مشاهدة النسخة كاملة : ايه رأيكو في طب بيطري؟
SENDRILLA 21-07-2008, 04:15 PM ايه رأيكو في بيطري
دلوقتي انا علمي علوم وجبت 95%
:(
:(
:(
:(
ولحد دلوقتي مكتبتش رغبات
حيرتي وصلت لدرجه لا يمكن تتخيلوها
دلوقتي انا كنت شبه مستقره اني اكتب ترتيب الكليات صيدله_علاج طبيع _السن _علوم
بس سمعت عن بيطري انه مستقبله حلو وكده
كنت متردده
بس بصراحه بابا بعد ما عرف انه مش بنفس المفهوم اللي في دماغه اني بس هعالج الحيوانات وكده
شجعني وقاللي اكتبيه كليه كويسه ومستقبلها حلو اوي
وانا برده صليت استخاره وحسيت بالارتياح اني اكتب بيطري بعد علاج طبيعي وباقي الرغبا ثابته
بس العائق الوحيد قدامي هو انتو
ماقصدش انتو شخصكو يعني
لا اقصد الناس
نظرة الناس لبيطري اللي عمرها ما هتتغير
تقول لحد يقوللك دي كليه مش ححلوه ويعد يتتريق
واكييييييييد محدش فيكو مسمعش اللي بيتقال او هو اصلا كان من اللي بيقولوا
دلوقتي انا اعمل ايه
امشي ورا الناس
بس صدقوني لو جاتلي السن وحسيت اني كنت هبقي احسن في بيطري هندم كتير اوي
وساعتها لا هيهمني ناس ولا غيره
ولو كتبته
لو من اول يوم حد قاللي ليه كتبتيه وقاللي كلمه واحده بس
انا عارفه اني مش هستحمل
ومش بعيد اطلب احول
وساعتها برده هندم
طب بالله عليكم قولولي اعمل ايه
انا سمعت ان بيطري ممكن برده اشتغل في شركات الادويه وشركات الاغذيه
وممكن اخد دبلومه واشتغل في معمل تحاليل
وممكن برده بعد التدريب اشتغل في معامل الاجنه واطفال الانابيب
بالاضافه للوظيفه الاساسيه بتاعت بيطري وهي عياده في مكان محترم للحيوانات الاليفه
طب انتو ايه رايكو
لو حد فيكم كان مكاني او هو مكاني فعلا هيعمل ايه
امشي ورا كلام الناس
ولا اسيبني من الناس وامشي بالي انا مقتنعه بيه
بالله عليكم ساعجوني بسرعه
اخر ميعاد للرغبات تقريبا يوم الجمعه
يعني مش قدامي غير 3 ايام بس
يعني الوقت ضيق
وانا مش عارفه اعمل ايه
اتمني تساعدوني اني اخد القرار الصح
:confused:
:confused:
sweeeeet 21-07-2008, 04:29 PM بصى بصراحة يا ساندي الناس مبيعجبهاش حاجة انتي لازم تعملي اللي انتي شيفاه مناسب ليكي وبسسسسسسسسسسسسسسسسس
انا راي انك تخشي وملكيش دعوة بكلام الناس خاااااااااااااالص
اوك؟؟!!
nothing 21-07-2008, 04:40 PM بصى يا زوزو طب بيطرى ده هايله بجد وبعدين هو انتى لازم تتخصى علاج حيوانات وبس
انتى ممكن تثبتى نفسك فى مجال اعمق فى الكليه دى ومين عالم ممكن تنفعى فيها
وبعدين مش الحيوانات مخلوقات زيها زينا
بلاش النظرة دى وانا معاكى وان شاء الله تبقى معيده فيها ان شاء الله
احم احم
ازيك يا سندريللا
هو انا يا بنتي مش قلت ليكي هتمشي ورا الناس يبقى مش هتكسبي حاجة ؟؟؟
بقولك ايه يا بنتي استهدي بالله واكتبي الترتيب الي اتفقنا عليه .. المهم انك كاتبة كلام الي يشوفه المفروض اصلا مش يفكر ويدخلها علاطول
يعني يآخد دبلومة ويشتغل في معمل ومش عارف ايه
وكل دا ومش عاوزة تكتبيها
يا بنتي انتي بتغني وتردي على نفسك يا قلبي
بصي استفتي قلبك وامشي وراه طالما مش معصية لله ...
