|
مشاهدة النسخة كاملة : انا عملت التنسيق من البيت و من غير ما اروح مكتب التنسيق remy@temo 19-07-2008, 09:54 AM يا جماعة انا مرحلة اولى شريحة اولى ادبى و خلاص خلصت التنسيق من البيت ومن غير ما اروح مكتب التنسيق ولا حاجة وبجد سهل موووووووووووووووووووت جدااااااااااا ..... كل اللى خلص التنسيق يقول و كمان يقول هو مطمن للتنسيق كدة واللا الورق احسن..... بس انا بصراحة مطمنة بس يعنى مش اوى...... ياللا ان شاء الله خير remy@temo 19-07-2008, 09:56 AM ربنا معانا يارب كلنا و يحقق امل اهلنا فينا د/ ماجدولين 19-07-2008, 10:03 AM أنا كمان لسة مخلصة التنسيق دلوقتى والحكاية مكانتش مستاهلة كل القلق دة بس أنا شريحة تانية علمى علوم وكل اللى جالى انة تم الحفظ بمكتب التنسيق وان مفيش حد هيطلع ع الرغبات فهل انا كدة خلاص خلصت ولا لسة عندى فرصة انى افتح تانى وأعدل الرغبات ayman3000 19-07-2008, 10:13 AM ماجدولين أنا مش فاهم يعني أيه شريحة تانية وشريحة أولى يعني أنتي جيبتي كام من اللي مكتوب ده بالنسبة للمجموعة العلمية يوم السبت 19 يوليو الحالى للحاصلين على مجموع 405 درجات فأكثر والأحد 20 يوليو للحاصلين على مجموع 396 درجة لأقل من 405 درجات والأثنين لمجموع 392 درجة لأقل من 396 درجة والثلاثاء لمجموع 388 درجة لأقل من 392 درجة ثم الأربعاء للحاصلين على مجموع 384 درجة لأقل من 388 درجة والخميس لمجموع 379 درجة لأقل من 384 درجة والجمعة للحاصلين على مجموع 375 درجة لأقل من 379 درجة. الباشمهندس 19-07-2008, 10:19 AM أنا كمان لسة مخلصة التنسيق دلوقتى والحكاية مكانتش مستاهلة كل القلق دة بس أنا شريحة تانية علمى علوم وكل اللى جالى انة تم الحفظ بمكتب التنسيق وان مفيش حد هيطلع ع الرغبات فهل انا كدة خلاص خلصت ولا لسة عندى فرصة انى افتح تانى وأعدل الرغبات لا طبعا عندك فرصة تعدلى تانى,,, د/ ماجدولين 19-07-2008, 10:36 AM ماجدولين أنا مش فاهم يعني أيه شريحة تانية وشريحة أولى يعني أنتي جيبتي كام من اللي مكتوب ده بالنسبة للمجموعة العلمية يوم السبت 19 يوليو الحالى للحاصلين على مجموع 405 درجات فأكثر (دى الشريحة الأولى)والأحد 20 يوليو للحاصلين على مجموع 396 درجة لأقل من 405 درجات(دى الشريحة التانية) والأثنين لمجموع 392 درجة لأقل من 396 درجة(دى الشريحة التالتة) والثلاثاء لمجموع 388 درجة لأقل من 392 درجة(دى الشريحة الرابعة) ثم الأربعاء للحاصلين على مجموع 384 درجة لأقل من 388 درجة (دى الشريحة الخامسة)والخميس لمجموع 379 درجة لأقل من 384 درجة والجمعة للحاصلين على مجموع 375 درجة لأقل من 379 درجة. وهكذا حضرتك جاوبت نفسك بنفسك ayman3000 19-07-2008, 10:39 AM يعني هما 7 شرايح بس الشرايح ديه عاملنها عشان معامل الحاسبات في الجامعات (بتاعة التنسيق) لكن لو من أي كمبيوتر في بيت في نت كافيه ممكن تدخلى أي وقت remy@temo 19-07-2008, 10:41 AM يماجدولين .......