|
مشاهدة النسخة كاملة : مساعده ضرورى اوى عشان التنسيق fathy 90 19-07-2008, 01:13 PM لو سمحتوا عايز استفسر عن كليه العلوم ايه هى الاقسام المتاحة لبتوع علم رياضة ومستقبلها ايه وهل متاح شغل البترول لعلم رياضة وهل الاقسام بتختلف فى المجموع fathy 90 19-07-2008, 01:14 PM ؟؟؟؟؟؟؟؟؟؟؟؟؟؟؟؟؟؟؟؟ مستنى الرد ضرورى اوى 3olomgy 19-07-2008, 08:14 PM كل الاقسام متاحة ما عدا الاقسام البيولوجية وبالنسبة لنقطة البترول فانا كتبت كلام مفصل عن كده فى احد الموضوعات والاقسام ما بتختلفش فى المجموع لانها بتبدأ من سنة تانية لكنها بتختلف حسب التقدير اضغط هنا (http://www.thanwya.com/vb/showpost.php?p=541961&postcount=6) fathy 90 19-07-2008, 10:17 PM شكرااااااااااااااااااا اوىاوى بس انت كاتب فى الموضوع ان القسم ده بياخد عدد معين فعلى اى اساس يختار هذا العدد؟ fathy 90 19-07-2008, 10:33 PM طيب انا قريت فى موضوع ليك انه هو بياخد على اساس التقدير العام هل ده يعنى لو انا جبت امتياز او جيد جدا فى العام و جيد جدا او امتياز فى الجيو فيزيا والجيويجى هقدر اخش القسم بسهولة ولا ايه النظام معلش احنا تعبينك معانااوى 3olomgy 20-07-2008, 03:17 PM طيب انا قريت فى موضوع ليك انه هو بياخد على اساس التقدير العام هل ده يعنى لو انا جبت امتياز او جيد جدا فى العام و جيد جدا او امتياز فى الجيو فيزيا والجيويجى هقدر اخش القسم بسهولة ولا ايه النظام معلش احنا تعبينك معانااوى اه طبعا ...اصلا كلمة امتياز فى سنة اولى علوم صعبة جدا وتقريبا عدد محدود جدا عندنا فى الكلية اللى جابوا امتياز فى التقدير العام يارب اكون قدرت اوضح حاجة محمد.فوكس 20-07-2008, 03:25 PM بص يا أستاذ فتحي.. واضح ان مجموعك مش قليل زيي.. انا ليا قرايب في كلية علوم/رياضة و كل سنة بيطلعوا على الاقل بمادة و مادة تقيلة (كيميا او فيزيا) انا بالنسبالي طبعا هموت و ادخلها لأن دي اقرب حاجة لمجموعي لانه وحش اوي و انا مش عايز تجارة.فأنا مش هتأمر كمان..صعبة ولا سهلة. لكن بقى بالنسبة ليك نصيحتي لو مجموعك يجيب اي كلية حلوة تانية يعني يمكن تحصل هندسة يمكن!!! يبقى احسن طبعا...او حاسبات و معلومات.. و في الاول و الآخر الاختيار ليك و ربنا معاك و معايا.. fathy 90 20-07-2008, 10:51 PM انا صرفت نظر عن علوم خالص كله بيقول صعبة جدا جدا جدا وبازن الله اشد والحق هندسة او حاسبات وبعدين انا معايا واسطة وممكن اخش فنيه عسكريه بس انا مش بحب نظام الداخليه ده بس اهو لازم نستحمل.................شكرا اوى يا جماعه 3olomgy 21-07-2008, 12:13 PM انا صرفت نظر عن علوم خالص كله بيقول صعبة جدا جدا جدا اهى المشكلة فى كله دى ..