لكل اللي رايح تانية أو تالتة ثانوي [الأرشيف] - بوابة الثانوية العامة المصرية

مشاهدة النسخة كاملة : لكل اللي رايح تانية أو تالتة ثانوي

ahmedelfangary

20-12-2013, 04:01 PM

طبعا نهاية كل سنة بعد الامتحانات .. في حاجة اسمها أجازة .. الأجازة دي بتختلف من شخص لشخص .. ففي واحد بيحب يخرج .. وواحد تاني يحب يلعب .. وواحد تاني بيحب ينام .. وواحد بيقعد على الفيس .. وواحد بيزاكر .. أيوة بيذاكر .. متستغربش .. هتقولي طبعا احنا طالعين من مزاكرة هنزاكر تاني .. ايه المانع طيب انتا عراف اني انا قعد الاجازة بتاعت تانية وتالتة بروح تلت اماكن بس .. الدرس والجامع والبيت .. وتقريبا الايام اللي لعبتها كانت 15 يوم .. انتا عارف اني خلصت في اجازة وحدة فرنساوي وانجليزي ورياضة والاحياء 4/3 من الفيزيا .. هيا مش صعبة .. هتقولي يعني مش هلعب .. اقولك ايه المشكلة لو ملعبتش سنتين وتعبيت شوية .. وارتحت باقي حياتك .. على فكرة انتا لما تزاكر في الاجازة هتعيش ملك أيام الدراسة .. مش قصدي مش هتزاكر .. لع قصدي هتكون قاعد تراجع .. وتريح نفسك من الدروس وضياع وقتها وتقعد تزاكر اغلبية الوقت ..
فنصيحتي ليك ياللي رايح تانية او تالتة ثانوي .. اخترلك خمس ست مواد كده وخلصهم وريح نفسك منهم .
وصدقني هتكون مرتاح جدا أيام الدراسة .. وده هيساعدك إن التوتر يروح منك ..

دّقْـــةُ قْـــلِـــبّـ

20-12-2013, 04:13 PM

فكره حلوه جدا جدا

وفعلا هتريحنا كتير اوي

بس اكيد في الاجازه مش كل الوقت هيكون مذاكره

لازم نقعد علي الفيس برضه هههههههه

بس بجد انا احييك جدا جدا علي اللي انت بتعمله

جزاك الله خيرا

ahmedelfangary

20-12-2013, 04:23 PM

فكره حلوه جدا جدا

وفعلا هتريحنا كتير اوي

بس اكيد في الاجازه مش كل الوقت هيكون مذاكره

لازم نقعد علي الفيس برضه هههههههه

بس بجد انا احييك جدا جدا علي اللي انت بتعمله

جزاك الله خيرا

طبعا لازم فيس .. مع ان من رايي مش لازم في السنتين دول بالذات لانهم تحديد مصير ..

دّقْـــةُ قْـــلِـــبّـ

20-12-2013, 04:26 PM

طبعا لازم فيس .. مع ان من رايي مش لازم في السنتين دول بالذات لانهم تحديد مصير ..

اينعم هما تحديد مصير

بس عادي خالص يعني انا في تانيه ثانوي ومقضياها فيس وبوابه :d:d

انا هنجح السنادي بدعا الوالدين ههههههههه

ahmedelfangary

20-12-2013, 04:32 PM

اينعم هما تحديد مصير

بس عادي خالص يعني انا في تانيه ثانوي ومقضياها فيس وبوابه :d:d

انا هنجح السنادي بدعا الوالدين ههههههههه

انتي معاكي السنة كاملة ممكن تنجحي بتلت حاجات توفيق ربنا ودعا الوالدين وجهدك ..

