تنظيم الوقت والجداول الدراسية [الأرشيف] - بوابة الثانوية العامة المصرية

مشاهدة النسخة كاملة : تنظيم الوقت والجداول الدراسية

ahmedelfangary

23-12-2013, 09:02 AM

أولا : تنظيم الوقت :
بص يا عم علشان تنظم وقتك لازم ان يكون عندك قناعة .. ان الوقت اللي في ايديك مش هيرجع تاني .. وبما ان الوقت في ايدك بامكانك تستغله .. زي اتنين كل واحد معاه قماشة نفس الحجم .. وهما الاتنين معاهم نفس الادوات .. فالاول عمل بالقماشة تيشرت .. والتاني تعب فيها شوية وعمل بدلة شيك .. فانتا مفيش فرق بينك وبين الاول على الجمهورية .. الا في استغلال الوقت صح .. كمان لازم يكون عندك تفاؤل انك تقدر تستثمر وقتك صح .. وعلشان تنظم وقتك لازم قبل متزاكر تجيب الحاجات اللي هتزاكرها وتحطها جنبك مش قدامك .. علشان تفكيرك ميتشتتش .. يعني تجيب المقلمة بتاعتك والمسطرة والالة الحاسبة والكتب اللي هتزاكرها .. وترتتب المكان قبل متقعد .. لان ده بيديك راحة نفسية .. وتحدد انتا بادت متى وهتخلص امتى .. وخلي معاك في الاوضة ساعة على الحيطة أو منبه .. ولو اشتريت ستوب ووتش هيكون احسن .. ده طبعا مع الساعة .. يعني هوا والساعة سوا .. بحيث انك تحددت بدات الساعة كام وتشغل العد .. ريحت خمس دقايق وقف العد ..
على سبيل المثال .. قلت هزاك ساعتين احياء شغل العد .. بعد ساعة رحت الحمام .. وقف العد .. لماترجع شغل العد تاني .. بحيث ان الساعتين يكونوا صافيين .. وخليك سريع شوية في الحل .. تدرب نفسك على السرعة ازاي .. طبعا معانا الاستوب ووتش .. هتقول مثلا اي مسالة على الموجات بتاخد 3 دقايق .. عود نفسك انك تحل اي مسالة في الموجات في تلت دقايق وقل المدة بالتدريج .. يعني ممكن بالسرعة توصل لدقيقة ونص .. مثال اخر اسئلة علل .. كل سؤال دقيقة .. حاول توصل لنص دقيقة في السؤال خصوصا انها أسئلة مباشرة .. حاول تدرب نفسك على الفهم السريع .. يعني مش نفهم في يوم ونحل في عشرة .. انا كنت بفهم الدرس في ساعة واحل عليه في ساعيتن .. بس كنت بدرب نفسي على السرعة .. واهم حاجة التركيز ..
كذلك في حل الامتحانات درب نفسك على السرعة بحيث تحل الامتحان في اقل من وقته بكتيير .. واخر حاجة هقولها القاعدة الرئيسية في تنظيم الوقت
( انجاز اشياء كثيرة .. في أوقات قليلة )

AyaT Ali

23-12-2013, 09:35 AM

الموضوع رائع جدا

وف الصميم فعلا

وعايز حماااااس رهيب

ربنا يسهل كل عسير

جزاك الله كل الخيراات

وجعله ف موازين حسناتك
^_^

Nana_kh

23-12-2013, 12:05 PM

موضوع شجعنى فعلا
جزاك الله خيرا

princess Mano

23-12-2013, 03:33 PM

شكــراا جدا ...:)

