فى جدول النتيجه فقط عشان الطلاب يعرفوا هما عملوا ايه فى امتحانات القدرات والمصدر: جريدة الجمهوريه وهيا موضحها كل حاجه فى الرابط ده http://www.algomhuria.net.eg/ طب هما اصلا كانوا منزلين كده ايه الجديد بيضحكوا علينا وبس :mad: Attar 18-07-2008, 06:30 AM حسب كلامهم النتيجه اللى نزلت على النت كانت ناقصه نتيجة القدرات وانا مركزتش اوى هيا موجوده فى النتيجه ولا لا لما جبتها لانى مدخلتش الامتحان بتاعها. LA STELLA 18-07-2008, 06:45 AM فضايح الثانوية كترت اوى السنة دى :D ربنا يزيد ويبارك اما ردا على عطار وزعت الوزارة نسخة جديدة من النتيجة علي جميع الصحف ودور النشر وشركات الإنترنت التي أعلنت النتيجة عبر مواقعها الالكترونية وطلبت منها نشرها فوراً عبر نفس المواقع.. الحجة المعلنة هي إدخال تعديلات طفيفة علي نتيجة بعض طلاب المرحلة الثانية الخاصة بمادة القدرات فنون وعمارة. اكتشفت الوزارة وجود الأخطاء في النتيجة بعدما تقدم عدد من الطلاب وأولياء الأمور إلي الكنترولات بتظلماتهم من بعض المواد واكتشف المسئولون بالكنترولات أن درجات هؤلاء الطلاب مختلفة عما هو مسجل في الأوراق الرسمية وبيانات الطلاب في الواقع. اصلا القدرات عمرها ما بتنضاف للمجموع دا الطبيعى يعنى ،، لكن الكلام اللى اتقال فى موضوع تعديل النتيجة ،، كانت حجة مش اكتر انها هيدخلوا القدرات حجة معلنة بينما ان الحقيقة هى ان النتايج اصلا مش سليمة وفيه اخطاء فى رصد الدرجات دا اللى واصلنى من الخبر "حجة معلنة " عشان يحاولوا يداروا ع الفضيحة يعنى ،،،،،،،،،،،،،،،،،،،،،،،،،،، ربنا يوفق الجميع ان شاء الله :) مصري أبن مصري 18-07-2008, 07:02 AM مفيش تعديل في حاجة كل الدرجات زي ما هي و لو حد درجاته اتغيرت بعد التعديل يقولنا التعديل كان إضافة مواد القدرات فقط و هي مش بتضاف للمجموع اصلا يعين حاجة ملهاش لازمة sasasosoo 18-07-2008, 08:36 AM نرجو الدعاء يا اخوة لكل من يعمل فى الكنترولات و يقبض بالدولارات Dr.love ferdos paradise 18-07-2008, 11:00 AM حسبى الله ونعم الوكيل ربنا يهديهم شيماء شريف 18-07-2008, 11:12 AM واقسم بالله العظيم انا متاكده ان درجتى فى التاريخ ظلم ومش بفترى ولا بظلم حد بس بقول حاجة واحدة حسبى الله ونعم الوكيل لان انا كنت حافظة منهج التاريخ اكتر من اسمى واخوى سمعهولى يوم الامتحان باليل وحليت الامتحان ومرجعاه كويس جدا بعد ماروحت البيت وقارنته باللى حليته فى الورقة تخيلوا جبت فيه 36.5 بذمتكم ده يبقا ايه وناس كتير قالوا لى متكشفيشى ولا حاجة لانه كله فى الفاضى مهما عملتى بس حسبى الله ونعم الوكيل فيهم والوزير ده لو عنده ذرة من الدم يستقيل بدل المهازل اللى حصلت دى مش مكسوف من نفسه لما يطلع فى برنامج ولا ايه بالظبط؟ السمراء 18-07-2008, 12:15 PM على فكرة صعب يكون فى اخطاء فى التصحيح بابا بيصحح رياضيات.........وطريقتهم تقول ان صعب سؤال يفوت.........وكنت فى الثانوية من سنتين.............مش عارفة محسيتش بظلم............لكن ميمنعش ممكن تشوفوا ........هتنجح طريقتكم لو الخطا رصد درجات .