مشاهدة النسخة كاملة : مشكلة معقدة للغاية ...... لو سمحتم ممكن تدخلوا
طـفـلـة الامـس 21-07-2008, 07:59 PM بصوا يا جماعة اولا انا عاملة الموضوع لانه مضايقنى جدااااا فقلت اعرضه عليكم ممكن تساعدونى فيه
المهم انا بصراحة مش عارفة ايه اللى حصل فى الدنيا وبيحصل وهايحصل حقيقى مش عارفة
هى الناس مابقتش تحس ولا بتحس وعاملة نفسها مش بتحس ولا ماعندهاش مشاعر احساس اصلاااااااا
دلوقتى خلاص اى حد بيحب حد ده بيكون دافع وراء مصلحة شخصية يريد تحقيقها لنفسه بجد مابقاش فيه اى حد بيحب حد بصدق واخلاص زى الاول
وانا مش عارفة اصلا هو كان فيه كده ولا لاة كان زمان فعلا الناس بتحب وبتخاف على بعضها ولا لاة
بس ليه ...... ليه اللى بيحصل ده ليه كل حاجة بقت هدفها هو النفس ثم النفس ثم النفس مافيش حد بيفكر فى غيره كله مابيفكرش غير فى نفسه
مابقاش فى اى حاجة البنى ادم بيعملها خالصة كل حاجة بقت مزيفة وكل انسان يظهرلك بكل الصور انه بيحبك وجواه حاجات تانية خالص
انا هاحكى لكم موقف حصل معايا .... انا كنت بستنى واحدة صحبتى ( اكتر واحدة صحبت يعنى الانتيم زى ما بيقولوا ) عشان نروح الدرس المهم انها اتاخرت عن الميعاد اللى المفروض نتقابل فيه حوالى ثلث او نصف ساعة وباعدين روحنا الدرس وانا اساسا مافكرتش امشى واسيبها مع انها بتعرف تروح لوحدها فالمهم روحنا الدرس فالمدرس قعد يقولنا اتاخرتم كده ليه فاعتذرناله وخلاص وانا والله ماجاش فى بالى اساسا انى اقوله ان صحبتى هى اللى اخرتنى وخصوصا انها اتاخرت كتيييييييير
والحصة اللى بعدها تقريبا انا اللى اتاخرت حوالى عشر دقايق تقريبا فاما روحنا الدرس والمدرس بيقولنا اتاخرتم ليه فصحبتى قالت له والله انا جاية من بدرى وهى اللى اخرتنى
بصراحة هى اما قالت كده انا بقيت مذهولة ومش عارفة اتكلم سكت وانا كنت خلاص يعنى مش عارفة اعمل ايه بجد ........ ده مثال بسيط من اللى بيحصل معايا علطول ودايمااااااااااااااااااااااااااااااااا
على نفس النحو واكيد بيحصل معاكم مواقف مشابهة لو بتتعاملوا مع الناس زيى وللاسف مافيش اى حد فى الدنيا دى بحالها يستاهل اى معاملة طيبة بجد
مع العلم ان صحبتى دى من اعز اصدقائى واحبهم الى وبتخاف عليه اوى وبتغير عليه جدااا اما اتكلم مع اى حد وبتحبنى جدااا وانا عارفة كده كويس بس ايه فى المواقف اللى ما تمسهاش باى ضرر
اما لو لقت نفسها هاتقع فى مشكلة يبقى خلاص انا لاصحبتها ولاتعرفنى
ياريت تكونوا فهمتونى كل حاجة فى الدنيا دى تجرى على نفس الموال ومش عارفة هو اسلوب تعاملى مع الناس هى اللى غلط ولا انا صح والناس هى اللى المفروض تبقى كده ومشكلتى انى بثق فى اى حد اى حد اعرفه واتعامل معاه شوية احبه واديله كل الثقة ومافيش حد فى الدنيا دى يستاهل الثقة دى مذذش عارفة ايه سبب الشعور ده بس انا بجد بحس بكده
هى الدنيا دى عاملة كده ليه ..... انا حاسة انى مش عارفة اتعامل مع البشر عشان كلهم بالشكل ده مافيش حد بيضحى بنفسه فى سبيل غيره كله نفسى نفسى
ايام الرسول عليه الصلاة والسلام خلاص راحت لحالها مابقاش فيه نفس الروح اللى كانت موجودة زمان كانت الناس بتضحى بارواحها عشان تنصر الدين ده وتوصلهولنا ودلوقتى احنا بنعمل كده فى بعض
انا اعرف مدرس فيزياء عندنا كان بيعدى سكة القطار وشاف ولدين كانوا بيعدوا السكة وكان القطر جاى وماكانوش شايفينوه فهو راح وعداهم بسرعة وسبحان الله هو اللى توفى فى الحادث ده حادث انه كان بينقذ حياة طفلين مع انه كان عارف انه ممكن يتوفى لان القطار كان قريب ليه روح التضحية دى اختفت من عندنا
ده كان معايا بنات من اعدادى وماشفتهمش من ايام الاعدادى ومع ذلك لسة بتصل بيهم وعارفة اخبارهم لحد دلوقتى والحمد لله
وانا برده علطول اللى بتصل واسال عليهم وهم ما يفكروش مجرد تفكير انهم يقدموا على الخطوة دى مع ان كل دى حاجات تافهة ومش هاتاخد مجهود بالمرة
خلاص انا استحملت من الناس ياما وكتييير بسبب اسلوبى ده والمشكلة انى مش عارفة هاقدر اغيره ولا لاة
والمشكلة الاكبر ان انا لو سالت على حد ممكن يفكر انى مش كويسة يعنى ليه غرض من السؤال ده او ليه مصلحة مش هدفى انى اسال على الشخص لانى بحبه او بطمن عليه
مابقاش فيه اصحاب شهادة اعترف بها امام الجميع ... ولا حتى اخوات كله بيفكر فى نفسه وبس يعنى لو حد مثلا انا جبت اعلى منه ولا حاجة يبقى خلاص هايموت ومش طايق يكلمنى مع انه ممكن يكون يكون جايب مجموع كبير يدخله اللى هو عايزه بس ازاى هو يصح برده انى اجيب اعلى منه ؟!!!!
ليه احنا مابنفرحش لبعض يمكن صحبتك اللى جابت اعلى منك دى تقدر تساعدك باعدين فى حاجات انتى مش هاتقدرى تعمليها لوحدك يمكن تكون عون لك فى هذه الدنيا اللى مالهاش اى معنى ولا طعم
ليه علطول احزاننا على انفسنا غالبة على افراحنا للاخرين ؟؟؟!!!!1!
