السلام عليكم و رحمة الله ...


يا جماعة انا بصراحة مش فاهم خالص حكاية المرحلة الاولى من التنسيق و المرحلة التانية و هكذا .. يا ريت اللى يعرف يشرح الكلام ده يتفضل و ربنا بإذن الله هيجعل ذلك فى ميزان حسناته ...

لكن عموما ... أنا جايب 93.7 % .. و عاوز هندسة اسكندرية اللى كانت السنة اللى فاتت 94.7 % .. عموما مجموعى يدخل فى تنسيق المرحلة الاولى ..

واحد من معارفى قاللى استنى احسن للمرحلة التانية تكون هندسة اسكندرية نزلت و تقدر تحصلها ... و متقدمش فى المرحلة الاولى ...

الاستفتسار بقى ...

انا لو قدمت فى المرحلة الاولى ... و جالى مثلا هندسة جامعة تانية انا مش عاوزها .. ينفع اقدم تانى فى المرحلة التانية عشان احتمال تنزل الكلية اللى انا عاوزها ولا خلاص مينفعش ما دام قدمت فى المرحلة الاولى ؟؟؟! ... يا ريت يا جماعة أى حد يكون واثق بس من معلوماته يرد عليا بس ( بدون ) إختصار لأنى بجد حاسس انى محتاس و متدهور و عملية التنسيق عندى مش هتمشى تماما .........

اللى يقدر يشرح نظام المرحلة الاولى و المرحلة التانية فى التنسيق بالتفصيل يا ريت يقدر يعمل كده .. و بإذن الله ربنا هيجازيه بكل خير .....

يا ريت تساعدونى يا جماعة و جزاكم الله كل خير .....

تحياتى لكم جميعا . ..

ســــ الله ـــــلام ...

أخوكم ..

محمد جمال ..

ها يا جماعة محدش رد عليا لحد دلوقتى !!

يا ريت اللى يفهم فى الموضوع ده يدخل يشارك و يقول اللى يعرفه ...

لأ يا مان أنتا لو ماقدمتش في المرحلة الأولى سيتم أستنفاذ رغباتك و ممنوع حد من المرحلة الأولى يسجل في المرحلة التانية برنامج التنسيق مش حيسمح لك بالدخول لا في المرحلة التانية ولا التالته لازم تقدم في مرحلتك صاحبك بيضحك عليك عشان تضيع عليك مرحلتك

هلى فكرة لو حاولت تدخل برقم جلوسك في المرحلة التانية أو التالته برنامج التنسيق حيطلعلك رسالة حيكتبلك فيها عذراً هذه المرحلة ليس مرحلتك

طب ده معناه ان فيه ناس جايبين مجاميع قليلة ممكن يدخلوا كليات معرفش اللى جايبين مجاميع اعلى انهم يدخلوها ؟؟؟؟؟؟؟

يا جماعة حد يرد عليا ........!!!!!!!!!!

طب ده معناه ان فيه ناس جايبين مجاميع قليلة ممكن يدخلوا كليات معرفش اللى جايبين مجاميع اعلى انهم يدخلوها ؟؟؟؟؟؟؟


ياريت توضح لاني مش فاهم من الكلام ده حاجة

و أنا كمان مش فاهم كلامك بس أننتا لو ما قدمتش في مرحلتك ديه بيعتبروك متخلف عن التنسيق (أقصد لم تدخل التنسيق)
و بيحددوا بعد المرحلة الثالثة ميعاد عشان الطلبة اللي تخلفوا عن التنسيق يبقى لهم مهلة أخيرة في أنهم يكتبوا رغباتهم عشان فيه ناس بتروح تقدم في جامعات خاصة و بعدين ترجع في كلامها بس المشكلة أنك لو أستنيت لحد مرحلة رغبات المتخلفين عن النسيق مش حتلاقى أي كلية

أنا عايز أقول حاجه .....::::::::::::::::::

إزاى ممكن كليات الهندسة تنزل مرحلة تانيه قبل ما تاخد كل اللى عايزنها فى مرحلة أولى
و بعدين عدد اللى فى مرحلة أولى من علمى رياضه 14991 طالب و طالبه و الأماكن بكليات هندسة 18738 مكان

معنى كده انها هتاخد كل اللى عايزنها فى مرحلة أولى


صح كده ؟؟؟؟؟

لا يا من انت تقدم مرحلة اولي لو هندسة الاسكندرية نزلت لمجموعك هتخوشها لو منزلتش هيستنوا لحد مكل الجيبين المجموع يخوشوا و بعدين يخدوك /::: يعني انت اولي من بتاع المرحلة التانية و ان شاء الله تخشها

طيب يا جماعة ألف شكر على التوضيح ..

جزاكم الله كل خير ..

و يا رب كل واحد فينا يدخل الكلية اللى عاوزها ان شاء الله ...

الف الف مبرووووووووووووووووووووووووووووووووووك هندسة الزقازيق من 92%