Yasmeena.R

23-12-2013, 05:35 PM

كلام ممتاز

جزاك الله خيرا

فعلا محتجين الكلام دا اوى

رآجيه رضآ الله

23-12-2013, 06:44 PM

جزاكمـ الله خيراً

ahmedelfangary

24-12-2013, 10:26 AM

ثانيا : الجداول الدراسية
بص ياعم هات قلمك الرصاص ومصطرتك وقلم جاف .. هتعمل جدول عادي وتقسمه على أيام الأسبوع .. وتشوف انتا بتروح المدرسة أو مش بتروح ..وتكتب وقت المزاكرة الفعلي بدون وقت الدروس .. وتكتب وسط الوقت اوقات الراحة اللي تناسبك .. وتبدأ بالمادة الصعبة ثم السهلة .. وتخلي للمادة الصعبة عدد أيام كبير يعني تلت أو اربع أيام .. وتحط لكل مادة عدد ساعاتها المناسب .. يعني مثلا مادة زي الفيزيا تحطلها ساعة في يومين .. ومادة زي الفرنساوي تحطلها اربع ساعات على خمس ايام .. لا طبعا .. انتا توازن بين المواد .. يعني توازن بين المواد .. وتدي كل مادة حقها .. ويا ريت الدرس اللي مش محتاجه متروحوش .. يعني لو مادة انتي قوي فيها مش لازم تاخد فيها درس الا ان كان مراجعة .. على سبيل المثال مادة زي الأحياء لاتحتاج لدرس .. لأنها باختصار مجهود ذاتي .. فحاول متضيعش وقتك في الدروس اللي مش محتاجها .. بعد ما عملنا الجدول بخط حلو هنعلقو على الحيطة .. أو تكتبوا في الكمبيوتر وتطبعو.. حسب امكتنياتك .. في جانب الجدولالأسبوعي اعمل جدول شهري للمطلوب انجازه في الشهر ده .. والاشهر الباقية كده ..

not masked

24-12-2013, 08:01 PM

جزاك الله كل خير علي مجهودك وعلي فكرة عجبتني كلمة( ﻭﻳﺎ ﺭﻳﺖ ﺍﻟﺪﺭﺱ ﺍﻟﻠﻲ ﻣﺶ
ﻣﺤﺘﺎﺟﻪ ﻣﺘﺮﻭﺣﻮﺵ)

كامل خميس

26-12-2013, 03:00 PM

جزاك الله خيرا

كامل خميس

26-12-2013, 03:03 PM

ويا ريت الدرس اللي مش محتاجه متروحوش .. يعني لو مادة انتي قوي فيها مش لازم تاخد فيها درس الا ان كان مراجعة .. على سبيل المثال مادة زي الأحياء لاتحتاج لدرس .. لأنها باختصار مجهود ذاتي ..
بس على فكرة الاحياء مش سهلة ومحتاجة لدرس على الاقل بالنسبة ليا لكن بالنسبة لك مش محتاجة هى بتختلف من طالب لاخر

ahmedelfangary

27-12-2013, 05:56 PM

بس على فكرة الاحياء مش سهلة ومحتاجة لدرس على الاقل بالنسبة ليا لكن بالنسبة لك مش محتاجة هى بتختلف من طالب لاخر

على فكرة انا مش طالب .. بس بجد الاحياء لا تحتاج درس ..

كامل خميس

29-12-2013, 12:31 PM

على فكرة انا مش طالب .. بس بجد الاحياء لا تحتاج درس ..
وعلى فكرة برده أنا مقولتش أن حضرتك حاليا طالب أنا قولت بالنسبة لك مش محتاجةدرس

princess Mano

29-12-2013, 12:43 PM

شكراا جزيلاا ..
وفعلا الأحياء مش محتاجة درس ..
انا اخدت فيها شهر وبعدين عرفت ان الدرس ملووش لازمة
وانها عايزة مجهود شخصى ودلوقتى بذاكرها فى البييت وماشية الحمد لله .

ahmedelfangary

29-12-2013, 04:10 PM

شكراا جزيلاا ..
وفعلا الأحياء مش محتاجة درس ..
انا اخدت فيها شهر وبعدين عرفت ان الدرس ملووش لازمة
وانها عايزة مجهود شخصى ودلوقتى بذاكرها فى البييت وماشية الحمد لله .