توكلي على الله واكتبي الترتيب دا يا سوسو
الناس مش وراهم غير وجع القلب وكتر الكلام
وكذا مرة اقولك
كنت ناجح في حياتي ........ الناس هتحقد
كنت فاشل لا قدر الله ... الناس هتشمت
سيبك من الناس خااااااالص
وتوكلي على الله يا اختي واكتبي بيطري قبل السن
وبعدين انا مرة قولتلك
طب الناس هتقولك جثث وتشريح وبلاش
اسنان ... قرف وانتي فاهمة قصدي
صيدلة ... بياعة ادوية
بيطري ... بتعالج حيوانات ومش هتستحملي المنظر
طبيعي ... لا تعليق سبق وقلتلك الكلام الي هيتقال
ندخل تجارة بقى ونطلع نعد الفلوووس .. عشان الناس ترتاح
الناس= كل احباط وقرف وهم
كبري للناس الله يكرمك
وربنا يوفقك
احبك في الله
اوركيديا 21-07-2008, 04:45 PM دلوقتي انا كنت شبه مستقره اني اكتب ترتيب الكليات صيدله_علاج طبيع _السن _علوم
بس سمعت عن بيطري انه مستقبله حلو وكده
بصى انا قلتلك كتيييير و كلمتك على الموضوع ده
المهم
يعنى ايه اول لما حد يقولك كلمه عن بيطرى مش حتستحملى
و برده ان العيب فى الناس
عمر ما كلام الناس حيبطل
تقوليلهم بشرى يقولك احفادك اللى حيتعالجو عندك
تقوليلهم صيدله يقولولك بياعه
تقوليلهم بيطرى انتى عارفه بقى بيقولوا ايه
فالحكايه عمرها ما بتيجى بكلام الناس
انتى مقتنعه بايه قلتيلى مره طبيعى و السن
ايه بقى اللى خلاكى تغيرى رايك
كلاااااااااااام
والله انا مش عايزه غير مصلحتك وده راى
بس برده انتى اللى حتدخلى الكليه
فى رعايه الله
انا من رايي انها كلية ممتازة ومن القطاع الطبي ومستقبلها حلو
وبعدين انتي مفروض تعملي اللي انتي مقتنعة بيه وملكيش دعوة بكلام الناس
مانتي شايفة برضة نظرة الناس لكلية التمريض مع انها بتاخد مجموع عالي ومن القطاع الطبي وانا من رايي انها كلية كويسة جدا
والدكتور حمدي السيد نقيب الاطباء اشاد بيها وقال انها احسن من كلية طب وان مرتب الممرضة في الخليج ضعف مرتب الطبيب
وانا من رايي ان الناس العاقلة هي اللي بتفكر كدة وملهاش دعوة بكلام الناس لان في ناس كتير بتفكر بعقلية قديمة
وانا معاكي انك تدخلي طب بيطري
* dr.sara* 21-07-2008, 04:56 PM حبيبة قلبى و روحى زوزو:
حبيبة قلبى انا صديقتك واحب مصلحتك وبقلك اكتبى بيطرى مش السن بصى اكتبى اللى انتى عايزه مش اللى ناس عايزاه صدقينى الناس اقصد الشعب المصرى عنده جهل كبير جدا بصى فى ناس كانت بتقولى اكتبى طب ومجموعى يجيب طب لكن انا عايزة صيدلة وكتبتها ماليش دعوة بالناس ايه الفائدة من ان اطبق اللى ناس بتقوله ده مستقبلى انا ولازم اعمل اللى انا عايزاه وكذلك معك ارجوكى يا زوزو لا تصغى لاحاديث الناس الناس مش بتبطل كلام ويا ريت تبصى لمستقبلك اكتر وتهتمى بيه اكتر من نظرة الناس
الطب البيطرى كلية رائعة وانا لو مكانك والله ما كنت هكتب السن كنت هكتب بيطرى وصدقينى الكية جميلة اكيد جميلة ده مش بس كده ده انتى ممكن لوة تفوقتى تتعينى فى الجامعة بالاضافة لشغلك
هذا ما عندى اتمنى اكون افدتك
Dr.ahmed91 21-07-2008, 05:03 PM اللي بيمشي ورا الناس
مبياخدش حاجة
بس كده
شوفي ايه اللي يناسب ميولك وقدراتك
وربنا يوفقك
متنسيش تصلي استخارة