غير كده مفيش أحمد2025 18-07-2008, 12:19 PM ياجماعة توقعوا اى حاجة تحصل السنة دى كل حاجة بقت عادى والله دى بلد............. دى بالذمة ثانوية عامة؟؟؟؟؟؟؟؟؟؟؟ JUST HUMAN 18-07-2008, 12:26 PM طيب ايه رايك يا السمراء انى كنت حاسبة كل المواد والمادة الوحيدة اللى ماكنتش درجتها متوقعة الرياضيات انا جبت سبعة واربعين والبنت اللى كانت معايا فى اللجنة وكانت مش عارفة حاجة فى الرياضة جابت 49.5 انا متهيالى الورق اتبدل لان دى المفروض تبقى درجتى انا وشكراااااااااااااااااا اية عميش 18-07-2008, 01:55 PM السلام عليكم يا جماعة معلش بس انا مش فاهمة يعني في نتيجة هتتغير و لا المشكلة في امتحان القدرات بس؟ ياريت حد يفهمني sendrila 18-07-2008, 02:31 PM يا جماعه مش ينفع يكون التعديل في درجات القدرات لانه اصلا مش ليه درجات يا اما لائق او غير لائق وكانت مكتوبه في النتيجه يعني ازاي تكون هي اللى اتعدلت وبعدين دول بيقولوا ان التظلمات كشفت اخطاء في رصد الدرجات في بعض المواد يعني بذمتكوا في حد هايكشف على امتحان القدرات انا عن نفسي ما اعتقدش بس انا من رايي ان مافيش درجات جديده هاتنزل اذ كان التنسيق هايبدأ بكره يعني من الاخر هما بيضحكوا علينا وبيشغلونا بأى حاجه وخلاص يلا ربنا على الظالم totylove 18-07-2008, 03:45 PM حسبنا الله ونعم الوكيل بجد مش هاقدر اقول اكتر من كدا لان والله انا واحده من الناس ال حقيقى اتظلمت ولو وعملت اعاده تصحيح ولقيت درجات للاسف مش هاخد اى حاجه بجد مس عارفه ليه هما بيعملو كداا اول مرة اشوف وزرارة عاوزة تنزل مستويات بلدها بالطريقه دى وميرسى كتير على الموضوع LA STELLA 18-07-2008, 04:24 PM على فكرة صعب يكون فى اخطاء فى التصحيح بابا بيصحح رياضيات.........وطريقتهم تقول ان صعب سؤال يفوت.........وكنت فى الثانوية من سنتين.............مش عارفة محسيتش بظلم............لكن ميمنعش ممكن تشوفوا ........هتنجح طريقتكم لو الخطا رصد درجات .غير كده مفيش ماهو فعلا الغلط فى رصد الدرجات :) لو اعدتى قراءة الخبر بس اول مرة الثانوية تبقى فضايحها وكلامها كتير اوى كدة :rolleyes: كل يوم بنسمع حاجة جديدة ابتداء من التسريب ،، لحد اللى بيحصل وهيحصل ان شاء الله bonboooona 23-07-2008, 04:42 PM طبعن نتيجة الثانويه السنه دى اخر مهزله ياجماعة متيأسوش اللى حاسس انه اتظلم يروح يكشف ع ورقه حتى لو مش هياخد حاجه بس يطمن ان ده مش مستواه ودى مش درجاته كلنااتظلمنا بس فى الاخر اللى مكتوبلناربناهيعمله والعبرة عمرها ماكانت بالثانوية العامه او بكليات القمه ماكده كده مش فارقه وكده كده هنعد فى بيوتنا بس ده بردو بيختلف انت هتشتغل ازاى فى الكلية وهتزاكر والاهتقضيهاخروج وفسح والباقى عارفينه....انامثلن جبت السنه اللى فاتت95,5 والسنه دى جبت 91 وحتى مادخلتش مرحلة اولى وكمان سقطت فى القدرات وكان حلم حياتى اخش فنون جميلة بس اناعارفه ان الدنيامنتهتش لحد هناولسه عندى امل انى لودخلت اى كلية ممكن اعمل فيهااحسن من الكلية اللى كنت عايزاها.....وفى الاخييييييييييييييييييييير:اخوانى فى المأساة لاتيأسوا وربنامعاكم وبالتوفيق هند2006 23-07-2008, 07:50 PM حسبى الله ونعم الوكيل جزاك الله كل خير ع الموضوع |