مش ممكن الفرحة دى تكون تفريج للهم والحزن وتبقى المشكلة اتحلت
شعور صعب وقاس ايضا ولكن هو مابقاش فيه مشاعر اصلا عشان تبقى صعبة او قاسية
مابقاش فيه اى حب بين الناس كله كلام فى كلام ومالوش اى اساس من الصحة
انا فكرت ما اتعاملش مع اى حد بسبب اللى شفته وياما هاشوفه من الناس بس مش عارفة ازاى هل ينفع اللى انا بفكر فى ده ؟؟
بس انا خلاص وصلت لمرحلة سيئة من التفكير وتعبت اوى من الموضوع ده
وانا هاسيبكم تقولوا مقترحاتكم وارائكم فى المشكلة دى
ماعلش انا طولت عليكم ياريت تردوا عليه بسرعة ويارب بس ماتكونوش زى اللى انا بتعامل معاهم فى حياتى اليومية ولو ان دى حاجة صعبة لان دلوقتى الحاجات دى بقت عملة نادرة بجد
مع السلامة
FUNNYBABY 21-07-2008, 08:09 PM اولا ياريت بلاش الصوره السودا قوى للموضوع كده
وبعدين معتقدش ان المشكله فينا
لان انا كمان حصلتلى مواقف اكتر من كده بكتير جدا ولو قعدت احكيلك بجد مش هتخلص
ابسط حاجه لما تكون صحبتك الانتيم متتصلش تقولك مبروك وتشوفك فى الشارع تعمل نفسها مش شيفاكى
وحاجات كتييييييييير جدا
بس زى مافى ناس مش كويسه برده فى ناس بتخاف علينا زى ما بنخاف عليها
ولو قعدنا نفكر فى كل واحد طلع غلظ معانا هنقضى حايتنا كلها ومش هنوصل لحل
وعلى فكره مشكلتك هى نفس مشكلتى
انى بثق فى الناس بسرعه ولما بصاحب حد بيبقه اهم حاجه عندى حتى اهم منى
والاخر بيطلع مش يستاهل برده او اصلا مش بيقدر
بس متهيالى زى مافى ناس مش كويسه برده فى ناس اكتر كويسين
سـهيـلـة 21-07-2008, 08:09 PM الله عندك حق يا سارة كل الناس بقت تحب لنفسها الخير دايما ولغيرها لا للاسف
بس انا وانتى عارفة كده مبحبش حد من صحابى يجيب اعلى منى اعتقد كله كده
FUNNYBABY 21-07-2008, 08:10 PM شكلها فعلا كله كده بس ايه الحل
اوركيديا 21-07-2008, 08:24 PM يا ساره خلاص هى عملت كده
انتى متزعليش عليها لو زعلتى ازعلى على الوقت اللى ضيعتيه معاها
بس انا مقدرش افتى فى الموضوع ده
عشان انا بصراحه محدش عملها معايا قبل كده
انا ليا صحبتين و الحمد لله لغايه دلوقتى فعلا عارفه انهم بيحبونى قوى
وحتى الناس اللى معرفتى ليهم حلوه عمرهم ما عملو حاجه تضايقنى
المهم
انا بقولك كده ليه عشان اقولك ان لسه فى امل فى الدنيا بس انتى دورى
دورى كويس على اللى تحسى بيه من قبل حتى ما تتكلمى معاه فهمانى
و ياريت يطمنينى عليكى
فى رعايه الله
د/ ماجدولين 21-07-2008, 08:30 PM بسم الله
اولا انتى اللى طلبتى الرأى
بصى ياستى
المشكلة فيكى انتى............ايوة المشكلة فيكى انتى
انتى ياقلبى عايشة فى عالم الأحلام الوردية
ومش عاوزة تنزلى للواقع المادى المر اللى احنا عايشينة
وبعدين صدقينى دى مشكلة معظم الشباب
اما بالنسبة لحكاية الثقة اللى بتديها للكل بسهولة
فأنتى مع الوقت والخبرة هتتعلمى ازاى انك مش تدى ثقتك لأى حد
وبالنسبة لصاحبتك
ممكن اسئلك سؤال
انتى اخترتيها على اى اساس؟؟؟؟؟؟؟؟
يعنى هى دى اللى لاقتيها ادامك.........ولا عشان اخلاقها......ولاعشان جارتك
ولاعشان ضل صديقة ولا ضل حيطة......................ولا.........ولا......... .
اما بالنسبة لصحابك اللى مش بيسألوا عليكى عكس ما انتى بتعملى
فانتى اللى عودتيهم ع كدة
وهم مفكرين ان دة عادى وطبيعى
بدليل انك عمرك ما اشتكتيلهم..............ولا اية؟؟؟؟؟؟؟!!!!!!!!
وفى النهاية بقولك ع حاجة
احسن طريقة انك تتعاملى مع الناس عادى
من غير ثقة ولا شك
لحد اما تحصل منهم حاجة توضحلك نوعية الشخص اللى قدامك
وع الاساس دة تتعاملى معاة عشان تبقى مرتاحة
وبعين مش انتى مؤمنة ولا اية؟؟!!!!!!
طب والرسول قالنا اية؟؟؟؟؟؟؟؟
قال(المؤمن كيس فطن)......وقال كمان(لايلدغ المؤمن من جحر مرتين)
وعشان كدة يا حبيبتى لازم تكونى واعية للى بيحصل من حوالكى
وتفهمية كويس.................مش تكبرى وتاخدى كل حاجة ع أعصابك وتتعبى
وفى النهاية اقولك حاجة
والله العظيم فى ناس كويسة جداااااااااااااااااااا بس انتى بصى حوالكى كويس
وادعى ربنا انة يرزقك بصديقة صالحة تعينك وتفهمك
وان شاء الله ربنا يكرمك
ع فكرة انا فضلت زيك كدة لحد حوالى سنة
وبعدها ربنا رزقنى بواحدة ما شاء الله عليها
هفضل طول عمرى احمد ربى عليها
ولو قولتلك ازاى انا اتعرفت عليها.........مش هتصدقى
بس دة توفيق من ربنا مش اكتر
ادعى ربنا يا قلبى وفكرى بعقلك وقلبك مش بقلبك بس:)
عاشق السحاب 21-07-2008, 08:43 PM شكرا على الموضوع دة بس تحصل كتير بس ............ مش مع اى حد ............... دة الصاحب بيضحى علشان صحبة .............................. بس اقولك حاجة الدنيا دى محطة الواحد بتعلم ويعلم ويكتسب ويدى وياخد ويعمل .................... بس اوى الغلط ............. بس الحب فى زمنا دة عاد من طرف واحد .............. بس دة مشكلة كبيرةعلى الطرفين لو الواحدة حبتة هو مش هيحبها .................. لو هى حبتة هو مش هيحبها بس الحب لسة موجود بس لازم ندور علية بس تانى وراحة ........................................ ودة اميليلى لو عزتى تكليمينى على اميلى salah_0100
( لؤلؤة الإسلام ) 21-07-2008, 09:02 PM معلش يا سارة .. هي الدنيا تعب .. و الراحة الحقيقية في الجنة بس..
هو أكيد في ناس جواهم نضيف و بيحبوا الخير .. ادعي ربنا يرزقك الصحبة الصالحة ..
و ما تثقيش فأي حد ( حرص و لا تخونش ) .. هو الانسان بطبعه أناني ..
حتى لو اضطرريتي تبقي وحيدة يبقى أحسن لك من ناس مش عايزينلك الخير.. و اللي مش عايزنا .. ما يلزمناش..
واضح انك حساسة و رقيقة اوي..بس خدي بالك من نفسك و خلي الناس اللي حواليك اللي بيحبوكي بس هم الي ينصحوكي و خليكي صاحبة مامتك او اخواتك لحد ما تلاقي الصاحبة اللي تستاهل بجد انها تبقى صاحبتك ..
ربنا يوفقك و يرزقك الخير... و افتكري ان الدنيا كلها على بعضها كده ..عند ربنا ما تساويش جناح بعوضة !
إقرأي التوقيع بتاعي!!
