أستاذي الفاضل

السلام عليكم
أريد أن أعرف عى أي أساس وضعت المشرفين
فأنا قد تقدمت بطلب للإشراف على قسم فلاسفة تحت التمرين والمنتدى العام

وفوجئت بأني أتولى اشراف أقسام اخرى عدد مشاركاتي فيها لا يتعدى الشروط المذكورة في موضوع الإنتخابات

أنا لا أعلم لماذا فعلت ذلك وعلى أي أساس

وهل هذا عقاب لي على تقصيري ؟؟؟؟؟؟؟؟؟؟؟؟
أم أن الإدارة تختار كما يحلو لها هي ؟؟؟؟؟؟؟؟؟؟؟
أسف إذا كنت أتحدث بأسلوب غير لائق

ولكن أريد أن اعرف هل أنا مقصر في شيء أم لا ؟؟؟؟؟؟؟؟؟؟؟؟؟

برجاء من الادارة توضيح هذا الموقف الغريب

اكيد يا استاذ زيزو فى تفيس لعلامات استفهامك

انتظر حتى نعرف رأى الادارة فى استفساراتك

وسيبك من الكلام الى ذكرته >>> ( ختامها مسك )

والا انت عايز تاخد المليون وتهرب ؟

ههههههههههههههههههههههههه

يمكن هوا شايف ان هتكون اجمل في الاقسام بتاعتك
وبرده عاوزين من استاذ اشرف التوضيح

هو فعلا اللى حصل غريب شوية بس إن شاء الله الاستاذ اشرف يوضح وجهة نظره
مع ان اكيد مفيش اتنين يختلفوا على مدى ملائمة حضرتك للاشراف على قسم ( فلاسفة تحت التمرين ) , وحضرتك كمان ترشحت للقسم ده يعنى من حقك الكامل الإشراف عليه.

وكمان انا بقيت مشرفة قسم ( برامج الكمبيوتر ومكافحة الفيروسات ) مع ان نشاطى فيه قليل جدا وزى ماحضرتك بتقول المفروض الشروط ماتنطبقش عليا برضه :wacko: :blink:.

بس المهم دلوقتى زى ما الاستاذ بورسعيدى قالك سيبك من الكلام اللى قلته.

فعلا أنا هسبني من الكلام اللي قولتوا ولكن أطلب من الإدارة عزلي نهائيا من الإشراف

وكفاني أن أكون عضوا معكم هذا فخر لي أن أكون معكم كعضو ولكن أريد أيضا
إجابة على هذا السؤال من الأعضاء والإدارة
هل قصرت في حق المنتدى الذي كنت مشرفا عليه
أا أعلم جيدا أن هناك من هم أفضل مني ويستطيعون قبادة هذا القسم ولكني فعلت كل ما أستطيع أن أفعله أريدكم أن تبدو برأيكم

انا اؤيد كلام علمى علوم فى انه لا يصح إلا الصحيح
انت متميز فعلا فى فلاسفة تحت التمرين
وانت طلبت الاشراف عليه
يبقا من حقك ان تكون مشرفا عليه
مع احترامى للمشرفين الحاليين
وانا بكلامى لا اقلل من شأن المشرف الحالى
ولكن كما قلت لا يصح الا الصحيح
يا علمى علوم انا كمان فوجئت ( بالتشكيل الجديد)
وتعيينى ايضا فى منتدى ( الهاكرز واختراق الاجهزة )
رغم ان نشاطى هناك محدووود جدا جدا او بمعنى اصح يكاد يكون منعدم

