marwa.m
18-07-2008, 02:09 PM
كل واحد يدخل يقول نتيجتة عجباة ولا لأ:D:cool::mellow::(:confused:
|
مشاهدة النسخة كاملة : مين اللى عجباة نتيجتة marwa.m 18-07-2008, 02:09 PM كل واحد يدخل يقول نتيجتة عجباة ولا لأ:D:cool::mellow::(:confused: molhm 18-07-2008, 02:16 PM ههه مش عجباني ..لأني كنت عايزها أقل من كده علشان اهرب من التوزيع الجغرافي .. اية عميش 18-07-2008, 02:18 PM السلام عليكم انا جبت 97,8 % بس مش عاجباني لاني مظلومة في درجتين بس طبعا الحمد لله على كل حال ziiaadd 18-07-2008, 02:21 PM انا جايب 94.1% مرحلة اولى بس مش عارف اكمل علمى ام احول ادبي ؟؟؟؟؟؟؟؟؟؟؟؟؟؟؟؟؟ هدي اشرف 18-07-2008, 02:22 PM انا عن نفسي مبسوطه وبحمد ربنا عليها قوي ايوه هي موش قوي وموش هتدخلني اللي نفسي فيه واللي كنت هموت عليه بس انا مبسوطه لان اصحابي اللي كانوا اعلي مني في تانيه بقوا اقل مني بمراحل دلوقتي انا جايبه تسعين بس انا رياضه موش عارفه بقي ربنا يستر marwa.m 18-07-2008, 02:23 PM المهم اننا نحمد ربنا على النتيجة مهما كانت هدي اشرف 18-07-2008, 02:25 PM انا موش عاوزه حد يفهم غلط انا قصدي ان مجموعي دا احسن من غيري وموش انا مبسوطه ان غيري جاب اقل مني موش بشمت يعني لأ انا بقول انهم صعبانين عليا لانهم كانوا جايبين اعلي مني في تانيه وقلوا السنه دي يارب تكونوا فهمتوا قصدي يا شباب marwa.m 18-07-2008, 02:27 PM انا فاهمة قصدك ziiaadd 18-07-2008, 02:32 PM يا ريت حد يجاوبني dxsm 18-07-2008, 02:35 PM الحمد الله على كل حال 90 في المية ادبي dxsm 18-07-2008, 02:36 PM وتحول ليه يا زياد مجموعك حلو خش علمي رياضة وشد على نفسك جامد السنة الجية Dr.mayson 18-07-2008, 02:37 PM الحمد لله طبعااااااااااااا بس انا عايز اسال سؤال عن المجاميع التكرارية اللى منشورة فى الجمهورية النهاردة اعتقد ان كل مجموع شامل اللى فوقوا ولا مش جامع the_guilty 18-07-2008, 02:40 PM 376.5 ادبى الحمد لله عاجبنى جدا ونفسى ادخل تجارة انجليزى يارب toti_1992_2007 18-07-2008, 02:40 PM اانا مش عجباني خالص عشان فيها ذلم جااااااااااااااااااااااااااااااااااااااااااااااااا ااااااااااااااااااااااااامد ziiaadd 18-07-2008, 02:40 PM بس انا واخذ احياء فى المرحلة الاولى ومينفعش اخذ رياضة marwa.m 18-07-2008, 02:42 PM يبقى كمل علمى علوم واقل حاجة هتلحق علاج طبيعى dxsm 18-07-2008, 02:43 PM اممممممممممممممممممممممممم بص لو هتكمل علمي يبقة السنة الجية مش لازم اقل من 97 غير كدة يبقة احسنلك ادبي ziiaadd 18-07-2008, 02:46 PM هو ينفع الحق صيدلة dr.fanakat 18-07-2008, 03:13 PM عاجبانى جدا لانى كنت متوقع انى هجيب 88% لكن الحمد لله ماقليتش عن السنه اللى فاتت وجبت 94 ونص بالرغم من انى علمى علومبس انا مش زعلان الحمد لله marwa.m 18-07-2008, 03:15 PM لو ذاكرت جامد وتوكلت على اللة وان شاء اللة التنسيق هيقل ومش مستحيل انك تلحق صيدلة وان لا اؤ يد فكرة الادبى والحمد للة على كل شى ziiaadd 18-07-2008, 03:20 PM بس انا