JusT DreaM 21-07-2008, 09:15 PM بجد ياسارة انتي بتتكلمي حسيت انك بتتكلمي عني بالظبط
انا عندي واحدة صحبتي طيبة وفيها كل الصفات الحلوة بس بتاعت مصلحتها اوي
يعني تيجي في ايام الامتحانات تفضل معايا عالتليفيون لغاية ماننزل اللجنة
دة في المواد اللي هي حاسة اني هفيدها فيها بس
وفي ايام الدراسة العادية تكلمني الساعة 3؛4 الفجر على تليفون البيت عادي عشان تسألني سؤال مش عارفاه افكر فيه معاها
تيجي بقى في الاجازة كأنها ولا تعرفني حتى مش بتديني ميزد عالموبيل
يعني هما بجد الناس كدة وخصوصا البنات
انتي المفروض تتخلصي من الرقة دي وتتعاملي مع الناس بعقلك مش بقلبك
Baskoota 21-07-2008, 11:05 PM وللاسف مافيش اى حد فى الدنيا دى بحالها يستاهل اى معاملة طيبة بجد
اولا السلام عليكي يا اختي العزيزة سارة
انا عملت اقتباس للجملة دي لانها اكتر جملة لفتت نظري في الموضوع
بصي يا ستي
اولا انا معاكي في كل كلمة قولتيها وكلامك كله صح مش هعارضك
بس انتي عندك مشكلة صغيوووورة قوي
انتي مدية المواضيع اكبر من حجمها
صدقيني
انا ليا صحبات كتير وشفت منهم كتيييييييييييييييييير
مفيش يا سارة انسان مثالي وفيه كل المميزات
وانتي بنفسك قولتي ان صحبتك بتحبك وبتخاف عليكي
طب ايه رأيك لو اخدنا منها الحلو وتغاضينا عن الوحش؟؟؟
ايه رأيك لو بصينا لنص الكوباية المليان؟؟
ايه رأيك لو قابلتي الاساءة بالاحسان؟؟
بصي يا سارة
تعرفي لو عاتبتي صحبتك دي في الموضوع دا
هتلاقي مفاجآت كتير
ممكن يكون غصب عنك صدر منك اي تصرف ولو بسيط جدا وضايقها وانتي مخدتيش بالك
مفيش حد بياخد باله من كل تصرفاته 100 %
ولنفترض انك عمرك ما ضايقتيها
خليكي انتي الكويسة وامتصي غضبها بالاحسان اليها
والدنيا مش كحلي اوي كدا يا جميل زي ما انتي شايفة
فكري في الحجات الحلوة اللي فيها
هتلاقي انها كتير بس انتي مش واخدة بالك منها
متخليش في قلبك زعل من حد
اللي في قلبك قوليه في وقتها
انا جربت الحكاية دي ونفعت جدا وريحتني
بصي يا سارة
انتي ليكي صاحبة عملت موقف ضايقك بس هي بتحبك وبتخاف عليكي وابتعزك جدا
تعالي كدا نطلع الحلو والوحش في الجملة اللي فاتت
(موقف ضايقك ) هي الحاجة الوحشة الوحيدة
انما باقي الجملة كلها جميلة
انك ليكي صاحبة ودي نعمة من ربنا عز وجل
انها بتحبك
انها بتخاف عليكي
انها بتعزك
شوفتي بقى؟؟؟
لو احنا عايزين نخلي حياتنا حلوة هنخليها بإذن الله
فكري شوية وهتلاقي ان كلامي صح ان شاء الله
مع السلامة يا جميل وربنا يهون علينا كلنا
سبحانك اللهم وبحمدك اشهد ان لا اله الا انت
استغفرك واتوب اليك
dr.saeed 21-07-2008, 11:23 PM الله عندك حق يا سارة كل الناس بقت تحب لنفسها الخير دايما ولغيرها لا للاسف
يعني هما بجد الناس كدة وخصوصا البنات
انتي المفروض تتخلصي من الرقة دي وتتعاملي مع الناس بعقلك مش بقلبك
وللاسف مافيش اى حد فى الدنيا دى بحالها يستاهل اى معاملة طيبة بجد
اسف لانى تعبان شوية دلوقتى
غدا ان شاء الله هايكون ردى هنا بأذن الله
فى امان الله
MohammeD el_SadaT 21-07-2008, 11:37 PM بسم الله الرحمن الرحيم
السلام عليكم ورحمه الله وبركاته
بجد أنا وأنا بقرأ الموضوع ده حسيت إن أنا اللى كاتبه وأى شخص تانى هيدخل يقرأ هيحس إن هو اللى كاتبه
عارفه إيه السبب
إن كل إنسان فينا بيبقى فاكر نفسه الملاك البرىء اللى صح معظم الوقت بلاش على طول والباقى ظلمينه ووخدين عنه فكره وحشه وبيتصرفو معاه خطأ وهو بيحاول يستحمل لكن خلاص مبقاش قادر وخلاص هينفجر قريب .
كلنا بنفكر كده أو على الأقل معظمنا
محدش بيعترف بخطأ أو مبقاش حد بيحب يعترف بخطأه لأننا كلنا لما إتربينا من صغرنا إتربينا على إن الصدق أمانه والكذب خيانه وإن الكذب ملهوش رجلين وهيجى عليه يوم وينكشف فالأحسن إننا من الأول نكون صادقين فى أقولنا وأفعلنا وإن الإعتراف بالحق فضيحه لكن ومع الأسف مع أول إختبار حقيقى مع الدنيا أقصد بتعبير أدق " الغابه " اللى إحنا عايشين فيها إن الكذب هو اللى بينجى والصدق بيودى أبو زعبل والإعتراف بالحق بقى فضيحه مش فضيله والطيب ملهوش مكان واللى يسيب حقه ويقول ربنا يسامحه يبقى طيشه وهفق ومرمتون آسف على صرحتى لكن هى دى الحقيقه .
فبنطر نختار حاجه من التالته ياإسود يا ذئاب يا نعام طبعاً الأسود دول اللى يقدرو يجيبو حقهم بنفسهم معاهم السلطه والجاه والذئاب دول اللى بيقدرو يتقربو من الأسود عشان ينفذو من خلالهم اللى هما عاوزينه ومع مرور الوقت بيتحول الذئب لأسد أما النعام فده اللى بيقرر يمشى جنب الحيط وده هو اللى بيدفع الثمن كله وبيتعذب .
للأسف هى الدنيا وهو ده الواقع الأليم اللى كلنا عارفينه وبنحاول نتناساه وبنحاول نخلق نوع رابع فى أحلامنا وهى حمامه السلام لكن مع أول إختبار حقيقى بنفضل نكون إسود أو ذئاب.
مش عارف أنا صح ولا غلط بس اللى أنا شوفته وعشته علمنى كده ممكن تكون فيه صداقه ممكن يكون فيه حب ممكن يكون فيه إخاء بس للأسف بقى نادر إنك تلقيه .