يا استاذ اشرف ننتظر من حضرتك التوضيح وابداء وجهة نظرك

ويا استاذ زيزو اكيد هناك خطأ غير مقصود

وأنا أنتظر رأي الإدارة وأرجو من المشرف تثبيت الموضوع لحين دخول الإدارة

أنا مش عارف أقول أه

هو ايه حصل في الانتخابات

معلش انا عامل زي الاطرش في الزفة

بس تجاوبا مع سؤال حضرتك طبعا حضرتك لم تكن مقصرا في قسم فلاسفة تحت التمرين

ونرجوا من الادارة التوضيح

ثم فين التصويت والانتخابات؟؟؟

يا نهار ابيض؟؟
واين ميدو من الاشراف
يا جماعة ميدو كان اول المرشحين للإشراف
بصراحه يوجد لوغاريتمات كثيرة
انا غير قادر على استيعابها

كويس انك عدلت عن رأيك يا زيزو
مش عارفين يا محمد ويارب نعرف قريب
وفعلا كلام حضرتك صحيح يا استاذ بورسعيدى..............اين محمد من الإشراف؟؟؟!!!

اعتقد يا جماعة الموضوع اكبر من احنا نستغرب بس على اللى حصل
مادام كلنا متفقين على احقية الاستاذ عبد العظيم فى الاشراف على القسم "فلاسفة تحت التمرين"
يبقى لازم كلنا نعلن رفضنا التام لنتيجة الانتخابات .... اسف.... قصدى اللى سموها انتخابات...
لازم يا جماعة يكون لينا وقفة بجد واظن ده من حقنا وكمان ده واجبنا تجاه الاخ العزيز الاستاذ الفيلسوف "زيزو"

ويا ريت المشرف الحالى على القسم يتفهم الموضوع وما يزعلش

أكيد هناك سوء فهم فى الحكاية وأكيد سوف نفهم اللى حصل من أستاذ أشرف عند دخوله

بالنسبة لأستاذ عبد العظيم فهو أحق الناس هو وفلاور بالاشراف على فلاسفة تحت التمرين ولكنى يمكننى استنباط ما حدث ولا اعلم اذ كان صحيحا ام لا
فاذا نظرت الى اسماء المشرفين والى الاقسام لوجدت ان كل قسم فرعى كفلاسفة تحت التمرين او حى على الفلاح .......الخ له مشرف واحد فقط + المشرف العام على القسم الذى ينتمى اليه هذا القسم الفرعى
فاذا نظرت مثلا الى واحة النشيد لوجدت اسم عبدالله مشرف هذا القسم الفرعى + فتاة الاسلام ( المشرفة على قسم تعالى للجنة) وهكذا......
ويشذ من هذه القاعدة أخبار الموقع والثانوية - تائج الامتحانات - المنتدى العام - محدثكم من اهدى مكان - عضو جديد - مشاكل وحلول واقتراحات
ولذا كان على استاذ اشرف اختيار مشرف على فلاسفة تحت التمرين اما انت واما فلاور
ولأنه يعلم رغبتك ان تتولى فلاور قسم فلاسفة تحت التمرين ويعلم انك تهتم بالمنتدى ككل قرر ان يوليك اشراف أقسام أخرى


وأما بالنسبة لميدو فهو ايضا من الاعضاء الجديرين بالاشراف وخاصة على قسم الأدب الشعر بيت مسكون وكنت قد تعجبت لماذا لم يقدم موضوع جديد اسمه مرشح جديد اسمه ......
فى المنتدى العام طبقا لشروط الانتخابات وأظن ا ن لهذا السبب اختلط على استاذ اشرف الامر واعطى اشراف القسم لمن تقدم بالطلب


وأما بالنسبة لعدم وجود تصويت او انتخابات فعلية فأنا اظن ان هذا حدث لانه لم يتقدم مشرفين لكل الاقسام فعدد الاقسام التى تقدم لها مشرفين لا يتعدى 7 أقسام
كما اننى أظن انه لم يتقدم أى عضوين متنافسين للاشراف على اى قسم فعلى ماذا ستكون الانتخابات ؟؟؟؟؟؟؟؟؟؟


أسفة لأننى اطلت عليكم ولأننى قد حاولت التطفل وتفسير الاحداث من وجهة نظرى

ولكننا فى انتظار التفسير الصحيح من استاذ اشرف


وعلى العموم احنا كلنا هنا احباب واخوة حتى ولا فرق بين مشرفين واعضاء أتمنى ان تحل المشكلة قريبا

