مشاهدة النسخة كاملة : تخريج تعليم اعدادي و اتعينت بالابتدائي..الحل؟


xkeysman
17-11-2013, 09:55 PM
السلام عليكم

انا متخرج عام 2000 من قسم اللغة الانجليزية تربية عام بالعريش..ولكن عام 2002 كان فى مسابقة وطلبوا 80 معلم لغة انجليزية..اول 50 عينوهم بالاعدادي وال30 عينوهم بالتعليم الابتدائي لان مفيش قسم انجليزي بالتربية الاساسي..

عشان كدة اسمي الوظيفى معلم ابتدائي..ومن يومها وانا طفران فى الابتدائي لحد ما جالي بعيد عنكم الضغط وفى بوادر سكر وربنا يسترها..من كتر الحصص وشقاوة الاطفال

انا عاوز ارجع للاصل انا المفروض معلم اعدادي عاوز اروح اعدادي وبعدين الثانوي..ايه الحل؟؟

لو القرار من الوزارة ايه الحل؟
لو القرار من المديرية ايه الحل؟؟؟؟؟؟؟

ارجوكم ساعدوني
انا تعبت من ام التعليم الابتدائي

أ/محمد على عاشور
17-11-2013, 10:44 PM
اعمل تغيير مسمي وظبفى
بالقرار 275 لعام 2011

sadq7
17-11-2013, 11:49 PM
جالك الضغط من ابتدائى وعاوز تروح إعدادى ... ههههههههههه
أنت كالمستغيث من الرمضاء بالنار .
لعلمك الخاص أفضل مرحلة وأسهلها وأقلها ضغطا على الأعصاب الابتدائى ويليها الثانوى وأسوء مرحلة هى الإعدادية .. لو عاوز نصيحة مجرب عمل فى المراحل الثلاثة ارض بما أنت فيه واحمد ربنا على النعمة اللى انت فيها.

عباس رضا
20-11-2013, 06:58 PM
اخى العزيز المرحلة الأبتدائية والإعدادية هى مرحلة واحده وجواب التعيين يكتب به مدرس اعدادى ويعمل بالحلقة الأولى من التعليم الأساسى يعنى ابتدائى ماشى اعدادى ماشى اللعب هنا فى ايد التوجية يا برنس ينتدبك اعدادى ومع اول قرار تثبيت يتم تثبيتك بالمرحلة الإعدادية هو ده الحل التوجييييييييييييييييييييييييييه