الموجه قام بندبي كليا الي مدرسه اخري دون ان اتقدم بطلب مع العلم اني اساسي في المدرسه ومدير المدرسه لا يريد ان اترك المدرسه مع العلم ان البديل بالتعقد وليس اساسي هل اتقدم بشكوي ام امتنع عن تنفيذ النشره ارجو الافاده لاني لا اريد ترك مدرستي؟

اذا كنت انت الاول فى مدرستك وبعدين اللى تعاقد جه بعدك يبقى هو اللى ينتدب بس فيه حاجه بيستند لها الموجهين وهى مالهاش سند قانونى ان يقولك احنا جاى لنا نشرة ان التعاقد يشتغل فى مدرسه قريبه كل ده كذب اكتب شكوى واطلع بيها على النيابه الاداريه متروحشى الشئون القانونيه لانها ممكن تتركن ويطرمخ عليها . ده عن تجربه انا كمان اتعمل فى كده وسكت وللاسف ضريت نفسى كتير اقل شئ النيابه الادرايه هتجازى الموجه وتوقف النقل

جزاك الله خير بسي يا ريت تقولي ايه الاجراءات .................يعني الخطوات لاني عمري ما رحت النيابه الاداريه

* ارفض التوقيع على النشرة - بس تكون ضامن مدير المدرسة انه ما يخليش طرفك ثم اكتب شكوى أيضا إلى الشئون القانونية بالمديرية - بالإضافة إلى بلاغ إلى النيابة الإدارية (بصيغة تظلم ) ومجرد علم التوجيه بأنك اشتكيت هيلغى الندب فورا ويتم ندب الأحدث ،، وما ضاع حق وراءه مطالب - ونصيحتى اوعى تسيب حقك - بس خلى بالك ممكن تاخد جزا على عدم التنفيذ 3 أيام ولا حاجة ممكن يتشالوا بعد كدة ، وسيتم مجازاة الموجه أيضا على اصداره ندب مخالف