خايف من الفيزياء مش عارف اذاكرها ازاي عشان اقفلها حتى لو الامتحان جاء صعب aya ali 18-07-2008, 03:20 PM هى النتيجة بالرغم من ان معظم المرحلة التانية درجتهم مرتفعة شوية وخصوصا الادبى الا انها مش حلوة ومتنفعش لا لانها مش بتقدر تعب ومجهود الطالب طول السنة وسهره كمان ومصاريف الدروس بس انا اعتقد ان الهدف من ده كله هو القضاء على التعليم فى مصر وكمان الابتكار الى فيها وعايزىن يجعلوا مننا مجرد الاالات هما اللى يحركوها aya ali 18-07-2008, 03:23 PM على العموم انا الحمد لله جبت مجموع كويس ومستنية تنسيق علشان ادخل اعلام aya ali 18-07-2008, 03:25 PM تعرفوا انا كنت ادبى وامتحان التاريخ كان جى حلو بس ده ميمنعش انه فيه تكات وعلى العكس من كده كله اشتكى منه بس جبت فيه 49 بس بجد زعلانة على الدرجة ده اوى لانى كنت متاكدة من الحل بتاعى marwa.m 18-07-2008, 03:25 PM انا تانية علمى وجبت 96,6 وهكمل علمى علوم اما بالنسبة للفزياء احنا مشفنهاش عشان نحكم عليها الكل كان بيقول على الكمياء انها صعبة لكنها فى الحقيقة من اسهل مواد الثانوية العامة وجبت فيها 49,5 والحمد للة dxsm 18-07-2008, 03:28 PM هى النتيجة بالرغم من ان معظم المرحلة التانية درجتهم مرتفعة شوية وخصوصا الادبى الا انها مش حلوة ومتنفعش لا لانها مش بتقدر تعب ومجهود الطالب طول السنة وسهره كمان ومصاريف الدروس بس انا اعتقد ان الهدف من ده كله هو القضاء على التعليم فى مصر وكمان الابتكار الى فيها وعايزىن يجعلوا مننا مجرد الاالات هما اللى يحركوها انتي مش عايشة معانا ولا ايه مجاميع ايه اللي مرتفعة دي ziiaadd 18-07-2008, 03:32 PM ما هو رايكم فى المستوى الاحياء سهل ام صعب ramadantooth 18-07-2008, 03:47 PM نصيحة من اخ اكبر او والد انا بنتى حصلت على 92.5 علمى علوم وان شاء اللة هتكمل علوم لان التنسيق لا ولن يرتفع عن ال 97 انشاءاللة وبالنسبة لموضوع الفزياء عن تجربة مع ابنتى الكبيرة هى الان فى اولى طب ادعوا لها ان تجيب امتياز لايوجد اى مشكلة فى الفزياء لكن ارجو تزاكروها بتركيز اول باول ومعروف من العام الماضى ان المجاميع هتنزل هزا العام والدليل على دلك قول الوزير العام العام الماضى لن تكر هذة المجميع وقد حدث نالفعل وشكرااا ziiaadd 18-07-2008, 03:49 PM ربنا معاها فى الاحياء انا هاخذ كيمياء فى المرحلة الثانية ان شا ءالله ramadantooth 18-07-2008, 03:52 PM الاحياء سهلة ولكن المهم فى فهم السوءال وطرقة الاجابة غلية ومن هذا المنطلق قد تاتى الاحياء احينا صعبة Ra2oF 18-07-2008, 03:53 PM انا الحمد لله راضي عن النتيجة الحمد لله و مبسوط و عقبال الكل ... ده نصيب يا جماعة :::::: يعني حتي لو النتيجة وحشة : ده ابتلاء من الله :: اصبر عليه و لك الاجر : و مين عارف الخير ممكن يكون فين ؟! ziiaadd 18-07-2008, 03:57 PM بس هي جابت كام فى الكيمياء وايه اخبار امتحان الكيمياء سهل ام صعب اصل انا هاخذ كيماء فى ثالثه marwa.m 18-07-2008, 03:59 PM الكمياء اسهل مادة فى الثانوية العامة لكن كمياء مع فيزياء عايزة مجهود جامد