مشاهدة النسخة كاملة : أدخل هندسة حاسبات خاصة ولا حاسبات ومعلومات خاص؟
core2duo 19-07-2008, 06:10 PM السلام عليكم ورحمة الله و بركاته
أنا كريم المحمدي من الأسكندرية عندي 21 سنه و نص دخلت في العام الدراسي 2002 ثانية ثانوي و لظروف مرضي مادخلتش الإمتحان سنة 2002 ولا 2003 ودخلت في 2004 ثلاثة مواد من ثانية و في 2005 مادتين من ثانية ثانوي و في 2006 مادتين من ثالثة ثانوي وفي 2007 مادخاتش لظروف مرضية و في 2008 دخلت الثلاثة مواد اللي فاضلين من ثالثة ثانوي و جيبت 78%
وأنا بحب مجال الكمبيوتر و تكنولوجيا المعلومات (من الأخر كده مدمن كمبيوترات)
وكان نفسي أدخل هندسة و أتخصص حاسبات بس سمعت أن هندسة صعبة و أنا خايف بصراحة أدخلها و أسقط و بعدين أنا دلوقتي 21 سنه و نص يعني اللي قدي متخرج ومش حينفع أدخل كلية أسقط فيها
فهل حاسبات و معلومات أسهل من هندسة حاسبات ؟ ولا أصعب ؟
وأنتوا تنصحوني أدخل أيه هندسة ولا حاسبات و معلومات ؟
تفتكروا فيه أمل في واحد زيي أنه ينجح في الكلية ؟؟
أنا مش حايب ولا غبي أنا بس عندي مرض معين
أرجوا من جميع الزملاء طلبة و مشرفين و مدرسين بالمنتدى أعطائي النصيحة فأنا لايوجد عندي أصدقاء أستمع ألي نصيحتهم ولكن عندي أعضاء هذا المنتدى الفاضل
أنا بعيط كل يوم على اللي بيحصلي في ثانوية عامة ديه
أفيدوني أفادكم الله ووفقكم إلى ما فيه الخير
شكراً لكم جزيلاً
منتظر ردودكم
core2duo 20-07-2008, 09:42 AM 60 مشاهدة للموضوع :( و مفيش رد واحد :confused: :mad: :o
ahmed abdelaziz 20-07-2008, 10:01 AM بص يا باشا
بالنسبة لهندسة قسم حاسبات لازم تكون جايب في اعدادي هندسة علي الاقل جيد جدا
و بالنسبة لحاسبات و معلومات فهي كلية عملية جدا و جميلة و لو حبيت الموضوع هتكون سهلة كمان
ahmed abdelaziz 20-07-2008, 10:04 AM في حاجة كمان
هندسة قسم حاسبات بتركز جدا علي الهارد وير و بتدرس سوفتوير اقل
انما حاسبات العكس تكثر من دراسة لغات البرمجة و تقلل دراسة الهارد وير
ahmed abdelaziz 20-07-2008, 10:12 AM و لو عايز اي معلومات زيادة انا تحت امرك
core2duo 20-07-2008, 10:15 AM بص يا باشا
بالنسبة لهندسة قسم حاسبات لازم تكون جايب في اعدادي هندسة علي الاقل جيد جدا
و بالنسبة لحاسبات و معلومات فهي كلية عملية جدا و جميلة و لو حبيت الموضوع هتكون سهلة كمان
شكراً جزيلاُ لردك بس هل موضوع التقدير جدي جداُ في أعدادي هندسة عشان أدخل تخصص حاسبات ينطبق على الجامعات والمعاهد الخاصة ؟ ولا ينطبق على الحكومي بس ؟
يعني أنا أفهم من كلامك أن حاسبات و معلومات أسهل ؟
بالنسبة لموضوع أن دول بيدرسوا هاردوير و التانين سوفتوير أنا بصراحة بحب مجال الحاسبات و ال IT و مش عارف لحد دلوقتي أنا بحب الهاردوير ولا البرمجة ؟ بس أعتقد أميل للهاردوير أكتر بس المشكلة أن هندسة قسم حاسبات بيدرسوا مواد هندسة كهربية و أتصالات و بعد كده يتخصصوا حاسبات
core2duo 20-07-2008, 10:18 AM سؤال أخر:- بالنسبة للمعاهد العليا الخاصة هل هندسة حاسبات أفضل من حاسبات و معلومات من حيث الشهادة و فرص العمل المتوفرة لكل منهما ؟؟
أقصد يعني لو واحد معاه بكالوريوس هندسة حاسبات من معهد عالي خاص هل بيكون أفضل من اللي معاه بكالوريوس حاسبات و معلومات من معهد عالي خاص ؟؟
ahmed abdelaziz 20-07-2008, 10:28 AM شكراً جزيلاُ لردك بس هل موضوع التقدير جدي جداُ في أعدادي هندسة عشان أدخل تخصص حاسبات ينطبق على الجامعات والمعاهد الخاصة ؟ ولا ينطبق على الحكومي بس ؟
يعني أنا أفهم من كلامك أن حاسبات و معلومات أسهل ؟
بالنسبة لموضوع أن دول بيدرسوا هاردوير و التانين سوفتوير أنا بصراحة بحب مجال الحاسبات و ال IT و مش عارف لحد دلوقتي أنا بحب الهاردوير ولا البرمجة ؟ بس أعتقد أميل للهاردوير أكتر بس المشكلة أن هندسة قسم حاسبات بيدرسوا مواد هندسة كهربية و أتصالات و بعد كده يتخصصوا حاسبات
بصراحة الكلام اللي بقولو كله بينطبق علي الجامعات الحكومية
جايز بينطبق علي الخاص و جايز لا
في قسم هندسة حاسبات بيدرسوا فعلا حاجات غير الكمبيوتر زي كهرباء و حاجات تانية