بس جربي المزاكرة في الاجازة .. نصيحة

Yasmeena.R

20-12-2013, 04:35 PM

هتـــلر

20-12-2013, 04:40 PM

ايوة في واحدة في سننا دلوقتى تالتة ثانوى مخلصة المواد من الاجازة

واللى زيى مش عارفين يعملوا ايه

دنا بفكر الغى دروس من عليا رغم انى اخدتها منازل السة دى

بفكر اسقط السنة دى خايفة لان بجد في ضياع

ازاى و الاجازه 3 اشهر بس ؟!
اكيد مش كل المواد و الا تكن خلصتهم شرح بس من غير تطبيق
عمتاً ربنا يوفقها اكتر و يديها على قد تعبها عشان حرام حد يكون زقطط فى اجازه و استريح وهى حرمت نفسها و تعبت و الاتنين يتساوو

مروة محمد فراج

20-12-2013, 04:46 PM

فكرة كويسة جدااا
انا كنت فى الاجازة كل يوم بحفظ كلمات انجليزى
فده ساعدنى شويا فى ايام الدراسة لانى مفيش وقت احفظ كلمات عامة كتير

شكراااااااااااااا

دّقْـــةُ قْـــلِـــبّـ

20-12-2013, 04:46 PM

انتي معاكي السنة كاملة ممكن تنجحي بتلت حاجات توفيق ربنا ودعا الوالدين وجهدك ..

بس جربي المزاكرة في الاجازة .. نصيحة

علي فكره انا امتحاناتي 2.1.2014

اكيد طبعا توفيق ربنا قبل اي حاجه

انا والله بهزر الكلام ده مش حقيقي

حاضر هجرب ان شاء الله وشكرا علي نصيحه حضرتك

ايوة في واحدة في سننا دلوقتى تالتة ثانوى مخلصة المواد من الاجازة

واللى زيى مش عارفين يعملوا ايه

دنا بفكر الغى دروس من عليا رغم انى اخدتها منازل السة دى

بفكر اسقط السنة دى خايفة لان بجد في ضياع

بتفكري تسقطي؟؟

ليه بس خلي عندك امل وتفاؤل

وربنا علي كل شئ قدير

Yasmeena.R

20-12-2013, 05:15 PM

ازاى و الاجازه 3 اشهر بس ؟!
اكيد مش كل المواد و الا تكن خلصتهم شرح بس من غير تطبيق
عمتاً ربنا يوفقها اكتر و يديها على قد تعبها عشان حرام حد يكون زقطط فى اجازه و استريح وهى حرمت نفسها و تعبت و الاتنين يتساوو

مخلصة جميع المواد بدروس كمان خصوصية

وبتاخد دلوقتى معانا دروس من باب المراجعة

كنت نايمة في العسل حتى مفكرت احفظ كلمات انجليزى

دى بسم الله ماشاء الله بتطلع الاولى لا وبكون مراجعة المواد قبل الامتحانات في تانية وتالتة يالـ 4 مرات

Yasmeena.R

20-12-2013, 05:20 PM

بتفكري تسقطي؟؟

ليه بس خلي عندك امل وتفاؤل

وربنا علي كل شئ قدير

امل وعمر راحو خلاص

المشكلة انى تواكل دائم عارفة لو بتعملى اللى عليكى بجد من غير اى مقارنة حتى باللى مخلصة المواد ربنا هيكرمك اكتر مكنتى متوقعة بكتير بس المشكلة انك تجتهدى بقا

حاولى فعلا تذاكرى من الاجازة بدون مدرسين والله تعمليها بالذات العربى والانلجيزى والاحياء ومعاهم الكيميا لانهم مواد حفـــــــــــظ بس فيهم فهم ممكن عادى تفهميه مع نفسك وشوفى حد اكبر منك يديكى الكتب

هتـــلر

20-12-2013, 05:32 PM

مخلصة جميع المواد بدروس كمان خصوصية

وبتاخد دلوقتى معانا دروس من باب المراجعة

كنت نايمة في العسل حتى مفكرت احفظ كلمات انجليزى

دى بسم الله ماشاء الله بتطلع الاولى لا وبكون مراجعة المواد قبل الامتحانات في تانية وتالتة يالـ 4 مرات