C A N D Y 21-07-2008, 05:24 PM شكرااااا جداااااا لكل اللى ردو
شفتى يا زوزو مش قلتلك
ادى اول تشجيع اهو
و بدام والدك موافق خلاص انا مش شايفة مشكلة
و يا بنتى مفيش حد بيبقى قدامه بيطرى و يسيبها
السن دى صدقينى زى ما قلتلك
مش ليها مستقبل
و اى حد ياخد كورسات هيبأى احسن م اللى متخرج منها
لكن بيطرى دى تابع كليات الطب
يعنى بيطرى لو اجتهدتى فيها هتلاقى نتيجة
السن لو موتى نفسك فيها مش هتلاقى حد يدور عليكى
الناس مش هتنفعك بحاجة لما مستقبلك يضيع
انا مش عارفة هقولك اى تانى لان انا كل الى عندى قلتهولك ع الميل
بس كويس انك حفظتى الحاجات و مش خليتينى اقولهم تانى:D ..انا كنت عاملالهم سيف اصلا;)
و زى ما همس قالت بالظبت
مهما دخلتى الناس مش هيسكتو
لازم يطلعو حاجة
عشان لما بيحسو ان حد هيختلف او هيتميز او هيعمل حاجة لازم يحاولو يحبطوه
دا انتى لو شفتى موبايلى تقولى دا موبايل قطة ولا حاجة من البلاوى اللى مبعوتالى
ولا هزنى..قفلت الموبايل شوية بس ناوية افتحو تانى عشان كتبت الورقة اللى قلتلك عليها:D
يالا مش هقول اكتر من كدا ..مش عارفة ليه حاسة ان انا السبب ان الموضوع كبر اوى كدا:rolleyes:
ع العموم ربنا يوفقك يا حبيبتى فى اى حاجة تدخليها:)
COoL HEaRT 21-07-2008, 06:27 PM يااااااااااااااااااااه تعرفى ان الكليه دى حلمى بجد انا تانيه ومجموعى حلو وممكن السنه الجايه اجيب بشري-مفيش حاجه بعيدهعن ربنا-وبجد انا افضل بيطرى مستقبله حلو جداااااااا بجد .وان شاء الله دى تكون اول رغباتى مكان .اتوكلى على الله ولا يهمك ثم كل اللى بيقول حاجه على بيطرى معلش ده جاهل لان مجرد معرفتك للكليه دى انتى بتعالجى كائنات حواليك ممكن اى كائن من دول يسبب دمار للبشريه كلها
فلازم يكون دكاتره متخصصين واكيد كله فاكر انفلونزا الطيور لولا ان فى دكاتره بيطرى كمان زمانا ضعنا اتوكلى ع الله والف مبروك مقدما يا دك
SENDRILLA 21-07-2008, 07:28 PM بصى بصراحة يا ساندي الناس مبيعجبهاش حاجة انتي لازم تعملي اللي انتي شيفاه مناسب ليكي وبسسسسسسسسسسسسسسسسس
انا راي انك تخشي وملكيش دعوة بكلام الناس خاااااااااااااالص
اوك؟؟!!
حاضر يا حبيبتي
ادعيلي بالتيسير
SENDRILLA 21-07-2008, 07:29 PM بصى يا زوزو طب بيطرى ده هايله بجد وبعدين هو انتى لازم تتخصى علاج حيوانات وبس
انتى ممكن تثبتى نفسك فى مجال اعمق فى الكليه دى ومين عالم ممكن تنفعى فيها
وبعدين مش الحيوانات مخلوقات زيها زينا
بلاش النظرة دى وانا معاكى وان شاء الله تبقى معيده فيها ان شاء الله
والله كانت مشكلتي الوحيده الناس
ادعيلي يا نهال بجد
SENDRILLA 21-07-2008, 07:30 PM احم احم
ازيك يا سندريللا
هو انا يا بنتي مش قلت ليكي هتمشي ورا الناس يبقى مش هتكسبي حاجة ؟؟؟
بقولك ايه يا بنتي استهدي بالله واكتبي الترتيب الي اتفقنا عليه .. المهم انك كاتبة كلام الي يشوفه المفروض اصلا مش يفكر ويدخلها علاطول
يعني يآخد دبلومة ويشتغل في معمل ومش عارف ايه
وكل دا ومش عاوزة تكتبيها
يا بنتي انتي بتغني وتردي على نفسك يا قلبي
بصي استفتي قلبك وامشي وراه طالما مش معصية لله ...