بس التخصص بعد اعدادي علي طول
هندسة حاسبات تحتاج الي مخ رياضي جدا ( يعشق الرياضيات ) و اعتماد علي النفس
ahmed abdelaziz 20-07-2008, 10:30 AM سؤال أخر:- بالنسبة للمعاهد العليا الخاصة هل هندسة حاسبات أفضل من حاسبات و معلومات من حيث الشهادة و فرص العمل المتوفرة لكل منهما ؟؟
أقصد يعني لو واحد معاه بكالوريوس هندسة حاسبات من معهد عالي خاص هل بيكون أفضل من اللي معاه بكالوريوس حاسبات و معلومات من معهد عالي خاص ؟؟
انا بصراحة في موضوع الخاص مقدرشي افيدك للاسف
بس في الحكومي الاتنين مستقبلهم كويس جدا و شغلهم حلو
core2duo 20-07-2008, 10:42 AM هندسة حاسبات تحتاج الي مخ رياضي جدا ( يعشق الرياضيات ) و اعتماد علي النفس
مش فاهم يعني أيه أعتماد على النفس يعني قصدك الواحد يعتمد على نفسه ولا أيه
ahmed abdelaziz 20-07-2008, 10:48 AM هندسة حاسبات تحتاج الي مخ رياضي جدا ( يعشق الرياضيات ) و اعتماد علي النفس
مش فاهم يعني أيه أعتماد على النفس يعني قصدك الواحد يعتمد على نفسه ولا أيه
بص يا كريم
زي ما قولتلك بأكد تاني ان كل كلامي عن الهندسة الحكومي فقط
و غالبا مناهج الخاص بتبقي مختلفة (اسهل اكيد )
هندسة قسم حاسبات حكومي من الاقسام اللي بتحتاج مجهود خرافي و فعلا ان الواحد يعتمد علي نفسه و نسبة ذكاء عالية
core2duo 20-07-2008, 10:57 AM أوكي يعني هي أصعب من حاسبات و معلومات
طيب لو جينا لحتة خريج هندسة حاسبات أيه الفرق بينه و بين خريج حاسبات و معلومات من ناحية الشغل يعني ده بيشتغل أيه و خريج حاسبات بيشتغل أيه ؟ أنا عارف أن خريج حاسبات بيشتغل مبرمج
بس هل تعتقد أن الأتنين المتخرجين من الكليتين دول و لو خدوا نفس الكورسات و أشتغلوا بيها و بشهادتهم أعتقد أن الأتنين بيتساوا ولا أيه ؟
أنا عايز أعرف من ناحية الوظائف أيه اللي بيميز خريج هندسة الحاسبات عن خريج الحاسبات و المعلومات ؟؟؟ (بغض النظر عن أن ده معاه كارنيه نقابة المهندسين و التاني معاه كارنيه نقابة المهن العلمية (العلميين) )
ahmed abdelaziz 20-07-2008, 11:11 AM أوكي يعني هي أصعب من حاسبات و معلومات
طيب لو جينا لحتة خريج هندسة حاسبات أيه الفرق بينه و بين خريج حاسبات و معلومات من ناحية الشغل يعني ده بيشتغل أيه و خريج حاسبات بيشتغل أيه ؟ أنا عارف أن خريج حاسبات بيشتغل مبرمج
بس هل تعتقد أن الأتنين المتخرجين من الكليتين دول و لو خدوا نفس الكورسات و أشتغلوا بيها و بشهادتهم أعتقد أن الأتنين بيتساوا ولا أيه ؟
أنا عايز أعرف من ناحية الوظائف أيه اللي بيميز خريج هندسة الحاسبات عن خريج الحاسبات و المعلومات ؟؟؟ (بغض النظر عن أن ده معاه كارنيه نقابة المهندسين و التاني معاه كارنيه نقابة المهن العلمية (العلميين) )
بصراحة خريج حاسبات و معلومات الحكومي بيشتغل علي طول
و بمرتبات جيدة جدا بالنسبة لمصر طبعا
الموضوع برضه محتاج كورسات خلال فترة الكلية بتاعتك غير المناهج اللي انت بتدرسها
و عموما للمعلومات الزيادة
http://forum.shamsawy.net/index.php?showforum=50
ده منتدي كلية الحاسبات و المعلومات جامعة عين شمس
ayman3000 20-07-2008, 11:16 AM حاسبات أسهل
core2duo 20-07-2008, 11:19 AM طيب خريج حاسبات مجال شغله برمجة لكن خريج هندسة حاسبات بيكون مجال شغله لما يتخرج بيكون أيه ؟؟
وبالنسبة لو أنا عايز أشتغل بعد ما أخلص في الشبكات هل في الحالة ديه حاسبات و معلومات (تخصص علوم حاسب Cs ) أفضل لي ولا هندسة قسم حاسبات و نظم تحكم ؟
ahmed abdelaziz 20-07-2008, 11:34 AM لو عايز تشتغل في الشبكات يبقي هندسة قسم ( الكترونيات و اتصالات )
ahmed abdelaziz 20-07-2008, 11:41 AM و ده منتدي عن كلية الهندسة و اقسامه المختلفة جامعة القاهرة
http://www.unimasr.com/community/viewforum.php?f=338
core2duo 20-07-2008, 11:41 AM قسم ألكترونيات و أتصالات صعب و أصعب من هندسة حاسبات
ahmed abdelaziz 20-07-2008, 11:45 AM قسم ألكترونيات و أتصالات صعب و أصعب من هندسة حاسبات
انا معاك في كده
بس هو اللي بيخرج ناس فاهمة الشبكات صح
|