طب معلشى انا عاوز اعرف ازاى خلصت فى وقت سريع كده
حتى لو هى ما شاء الله دماغها عاليه برده منهجنا عاوز دح و حفظ مش ذكاء
عشان بجد لو هى خلصتهم فى 3 شهور بس يبقى احنا لازم ننتحر احسن ههههههههه

Yasmeena.R

20-12-2013, 05:36 PM

طب معلشى انا عاوز اعرف ازاى خلصت فى وقت سريع كده
حتى لو هى ما شاء الله دماغها عاليه برده منهجنا عاوز دح و حفظ مش ذكاء
عشان بجد لو هى خلصتهم فى 3 شهور بس يبقى احنا لازم ننتحر احسن ههههههههه

انا شايفة ان مش مشكلة في 3 شهور المشكلة ازاى استحملت تواصل المذاكرة رغم انها كانت طالعة من مذاكرة

اصل المنهج عادى يخلص في 3 شهور او شهرين لو الواحد فاضى ومفيش اى حاجة شاغلة باله وخصوصا الاجازة دا انسب وقت فاضل كتير كان بالنسبة ليها ع الامتحانات فاكيد تفكير صافى مفيش اى تشويش

وبعدين دا منهج تانية وتالتة اللى كنا بناخده في شهرين او 3 شهور هيا كانت بتكون مخلصة المواد ومراجعاها كذا مرة اكيد متعودة

هتـــلر

20-12-2013, 05:40 PM

Yasmeena.R

20-12-2013, 05:59 PM

هى علمى رياضه ولا علوم ؟!

علوووم مواد حفظ

دّقْـــةُ قْـــلِـــبّـ

20-12-2013, 05:59 PM

امل وعمر راحو خلاص

المشكلة انى تواكل دائم عارفة لو بتعملى اللى عليكى بجد من غير اى مقارنة حتى باللى مخلصة المواد ربنا هيكرمك اكتر مكنتى متوقعة بكتير بس المشكلة انك تجتهدى بقا

حاولى فعلا تذاكرى من الاجازة بدون مدرسين والله تعمليها بالذات العربى والانلجيزى والاحياء ومعاهم الكيميا لانهم مواد حفـــــــــــظ بس فيهم فهم ممكن عادى تفهميه مع نفسك وشوفى حد اكبر منك يديكى الكتب

كلامك صح

ياحبيبه قلبي انا ادبي ازهري معنديش الحاجات ديه

انتو بقي الله يعنكم

بس فعلا فكره حلوه اوي لما تذكري في الاجازه

هتـــلر

20-12-2013, 06:00 PM

علوووم مواد حفظ

ربنا يوفقها اكتر و يديها على قد تعبها و خليها متقولش لحد بقى انها خلصت

Yasmeena.R

20-12-2013, 06:09 PM

ربنا يوفقها اكتر و يديها على قد تعبها و خليها متقولش لحد بقى انها خلصت

كل اللى عرفها عارف انها مخلصة وبتقول هيا بتراجع كام مرة وبتذاكر كام ساعة مش عارفة بتحطمنا يعنى

بس اصلا الطالب المصرى مش بيهمه :av4056bb7jp3:

امانى منصو

20-12-2013, 06:09 PM

الله يابختها ربنا يحميا يارب وعقبالنا زيها بس يارت كنت شوفت الكلام دة من زمان من الاجازة

Yasmeena.R

20-12-2013, 06:10 PM

كلامك صح

ياحبيبه قلبي انا ادبي ازهري معنديش الحاجات ديه

انتو بقي الله يعنكم

بس فعلا فكره حلوه اوي لما تذكري في الاجازه

ايوة بجد اعمليها الفكرة دى بجد هتتعبى زينا كدا لو مش عملتيها لان احنا مشتتين او انا يعنى

وربنا يعينك وادعيلى بالله عليكى ولكل طالب انه يجتهد

Yasmeena.R

20-12-2013, 06:12 PM

الله يابختها ربنا يحميا يارب وعقبالنا زيها بس يارت كنت شوفت الكلام دة من زمان من الاجازة