هيا حقيقي مجهود زاتي لانها عبارة عن رسوم .. بتدربي عليها كذا مرة ..
والجزء العملي هيكون في المزكرة بتاعت المدرس ..
والجزء النظري عايز فهم مع حفظ ..
اظن المدرس مش هيعمل اي حاجة تاني .. الا انو هيشرح
.. انا عن نفسي كنت بروح في ايام المراجعة ..
على اساس اعرف اسرار المادة من المدرس فقط لاغير ..
ورجت الدرس بالضبط في اول السنة حصتين وسبتها .. لقيت نفسي بضيع وقت وجهد .. فزاكرتها في البيت وكانت احسن بكتيير .. واللي عايز يزاكرها في موقع كايرو دار والدروس التعليمية .. كلهم كوييسين

Yasmeena.R

30-12-2013, 05:22 PM

طب انا مادة زى العربى ممكن اذكرها مع نفسى لان مفيهاش حاجة كلها حفظ والمدرسين بس كل مقول لوحدة من اصحابى بيقولوا متجنيش على اخر السنة

بجد محتارة لانى نفسى اقلل من الدروس دى عشان مرتبطش كمان بالدرس عايزة اخلص قبله لان لسة هيخلص منهج النص التانى بعد 1

محمود صفى الدين

30-12-2013, 07:43 PM

انا عايز من حضرتك جدول غير اللى عملتهولى لان فى حاجات اتغيرت كتير

ahmedelfangary

31-12-2013, 08:01 AM

انا عايز من حضرتك جدول غير اللى عملتهولى لان فى حاجات اتغيرت كتير

طيب قولي ايه الللي اتغير وقولي نظام يومك

محمود صفى الدين

31-12-2013, 03:30 PM

طيب قولي ايه الللي اتغير وقولي نظام يومك

حضرتك لو فاضى ممكن تعملنا جدول نمشى علي حنا تقريبا 4 لحد دلوقتى فموضوع هاام جدا انا اللى كاتبو وياريت تتبعنا وتفيدنا بخبرة حضرتك :022yb4::022yb4:

ahmedelfangary

31-12-2013, 05:38 PM

حضرتك لو فاضى ممكن تعملنا جدول نمشى علي حنا تقريبا 4 لحد دلوقتى فموضوع هاام جدا انا اللى كاتبو وياريت تتبعنا وتفيدنا بخبرة حضرتك :022yb4::022yb4:

انا مستعد اعملكوا الجدول واتابعكوا كل يوم .. بس قولوا ايه نظامكوا

محمود صفى الدين

31-12-2013, 08:26 PM

انا مستعد اعملكوا الجدول واتابعكوا كل يوم .. بس قولوا ايه نظامكوا

كلنا علمى علوم بنفتح الساعة 8 ونصف او 8 تقريبا بالليل

ahmedelfangary

31-12-2013, 08:58 PM

كلنا علمى علوم بنفتح الساعة 8 ونصف او 8 تقريبا بالليل

ايوه .. يعني ايه نظام يومكو .. والجدول صباحي ولا مسائي ومن الساعة كام لكام ..

عبير الجوري

02-01-2014, 01:03 PM

ahmedelfangary

02-01-2014, 01:23 PM

السلام عليكم ورحمة الله وبركاته
كنت اريد جدول لمراجعة اللغة العربية خلال شهر
ويكون جدول سهل بحيث يمكن مذاكرة العربي بجانب المواد الاخري

الدروس هي

اول 14 فصل قصة

5 دروس قراءة ( قيم انسانية - العلم في الاسلام - القدس مدينة عربية واسلامية - قضية السكان - لمحات من حياة العقاد )

5نصوص و 2 نثر ( غربة وحنين - المساء - الشاعر وصورة الكمال - صخرة الملتقي - كم تشتكي - الصغيران - نظرة )

5 درس ادب

انتظر الرد
وجزاك الله خيرا

بما إنك عايزة تراجعي العربي هتزاكريه جميع أيام الاسبوع ويكون معاه تلت مواد تاني ..
لمدة ساعتين بس بتركيز .. هتاخدي مع القراءة فصل قصة ..
يعني مثل السبت والاتنين والخميس هيكون قراءة وقصة ..
والحد والتلات والجمعة نصوص
يعني النصوص هتخلصيها في اسبوعين ويوم والقراءة في اسبيوعين
هيكون باقي اسبوعين في الشهر .. هتزاكر الادب احد وتلات وخميس ..
والقصة هيكون باقي فيها 8 فصول هتزاكريها سبت واتنين واربع وجمعة .. وكدا تكوني قفلتي العربي تمام