تم تحرير المشاركة لخروج كاتب الرد عن حدود الادب
( مثلها مثل اى انتخابات لمبارك )

انا اسف وصلت متأخر شوية

لكن هو واضح ان فيه بعض التخبط مش مع الأستاذ زيزو بس دا معايا كمان

لأن انا متواجد باستمرار ف قسم " الأدب الشعر بيت مسكون "

وأثناء فترة الانتخابات رجلي انكسرت وتم تجبيسها وامتنعت من المشاركة

وفوجئت بالنتيجة رغم اني بعت للأستاذ أشرف رسالة خاصة شرحت له الظروف لكنه ماردش

انا مش عارف ايه اللي حصل ، ليا مشاركات كتير جدا عليه وبقالي مده كبيرة متواجد

وكمان دراستي للغة العربية أظن إنها تأهلني لكده

والعضوية ف قصر الثقافة موجودة تخليني أول المرشحين

أنا أسف أستاذ أشرف إن كنت فهمتك غلط لكن احنا ما نستهلش منك كده

لكن يبقى الشرف الأول والخير هو تواجدنا ف منتدى عظيم زي كده

وانا كمان ليا راى
الاستاذ عبدالعظيم (zizo_2)انا مش عارف هو مامسكش اشراف فلاسفه تحت التمرين ليه مع انه هو الجدير بهذا القسم
مع احترامى طبعا للمشرفين على هذا القسم وبعدين هو كان مترشح لهذا القسم
تانى حاجه والغريبه فى الانتخابات ان ميدو (msmido)مامسكش اشراف طب دا يبقى عدل وبعدين ميدو عضو مشعايز اقول متميز
لان كلمة متميز قليله عليه لانه متميز جدا وبيدخل المنتدى كتير وردوده جميله وموضوعاته اجمل
وعايز اقول حاجه فى اعضاء لسه داخلين المنتدى قريب وتلاقيهم مسكين اشراف وكمان اشراف قسمين مش واحد
فعلا ميدو والاستاذ عبدالعظيم اجدر من اى حد فى الاشراف مع احترامى للمشرفين.

والكل فى انتظار رد الاستاذ اشرف

فعلا انا شايفه فيه ناس كتير يستحقوا الاشراف طبعا zizo

وياريت استاذ اشرف يوضحلنا اللي حصل ده..

وبرضه msamido انا شايفه انه من انشط الاعضاء ولم يتولي الاشراف علي اي قسم!!!

واستاذ pasuoo كما قال انه دارس للغه العربيه وكان متواجد في قسم الادب

نريد التفسير...

استاذ عبد العظيم اعتقد بعد كل الكلام ده يبقى ما فيش داعى للزعل من النتيجة لان الكل زى ما انت شايف مستغرب اللى حصل
بس دلوقتى الغريب فعلا دلوقتى ان الاستاذ اشرف لسه ما ردش علينا مع ان الموضوع لو كان على اساس المفروض كان وضحه
انما ماقدامناش بقى غير ان احنا ننتظر مع اصرارى على رفضى التام لهذه النتيجة بأى شكل من الاشكال ولاى سبب كان
انما بردو من حق الاستاذ اشرف انه يقول وجهة نظره
وان شاء الله خير

مستنيين رد استاذ اشرف
لان كده فيه علامة استفهام كبيرة

الاول يا جماعه كما ذكرت مسبقا في مشاركه اولي لي في هذا الموضوع ان الاستاذ عبد العظيم يستحق ولا شك ان يكون مشرفا لقسم فلاسفة تحت التمارين


اما الاستاذ بسيوني فأقول له حمدا لله علي سلامتك استاذنا وبالفعل افتقدناك في فترات غيابك