مش احنا دلوقتى داخين في السبع مواد اى نعم المادة العملية اقل بس برضه تشتيت ربنا يرحم الله في ازهر ويرجمنا ياااارب

هتـــلر

20-12-2013, 06:16 PM

كل اللى عرفها عارف انها مخلصة وبتقول هيا بتراجع كام مرة وبتذاكر كام ساعة مش عارفة بتحطمنا يعنى

بس اصلا الطالب المصرى مش بيهمه :av4056bb7jp3:

طب انتى قلتى خلصت بالدروس الخصوصيه طب ازاى و السناتر مش بتدى بدرى كده ؟

دّقْـــةُ قْـــلِـــبّـ

20-12-2013, 06:20 PM

ايوة بجد اعمليها الفكرة دى بجد هتتعبى زينا كدا لو مش عملتيها لان احنا مشتتين او انا يعنى

وربنا يعينك وادعيلى بالله عليكى ولكل طالب انه يجتهد

اكيد هعملها ان شاء الله

ربنا معاكم جميعا ويوفقكم شدي حيلك بقي وان شاء الله هتعدي

Yasmeena.R

20-12-2013, 06:21 PM

طب انتى قلتى خلصت بالدروس الخصوصيه طب ازاى و السناتر مش بتدى بدرى كده ؟

احنا الحمد لله بفضل الله مش عندينا نظام السناتر دا خالص خالص ويارب يفضل الوضع دا

وغير كدا هيا مكونة مجموعة صغيرة من صحبتها من الاجازة ومتفقين مع مدرسين

انا مبتدية الكيميا من شهر 6 وكنا عشر بنات

واحياء كنا هنبتديها في 6 وكنا عشر بنات غيرهم معادا انا بس اتفركشت

عادى خالص عندنا وممكن تاخد لوحدك بس طبعا بتشيل تمن العشرة وكل الدروس عندنا بـ 50 جنيه

Yasmeena.R

20-12-2013, 06:23 PM

اكيد هعملها ان شاء الله

ربنا معاكم جميعا ويوفقكم شدي حيلك بقي وان شاء الله هتعدي

بإذن الله هبدا من بكرا في الجدول والنهاردة هذاكر اى حاجة

حاولى تحفظى كلمات انجليزى على قد متقدرى دا اضعف حاجة لو مش هتذكرى المواد بس انصحك انك تذكريها لانك ازهر

هتـــلر

20-12-2013, 06:25 PM

احنا الحمد لله بفضل الله مش عندينا نظام السناتر دا خالص خالص ويارب يفضل الوضع دا

وغير كدا هيا مكونة مجموعة صغيرة من صحبتها من الاجازة ومتفقين مع مدرسين

انا مبتدية الكيميا من شهر 6 وكنا عشر بنات

واحياء كنا هنبتديها في 6 وكنا عشر بنات غيرهم معادا انا بس اتفركشت

عادى خالص عندنا وممكن تاخد لوحدك بس طبعا بتشيل تمن العشرة وكل الدروس عندنا بـ 50 جنيه

احنا سناتر و الدرس وفيه دروس ب 250 فى الشهر و اكتر من 20 واحد و دروس اكتر من 100
انتى ساكنه فيييين بالظبط ؟ !!

دّقْـــةُ قْـــلِـــبّـ

20-12-2013, 06:27 PM

بإذن الله هبدا من بكرا في الجدول والنهاردة هذاكر اى حاجة

حاولى تحفظى كلمات انجليزى على قد متقدرى دا اضعف حاجة لو مش هتذكرى المواد بس انصحك انك تذكريها لانك ازهر

ربنا معاكي ان شاء الله

انا الحمدلله بحب الانجليزي وممتازه فيه

Yasmeena.R

20-12-2013, 06:32 PM

احنا سناتر و الدرس وفيه دروس ب 250 فى الشهر و اكتر من 20 واحد و دروس اكتر من 100
انتى ساكنه فيييين بالظبط ؟ !!