لا صعبة ولا حاجة بس هى عايزة ناس بتركز انا التيرم ده جايب امتيازين واتنين جيد جدا ومادة خايب فيها جبت فيها جيد!!!!!!!! تقدير السنة كلها جيد مرتفع وفاضلى مادتين همتحنهم ولو جبت فيهم امتياز هبقى جيد جدا ربنا يوفقك فى الكلية اللى تحقق فيها ذاتك:) fathy 90 21-07-2008, 03:08 PM شكرا يا علومجى وربنا يوفقنا كلنا ان شاء الله ayman3000 21-07-2008, 03:42 PM 3olomgy عندي سؤال هو قسم علوم البترول ده عشان الواحد يدخله لازم يكون جايب الحد الأدنى لكلية علوم؟ ولا هو عشان خاص ممكن أي حد يدخله بالفلوس؟ وهل قسم جيولوجيا في كلية علوم ممكن حد علمي رياضه يدخله ولا مش مسموح؟ شكراً جزيلاً prof_3bkryno 21-07-2008, 03:43 PM السلام عليكم انا عضو جديد في المنتدي بس بالنسبه للموضوع بتاعك يا عم فتحي احب ارد عليك لاني انا في علوم ومجدبش عليك هيا صعبه :confused::confused:بس بصراحه الكليه مش بتتاخد لادراع لازم تشوف هيا عيزه ايه وتديهولها يعني من الاخر بتتاخد بالسياسه زي العيال الصغيره بالظبط وهوا ده اللي انا عملته السنه دي والحمد لله جبت الترم الاول جيد والتاني جيد جدا وربنا يوفقكك ان شاء الله ونصيحه مني لو عايز تشتغل في البترول متقلقش كل الاقسام بتودي بترول بس بالكوسه لكن من غير كوسه يبقي عنك كيمياء وجيولوجيا و جيوفيزياء وربنا معاك اخوك عبقرينو 2علوم كيمياء جامعه قناه السويس ;););) 3olomgy 21-07-2008, 05:04 PM 3olomgy عندي سؤال هو قسم علوم البترول ده عشان الواحد يدخله لازم يكون جايب الحد الأدنى لكلية علوم؟ ولا هو عشان خاص ممكن أي حد يدخله بالفلوس؟ وهل قسم جيولوجيا في كلية علوم ممكن حد علمي رياضه يدخله ولا مش مسموح؟ شكراً جزيلاً اه لازم تكون جايب الحد الادنى لكلية العلوم جامعة القاهرة بالنسبة لقسم الجيولوجيا لازم عشان تدخله تاخد فى سنة اولى جيولوجيا وحيوان ..يعنى هتاخد فى سنة اولى : فيزياء + رياضيات + كيمياء + جيولوجيا + حيوان وكالعادة انا بتكلم على جامعة القاهرة معرفش بقية الكليات نظام التشعيب فيها ماشى ازاى العفو ..انا تحت امر الجميع فى اى استفسار ayman3000 21-07-2008, 05:28 PM شكراً لك لردك هو بس في حاجه كمان هو بعد ما أخد المواد ديه فيزياء + رياضيات + كيمياء + جيولوجيا + حيوان لازم أجيب فيهم تقدير عشان أتخصص جيولوجي؟ ولا مش لازم ؟ fathy 90 21-07-2008, 05:30 PM لازم تقدير 3olomgy 21-07-2008, 07:35 PM لازم تجيب جيد جدا تقدير عام وجيد جدا جيولوجيا وجيد جدا حيوان والقسم بياخد عشر طلاب بس ..وكالعادة بكرر واقول انى بتكلم على جامعة القاهرة اذكر الله 14-08-2008, 01:10 AM طيب لو سمحت يا ايناشتين او علومجى او محمد اللى يعجبك بقى انت ليك اسماء كتير اوى ما شاء الله يعنى انا كنت بس عاوز اعرف منك اية قسم احصاء وعلوم حاسب دة ومستقبلة اية يعنى وبردة كنت عاوز اسال عن قسم الجيو فيزياء وترد عليا ياريت |