آسف إنى طولت فى ردى بس للأسف انا لسه مش خلصت كلامى فبعد إذنك ممكن تسمحيلى برد تانى يكون فى صميم الموضوع
sweet heart 21-07-2008, 11:39 PM سارة يا حبيبتى مفيش حد فى الدنيا دى كامل الا النبى صلى الله عليه وسلم
حاولى تعفوا عن صحبتك لانها بشر فيها عيوب ومميزات
قال الله تعالى"والكاظمين الغيظ والعافين عن الناس"
انا حاسه بيكى لأنى مريت بتجارب كده كتير بس انتى لو شايفة ان هيا صديقة كويسة
ومميزاتها اكتر من عيوبها يبقى معلش حاولى تستحملى عيوبها
وبلاش تشيلى الهم كده وحاولى تحسنى اختيار اصدقائك
يعنى تختارى الصديقة الكويسة اللى تعينك على الطاعة دايما
first love 21-07-2008, 11:54 PM فعلا معاكى حق ياساره بجد
Hamset_Etab 22-07-2008, 12:57 AM السلام عليكم ورحمه الله
بصى يا ساره انا فى الاول بحب اقولك بلاش نظره التشاؤم دى قال الرسول صلى الله عليه وسلم( تفائلوا بالخير تجدوه)
ثانيا بقا حاولى تفهمى صحبتك بتفكر ازاى وتاقلمى معاهاوحولى تحتويها بكل الطرق تعاملى معاها بالطرق الى انتى تحبى انها تعامك بيها
ثالثا بقا شكلك طيبه اوى واكيد اكيد لو صحبتك دى مش كويسه هتلاقى احسن منها الى تريحك وبصى للدنيا بعين حلوه هتحلى الدنيا معاكى
وبعدين والله لسه فى ناس كويسين انا مثلا وصحبتى والله بيضرب بينا المثل(اللهم لا حسد):D
وبجد والله انا مدمعت يوم النتيجه علشانى انا بقيت طول اليل اعيط واصوت والله الجيران اتلموا فكرونى سقط علشان صحبتى دى جابت مجموع وحش ورحتلها الفجر وبت كمان معاها انا مش بفتحر بنفسى لا والله انا متاكده ان انا لو كنت جبت المجموع ده كانت هتعمل معايا اكتر مما انا عملت معاها
..Just Stop 22-07-2008, 02:02 AM متغمقيش الدنيا اوى كاد
لسة الدنيا بخير
زى ما فى كويس فيه بردو مش كويس
دورى انتى بس كويس
اكيد هتلاقى اللى يحبوكى وتحبيهم وتخافى عليهم ويخافو عليكى
المواقف اللى بتحصل معاكى دى حاجة عادية
بتحصل مع اى حد
الدنيا مش هتقف
من سمات الحياة الحب والحقد
هما موجودين فى الدنيا النسبة الاكبر لمين الله اعلم
زى ما فى ناس بتحبك
فى ناس بتحقد عليكى
دعى الخلق للخالق
متضايقيش نفسك
فى ناس كدا ميستاهلوش ان الواحد يلتفت اليهم او حتى يسال عنهم لمجرد السؤال
ربنا يهدينا
وعــــــــــــديها دا الناس لبعضيــــها
واللا ايه
!DreAmeR! 22-07-2008, 02:08 AM اقتليها يا سارة ههههههههههههههههههههههههههه وريحى نفسك اى حد يزعلك اقتلى وهتلاقى مش حد هيزعلك تانى خالص
السلام عليكم ورحمة الله وبركاته
ربنا معاك ياسارة انا كان بيحصل معايا اكتر من كدة وكنت باروح اعيط لماما وقعدت فترة كدة وبعدين لما حسيت ان احنا اصحاب من زمان وانها اكيد بتحبني او بتخاف عليا وباوحشها لما اغيب قلت خلاص مش حدقق في الحجات الي بتضايقني وخلاص والحمد لله اكيد لسة في ناس حلوة كتير وانت دوري كويس وان شاء الله حتلاقي وتمنياتي لك بالتوفيق
طـفـلـة الامـس 23-07-2008, 01:17 AM اسف لانى تعبان شوية دلوقتى
غدا ان شاء الله هايكون ردى هنا بأذن الله
فى امان الله
يارب تكون افضل النهاردة وفى انتظار ردك
طـفـلـة الامـس 23-07-2008, 01:22 AM بسم الله الرحمن الرحيم
السلام عليكم ورحمه الله وبركاته
بجد أنا وأنا بقرأ الموضوع ده حسيت إن أنا اللى كاتبه وأى شخص تانى هيدخل يقرأ هيحس إن هو اللى كاتبه
عارفه إيه السبب
إن كل إنسان فينا بيبقى فاكر نفسه الملاك البرىء اللى صح معظم الوقت بلاش على طول والباقى ظلمينه ووخدين عنه فكره وحشه وبيتصرفو معاه خطأ وهو بيحاول يستحمل لكن خلاص مبقاش قادر وخلاص هينفجر قريب .
كلنا بنفكر كده أو على الأقل معظمنا
محدش بيعترف بخطأ أو مبقاش حد بيحب يعترف بخطأه لأننا كلنا لما إتربينا من صغرنا إتربينا على إن الصدق أمانه والكذب خيانه وإن الكذب ملهوش رجلين وهيجى عليه يوم وينكشف فالأحسن إننا من الأول نكون صادقين فى أقولنا وأفعلنا وإن الإعتراف بالحق فضيحه لكن ومع الأسف مع أول إختبار حقيقى مع الدنيا أقصد بتعبير أدق " الغابه " اللى إحنا عايشين فيها إن الكذب هو اللى بينجى والصدق بيودى أبو زعبل والإعتراف بالحق بقى فضيحه مش فضيله والطيب ملهوش مكان واللى يسيب حقه ويقول ربنا يسامحه يبقى طيشه وهفق ومرمتون آسف على صرحتى لكن هى دى الحقيقه .
فبنطر نختار حاجه من التالته ياإسود يا ذئاب يا نعام طبعاً الأسود دول اللى يقدرو يجيبو حقهم بنفسهم معاهم السلطه والجاه والذئاب دول اللى بيقدرو يتقربو من الأسود عشان ينفذو من خلالهم اللى هما عاوزينه ومع مرور الوقت بيتحول الذئب لأسد أما النعام فده اللى بيقرر يمشى جنب الحيط وده هو اللى بيدفع الثمن كله وبيتعذب .
للأسف هى الدنيا وهو ده الواقع الأليم اللى كلنا عارفينه وبنحاول نتناساه وبنحاول نخلق نوع رابع فى أحلامنا وهى حمامه السلام لكن مع أول إختبار حقيقى بنفضل نكون إسود أو ذئاب.
مش عارف أنا صح ولا غلط بس اللى أنا شوفته وعشته علمنى كده ممكن تكون فيه صداقه ممكن يكون فيه حب ممكن يكون فيه إخاء بس للأسف بقى نادر إنك تلقيه .
آسف إنى طولت فى ردى بس للأسف انا لسه مش خلصت كلامى فبعد إذنك ممكن تسمحيلى برد تانى يكون فى صميم الموضوع
ايوة طبعاا حضرتك اتكلم براحتك انا حطة الموضوع اصلا عشان تساعدونى فيه وفى انتظار باقى الرد
وعايزة اعرف حاجة الصداقة والحب اللى بتقول عليه انا ما لقتهوش غير هنا على المنتدى بجد عشان انا عرفت ناس هنا حبتهم جدا ووثقت فيهم بجد بس خايفة فى اى لحظة افقد الثقة دى بس اى موقف طارىء وللاسف برده مهما كانوا اصحابى فانا مش هاستمر معاهم علطول لان لازم يجى يوم ونتفرق يبقى هايكون الحل فين المفروض انى ادور على اصحاب من حوالية وده صعب انى الاقيه
sun rays 2010 23-07-2008, 01:35 AM ساره انتي شكلك متضايقة أوي يا حبيبتي بس باقولك احنا لازم نتعامل مع الناس بحذر انا كنت باتعامل بطبيعتى لقيتهم بيوقعوني في مشاكل كبيره ده مش بس مشاكل دى مصايب ...
كان الموضوع دة معايا في الاعدادي بس لما رحت شانوي صاحبت بيات كويسه جدا الحمد لله ... وبعدين اللى تعمل معاكي كده وما يكونش نيتها حلوه فانصحك تعملي معاها نفس النداله دي وما تقوليلهاش على اى سر عشان ميه في الميه هتذيعه أوكي....
طـفـلـة الامـس 23-07-2008, 01:45 AM ساره انتي شكلك متضايقة أوي يا حبيبتي بس باقولك احنا لازم نتعامل مع الناس بحذر انا كنت باتعامل بطبيعتى لقيتهم بيوقعوني في مشاكل كبيره ده مش بس مشاكل دى مصايب ...
كان الموضوع دة معايا في الاعدادي بس لما رحت شانوي صاحبت بيات كويسه جدا الحمد لله ... وبعدين اللى تعمل معاكي كده وما يكونش نيتها حلوه فانصحك تعملي معاها نفس النداله دي وما تقوليلهاش على اى سر عشان ميه في الميه هتذيعه أوكي....