أثِيل

06-01-2014, 12:21 PM

موضوع جميل اوي

حطيته في قائمة الاهتمامات للترم التاني ان شاء الله

علي فكرة الاحياء عايزة فهم ومعايشة بس مش عايزة درس

لو درس هو بس ممكن ينظم معلومات بس

ahmedelfangary

07-01-2014, 09:26 PM

موضوع جميل اوي

حطيته في قائمة الاهتمامات للترم التاني ان شاء الله

علي فكرة الاحياء عايزة فهم ومعايشة بس مش عايزة درس

لو درس هو بس ممكن ينظم معلومات بس

ولو درس تكوني سابقاه بدرسين تلات بحيث تكوني بتراجعي .. ولو عندك سؤال ولا حاجة تقوليه

امل رافت محمد حسين

09-01-2014, 10:36 AM

ahmedelfangary

10-01-2014, 09:09 PM

والله احنا مش عارفين نردوا جميلك دة ازاى بجد شكرررررااااااااا:022yb4:

العفو .. لا شكر على واجب

A.Mekky

15-03-2014, 07:42 AM

ahmedelfangary

15-03-2014, 09:22 AM

]طب بالنسبة ليا انا معايا حوالى 80%من المنهج لكل المواد

بس انا مش لاقى وقت اذاكر من كتر الدروس لدرجة انى بفضل صاحى باليومين والتلاتة مش بنام غير ساعتين فى نص اليوم

كنت بفكر اطلع من العربي والاحياء و الجيولوجيا على الاقل شهر 4 ...واقعد ااذاكر بمزاج و احل من ال الكتب اللى عندى

بس كل مقول لحد يقولى انت كدا هتضيع نفسك :(

وانا عايز على اخر 4 اكون لميت المناهج بنسبة 95% على الاقل

ممكن تفيدنى :(

واسف لو فى غلطات املائية او الاسلوب وحش عشان انا من الموبايل :)

ولا يهمك خالص
بص انتا لو عايز نصيحتي الاحياء والجيولوجيا ممكن تسيبهم لانهم مجهود ذاتي وتروح المراجعة بس
العربي انصحك تستمر في الدرس
ولو هتسيبه سيبه لاخر 3 وبعدين تكمل من بداية اربعة
ولو الدروس كتيرة قللها مش تسيبها
يعني العربي 5 ايام خليه 3 ولو 3 خليه 2 وهكذا

dosa mohamed

16-03-2014, 11:44 AM

بجد مش عارفة اشكر حضرتك ازاى ربنا يجعله فى ميزان حسناتك باذن الله..... :)

A.Mekky

16-03-2014, 11:58 AM

ولا يهمك خالص
بص انتا لو عايز نصيحتي الاحياء والجيولوجيا ممكن تسيبهم لانهم مجهود ذاتي وتروح المراجعة بس
العربي انصحك تستمر في الدرس
ولو هتسيبه سيبه لاخر 3 وبعدين تكمل من بداية اربعة
ولو الدروس كتيرة قللها مش تسيبها
يعني العربي 5 ايام خليه 3 ولو 3 خليه 2 وهكذا

اولا شكرا لرد حضترك السريع

انا كنت هسيب الدروس (احياء جيولوجيا عربي ) لمدة شهر اللى هو شهر 4
وهرجع 5 ان شاء الله بعد مكون ذاكرتهم و ظبطهم بحيث انى اشوف اسئلة تاكيد على المعلومة مش اسئلة اول مرة اشوفها :)

بلبلة الصعيد

16-03-2014, 12:13 PM

يا رب وفقنا كلنا يارب

بنت الاسلام ( رشا )

19-03-2014, 11:07 AM

ياريت الموضوع دون يثبتوه المشرفين لانو بجد مفيد لينا كلناا
جزاكم الله الف خير علي المجهود يا دكتور احمد

ahmedelfangary

19-03-2014, 11:14 PM

ياريت الموضوع دون يثبتوه المشرفين لانو بجد مفيد لينا كلناا
جزاكم الله الف خير علي المجهود يا دكتور احمد

وجزاك الله كل خير