هل تؤيد مراقبة الرسائل الخاصة بالمنتديات [الأرشيف]

المساعد الشخصي الرقمي

مشاهدة النسخة كاملة : هل تؤيد مراقبة الرسائل الخاصة بالمنتديات

haderya

22-07-2008, 12:48 AM

!DreAmeR!

22-07-2008, 12:57 AM

انا لا اوؤيد

Hamset_Etab

22-07-2008, 01:06 AM

شكرا على الموضوع
وانا رايى (يجب أن يشعر الأعضاء بمراقبة الرسائل وإن لم تكن جميعها مراقبة)

C A N D Y

22-07-2008, 01:12 AM

الاستاذ محمد سرور

22-07-2008, 01:13 AM

رونالدينهوو

22-07-2008, 01:38 AM

اكيد مش موافق على المراقبة دى وبعدين يبقى لية سموها رسائل خاصة كدة متبقاش خاصةصحححححححح

..Just Stop

22-07-2008, 01:40 AM

ีundertaker_2000

22-07-2008, 01:56 AM

beautyblotyboy

22-07-2008, 06:31 AM

لا اوافق

فمثلا لو انا وصديق لى نتكلم فى امر شخصى وخاص

فيدخل شخص اخر ليراقب ماذا نكتب

بجد ده كلامة صح عيب في شي من الخصوصية

منى ذكى

22-07-2008, 06:32 AM

اوؤيد ده.

Travel

22-07-2008, 06:46 AM

لا
انا لا اؤيد
المراقبة
واتفق مع كلام
كل من
مستر /محمد سرور
ومحمود(طه)
وليه
يبقى فى مراقبة
لما فى تعاون بين الاعضاء
كمان
ممكن يكون فى اسئلة او شكاوى خاصة تفيد الاعضاء
ممكن العضو ميكنش العضو عاوز حد يعرفها (للسرية)
او كمان
ممكن يكون استفسار عن حاجة
ومش لازم الحاجة دى المنتدى كله يعرفها
ما ممكن ياخد الايميل ويتكلموا فيه احسن
واهوا برضه محدش مراقبه!!!!
وبعدين
مادام العضو عارف انه مش بيعمل حاجة غلط
يبقى مش فارقة

بصراحة
موضوع غريب

الفكرة دى جاتلك ازاى ؟؟

elbazoka011

22-07-2008, 10:54 AM

لا طبعا ده كلام غير مظبوط يجب عدم الاطلاع على خصوصيات الغير امال سموها رسائل خاصه ليه كان الافضل يسموها احذر رسائل مراقبه

haderya

22-07-2008, 11:18 AM

انا لا اوؤيد

رأي يتفق معه البعض
أشكرك لتجاوبك

CoMMaNdo

22-07-2008, 11:19 AM

haderya

22-07-2008, 11:22 AM

شكرا على الموضوع
وانا رايى (يجب أن يشعر الأعضاء بمراقبة الرسائل وإن لم تكن جميعها مراقبة)

والشكر لله أن جعلك تمر وتقرأ الموضوع
فرأيي مثل رأيك تماما
فالمنتدى كبير وأعضائه كثير
ومراقبة جميع الرسائل أمر مستحيل

ولكن يجب أن يعلم الجميع أن الرسائل مراقبة
ليس من البشر
بل من الخالق رب البشر

فالملائكة الكرام تحصي لنا جميع حروفنا وستقرأ كتابنا بيميننا يوم يعض الظالم على يديه

أشكرك

basmala

22-07-2008, 11:23 AM

يا جماااعه المراقب هو الله

haderya

22-07-2008, 11:28 AM

مش عارفة ليه حاسة ان كل اللى بيقولو لا اوئيد المراقبة رسايلهم كلها هتبقى متراقبة من بكرا:D:p
عامة مش عارفة هى ممكن تكون تجسس
و المفروض بردو الحفاظ ع الاخلاق العامة فى المنتدى
لان فى ناس بتستغل الميزة دى بطريقة غلط
يا ريت نسمع رأى حد من الادارة
و ثانكس ع الموضوع مع ان فى ناس ممكن تكرهك بسببه:D

المشكلة يا Precious ليست فى "الناس بتستغل الميزة دى بطريقة غلط"
لا
بل المشكلة أيضاً في أن الآن أصبح منتشرة الهاكات الخاصة بمراقبة الرسائل
فلة كنت مشرفة على المنتدى
ألن يسألك الله عن عدم استعمال هذه الهاكات طالما عرفت بوجود ناس بتستغل الميزة دي غلط بالمنتدى

