https://fbcdn-sphotos-c-a.akamaihd.net/hphotos-ak-ash3/p480x480/555311_164793253711503_1038004909_n.jpg


قـــتـــلوا الصبا في الفرح
ووزعوا الشربات
يا عيني مين إندبح
ومين يا قلبي مات
جندي .. مدني .. وعُزّل
ولا معاه دبابات
ما هو لما أسيب شغلتي
وألم في الكلمات
وأسيب حدودك يا وطن
وأعمل بيوت ثكنات !!
أملا الشوارع بالهرج
ما هو المرج إشاعات
يبقى يا داهيه لملمي
جثث الشعوب في ألات !!
وتعالي قومي أعزفي
لحن الشجاعة مات
متشطرين عاللي إتسرق
ماللي سرق ستات !!
أسفين يا أرض الوطن
أصل الرجوله مات
طفله في يوم تغتصب
والطلبه بالميات
جندي في يوم يتــقـــتــل
نرجع نقول إشاعات
لملم كلابك يا وطن
نهشوا جثث أموات
ماهو لما أعيش وبدون أمان ..
يبقى أفضلي الممات
ملعون أبو أم الألم
عاللي دبح كلمات !!
وأهي مصر شوفتوها
آه على الآهات
بكرا العلم يترسم
أحمر بلون من مات
الدم أصبح عدم
وإللي أتقـــتــل أهو فات
وإللي إتقـــتــل أهو فات


كلمات /
ضياء الدين سعيد

للأسف مصر أصبحت بلد الأموات فيها من مات غدرا ومن مات نفسيا ومن مات ضميره

بجد روووووووووووووووووووووووووووووعه
حقيقي تسلم ايديك
من ابداع لآخر
تحياتي

صدقت أستاذ ضياء "" أصل الرجولة مات ""
كلمات كالسيف لمن يعى و يفهم و من كان له قلب او القى السمع وهو شهيد

سلم نبض قلمك الدائم التفكير بالوطن