توكلي على الله واكتبي الترتيب دا يا سوسو
الناس مش وراهم غير وجع القلب وكتر الكلام
وكذا مرة اقولك
كنت ناجح في حياتي ........ الناس هتحقد
كنت فاشل لا قدر الله ... الناس هتشمت
سيبك من الناس خااااااالص
وتوكلي على الله يا اختي واكتبي بيطري قبل السن
وبعدين انا مرة قولتلك
طب الناس هتقولك جثث وتشريح وبلاش
اسنان ... قرف وانتي فاهمة قصدي
صيدلة ... بياعة ادوية
بيطري ... بتعالج حيوانات ومش هتستحملي المنظر
طبيعي ... لا تعليق سبق وقلتلك الكلام الي هيتقال
ندخل تجارة بقى ونطلع نعد الفلوووس .. عشان الناس ترتاح
الناس= كل احباط وقرف وهم
كبري للناس الله يكرمك
وربنا يوفقك
احبك في الله
والله يا نيدو عندك حق
ندخل تجاره وللا حقوق ونريح دماغنا
ربنا يوفقك انتي كمان حبيبتي
SENDRILLA 21-07-2008, 07:32 PM بصى انا قلتلك كتيييير و كلمتك على الموضوع ده
المهم
يعنى ايه اول لما حد يقولك كلمه عن بيطرى مش حتستحملى
و برده ان العيب فى الناس
عمر ما كلام الناس حيبطل
تقوليلهم بشرى يقولك احفادك اللى حيتعالجو عندك
تقوليلهم صيدله يقولولك بياعه
تقوليلهم بيطرى انتى عارفه بقى بيقولوا ايه
فالحكايه عمرها ما بتيجى بكلام الناس
انتى مقتنعه بايه قلتيلى مره طبيعى و السن
ايه بقى اللى خلاكى تغيرى رايك
كلاااااااااااام
والله انا مش عايزه غير مصلحتك وده راى
بس برده انتى اللى حتدخلى الكليه
فى رعايه الله
اكيد طبعا يا لولو
بس انتي ادعيلي
وان شاء الله اكتب الرغبات النهارده
SENDRILLA 21-07-2008, 07:34 PM انا من رايي انها كلية ممتازة ومن القطاع الطبي ومستقبلها حلو
وبعدين انتي مفروض تعملي اللي انتي مقتنعة بيه وملكيش دعوة بكلام الناس
مانتي شايفة برضة نظرة الناس لكلية التمريض مع انها بتاخد مجموع عالي ومن القطاع الطبي وانا من رايي انها كلية كويسة جدا
والدكتور حمدي السيد نقيب الاطباء اشاد بيها وقال انها احسن من كلية طب وان مرتب الممرضة في الخليج ضعف مرتب الطبيب
وانا من رايي ان الناس العاقلة هي اللي بتفكر كدة وملهاش دعوة بكلام الناس لان في ناس كتير بتفكر بعقلية قديمة
وانا معاكي انك تدخلي طب بيطري
مرسي يا علا لردك
ان شاء الله هكتبها بعد طبيعي
وكلية التمريض كليه ممتاه مفيش كلام
SENDRILLA 21-07-2008, 07:35 PM حبيبة قلبى و روحى زوزو:
حبيبة قلبى انا صديقتك واحب مصلحتك وبقلك اكتبى بيطرى مش السن بصى اكتبى اللى انتى عايزه مش اللى ناس عايزاه صدقينى الناس اقصد الشعب المصرى عنده جهل كبير جدا بصى فى ناس كانت بتقولى اكتبى طب ومجموعى يجيب طب لكن انا عايزة صيدلة وكتبتها ماليش دعوة بالناس ايه الفائدة من ان اطبق اللى ناس بتقوله ده مستقبلى انا ولازم اعمل اللى انا عايزاه وكذلك معك ارجوكى يا زوزو لا تصغى لاحاديث الناس الناس مش بتبطل كلام ويا ريت تبصى لمستقبلك اكتر وتهتمى بيه اكتر من نظرة الناس