ايوة منا عارفة قريبتى في القاهرة ونفس النظام دا ،، قولتلها انا لو منك مخدش دروس اصلا

دنا الـ 50 جنيه مستخسراها ومش عايزة اروح الدروس بالذات في المواد الحفظ يعنى انا دلوقتى لغيت الجولوجيا مادة حفظ مش هروح عند مدرس عشان يسمعلى وبفكر العربى الغيه

احنا الدروس مش بتزيد عن 30 طالب

واللى بيكون كدا الانجليزى والالمانى وممكن العربى باقى المواد كلها 10 طلبة فيزيا وجولوجيا وكيميا ورياضة واحياء ممكن 15

Yasmeena.R

20-12-2013, 06:33 PM

انا من بلاد العجائب

انا من اسوان اقصى صعيد مصر

هتـــلر

20-12-2013, 06:33 PM

ايوة منا عارفة قريبتى في القاهرة ونفس النظام دا ،، قولتلها انا لو منك مخدش دروس اصلا

دنا الـ 50 جنيه مستخسراها ومش عايزة اروح الدروس بالذات في المواد الحفظ يعنى انا دلوقتى لغيت الجولوجيا مادة حفظ مش هروح عند مدرس عشان يسمعلى وبفكر العربى الغيه

احنا الدروس مش بتزيد عن 30 طالب

واللى بيكون كدا الانجليزى والالمانى وممكن العربى باقى المواد كلها 10 طلبة فيزيا وجولوجيا وكيميا ورياضة واحياء ممكن 15
ساكنه فييييييييين !!!
عشان ناوى اعزل عندكم بقية السنه ههههه

Yasmeena.R

20-12-2013, 06:34 PM

ربنا معاكي ان شاء الله

انا الحمدلله بحب الانجليزي وممتازه فيه

انا كمان بحب الانجليزى من وانا في ابتدائى اكتر مادة بس لما دخلت ثانوى وانا مكنتش باخد دروس اتعقدت بس برضه في ذكريات الحب ليه

هتـــلر

20-12-2013, 06:34 PM

انا من بلاد العجائب

انا من اسوان اقصى صعيد مصر

هى اسوان حاجتها رخصيه كده ! !
شكلها مدينة اقتصاديه و سياحيه و جميله
يا ريتنى ساكن عندكم
بس فى الشتا بس هههههههههه

Yasmeena.R

20-12-2013, 06:36 PM

ساكنه فييييييييين !!!
عشان ناوى اعزل عندكم بقية السنه ههههه

دا في واحدة صحبتى بتقولى في اسنا بلد تابعة لاسوان الدروس 25 جنيه ومعظم قريبها هناك دكاترة وكانو بياخدوا عندهم وعددهم قليل برضه مش كترة

Yasmeena.R

20-12-2013, 06:38 PM

هى اسوان حاجتها رخصيه كده ! !
شكلها مدينة اقتصاديه و سياحيه و جميله
يا ريتنى ساكن عندكم
بس فى الشتا بس هههههههههه

في الدروس بس الشقق غالية وحاجات كتير غالية بسبب البضايع بتيجى عن مسافة

وبعدين معظم اللى ساكن فيها مش من اسوان نفسها معادا النوبيين يعنى

معظمنا اصلا مش منها كل واحد من محافظة بس الاغلب برضه صعايدة

ahmedelfangary

20-12-2013, 08:08 PM

انا شايفة ان مش مشكلة في 3 شهور المشكلة ازاى استحملت تواصل المذاكرة رغم انها كانت طالعة من مذاكرة

اصل المنهج عادى يخلص في 3 شهور او شهرين لو الواحد فاضى ومفيش اى حاجة شاغلة باله وخصوصا الاجازة دا انسب وقت فاضل كتير كان بالنسبة ليها ع الامتحانات فاكيد تفكير صافى مفيش اى تشويش

وبعدين دا منهج تانية وتالتة اللى كنا بناخده في شهرين او 3 شهور هيا كانت بتكون مخلصة المواد ومراجعاها كذا مرة اكيد متعودة