ramadantooth 18-07-2008, 04:04 PM ا مجموع الاخ ذياد والاخت ممتاز واستمروا فى العلوم انشاء اللة وباذن اللة ستدخلون احد فروع الطب انشاء اللة العام القادم متمنيا وراجيا من اللة انحقق لكم كل ما تتمنوة انتم و كل من شهد الا الة الا اللة محمد رسول اللة ziiaadd 18-07-2008, 04:04 PM على الاقل اسهل من احياء مع فيزياء C A N D Y 18-07-2008, 04:07 PM مفيييش حد عاجباه نتيجته اللى داخل اسنان بيعيط عشان مش لحق طب و غيره داخل صيدلة و بيعيط عشان كش لاحق اسنان و غيره داخل بيطرى و بيعيط عشان مش لاحق صيدلة و غيره داخل علوم و مش بيعيط عشان مش لاحق بيطرى لو كل واحد بس يرضى بنصيبه فى الدنيا مش هتبأى فى مشكلة بس انا الحمد لله راضية بمجموعى لانه يدخلنى اى حاجة بس غالبا مش يدخلنى طب و انا عارفة ان انا مش همشى فى طب و عمرى ما فكرت فيه و مين عارف ممكن لو مجموعى جاب طب كنت كتبته زى ما كنت ناوية على هندسة كدا و كملت علوم لما جبت مجموع كويس شوية فى الاخر يا جماعة كل دا نصيب مفيش حد هياخد اقل ولا اكتر من نصيبه و اكيد اللى فيه الخير ليك ربنا عاينه فى المستقبل الحمد لله على كل شىء bobo_zoro_spidy 18-07-2008, 04:18 PM ازيك مروة انا زيك ومتفق معاكى فى الرأى بس انا اتظلمت فى الكمياء وجبت49 لكن الحمد للة مجموعى 98.5 وهكمل علوم وادعولى ziiaadd 18-07-2008, 04:27 PM هو انهي اسهل احياء مع فيزياء ام كيمياء مع فيزياء marwa.m 18-07-2008, 05:08 PM مش هتفرق المهم التركيز فى كل منهما اناعندى سؤال ارجو الرد علية هل اخذ المادة الادبية علم نفس ام اقتصاد واحصاء؟ C A N D Y 18-07-2008, 05:14 PM هو انهي اسهل احياء مع فيزياء ام كيمياء مع فيزياء اكيييد طبعا فيزيا مع كيميا انت بتكلم فى ايه مش هتفرق المهم التركيز فى كل منهما اناعندى سؤال ارجو الرد علية هل اخذ المادة الادبية علم نفس ام اقتصاد واحصاء؟ بيتهيقلى لو انتى ادبى يبأى اضمنلك علم نفس بعد اللى حصل السنة دى بس لو علمى يبأى اكيد اقتصاد و احصا اسهل remy@temo 18-07-2008, 11:25 PM انا الحمد لله راضية جداااااااااااااااااا انا جبت 96% ادبى و دة نفس مجموع اعلام السنة اللى فاتت ويارب ادخلها ........ ادعولى هدي اشرف 19-07-2008, 01:20 AM يا ناس الامتحانات السنه دي جت غريبه ايوه هي تقريبا النتيجه جت في صالحنا بس معتقدش انها هتتكرر بالمنظر دا فللي داخل تاالته ميقلقش ويقول الفيزياء لو جت صعبه ومعرفش ايه لا اطمن واتكل علي ربنا اللي انت شايف نفسك هتمشي فيه خلاص ادخله لكن متقولش لو الامتحان جه صعب EL.HARONY 19-07-2008, 01:26 AM \\\\\\\\\\ لا تعليق \\\\\\\\\\\ منى ذكى 19-07-2008, 01:29 AM الحمد لله على كل حاجة. Queen_dona 19-07-2008, 03:10 AM طبعا الحمد لله (وبعدين راضيه ولا مش راضيه خلاص مبقتش تفرق) اللى يجى يجى rania_alix 19-07-2008, 03:32 AM انا فرحاااااااااااااااااااااااااانه جداااااااااااااااااااااااا والحمد لله مليوووووووووووووووووووووون مرة انا جبت 90.3 ومبسوووووووووووطه بيهم جداااااااااا لانى كنت احصاء وجبت الحمد لله درجه حلوه فيها وربنا ادنى على اد تعبى . بس انا عايز اعرف ايه هو التوزيع الجغرافى وايه هو المجموع التكرارى. موني دياب 19-07-2008, 04:56 AM الحمد لله عجباني 95,5% تانية علمي وان شاء الله اكمل علمي رياضة محمد.