مشكلتى انى مش بعرف اعامل الناس زى ما هما بيعاملونى وبتطلع لحاجات تفوق الخيال وصعبة المنال بس اهو الواحد بيقول وبيحلم ومافيش حاجة بعيدة على ربنا
بس انا بجد مش لاقية اى حد فاهمنى
sun rays 2010 23-07-2008, 01:53 AM انشاءالله هتلاقي ويا ستي يشرفني اننا نبقى صحاب
طـفـلـة الامـس 23-07-2008, 02:01 AM انشاءالله هتلاقي ويا ستي يشرفني اننا نبقى صحاب
ايوة طبعا ويشرفنى انا كمان بس المشكلة ما زالت قائمة
بصى انا هابعتلك ايميل اختى الكبيرة فى رسالة عشان انا هاعمل ايميل جديد واما اعمله هابقى ابعتهولك مع انى لحد من يومين ما كنتش بكلم اى حد على الماسنجر خالص
dr.saeed 23-07-2008, 02:06 AM بصوا يا جماعة اولا انا عاملة الموضوع لانه مضايقنى جدااااا فقلت اعرضه عليكم ممكن تساعدونى فيه
ربنا ييسر ونساعدك بقدر علمنا
المهم انا بصراحة مش عارفة ايه اللى حصل فى الدنيا وبيحصل وهايحصل حقيقى مش عارفة
هى الناس مابقتش تحس ولا بتحس وعاملة نفسها مش بتحس ولا ماعندهاش مشاعر احساس اصلاااااااا
كل عصر وله اذانه
وكل زمن وله صفاته وملامحه
بس موضوع المصالح والكلام دة
موجود من قديم الازل
نكمل بأذن الله
دلوقتى خلاص اى حد بيحب حد ده بيكون دافع وراء مصلحة شخصية يريد تحقيقها لنفسه بجد مابقاش فيه اى حد بيحب حد بصدق واخلاص زى الاول
اكيد فيه يا سارة
الخير هايفضل فى الامة الى قيام الساعة
وانا مش عارفة اصلا هو كان فيه كده ولا لاة كان زمان فعلا الناس بتحب وبتخاف على بعضها ولا لاة
بس ليه ...... ليه اللى بيحصل ده ليه كل حاجة بقت هدفها هو النفس ثم النفس ثم النفس مافيش حد بيفكر فى غيره كله مابيفكرش غير فى نفسه
دة بيعتمد على اكثر من حاجة
التعلق بالدنيا اولا
نسيان الاخرة ثانيا
عدم القابلية للتضحية من اجل الاخرين
مابقاش فى اى حاجة البنى ادم بيعملها خالصة كل حاجة بقت مزيفة وكل انسان يظهرلك بكل الصور انه بيحبك وجواه حاجات تانية خالص
دة الغالب
وليس الجميع
وهاقولك على قصتى انا فى الاخر
بس بعد ردى على كلامك
انا هاحكى لكم موقف حصل معايا .... انا كنت بستنى واحدة صحبتى ( اكتر واحدة صحبت يعنى الانتيم زى ما بيقولوا ) عشان نروح الدرس المهم انها اتاخرت عن الميعاد اللى المفروض نتقابل فيه حوالى ثلث او نصف ساعة وباعدين روحنا الدرس وانا اساسا مافكرتش امشى واسيبها مع انها بتعرف تروح لوحدها فالمهم روحنا الدرس فالمدرس قعد يقولنا اتاخرتم كده ليه فاعتذرناله وخلاص وانا والله ماجاش فى بالى اساسا انى اقوله ان صحبتى هى اللى اخرتنى وخصوصا انها اتاخرت كتيييييييير
والحصة اللى بعدها تقريبا انا اللى اتاخرت حوالى عشر دقايق تقريبا فاما روحنا الدرس والمدرس بيقولنا اتاخرتم ليه فصحبتى قالت له والله انا جاية من بدرى وهى اللى اخرتنى
بصراحة هى اما قالت كده انا بقيت مذهولة ومش عارفة اتكلم سكت وانا كنت خلاص يعنى مش عارفة اعمل ايه بجد ........ ده مثال بسيط من اللى بيحصل معايا علطول ودايمااااااااااااااااااااااااااااااااا
للاسف بقينا بناخد موضوع الصداقة دة وكانه شىء بسيط اوى
او شىء عادى جدا
يا سارة
لكل منا عيوبه
ولا بد من التغاضى عنها ومحاولة اصلاحها
عشان الحياة تستمر
بس نكمل بردة
على نفس النحو واكيد بيحصل معاكم مواقف مشابهة لو بتتعاملوا مع الناس زيى وللاسف مافيش اى حد فى الدنيا دى بحالها يستاهل اى معاملة طيبة بجد
لا طبعا يا سارة
فيه ناس الواحد بيحترمها اكتر من نفسه
فعلا والله لازم تعرفى كدة كويس اوى
مع العلم ان صحبتى دى من اعز اصدقائى واحبهم الى وبتخاف عليه اوى وبتغير عليه جدااا اما اتكلم مع اى حد وبتحبنى جدااا وانا عارفة كده كويس بس ايه فى المواقف اللى ما تمسهاش باى ضرر
موضوع الغيرة دة يؤكد انها صحوبية مش تمام
ماتزعليش من رايى
وكل حاجة هاتوضح فى رأيى النهائى
اما لو لقت نفسها هاتقع فى مشكلة يبقى خلاص انا لاصحبتها ولاتعرفنى
تبقى فعلا مش صحوبية خالص كدة
ياريت تكونوا فهمتونى كل حاجة فى الدنيا دى تجرى على نفس الموال ومش عارفة هو اسلوب تعاملى مع الناس هى اللى غلط ولا انا صح والناس هى اللى المفروض تبقى كده ومشكلتى انى بثق فى اى حد اى حد اعرفه واتعامل معاه شوية احبه واديله كل الثقة ومافيش حد فى الدنيا دى يستاهل الثقة دى مذذش عارفة ايه سبب الشعور ده بس انا بجد بحس بكده
انا عن نفسى
لازم احلل الشخص الى ادامى الاول قبل ما اعمل معاه اى حاجة
ثقة او غيرها
حتى لو بالاربع سنين
بس اكون عارف من الاخر كدة
قلبه
هى الدنيا دى عاملة كده ليه ..... انا حاسة انى مش عارفة اتعامل مع البشر عشان كلهم بالشكل ده مافيش حد بيضحى بنفسه فى سبيل غيره كله نفسى نفسى
زى ما قلتلك فيه
التعميم دة مش ينفع نهائيا واحنا بنتكلم على الموضوع دة
ايام الرسول عليه الصلاة والسلام خلاص راحت لحالها مابقاش فيه نفس الروح اللى كانت موجودة زمان كانت الناس بتضحى بارواحها عشان تنصر الدين ده وتوصلهولنا ودلوقتى احنا بنعمل كده فى بعض
جيتى لاهم نقطة
وهى
ايام الرسول
ايام الرسول
صلى الله عليه وسلم
كانت اهم حاجة عندهم الدين
فلما بقوا قلبهم زى ما اراده الله
كل حاجة اتصلحت
وبقى مجتمع يضرب به المثل
انا اعرف مدرس فيزياء عندنا كان بيعدى سكة القطار وشاف ولدين كانوا بيعدوا السكة وكان القطر جاى وماكانوش شايفينوه فهو راح وعداهم بسرعة وسبحان الله هو اللى توفى فى الحادث ده حادث انه كان بينقذ حياة طفلين مع انه كان عارف انه ممكن يتوفى لان القطار كان قريب ليه روح التضحية دى اختفت من عندنا
دة ما يثبت كلامى
لانك شفتى مدرس الفيزيا
يعنى فى عصرنا
ووقتنا
وزمنا
ده كان معايا بنات من اعدادى وماشفتهمش من ايام الاعدادى ومع ذلك لسة بتصل بيهم وعارفة اخبارهم لحد دلوقتى والحمد لله
وانا برده علطول اللى بتصل واسال عليهم وهم ما يفكروش مجرد تفكير انهم يقدموا على الخطوة دى مع ان كل دى حاجات تافهة ومش هاتاخد مجهود بالمرة
خلاص انا استحملت من الناس ياما وكتييير بسبب اسلوبى ده والمشكلة انى مش عارفة هاقدر اغيره ولا لاة
مفروض نتعامل بالاحتياط
بالعقل
قبل القلب
والمشكلة الاكبر ان انا لو سالت على حد ممكن يفكر انى مش كويسة يعنى ليه غرض من السؤال ده او ليه مصلحة مش هدفى انى اسال على الشخص لانى بحبه او بطمن عليه
مابقاش فيه اصحاب شهادة اعترف بها امام الجميع ... ولا حتى اخوات كله بيفكر فى نفسه وبس يعنى لو حد مثلا انا جبت اعلى منه ولا حاجة يبقى خلاص هايموت ومش طايق يكلمنى مع انه ممكن يكون يكون جايب مجموع كبير يدخله اللى هو عايزه بس ازاى هو يصح برده انى اجيب اعلى منه ؟!!!!