الطب البيطرى كلية رائعة وانا لو مكانك والله ما كنت هكتب السن كنت هكتب بيطرى وصدقينى الكية جميلة اكيد جميلة ده مش بس كده ده انتى ممكن لوة تفوقتى تتعينى فى الجامعة بالاضافة لشغلك
هذا ما عندى اتمنى اكون افدتك
والله يا ساره كلامك انتي ودينا اقنعني جدا
بس والله المشكله بالنسبالي تتمثل في النااااااااااااااااااااس
الشعب المصري
مش اكتر
لكن الكليه نفسها عاجباني جدااااااا
بس خلاص ان شاء الله اكتبها
SENDRILLA 21-07-2008, 07:38 PM اللي بيمشي ورا الناس
مبياخدش حاجة
بس كده
شوفي ايه اللي يناسب ميولك وقدراتك
وربنا يوفقك
متنسيش تصلي استخارة
شكرا يا احمد لردك
خلاص انا استقريت
ادعيلي بالتوفيق والتيسير
SENDRILLA 21-07-2008, 07:41 PM شكرااااا جداااااا لكل اللى ردو
شفتى يا زوزو مش قلتلك
ادى اول تشجيع اهو
و بدام والدك موافق خلاص انا مش شايفة مشكلة
و يا بنتى مفيش حد بيبقى قدامه بيطرى و يسيبها
السن دى صدقينى زى ما قلتلك
مش ليها مستقبل
و اى حد ياخد كورسات هيبأى احسن م اللى متخرج منها
لكن بيطرى دى تابع كليات الطب
يعنى بيطرى لو اجتهدتى فيها هتلاقى نتيجة
السن لو موتى نفسك فيها مش هتلاقى حد يدور عليكى
الناس مش هتنفعك بحاجة لما مستقبلك يضيع
انا مش عارفة هقولك اى تانى لان انا كل الى عندى قلتهولك ع الميل
بس كويس انك حفظتى الحاجات و مش خليتينى اقولهم تانى:D ..انا كنت عاملالهم سيف اصلا;)
و زى ما همس قالت بالظبت
مهما دخلتى الناس مش هيسكتو
لازم يطلعو حاجة
عشان لما بيحسو ان حد هيختلف او هيتميز او هيعمل حاجة لازم يحاولو يحبطوه
دا انتى لو شفتى موبايلى تقولى دا موبايل قطة ولا حاجة من البلاوى اللى مبعوتالى
ولا هزنى..قفلت الموبايل شوية بس ناوية افتحو تانى عشان كتبت الورقة اللى قلتلك عليها:D
يالا مش هقول اكتر من كدا ..مش عارفة ليه حاسة ان انا السبب ان الموضوع كبر اوى كدا:rolleyes:
ع العموم ربنا يوفقك يا حبيبتى فى اى حاجة تدخليها:)
والله يا دينا الناس حيرتني
بس هعمل ايه
المهم انتي طمنيني عملتي اللي اتفقنا عليه وللا لا
انا والله فكرة البيطري كانت في دماغي من ساعة ما جبت النتيجه
بس كنت خايفه اطلعها
انتي شجعتني اني اطلعها بجد
ربنا يكرمك يا دينا ويوفقك انتي كمان حبيبتي
ادعيلي بجد يا روحي
SENDRILLA 21-07-2008, 07:42 PM يااااااااااااااااااااه تعرفى ان الكليه دى حلمى بجد انا تانيه ومجموعى حلو وممكن السنه الجايه اجيب بشري-مفيش حاجه بعيدهعن ربنا-وبجد انا افضل بيطرى مستقبله حلو جداااااااا بجد .وان شاء الله دى تكون اول رغباتى مكان .اتوكلى على الله ولا يهمك ثم كل اللى بيقول حاجه على بيطرى معلش ده جاهل لان مجرد معرفتك للكليه دى انتى بتعالجى كائنات حواليك ممكن اى كائن من دول يسبب دمار للبشريه كلها
فلازم يكون دكاتره متخصصين واكيد كله فاكر انفلونزا الطيور لولا ان فى دكاتره بيطرى كمان زمانا ضعنا اتوكلى ع الله والف مبروك مقدما يا دك