بالعكس الوقت الانسب للمزاكرة هوا بعد الامتحانات وكمان ب10 أو 15 يوم لان المخ بيكون شغال وفي كامل نشاطه .. اما لو توقف الانسان شوية هيحصله ركود .. وانا عن نفسي انا مخلصتش كل المواد في اجازة تانية انا خلصت فيزيا واحيا وانجليزي .. ولاني كنت بحب العربي والرياضة قلت عادي هخليهم في الدراسة .. بس قفلت المواد دي تمام وراجعتها كمان .. وفي الدراسة كنت بزاكرهم قليل .. وكان تركيزي على العربي والرياضة ..

ونصيحتي للي هيزاكر في الاجازة ان يكون معاه صاحب .. ويشجعوا بعض ويزاكروا مع بعض .. لان سبب مزاكرتي في الاجازة بعد توفيق ربنا هو صديق ليا ..

وشوفوا قصة مزاكرتنا في الاجازة ..

كنت قاعد انا وهوا تحت البيت .. بعد الامتحانات ب 15 يوم ولقينا عيال في ايديهم كراسات وكتب .. ضحكنا عليهم .. دول بيزاكروا في الاجازة .. بس قلنا لازم نزاكر احنا كمان .. وفي نفس اليوم رحنا كلمنا المدرسين واتفقنا معهم .. وعدت السنة .. وجبت انا 98.1 وهوا 98 ودخلنا الكلية مع بعض .. ولدلوقت احنا على نفس الوضع .. بنزاكر سوا ونشجع بعض ..

القصد لازم صاحب صالح يشجعك

أثِيل

06-01-2014, 12:19 PM

كلام سليم جدا وشكرا ليك بجد

ahmedelfangary

07-01-2014, 09:23 PM

كلام سليم جدا وشكرا ليك بجد

العــــــــــــــــفـــــــــــــــــــو

Omar Amam

08-01-2014, 07:36 PM

ahmedelfangary

08-01-2014, 07:55 PM

بس عندى مشكلة لو حليتهالى مش هنسالك الجميل .. انا لما بشوف كلام مشجع
خصوصا كلامك .. الواحد بيبقى نفسه يذاكر اوى ويقول فى ناس ايوة جابوا درجة عالية ليه انا مش زيهم

واقوم اذاكر و ابقى فرحان وواثق 100% انى هجيب 100% ^_^

بس بعد كدا بلاقى نفسى بكلم نفسى انا ممكن اذاكر واقفل المنهج ..
بس ممكن يحصل حاجة / مشكلة سواء فى الامتحان اتلغبط و كدا او الوقت ميقضيش
او مشاكل برا الامتحان تضيع كل مجهودى فى لحظة " بتوتر اوى "

اصل انا لو مذاكرتش و جبت 50% ميهمنيش و هبقى عادى انا هندم بعد كدا بس مش زى
لما اذاكر و اجيب 93 - 94 - 95% ومجبش درجة هندسة الصراحة هبقى مدمر نفسيا و هزعل

نفسى تشوفلى حاجة تشجعنى و متخليش الخوف ده يقرب منى

وشكرا بجد ليك و بتمنى ترد عليا :( .. انا ورايا امتحان كيمياء و جبر بكرا وخايف معرفش احل حتى ربع الامتحان " انا فى اولى ثانوى :(