ليه احنا مابنفرحش لبعض يمكن صحبتك اللى جابت اعلى منك دى تقدر تساعدك باعدين فى حاجات انتى مش هاتقدرى تعمليها لوحدك يمكن تكون عون لك فى هذه الدنيا اللى مالهاش اى معنى ولا طعم
ليه علطول احزاننا على انفسنا غالبة على افراحنا للاخرين ؟؟؟!!!!1!
مش ممكن الفرحة دى تكون تفريج للهم والحزن وتبقى المشكلة اتحلت
شعور صعب وقاس ايضا ولكن هو مابقاش فيه مشاعر اصلا عشان تبقى صعبة او قاسية
مابقاش فيه اى حب بين الناس كله كلام فى كلام ومالوش اى اساس من الصحة
انا فكرت ما اتعاملش مع اى حد بسبب اللى شفته وياما هاشوفه من الناس بس مش عارفة ازاى هل ينفع اللى انا بفكر فى ده ؟؟
بس انا خلاص وصلت لمرحلة سيئة من التفكير وتعبت اوى من الموضوع ده
وانا هاسيبكم تقولوا مقترحاتكم وارائكم فى المشكلة دى
ماعلش انا طولت عليكم ياريت تردوا عليه بسرعة ويارب بس ماتكونوش زى اللى انا بتعامل معاهم فى حياتى اليومية ولو ان دى حاجة صعبة لان دلوقتى الحاجات دى بقت عملة نادرة بجد
مع السلامة[/QUOTE]
انا الحمد لله
قابلت المشكلة دى من اولى اعدادى!
ايه بقى المشكلة
انى سمعت خطبة للشيخ يعقوب عن
حق المسلم عن المسلم
والصحابة ازاى بيتعاملوا مع بعض
سمعتها فعلا من زمان
وفى وقتها
كان اى حاجة بسمعها بطبقها
المهم
حاولت اعمل كدة مع واحد اسمه طارق
ماعرفتش
باسم
ماعرفتش
لغاية لما لاقيت صديق اسمه يحيي
لاقيته فعلا كدة
الى انا عاوزة من الاخر لاقيته فيه
الاخوة
حتى تقارب الصفات
ممكن يضحى عشان غيره
هاتقوليلى لاقيته بعد اد ايه
هاقولم
يعد 4 سنين!
كان خلاص هدف ادامى لازم اعمله
بس طبعا
ساعات بتحصل مواقف معاه
بس نرجع نتفاهم بشكل صريح
انت يا ابنى
عملت كدة
وانا يا بابنى
عملت كدة
مش يمكن بقعد فترة كبيرة مش بشوفه
بس لما حد بيحتاج التانى هو الى بيروحله
ولو التانى عرف الاول هايروحله بردة من غير كلام
مش الصحوبية انى امشى معاه
واتفسح معاه
واروح معاه الدروس
صراحة لاقيت فيه عيوب زى الى انتى قولتيها شوية
يعنى ممكن تكون فيه غيرة فى الدراسة
بس وانا اختارته انه يكون اعز اصدقائى
عارف انى مش هصاحب نبى
وعارف ايضا
ان العصمة دفنت مع النبى
صلى الله عليه وسلم
فهمتينى يا سارة؟
يارب تكون الرسالة وصلت
وصراحة عشان بردة ما تعبشى
بقيت بعامل كل واحد وانا حاطط فى دماغى حاجة واحدة
بسال عليه
عشان مستنى الاجر من الله
هو مش يسال عليا
دى حاجة ترجعله
ثانيا
لاقيت كل تعامل واحد معين على المصلحة
خلا
مش عاوزة هو ومصلحته
فقط لا غير
فى امان الله
amr_2010 23-07-2008, 02:17 AM والله عندك حق في كل كلمه بتقوليها
وانا حصل معايا اكتر من الي حصل معاكي لدرجة ان صاحبي خاني وراح كلم حبيبتي وعاكسها من ورايا
ولحد دلوقتي برضو صاحبي وهو عمل مواقف اكتر من كده بكتير ورغم ده لحد دلوقتي صاحبي
وانا برضو لما بقعد افكر في كل الي حواليا كده اتضايق ان انا بعاملهم حلو ونيتي كويسه وهم حاجه تانيه
انتي دلوقتي لازم تعامليهم زي مابيعملوكي
وحاولي تبقي كويسه مع نفسك بس
ويلاش تخلي الدنيا سودا كده بالنسبالك
وحاولي تبقي احسن
طـفـلـة الامـس 23-07-2008, 02:19 AM ربنا ييسر ونساعدك بقدر علمنا
كل عصر وله اذانه
وكل زمن وله صفاته وملامحه
بس موضوع المصالح والكلام دة
موجود من قديم الازل
نكمل بأذن الله
اكيد فيه يا سارة
الخير هايفضل فى الامة الى قيام الساعة
دة بيعتمد على اكثر من حاجة
التعلق بالدنيا اولا
نسيان الاخرة ثانيا
عدم القابلية للتضحية من اجل الاخرين
دة الغالب
وليس الجميع
وهاقولك على قصتى انا فى الاخر
بس بعد ردى على كلامك
للاسف بقينا بناخد موضوع الصداقة دة وكانه شىء بسيط اوى
او شىء عادى جدا
يا سارة
لكل منا عيوبه
ولا بد من التغاضى عنها ومحاولة اصلاحها
عشان الحياة تستمر
بس نكمل بردة
لا طبعا يا سارة
فيه ناس الواحد بيحترمها اكتر من نفسه
فعلا والله لازم تعرفى كدة كويس اوى
موضوع الغيرة دة يؤكد انها صحوبية مش تمام
ماتزعليش من رايى
وكل حاجة هاتوضح فى رأيى النهائى
تبقى فعلا مش صحوبية خالص كدة
انا عن نفسى
لازم احلل الشخص الى ادامى الاول قبل ما اعمل معاه اى حاجة
ثقة او غيرها
حتى لو بالاربع سنين
بس اكون عارف من الاخر كدة
قلبه
زى ما قلتلك فيه
التعميم دة مش ينفع نهائيا واحنا بنتكلم على الموضوع دة
جيتى لاهم نقطة
وهى
ايام الرسول
ايام الرسول
صلى الله عليه وسلم
كانت اهم حاجة عندهم الدين
فلما بقوا قلبهم زى ما اراده الله
كل حاجة اتصلحت
وبقى مجتمع يضرب به المثل
دة ما يثبت كلامى
لانك شفتى مدرس الفيزيا
يعنى فى عصرنا
ووقتنا
وزمنا
مفروض نتعامل بالاحتياط
بالعقل
قبل القلب
[/SIZE][/COLOR]
انا الحمد لله
قابلت المشكلة دى من اولى اعدادى!