ربنا يكرمك انتي يا حبيبتي
وتدخلي بشري وتشرفينا
مرسي حبيبتي علي مرورك واهتمامك
ليها مستقبل بره بس الناس بيهتموا بالحيوانان ربنا معاكى
C A N D Y 22-07-2008, 12:20 AM والله يا دينا الناس حيرتني
بس هعمل ايه
المهم انتي طمنيني عملتي اللي اتفقنا عليه وللا لا
انا والله فكرة البيطري كانت في دماغي من ساعة ما جبت النتيجه
بس كنت خايفه اطلعها
انتي شجعتني اني اطلعها بجد
ربنا يكرمك يا دينا ويوفقك انتي كمان حبيبتي
ادعيلي بجد يا روحي
طويب الحمد لله ..اهو الواحد حس انه ممكن يشجع غيره مع انه مش عارف يشجع نفسه
بس اى الاحراج دا ..لازم يعنى تسالينى
هو من ناحية الزفت الرغبات زى ما قلتلك
كتبت بيطرى
جات مامتى مسكت فى خناقى خليتنى اكتب صيدلة
و جا دادى مسك فى خناقى خلانى اكتب اسنان
و ناو هما الاتنين متفقين و ماسكين فى خناقى ان انا اكتب بشرى
بزمتك شفتى بهدلة اكتر من كدا
انا بجد تعبت تعبت
هو غالبا انا هعمل كل اللى هما عايزينه
و اجى يوم الخميس بليل قبل ما اسافر اعدل كل حاجة
و اكتبها زى ما انا شايفة
هبأى اكلمك تانى ان شاء الله اشوف اى الاخبار معاكى
و بجد بدعيلك
..حدوتة.. 22-07-2008, 11:39 AM بصى يازوزو ياقمر البيطرى مش وحش وانا كنت داخلة علوم عشان ادخل بيطرى او زراعة ماتقوليش ليه انتى عارفة مجموعى ف تانية بس الحمد لله رفع مش اوى يعنى وفى احتمال كبير تلاقينى مشرفة معاكى فى طب بيطرى القاهرة عشان اقرب حاجة مانتى عارفة بس ماعلينا انتى شايفة ان كل الناس بتقولك حلو يعنى هو اكيد حلو
فى رعاية الله
مس رانيا حسن 22-07-2008, 12:15 PM انصحكى بعدم التاثر بكلام الناس
توكلى على الله واكتبيها
ووفقكى الله للخير دائما
bahtity 23-07-2008, 01:12 AM طب بيطرى طبعا على الاقل هتاخدى لقب طبيب انما لو علاج طبيعى هتاخدى لقب اخصائى أو ألسن ممكن أى حد خريج اداب انجلش مثلا يغلب حد متخرج من كلية السن قسم انجليزى المهم انا اخوى رايح رابعة بيطرى القاهرة السنة اللى جاية ومستقبلها جميل جدا وخدى بالك فى البيطرى مش هتدرسى الحيوان بس هتدرسى جسم الحيوان والانسان وعلى سنة تانية هتعرفى تقرى النشرة بتاعة الدواء وكمان هتشخصى أى حالة قدامك ده كله على سنة تانية لسه فى حاجات كتير تانية وكمان جوه البيطرى ودى حقيقة والله العظيم هتدرسى صيدلة والطب بيطرى دراستها خمس سنين مش عارف كده بعديهم ممكن تعملى ايه هتقعدى بعديها سنين وتبقى معاكى شهادتين طب بيطرى وطب بشرى كمان وما تقلقش من كلام الناس كلام الناس لا بيودى ولا بيجيب وربنا يوفقك وأعملى واختارى اللى يناسبك انتى ويناسب قدراتك واحنا مش بنجبرك على حاجة احنا بس بنقولك شوية معلومات عن السكك اللى قدامك وانتى تختارى ده مستقبلك وأنتى الوحيدة المفروض انها تقرر معلش طولت عليكى وابقى طمنينا عليكى يا دكتورة.وان شاء الله اختيارك يكون مناسبك ليكى وماتندميش عليه ابدا.مع السلامة.
حسن مصطفى.
|