بص يا عمر انتا زي اخويا الصغير .. الامتحان بتاع بكرة ده مستقبل صح .. يعني مجاش .. هل انتا اطلعت على الغيب وعرفت انك مش هتحل .. اكيد طبعا لا .. بص للحكمة دي
تفاءلوا بالخير تجدوه
فانتا تفاءل خير وخلي عندك أمل في ربنا .. واللي جاب 99% أو 100% مش أحسن منك ..
عارف الفرق بينك وبينو ايه .. ان عندو في دماغو شوية خلايا شغلهم صح ..
اقولك مثال ..
مثلا اتنين عندهم محلين بنفس السلع ..
الاول بيعرف في الادارة وبيشتغل ويتعب ..
والتاني عايز الفلوس تيجي تحت رجليه ..
فهمت الفرق ..
وبالنسبة لحكاية تقفيل المنهج ..
انتا جواك افكار سلبية .. ازاي تحولها لايجابية ..
انتا هتقعد تقول لنفسك انا اقدر .. ان شاء الله هدخل كلية هندسة أو طب .. او الكلية اللي تحبها ..
على فكرة انتا مش اول ولا اخر واحد جتلو الافكار دي ..
انا كمان جتلي .. ببس كنت بحول التشاؤم ده لتفاؤل ..
كنت بقول لنفسي انا هقعد اقول كلام كده .. يا ضايقت نفسي .. وضيعت وقتي ..
كنت بشغل نفسي بالمزاكرة ..
وبالنسبة للخوف من الامتحان .. الوقت ميقضيش .. طيب قول لنفسك انا معايا تلت ساعات مش هقدر احل فيهم ..
ده انا ان شاء الله هحل واراجع مرتين تلاتة ..
وعلشان الحكاية دي تروح منك .. حل امتحانات في البيت كتير ..
انا لما كنت بحل امتحانات والاقي نفسي قفلت الامتحان وراجعتوا كنت برتاح ..
والجأ لربنا وادعي ان ربنا يوفقك .. واقرا قران .. خلي ليك ورد يومي لو حتى صفحة ..
انا لما كنت بزهق واتنكد .. كان معيا بلطو ابيض كنت بلبسو واتخيل نفسي دكتور .. وبكلم المرضى ..
فانتا متتشائمش بحاجة مجتش .. اتفاءل بيها .. يعني لو بتتفرج على ماتش كورة وفيه فريق بتشجعو .. اكيد بتتمنى انو يفوز .. فانتا اتمنى التفوق وان شاء الله تلاقيه ..
الله يوفقك .. ويارب تحقق حلمك ..

امل رافت محمد حسين

08-01-2014, 08:05 PM

Omar Amam

08-01-2014, 08:14 PM

بص يا عمر انتا زي اخويا الصغير .. الامتحان بتاع بكرة ده مستقبل صح .. يعني مجاش .. هل انتا اطلعت على الغيب وعرفت انك مش هتحل .. اكيد طبعا لا .. بص للحكمة دي
تفاءلوا بالخير تجدوه
فانتا تفاءل خير وخلي عندك أمل في ربنا .. واللي جاب 99% أو 100% مش أحسن منك ..
عارف الفرق بينك وبينو ايه .. ان عندو في دماغو شوية خلايا شغلهم صح ..
اقولك مثال ..
مثلا اتنين عندهم محلين بنفس السلع ..
الاول بيعرف في الادارة وبيشتغل ويتعب ..
والتاني عايز الفلوس تيجي تحت رجليه ..
فهمت الفرق ..
وبالنسبة لحكاية تقفيل المنهج ..
انتا جواك افكار سلبية .. ازاي تحولها لايجابية ..
انتا هتقعد تقول لنفسك انا اقدر .. ان شاء الله هدخل كلية هندسة أو طب .. او الكلية اللي تحبها ..
على فكرة انتا مش اول ولا اخر واحد جتلو الافكار دي ..
انا كمان جتلي .. ببس كنت بحول التشاؤم ده لتفاؤل ..
كنت بقول لنفسي انا هقعد اقول كلام كده .. يا ضايقت نفسي .. وضيعت وقتي ..
كنت بشغل نفسي بالمزاكرة ..
وبالنسبة للخوف من الامتحان .. الوقت ميقضيش .. طيب قول لنفسك انا معايا تلت ساعات مش هقدر احل فيهم ..
ده انا ان شاء الله هحل واراجع مرتين تلاتة ..
وعلشان الحكاية دي تروح منك .. حل امتحانات في البيت كتير ..
انا لما كنت بحل امتحانات والاقي نفسي قفلت الامتحان وراجعتوا كنت برتاح ..
والجأ لربنا وادعي ان ربنا يوفقك .. واقرا قران .. خلي ليك ورد يومي لو حتى صفحة ..
انا لما كنت بزهق واتنكد .. كان معيا بلطو ابيض كنت بلبسو واتخيل نفسي دكتور .. وبكلم المرضى ..
فانتا متتشائمش بحاجة مجتش .. اتفاءل بيها .. يعني لو بتتفرج على ماتش كورة وفيه فريق بتشجعو .. اكيد بتتمنى انو يفوز .. فانتا اتمنى التفوق وان شاء الله تلاقيه ..
الله يوفقك .. ويارب تحقق حلمك ..