اما موضوع اشرافي فأنا بالفعل لم ارشح نفسي للاشراف لاني لا أرغب فعليا في الاشراف فشكرا جزيلااا لكل من رشحوني وتسائلوا عن عدم اشرافي

وفي النهاية انا اتفق مع دعاء في تفسيرها لعدم وجود اي تصويت في الانتخابات فلم يتقدم للترشيح من الاعضاء من يتنافس علي الاشراف في قسم معين
ولكن مازال موضوع مشرف لكل قسم فرعي ومعه مشرف القسم العام مبهما ولا يحل قضية استاذ عبد العظيم
شكرا للجميع واسف للاطالة

وفي الختام اود ان اشيد بالتكاتف الحادث بيننا وان كان هذا يعني شيئا انما يعني حبا لمنتدي نحن اعضاؤه وافراد اسرته

أشكر جميع الأعضاء على المرور وشعهورهم الجاد نحوي أنا بجد مش عارف أقولكم ايه لكن أنا هحللكم الموضوع كله علشان متحصلش فتنة في المنتدى لان انا بحبه بجد وبخاف على ذلك المنتدى


أنا اطلب من الأستاذ أشرف عزلي من الإشراف نهائيا وانا معكم مثلما كنت بل سأكون مهتما أكثر من ذي قبل

لا طبعا الانسحاب من الاشراف نهائيا ليس حلا بالمرة

....

بالظبط يا استاذ اشرف الانسحاب من الاشراف ليس حلا للقضية

فأنت لست اولي الناس بالاشراف علي هذا القسم فحسب ولكن الاصلح له ....

اظن كلنا متفقين
وكان يجب ان ينظر الاستاذ اشرف الى اقدمية الاعضاء
صحيح ان ميدو لم يرشح نفسة ولكن كان جدير بالاشراف
والاستاذ بسيونى متمكن جدا فى اللغة العربية
ليه تحرمنا من عطائة وخبرتة
ننتظر دخول الاستاذ اشرف

انا اسف انا انشغلت شويه بس كان لازم ارد على الموضوع وبكون ليا راى فيه
انا قبل اشتراكى فى المنتدى كنت يسمع عنه كلام جميل وفرحت اكتر لما عرفت
بموضوع الانتخابات وعرفت اكتر ان ال انا مش قادر اقول راى فيه فى السياسه العامه
لمصر اقدراقول راى فيه فى منتدانا الجميل
وطلبت الاشتراك فيه ورسمت صوره جميله للمنتدى
عن حريه الراى فيه
ارجوا عدم تغير تلك الصوره حتى لا نصاب جميعا بالاحباط نتيجة قرار لااعلم
او لانعلم ما اهدافه ونتائجه
ارجوا الرد ان كنتم مخطأ
شكرا

استاذ عبد العظيم يستحق منصب الاشراف بغير مناقشة او سسب للنفى

فهو متميز حق التميز ولا يستحق الاشراف فقط بل رئاسة الاقسام كلها

فى حد يكره ان يكون عنده جوهرة نادرة باهظة الثمن

انا بستغرب لا حول ولا قوة الا بالله

ممكن الاعضاء الجدد يتكلموا باحترام افضل من كده شوية
انتم ما تعرفوش حاجة عن الموضوع اصلا فيا ريت ما ترموش الاتهامات عمال على بطال لو سمحتم يعنى
استاذ اشرف عمل موضوع عن الانتخابات والموضوع متثبت فى المنتدى العام
وكتب ف الموضوع انه مستنى رأى الاعضاء ومقترحاتهم واللى عنده كلمة كان مفروض يروح يقولها هناك
بعدين الاعضاء عملوا الخطوات المكتوبة فى الموضوع واعلنت النتيجة بفوز جميع الاعضاء اللى تقدموا بطلب ترشيح لان مفيش مجال للتنافس
حيث ان عدد الاعضاء اللى دخلوا الانتخابات كانوا سبعة على ما اتذكر
وبالنسبة لاستاذ عبد العظيم انا شايف انه جدير فعلا انه يكون مشرف قسم فلاسفة تحت التمرين بس هو قال ف موضوع قبل كده انه مش ناوى على الاشراف وبعدين رجع رشح نفسه هو وفلاور فمفروض استاذ اشرف كان احترم رغبته انه يمسك القسم هو وفلاور
ع العموم استاذ اشرف لسه ما ردش
احنا مستنيين رده