ايه بقى المشكلة
انى سمعت خطبة للشيخ يعقوب عن
حق المسلم عن المسلم
والصحابة ازاى بيتعاملوا مع بعض
سمعتها فعلا من زمان
وفى وقتها
كان اى حاجة بسمعها بطبقها
المهم
حاولت اعمل كدة مع واحد اسمه طارق
ماعرفتش
باسم
ماعرفتش
لغاية لما لاقيت صديق اسمه يحيي
لاقيته فعلا كدة
الى انا عاوزة من الاخر لاقيته فيه
الاخوة
حتى تقارب الصفات
ممكن يضحى عشان غيره
هاتقوليلى لاقيته بعد اد ايه
هاقولم
يعد 4 سنين!
كان خلاص هدف ادامى لازم اعمله
بس طبعا
ساعات بتحصل مواقف معاه
بس نرجع نتفاهم بشكل صريح
انت يا ابنى
عملت كدة
وانا يا بابنى
عملت كدة
مش يمكن بقعد فترة كبيرة مش بشوفه
بس لما حد بيحتاج التانى هو الى بيروحله
ولو التانى عرف الاول هايروحله بردة من غير كلام
مش الصحوبية انى امشى معاه
واتفسح معاه
واروح معاه الدروس
صراحة لاقيت فيه عيوب زى الى انتى قولتيها شوية
يعنى ممكن تكون فيه غيرة فى الدراسة
بس وانا اختارته انه يكون اعز اصدقائى
عارف انى مش هصاحب نبى
وعارف ايضا
ان العصمة دفنت مع النبى
صلى الله عليه وسلم
فهمتينى يا سارة؟
يارب تكون الرسالة وصلت
وصراحة عشان بردة ما تعبشى
بقيت بعامل كل واحد وانا حاطط فى دماغى حاجة واحدة
بسال عليه
عشان مستنى الاجر من الله
هو مش يسال عليا
دى حاجة ترجعله
ثانيا
لاقيت كل تعامل واحد معين على المصلحة
خلا
مش عاوزة هو ومصلحته
فقط لا غير
فى امان الله[/QUOTE]
شكراا جزيلاا على ردك وهو الحمد لله اقنعنى شوية بس لسه فى حاجات برده مش لاقيه لها حلول
dr.saeed 23-07-2008, 02:33 AM شكراا جزيلاا على ردك وهو الحمد لله اقنعنى شوية بس لسه فى حاجات برده مش لاقيه لها حلول
قولها واحنا نحلها هنا مع بعض
فى امان الله
reda_mafia50 23-07-2008, 02:34 AM بسم الله الرحمن الرحيم
شكراااااااا يا ساره على التوبيك واكيد المواقف لحصلت دى بتحصل مع كل واحد فينا بس هنعمل ايه انا اصحابى كتير بس كل واحد عارف حدوده فين وانا حمد لله اكتريه اصحابى نكون مع بعض فى بقى اصحاب بيعملوا نفس المواقف دى واكتر كمان بس زاى ما تقولى دى مرحله
اما نكبر وفى عقل اكيد هكون مع بعض ومش هتحصل مواقف يكون فيها احراج من اعز الناس ليك
وصح التوبيك بتاعك اكننا احنا لكتبنه لان بتحصل مع كل واحد
واخير : شكرااااااااا يا ساره على التوبيك لاكتر من هايل وربنا ما يجيب وحش ابدااااا
................
ZAHIMR 23-07-2008, 02:39 AM بسم الله الرحمن الرحيم
السلام عليكم ورحمه الله وبركاته
بجد أنا وأنا بقرأ الموضوع ده حسيت إن أنا اللى كاتبه وأى شخص تانى هيدخل يقرأ هيحس إن هو اللى كاتبه
عارفه إيه السبب
إن كل إنسان فينا بيبقى فاكر نفسه الملاك البرىء اللى صح معظم الوقت بلاش على طول والباقى ظلمينه ووخدين عنه فكره وحشه وبيتصرفو معاه خطأ وهو بيحاول يستحمل لكن خلاص مبقاش قادر وخلاص هينفجر قريب .
كلنا بنفكر كده أو على الأقل معظمنا
محدش بيعترف بخطأ أو مبقاش حد بيحب يعترف بخطأه لأننا كلنا لما إتربينا من صغرنا إتربينا على إن الصدق أمانه والكذب خيانه وإن الكذب ملهوش رجلين وهيجى عليه يوم وينكشف فالأحسن إننا من الأول نكون صادقين فى أقولنا وأفعلنا وإن الإعتراف بالحق فضيحه لكن ومع الأسف مع أول إختبار حقيقى مع الدنيا أقصد بتعبير أدق " الغابه " اللى إحنا عايشين فيها إن الكذب هو اللى بينجى والصدق بيودى أبو زعبل والإعتراف بالحق بقى فضيحه مش فضيله والطيب ملهوش مكان واللى يسيب حقه ويقول ربنا يسامحه يبقى طيشه وهفق ومرمتون آسف على صرحتى لكن هى دى الحقيقه .
فبنطر نختار حاجه من التالته ياإسود يا ذئاب يا نعام طبعاً الأسود دول اللى يقدرو يجيبو حقهم بنفسهم معاهم السلطه والجاه والذئاب دول اللى بيقدرو يتقربو من الأسود عشان ينفذو من خلالهم اللى هما عاوزينه ومع مرور الوقت بيتحول الذئب لأسد أما النعام فده اللى بيقرر يمشى جنب الحيط وده هو اللى بيدفع الثمن كله وبيتعذب .
للأسف هى الدنيا وهو ده الواقع الأليم اللى كلنا عارفينه وبنحاول نتناساه وبنحاول نخلق نوع رابع فى أحلامنا وهى حمامه السلام لكن مع أول إختبار حقيقى بنفضل نكون إسود أو ذئاب.
مش عارف أنا صح ولا غلط بس اللى أنا شوفته وعشته علمنى كده ممكن تكون فيه صداقه ممكن يكون فيه حب ممكن يكون فيه إخاء بس للأسف بقى نادر إنك تلقيه .