فوكس 19-07-2008, 05:17 AM انا نتيجتي مش عاجباني عشان انا علمي رياضة و مجموعي مش هيجيب كلية كويسة مع اني هبقى مرحلة تانية و المفروض ان مجموعي مش قليل ده جامد برضه. بس مع ذالك بحمد ربنا اني ما نزلتش عن السنة اللي فاتت. بس ايه الفايدة اني ما نزلتش و لا طلعت مدام مجموعي مش هيجيب كلية كويسة. zambalek_boy 19-07-2008, 05:19 AM حديث قدسى يقول الله عز وجل :عبدى خلقتك لعبادتى فلا تلعب وقسمت لك رزقك فلا تتعب ان قل فلا تحزن وان كثر فلا تفرح ان انت رضيت بما قسمته لك ارحت بدنك وعقلك وكنت عندى محمودا وان لم ترض بما قسمته لك اتعبت لدنك وعقلك وكنت عندى مذموما وعزتى وجلالى لاسلطن عليك الدنيا تركد فيها ركد الوحوش فى الفلاه ثم لا يصيبك منها الا ما كتبته لك Rien 19-07-2008, 05:24 AM حديث قدسى يقول الله عز وجل :عبدى خلقتك لعبادتى فلا تلعب وقسمت لك رزقك فلا تتعب ان قل فلا تحزن وان كثر فلا تفرح ان انت رضيت بما قسمته لك ارحت بدنك وعقلك وكنت عندى محمودا وان لم ترض بما قسمته لك اتعبت بدنك وعقلك وكنت عندى مذموما وعزتى وجلالى لاسلطن عليك الدنيا تركض فيها ركض الوحوش فى الفلاه ثم لا يصيبك منها الا ما كتبته لك http://www.thanwya.com/vb/images/icons/icon14.gifhttp://www.thanwya.com/vb/images/icons/icon14.gifhttp://www.thanwya.com/vb/images/icons/icon14.gif هدي اشرف 20-07-2008, 03:13 AM هو ايه اللي موش هدخل كليه كويسه يا جماعه جميع الكليات كويسه والحمد لله بس احنا عشان حاطين في بالنا ان انا لازم ادخل كليه قمه وكليه تجاره وتربيه ومعرفش ايه مستواها وحش مفيش حاجه اسمها كده احنا عشان مترسخه الفكره دي عندنا كده وخلاص لا ادخل انت بس الكليه اللي ربنا كاتبهالك واثبت نفسك فيها ووروني الجدعنه بقي يا جماعه انا هقولكم علي حاجه اختي اهي قاعده طول اليوم في الشغل بتاعها ودكتوره وبتقبض 180 جنيه وزودوها بقت 230 ماشي احلفلكم بايه انها موش لاقيه تصرف علي نفسها وبنتها اهي هي وجوزها قاعدين بيحضروا وبيشتغلوا كل واحد في مجاله في حين بقي بنت عمتي الله اكبر يعني شوف دخلت تجاره واخر هنا يا سيدي اه انت موش هتدخل الكليه اللي نفسك فيها بس هتدخل كليه تضمنلك مستقبلك علي الاقل اثبت نفسك فيها وان اشء الله ربنا هيعوضك خير صح ولا لأ انا كلامي دا موش لحد معين لالأ لينا كلنا وانا دايما بقول لنفسي كده marwa.m 20-07-2008, 09:08 AM انا الحمد للة نتيجتى عجبانى بس الى مش عجبنى الامتحانات المعقدة beautyblotyboy 22-07-2008, 06:43 AM انا في تانية ناقص 26 منهم 18 كيميااء و الله ظلم مش عارف اعمل ايه بس انا هكمل علمي رياضة و ربنا معايا ادعولي يا جماعة ahmed2845 22-07-2008, 12:58 PM انا جبت 91 علمى رياضة واكيد مش عجبانى النتيجة طبعا لانها مش هتدخلنى هندسة عين شمس ولا حتى هندسة حلوان |