والله لو يرضيك اني اترك الإدارة جمعيها لك يا zizo لتركها دون تفكير لانك احق مني منها
وبدون توضيح اي تفسير للنتيجة لان بعض الاعضاء ردوا بما فيه الكفاية
ولكن ساقوم بتلبية طلبك مباشرة ونقلك إلى قسم فلاسفة تحت التمرين
واسف للهذا الخطأ
ولا مجال للغضب في منتدانا
والسلام عليكم

Originally posted by عبقرينومان@Feb 5 2006, 06:40 PM
والله لو يرضيك اني اترك الإدارة جمعيها لك يا zizo لتركها دون تفكير لانك احق مني منها
وبدون توضيح اي تفسير للنتيجة لان بعض الاعضاء ردوا بما فيه الكفاية
ولكن ساقوم بتلبية طلبك مباشرة ونقلك إلى قسم فلاسفة تحت التمرين
واسف للهذا الخطأ
ولا مجال للغضب في منتدانا
والسلام عليكم
73473


ودا اللى كنا مستنينه من استاذنا
الله يخليك ياباشا

شكرا جزيلا استاذ اشرف على تفهمك
وجميل جدااا ان الاستاذ عبد العظيم هيرجع مشرف على قسم ( فلاسفة تحت التمرين ) تانى إن شاء الله

وطبعا احنا كلنا هنا اخوة ولا مجال للغضب او سوء التفاهم بنا.

استاذ اينشتاين احن مش علشان اعضاء جدد فى المنتدى مش لازم يكون لينا رأى (صح) (1)
انت شايف علشان بنتكلم فى الموضوع احنا كده مش محترمين (شكرا) (2)
المفروض علشان نكون محترمين مش يكون لينا رأى ( ماشى) (3)
حضرتك يا محترم يالى فاهم كل حاجه اغلق باب الاشتراكات الجديده (اوكى) (4)

يا جماعه الرأى للقدامى

( شكرا)

ابداااااااااااا يا ابراهيم اينشتاين ما يقصدش كدا ابدا
ده المنتدى قائم بالاعضاء القدامى والجدد اكيد
وزى ما الاعضاء القدام ليهم رأيهم اللى بنحترمه كمان اكيد اكيد الاعضاء الجداد ليهم رأيهم اللى بنحترمه برضه

بس اينشتاين كان عايز يهدى الامور علشان مفيش حاجة تقدر تفرق اعضاء ومشرفين المنتدى عن بعض
ولا انت يا ابراهيم مش معايا؟

فعلا كلام علمى علوم صحيح
بس برضه مكنش لازم انشتاين يحبكها شويه

خلص الموضوع
وده اللى كنت اتوقعه من استاذ اشرف

Originally posted by اينشتاين@Feb 5 2006, 07:27 PM
خلص الموضوع

73518


ايه خلص الموضوع ده انت بتسكتنا ولا ايه
انت يابنى انت هو حد كلمك بتكلمنا وكأننا بنشتغل عندك
لا ياريس فى اسلوب احسن من كده
واما تكون عايز تتنرفز اتنرفز على حد غيرنا ياحبيبى

والله انا مش قصدى كده انا قصدى خلص الموضوع بتاع استاذ عبد العظيم
وبعدين انا مش متنرفز عليك انت صاحبى برضه
وانا ما كانش قصدى ان اغلط ف حد انا كل اللى كان قصدى ان المشكلة هتتفاقم وهتزيد عن حدها فحبيت احجم الموضوع
ولو حد زعلان منى انا اسف يا جماعة
وادى راسكم ابوسها :) :) :) :)