انا اخر حاجة ظهرت عندى رقم الايصال و الحاجات دى بس لكن مظهرش لى الكلام اللى انتى كتبتيه ... ياريت تطمنينى ayman3000 19-07-2008, 10:47 AM remy يعني أنتي مش ظهر لك في الأخر (تم الحفظ بمكتب التنسيق وان مفيش حد هيطلع ع الرغبات) ؟ أنا مرحلة تانية و مش عارف المفروض تظهر ولا لأ بس عشان تتأكدي أن رغباتك اللي عملتيها أتحفظت في مكتب التنسيق أدخلى تاني برقم الجلوس و الرقم السري و لو ظهر لك ال 48 رغبة اللي أنتي أختارتيهم يبقى تمام لو ما ظهروش يبقى أعملى الرغبات تاني الجويرية 19-07-2008, 10:49 AM يا جماعة انا بوابة الحكومة واقعة عندى خالص المفروض كنت اعمل التنسيق دلوقتى والبوابة واقعة ياريت تكتبولى اى رابط عشان الحق السجل الرغبات masternew 19-07-2008, 10:55 AM انا عملت برده التنسيق و عملية سهلة وكله تمام masternew 19-07-2008, 10:57 AM حد اشترك فى عرض فودافون بعد التنسيق؟؟؟؟ انا كل ماجى اشترك الاقى مكتوب مكان الاسم مربعات؟؟ ayman3000 19-07-2008, 10:58 AM الموقع بيفتح عادي و مفتوح للتسجيل بالمرحلة الأولى من الساعه 10 إمبارح بالليل بس لو أنتي Dial Up أحتمال يكون تقيل عشان الضغط عليه أنتي DSL ولا Dial Up ؟ على العموم خدي اللينك ديه https://www.tansik.egypt.gov.eg/Application/main.aspx و ديه https://www.tansik.egypt.gov.eg/Application/ وديه https://www.tansik.egypt.gov.eg/ جربي أفتحيهم و أنشاء الله حيفتحوا الجويرية 19-07-2008, 11:04 AM انا dsl الحمد لله خلاص فتح جزاكم الله خيرا وبسجل الرغبات دلوقتى شكرا جدا freespirit 19-07-2008, 11:05 AM انا عملته امبارح بالليل وبجد سهل خالص بس اخر حاجة ظهرت عندي رقم الايصال والحاجات دي mahmoud5 19-07-2008, 11:09 AM يا شباب الف مبروك عليكم كلكم بالنجاح ويارب كلكم تخشوا الكلية الى انتو عاوزانها انشاء الله ودة اميلى لو حد عاوز يصادقنى انا محمود أدبى 90% remy@temo 19-07-2008, 12:03 PM ayman 30000 ..... متشكرة ليك جدا ايوة انا عملت كدة وكله تمام الحمد لله ............... ميرسى ليك جدا ayman3000 19-07-2008, 12:09 PM remy معلش سؤال بعد ما كتبتي رغباتك طلعتلك رسالة بتقولك زي ما ماجدولين قالت ( تم الحفظ بمكتب التنسيق وان مفيش حد هيطلع ع الرغبات) ؟ أنا عايز أعرف عشان أنا مش مرحلة أولى و عايز أعرف الدنيا ماشية أزاي Sharp Nails 19-07-2008, 12:15 PM انا كمان عملت وخلصت وفنشت وكله بح الحمد لله بس الحمد لله مش انا الى عملت لنفسى انا مليش فى الهجص دة:D د/ ماجدولين 19-07-2008, 01:08 PM أيييييييية القلق اللى أنا عملتة دة؟؟؟؟؟؟؟؟؟؟؟!!!!!!!!!!!!:mad::eek: انا لما سجلت الرغبات لأول مرة فاكرة ان جتلى حاجة زى كدة بس دى تقريبا كانت فى مقدمة صفحة ما وكان بيسأل لو كنت عاوزة اسجل الرغبات ولا لأ وبعد أما وافقت آخر حاجة ظهرت هى رقم الأيصال وكدة ولو عاوزة أطبع والكلام دة ع العموم انا دخلت تانى وقولت أما أعدل رغبة وأشوف وأطمنكوا ظهرلى تم تسجيل قائمة رغباتك بنجاح، رقم التسجيل!!!!!!!!! احتفظ برقم التسجيل كدليل على عملية التسجيل core2duo 19-07-2008, 01:10 PM هو رقم التسجيل ده هو رقم الإيصال ولا ده رقم و ده رقم ؟ remy@temo 19-07-2008, 01:35 PM أيييييييية القلق اللى أنا عملتة دة؟؟؟؟؟؟؟؟؟؟؟!!!!!!!!!!!!:mad::eek: انا لما سجلت الرغبات لأول مرة فاكرة ان جتلى حاجة زى كدة بس دى تقريبا كانت فى مقدمة صفحة ما وكان بيسأل لو كنت عاوزة اسجل الرغبات ولا لأ وبعد أما وافقت آخر حاجة ظهرت هى رقم الأيصال وكدة ولو عاوزة أطبع والكلام دة ع العموم انا دخلت تانى وقولت أما أعدل رغبة وأشوف وأطمنكوا ظهرلى تم تسجيل قائمة رغباتك بنجاح، رقم التسجيل!!!!!!!!! احتفظ برقم التسجيل كدليل على عملية التسجيل ربنا يخليكى.... طمنتينى انا اساسا كنت مرعوبة من التنسيق على النت دة بس خلاص يا جميل ولا يهمك ... المهم ان احنا الحمد لله كدة كله تمام .... ayman3000 خلاص كدة انا كدة صح وتمام .... ربنا معاك ومعانا كلنا mikooo333 19-07-2008, 01:55 PM يا جماعة ياريت تفهمونى أنا علمى و جايب 91.46 % ممكن أدخل هندسة و خاصة بعد اللى مكتوب فى الجرايد كالتالى سباق كليات القمة يبدأ اليوم اعتبارا من اليوم ولمدة أسبوع, يبدأ سباق المرحلة الأولي لتنسيق القبول بالجامعات, الذي يتنافس فيه121 ألفا و66 طالبا وطالبة, لشغل أماكن في كليات القمة, كالطب والصيدلة والأسنان والهندسة والاقتصاد والإعلام والألسن. وتشير الأرقام إلي أن هؤلاء الطلاب الحاصلين علي حد أدني375 درجة بنسبة91.46% من المجموعة العلمية, و344 درجة بنسبة81.46% من الأدبية, يتنافسون علي41 ألف مكان بهذه الكليات. وتعطي الأرقام صورة أكثر تفصيلية لهذا السباق الكبير, حيث توضح أن26 ألف طالب وطالبة من العلمي علوم يتنافسون علي16 ألف مكان بكليات القطاع الطبي الطب والصيدلة والأسنان والعلاج الطبيعي, بينما يتنافس14 ألفا و991 طالبا وطالبة علي18 ألفا و738 مكانا بكليات الهندسة, و2340 بكليات الحاسبات والمعلومات. أما المجموعة الأدبية, فإن هناك4 آلاف و579 مكانا بكليات الاقتصاد والعلوم السياسية والإعلام والألسن, كما يزاحم طلاب المجموعة العلمية علوم ورياضيات طلاب المجموعة الأدبية علي هذه الأماكن. سيكون التقدم لمكتب التنسيق الإلكتروني من التاسعة صباحا حتي الخامسة مساء, إذا كان التقديم من خلال أجهزة كمبيوتر الجامعات, بينما سيكون متاحا لمدة24 ساعة يوميا إذا تم من خلال أجهزة الكمبيوتر الشخصية. و ده من الأهرام أرجوكم تطمنونى ممكن ألحق هندسه ؟؟؟؟ miko_miko2009@hotmail.com ayman3000 19-07-2008, 02:30 PM ميكو كاتبين في أحدى المواقع المصرية الشهيرة أماكن بكليات الهندســة والحاسبات لطلاب المرحلــة الثانية 121 ألــف طالـــب يتقدمـــون لمكتب التنســيق الإلكتروني بالمرحلـــة الأولي بعد غد تبدأ بعد غد المرحلة الأولي لتنسيق الجامعات وتستمر لمدة اسبوع بحد ادني91,46 علمي و81,4 أدبي. ومن المقرر ان تستوعب هذه المرحلة26 ألفا و335 طالبا وعلمي علوم14 ألفا و991 رياضة, و79 ألفا و712 ادبي وهو ما يؤكد وجود أماكن شاغرة بالمرحلة الثانية لطلاب شعبة رياضة و بكليات الهندسة والحاسبات بإجمالي121 ألفا و66 طالبا وطالبة. وكشفت المؤشرات ان هناك127 طالبا علمي علوم حصلوا علي اكثر من100% في نتائج الامتحانات مقابل10 رياضة و7 طلاب أدبي. كما كشفت المؤشرات انه في حالة قبول5 آلاف و849 طالبا بالطب فسيكون الحد الأدني للقبول بكليات الطب400,5 درجة اي نحو97,6% وطب الأسنان399 درجة96,99% والصيدلة393,5 درجة والعلاج الطبيعي393 درجة اي نحو96,1%, بينما يصل الحد الأدني للقبول بكليات الهندسة إلي374 درجة اي نحو90,99%. وبالنسبة لشعبة الأدبي فسيكون الحد الأدني للقبول بكلية الاقتصاد والعلوم السياسية398,5 درجة والإعلام395,5 درجة. ووفقا للمجمع التكراري لدرجات الطلاب الناجحين في الثانوية العامة فإن الشريحة الأولي ضمن المرحلة الأولي للتنسيق والتي تبدأ بعد غد سيصل عددها إلي2016 علوم و160 رياضة و11 ألفا و949 طالبا. ayman3000 19-07-2008, 02:31 PM يعني أنشاء الله حتلحق هندسة عبقرينومان 19-07-2008, 02:35 PM السلام عليكم مش لازم تنتظروا موعد الشرائح سجلوا في اي وقت والمهم يطلع لكم رقم التسجيل او رقم الايصال mikooo333 19-07-2008, 02:47 PM يا رب يا ايمن الحق هندسة ان شاء الله remy@temo 19-07-2008, 03:00 PM وبالنسبة لشعبة الأدبي فسيكون الحد الأدني للقبول بكلية الاقتصاد والعلوم السياسية398,5 درجة والإعلام395,5 درجة. ووفقا للمجمع التكراري لدرجات الطلاب الناجحين في الثانوية العامة فإن الشريحة الأولي ضمن المرحلة الأولي للتنسيق والتي تبدأ بعد غد سيصل عددها إلي2016 علوم و160 رياضة و11 ألفا و949 طالبا. انا مش فاهمة يعنى اعلام ادبى هتاخد من 395.5 واللا الكلام دة لعلمى بس واللا ايه ...........بجد ياريت حد يطمنى لاحسن انا خايفة انا جايبة 393.5 ادبى وهموت لو مدخلتش اعلام ayman3000 19-07-2008, 03:05 PM مكتوب وبالنسبة لشعبة الأدبي فسيكون الحد الأدني للقبول بكلية الاقتصاد والعلوم السياسية398,5 درجة والإعلام395,5 درجة بس ده مش الحد الأدنى النهائي لسه بعد لما الناس تكتب رغباتها و تطلع النتيجة بعدها بيقولوا الحد الأدنى لكل كلية ayman3000 19-07-2008, 03:07 PM أنا أعتقد أن كل ديه مجرد توقعات و مش الحد الأدنى النهائي عشان الحد الأدنى لكل كلية بيتحدد حسب كثرة الطلب على الكلية و أرتفاع المجاميع أو أنخفاضها على هذا الأساس يتم تحديد الحدود الدنيا للقبول بكل كلية remy@temo 19-07-2008, 03:45 PM طب ممكن تقول الموقع اللى انت جايبه من عليه؟؟؟؟؟؟؟؟؟؟؟ Dr.mayson 19-07-2008, 05:00 PM انا عن نفسى رحت مكتب تنسيق علشان ترتيب الكليات حسب التوزيع الجغرافى وعلشان مش عندى طابعة والمفروض انى بطبع ورقة وبس |