شكرا على الدعوة الحلوة ديه وربنا هيوفقنى ان شاء الله و افتخر انى زى اخوك الصغير

وبالنسبة للمشاكل الى موترانى عن شكل الامتحان و مدته و الخطأ
والمشاكل التانية ربنا يبعدها عنى

وبأذن الله احقق حلمى و كل الى اجتهد يحقق حلمه

وانت ان شاء الله ربنا يوفقك و اكيد زى ما قولت الاحلام مش بتتوقف عندى الكلية وبس :rolleyes:

وشكرا على ردك والله كلامك بيشجعنى اوى لدرجة انى بقعد على الكمبيوتر عشان اقراه

ببقى نفسى اقعد اقراه كل شوية بحس انى خلاص دخلت الكلية الى انا عايزها بمجرد ما اقرأ الكلام .

واتمنى تتقبل مرورى

ahmedelfangary

08-01-2014, 08:53 PM

شكرا على الدعوة الحلوة ديه وربنا هيوفقنى ان شاء الله و افتخر انى زى اخوك الصغير

وبالنسبة للمشاكل الى موترانى عن شكل الامتحان و مدته و الخطأ
والمشاكل التانية ربنا يبعدها عنى

وبأذن الله احقق حلمى و كل الى اجتهد يحقق حلمه

وانت ان شاء الله ربنا يوفقك و اكيد زى ما قولت الاحلام مش بتتوقف عندى الكلية وبس :rolleyes:

وشكرا على ردك والله كلامك بيشجعنى اوى لدرجة انى بقعد على الكمبيوتر عشان اقراه

ببقى نفسى اقعد اقراه كل شوية بحس انى خلاص دخلت الكلية الى انا عايزها بمجرد ما اقرأ الكلام .

واتمنى تتقبل مرورى

مرورك على راسي .. وبالنسبة لمشاكل الامتحان حل كتير علشان تتخلص منها

امل رافت محمد حسين

09-01-2014, 10:23 AM

مرورك على راسي .. وبالنسبة لمشاكل الامتحان حل كتير علشان تتخلص منها
والله والله يادكتور احمد انا بدخل كل يوم مخصوص عشان اشوف حضرتك بتنزل موضوع ايه انا مش عارفة كلامك بيدفعنا عامل زى المقويات كدة بيخلى عندنا تفاؤل وياريت كل يوم تفيدنا لو بنص نصيحة وياريت تنزل موضوع عن وقت الفراغ وخطة للنص التانى تكون جديدة واسفة لو طولت فى الكلام او كان دم تقيل ;)

ahmedelfangary

10-01-2014, 09:04 PM

والله والله يادكتور احمد انا بدخل كل يوم مخصوص عشان اشوف حضرتك بتنزل موضوع ايه انا مش عارفة كلامك بيدفعنا عامل زى المقويات كدة بيخلى عندنا تفاؤل وياريت كل يوم تفيدنا لو بنص نصيحة وياريت تنزل موضوع عن وقت الفراغ وخطة للنص التانى تكون جديدة واسفة لو طولت فى الكلام او كان دم تقيل ;)

والله انا مبعملش كدا الا علشان لما كنت في سنكم ملقيتش حد ينصحني .. وكنت اتمنى ان الاقي حد يقولي كلام زي كده .. اهم حاجة دعواتكم