أشكركم اعزائي وأشكر الإدرة الحكيمة التي لبت طلبي

جزاكم الله خيرا وأشكركم كلكم على شعوركم الطيب

Originally posted by عبقرينومان@Feb 5 2006, 06:40 PM
والله لو يرضيك اني اترك الإدارة جمعيها لك يا zizo لتركها دون تفكير لانك احق مني منها
وبدون توضيح اي تفسير للنتيجة لان بعض الاعضاء ردوا بما فيه الكفاية
ولكن ساقوم بتلبية طلبك مباشرة ونقلك إلى قسم فلاسفة تحت التمرين
واسف للهذا الخطأ
ولا مجال للغضب في منتدانا
والسلام عليكم
73473


كلماتك جعلت دموعي تنزف من الفرح أعتذر لك بشدة استاذي الفاضل وأشكرك على ما قد فعلت وعلى ثقتك بي

الحمد لله تم حل الموضوع وانتهت الازمة لم أرغب في ذكر هذه الكلمة لانه لا مجال للازمات بيننا ولكن دعونها نتحدث عليها كأزمة ولكنها والحمد لله مرت بسلام وانتهت المشكلة

ولكن في النهاية أرجوا أن اضع بعضا من النقاط علي بعضا من الحروف

في البداية اللاسف كل اللاسف للاستاذ ابراهيم الصافوري نيابة عن اينشتاين فقد كان كلامه أعمق بعض الشئ مما كان يقصد ولكن حسن النية متواجد يا استاذ ابراهيم فلا داعي للزعل وهو اخ لنا كما انك اخ لنا ولا مجال للزعل بين الاخوة

ثانيا جاء الاستاذ اشرف اخيرا بالحل المتوقع من ادارة حكيمة فشكرا جزيلا له

ثالثا والنهاية شكرا لكل الاعضاء الجدد قبل القدامي وكل من أبدي رأيه بحماس في هذا الموضوع لاننا كنا ولا نزال نعمل لصالح منتدانا فشكرا للجميع

Originally posted by عبقرينومان@Feb 5 2006, 06:40 PM
والله لو يرضيك اني اترك الإدارة جمعيها لك يا zizo لتركها دون تفكير لانك احق مني منها
وبدون توضيح اي تفسير للنتيجة لان بعض الاعضاء ردوا بما فيه الكفاية
ولكن ساقوم بتلبية طلبك مباشرة ونقلك إلى قسم فلاسفة تحت التمرين
واسف للهذا الخطأ
ولا مجال للغضب في منتدانا
والسلام عليكم
73473


هو ده الكلام الظبوط يا عبقرى
والحمد لله كلنا كنا نتكلم من وازع الحب العميق للمنتدى
ويا استاذ ابراهيم اينشتاين لم يكن يقصد ابدا ما فهمته لانه انسان طيب جدا ومحترم جدا
واكيد انت بس الى لسة ماعرفتهوش على حقيقتة
واهم شيئ هو ان الاستاذ زيزو رجع للمكان الذى يحبه ويعشقة
ولا ننكر ابدا ان الاستاذ زيزو فى المكان الى بيحبة اننا بنستفيد كتير من عطائة
والحمد لله ان المشكلة عدت على خير وان الكل كان حسن النية

والله ياجماعة انا مش زعلان يس ان كانت فاكر ان احنا غير مرغوب بينا فى المنتدى
بس انا بجد بحب المنتدى جدا واعضاءه كلهم ناس شيك جدا
فلوا كنت قلت حاجه دا كان بنية الاستفادة من كل الاعضاء
ولو كنت قلت حاجه حد زعل منها
انا اسف للجميع

Originally posted by ابراهيم الصافوري@Feb 6 2006, 12:30 PM

ولو كنت قلت حاجه حد زعل منها
انا اسف للجميع
73775


انت عمرك زعلت حد
وبعدين بتتأسف ليه انت مغلطتش فى حاجه علشان تتأسف