آسف إنى طولت فى ردى بس للأسف انا لسه مش خلصت كلامى فبعد إذنك ممكن تسمحيلى برد تانى يكون فى صميم الموضوع
انا معاك فعلا
انا حسيت ان الكلام الى هى كتباه دة كانو كلامى
شكرا لموضوع الجميل
dr.saeed 23-07-2008, 04:06 PM بس لسه فى حاجات برده مش لاقيه لها حلول
بقولك تانى يا سارة قولى ايه هى وان شاء الله كل حاجة ليها حل
طـفـلـة الامـس 24-07-2008, 01:50 AM بقولك تانى يا سارة قولى ايه هى وان شاء الله كل حاجة ليها حل
ممكن حضرتك ما تهتمش بالموضوع ده خلاص انا اساسا فقدت الامل فى كل حاجة وحاسة انى مش عارفة بجد اواصل ومهما وصفت مش هاييجى حاجة جنب اللى انا حساه ومع الاسف برده مش لاقية حد يفهمنى صح
لانى عارفة انى بفكر تفكير لوحدى لان تفكيرى غريب اصلا وانا كمان غريبة والكلام ده انا لسه قايلاه لشموخ قبل ما اقوله لحضرتك
حفظكم الله ورعاكم من كل سوء
sunsero2000 01-08-2008, 10:33 PM اكيد لسه فيه ناس طيبين كتير زيى انا
سمسمة محمد 02-08-2008, 03:31 PM بصي يا سارة الانسان طول حياته بيتعلم وطول حياته بيقابل و في بعض مواقفه بيتالم
كلنا بنعلم ومعظمنا اتالم ولو نظرتي بعينيكي الي اكتر المواضيع هتلاقيها تقريبا نفس الصيغة او علي وتيرة واحدة مع اختلاف الاساليب
مش معني ان احنا كان قدرنا نقابل ناس في الدنيا ومش فاهمنا صح او ليهم مصالح تانية ان الدنيا هتقف
وبردوا مش معني ده ان الناس كلها كدة يمكن يكون اختبار من ربنا ليكي ولغيرك عشان هشوفك ازاي هتتصرفي مع اصحاب المصالح والمنافقين و و و
المهم ان احنا نتعلم وان احنا نعدي ومنقفش عند محطة واحدة بل نكمل المسيرة وكمان احنا دلوقتي صغيرين اوي عشان نحس بكل الوجع والالم ده وهو لان احنا بنعيش وبنموت وبندور علي الحب وعلي فكرة انا كدة مش لقية الحب ده ولما لقيته طلع وهم كبير
بس انا عارفة ومتاكدة ان هلاقي تاني الناس كتير اوي بس الصبر مطلوب
والتقدير مطلوب واحمدي ربنا انك بتعرفي اصحاب المصالح والمنافقين منهم
ولو ملقتيش حد يحبك حبي نفسك هتلاقي انك مليتي فراغ كبير اوي عندك وبلعكس هتكون نفسك عليكي امينة اوي وعمرها ما هتجرحك وساعتها هتحسي بالحب
Travel 05-08-2008, 05:59 PM يمكن يا سارة للاسف
الدنيا مش بخير
زى ما كانت زمان
اللى انتى بتقويله ده واللى كله رده
ده فعلا
انا لما قريت الموضوع
قريت التعليقات
وللاسف فعلا
كل حاجة بتحصل
الدنيا بقت وحشة اوى
مفيش حد بيحب حد
كلوا بيكره كلوا
وكلوا بيتكلم عل كولا من ورا كلوا
وكلوا بيكدب على كلوا
يمكن انا اكتر حاجة اثرت فيا
كلام (السادات)قاله
احنا فعلا من واحنا صغيريين اتعودنا
على الامانة
والطيبة كانت جوانا
مش بنحب نكدب
ولو كدبنا
عارفيين ان هيجى يوم علينا والكدب يبان
للاسف
انا لما قريت الموضوع
كانى اللى كنت كاتباه بالظبط
بس فى اختلافات بسيطة
الزمن ده وحش اوى
يمكن انا سميته
زمن المصالح
او زمن الغدر
زمن الكدب والغش
يمكن احنا المفروض نرحب بالزمن ده
لاننا لو مرحبناش بيه
هو هيرحب بينا
كفاية كده
معلش طولت فى الرد رغم انى مقلتش اللى جوايا
طـفـلـة الامـس 05-08-2008, 06:31 PM يمكن يا سارة للاسف
الدنيا مش بخير
زى ما كانت زمان
اللى انتى بتقويله ده واللى كله رده
ده فعلا
انا لما قريت الموضوع
قريت التعليقات
وللاسف فعلا
كل حاجة بتحصل
الدنيا بقت وحشة اوى
مفيش حد بيحب حد
كلوا بيكره كلوا
وكلوا بيتكلم عل كولا من ورا كلوا
وكلوا بيكدب على كلوا
يمكن انا اكتر حاجة اثرت فيا
كلام (السادات)قاله
احنا فعلا من واحنا صغيريين اتعودنا
على الامانة
والطيبة كانت جوانا
مش بنحب نكدب
ولو كدبنا
عارفيين ان هيجى يوم علينا والكدب يبان
للاسف
انا لما قريت الموضوع
كانى اللى كنت كاتباه بالظبط
بس فى اختلافات بسيطة
الزمن ده وحش اوى
يمكن انا سميته
زمن المصالح
او زمن الغدر
زمن الكدب والغش
يمكن احنا المفروض نرحب بالزمن ده
لاننا لو مرحبناش بيه
هو هيرحب بينا
كفاية كده
معلش طولت فى الرد رغم انى مقلتش اللى جوايا
لا ابدا والله مافيش حاجة
اتكلمى زى مانتى عايزة انا كاتبة الموضوع عشان تساعدونى فيه وتتكلموا براحتكم خالص
انتى شكلك يا ترافل برده فى حاجات مضايقاكى
انتى عارفة ماحدش بيحس بمشكلة حد الا لما يتحط فى مشكلة مشابهة ساعتها بس بيحس بغيره
قولى اللى انتى عايزاه واحنا نساعدك على قد درايتنا بالدنيا دى
SmSm Basha 05-08-2008, 06:55 PM شكرا ليكي سارة على الموضوع دا ........ و عايز اقولك معلش هيا الدنيا بقت كدا قلة صغيرة من المجتمع اصبحت تعامل البقية باحترام بهدف تغيير ما بالنفوووس .......انا عن نفسي حصلي موقف زي بتاع صاحبتك دا واحد برضو كنت بحبه جدا و في الاخر اكتشفت ان علاقته معايا علاقة مصلحة لا غير..... ولكن للاسف مفيش حاجة هتتغير الا بالتربية و العلم و النشئة على الدين منذ الصغر و شكرا ليكي
زغلول شكوكو 06-08-2008, 10:57 AM بسم الله الرحمن الرحيم
اولا احنا كلنا اصحابك فى المنتدى ولو عزتى اى حاجه بجد انا تحت امرك
ثانيا انا بعترف انى فى اصحاب كتير بيصحبوا عشان المصلحه وبس ونادرا جدا جدا جدا لما تلاقى الصديق الوفى
ثالثا ودا الاهم لما تجى تختارى صاحبتك لازم تكونى لاماحه وتعرفى مميزاتها وعيوبها قبل ما تصاحبيها وعلى فكره كلنا حصل معانا المواقف دى وخدنا دروس منها ويارب يوفقك ويعطرك فى واحده تكون بنت حلال مصفى
dr.saeed 06-08-2008, 09:13 PM ممكن حضرتك ما تهتمش بالموضوع ده خلاص انا اساسا فقدت الامل فى كل حاجة وحاسة انى مش عارفة بجد اواصل ومهما وصفت مش هاييجى حاجة جنب اللى انا حساه ومع الاسف برده مش لاقية حد يفهمنى صح
لانى عارفة انى بفكر تفكير لوحدى لان تفكيرى غريب اصلا وانا كمان غريبة والكلام ده انا لسه قايلاه لشموخ قبل ما اقوله لحضرتك
حفظكم الله ورعاكم من كل سوء
اولا بلاش كلمة حضرتك دى
ثانيا
والله دخلت فى اكتر من موقف زى دة
يمكن زى مانتى بتقولى
يكون تفكيرك غريب
nadeen 06-08-2008, 10:40 PM بجد ماعدش في حاجه اسمها صديق اجدع حاجه انك تبفى عايشه لوحدك بس [/B]"7"]
طـفـلـة الامـس 07-08-2008, 12:09 AM اولا بلاش كلمة حضرتك دى
ثانيا
والله دخلت فى اكتر من موقف زى دة
يمكن زى مانتى بتقولى
يكون تفكيرك غريب
انا بطلتها والله الكلمة دى
دى المشاركة بتاعتى دى من فترة
مش عارفة بس اعتقد ان صح اكيد وبدون شك تفكيرى غريب
طـفـلـة الامـس 07-08-2008, 12:12 AM بجد ماعدش في حاجه اسمها صديق اجدع حاجه انك تبفى عايشه لوحدك بس [/B]"7"]
ايوة صح
ماهو ده قرارى النهائى اللى اتخذته
لحد ماربنا ياذن والمرحلة دى تعدى
بس انا حسة انى نفسيا مش مستعدة ادخل فى تجارب صداقة تانى
ربنا يستر
ميراج 30-10-2008, 07:06 PM واله عندك حق يا طفلة الامس الدنيا غداره اوى ما الرسول (ص) قال انى احذركم من الدنيا واحنا مبنسمعش الكلام لللاسف متزعليش نفسك وحاولى متسقيش بحد بسرعه فكرى الاول
|