وشكراً لخوفك علىّ
وحتى لو كرهوني الأعضاء :o .. فما دمت كتبت ما لا أخجل منه فلن أكون من النادمين :rolleyes:

thechampion

22-07-2008, 11:32 AM

لا اويد بشدة لانها خصوصيات للاعضاء انا اعرف ان فى فى منتدى عاملين قسم اسمو شرطة الرسايل الخاصة
شفتم السذاجة

haderya

22-07-2008, 11:40 AM

لا اوافق

فمثلا لو انا وصديق لى نتكلم فى امر شخصى وخاص

فيدخل شخص اخر ليراقب ماذا نكتب

الاصح ان يتم عمل موضوع يتم تثبيته للشكوى من رسالة غير لائقه

والعضو الذى يصدر منه ذلك يتم وقفه نهائيا

الرسائل الخاصة امر شخصى يجب عدم التدخل فيه الا بشكوى من الذى استلم رسالة غير راضى عنها

رأيك يتفق معه البعض
أشكرك لتجاوبك

من وجهة نظري ... بالنسبة للرسائل غير اللائقة فهو موضوع غير مجدي تماماً
فالخوف من تزيين الشيطان للأقول والأفعال

لنفرض رسالة من أخ لأخت قال فيها : أختي الحبيبة ... وأكمل الرسالة
ردت عليه : عيب تقول أختي الحبيبة ... رد : لم أقصد أنا بحترمك ... ردت وأنا كمان ...
وعلشان أنا أثق فيك .. تفضل نمرة موبايلي ... ولن نكمل السيناريو ولكن لم ولن يتم الشكوى من مثل هذه الرسائل مع أن ضررها أخطر على الشباب الصغير السن
حفظنا الله جميعا وجميع المسلمين من تزيين واستدراج الشيطان لما لا نعرفه

ملحوظة : صاحب الموضوع لم يرسل رسائل حتى الان لانه لم يتخطى 50 مشاركة :D:D

:D:D:D

ولكن لا يمنع بمشاركتي في منتديات أخرى كثيرة
منها ما تم حجب الرسائل الخاصة فيها تماماً :eek: وليس فقط مراقبتها
وأعتقد أن هذا أتقى لله وابتعاد عن مواطن الشبهات

احترامي

haderya

22-07-2008, 11:42 AM

اكيد مش موافق على المراقبة دى وبعدين يبقى لية سموها رسائل خاصة كدة متبقاش خاصةصحححححححح

رأيك يتفق معه البعض
وأظن كلمة خاصة بمعنى غير قابلة للمحاورة بين أكثر من اثنين
كمواضيع المنتدى

ولك الحرية الكاملة بحذفها متى شئت
فهي خاصة لك

كل هذا بمعنى خاصة صح ؟

_GUIDE_

22-07-2008, 11:46 AM

haderya

22-07-2008, 11:49 AM

طبعا
امر مرفوض
انا كواحد من الناس محبش حد يتجسس عليا
يعنى هنكتب فى الرسايل ايه يعنى
علشان يبقا فيه شغل المخابرات دى
لو حد وصله رسالة مش تمام
كل الحكاية كوبى وبعدين باست
وعلى الادارة ( وبعدين الادارة تتصرف )
مش هيخسر حاجة

انما شغل المخابرات والتجسس فدا امر مرفوض تماما

:::::::::::::::::::::::::::::::::::::::::::

الموضوع قبل ما حد يرد فيه
ملك لصاحب الموضوع
انما بعد الرد فبقا ملك للجميع
مفيش حاجة اسمها الموضوع بتاعى
احذفه امحيه اجيبله ورق والفه فيه

رأيك يتفق معه البعض
ولكن
من وجهة نظري الشخصية
فهذا ليس تجسس
أن أقول أن الرسائل غير مراقبة وأراقبها فهو فعلاً تجسس
أما
لو أعلنت الإدارة ضرورة الانتباه للرسائل الخاصة لأنها مراقبة فهو ليس تجسس أبداً
فالمنتدى من حق المسئول عنه شرعاً وقانوناً ولديه الصلاحيات الكاملة به أن يحدد ضوابط وروابط له كما يراها من وجهة نظره

أما موضوع كوبي وبيست فلن يتم في الرسائل الرومانسية التي يتقبلها طرفي الرسالة
فقط إذا تذمر أحدهم منها سيفعل ما تراه

شكراً لتجاوبك مع الاستطلاع
وأحترم ما أشرت به من رأي حول حذف موضوع من المنتدى بناء على طلب صاحب الموضوع

احترامي

haderya

22-07-2008, 11:52 AM

فعلا يا استاذ محمد يجب ان يتم عمل موضوع فى قسم الاقتراحات وحلول ويتم تثبيته والى استلم رساله من عضو وشايف انها غير لائقه يخش على الموضوع ويكتب

لا اوؤيد بشده مش علشان حاجه والله انا مابعمل حاجه غلط علشان محدش يفتكر حاجه بس فعلا هى بتكون خاصه علشان كدا سموها رساله خاصه

رأيك يتفق معه البعض

وكما قلت لرونالدينهوو
أظن كلمة خاصة بمعنى غير قابلة للمحاورة بين أكثر من اثنين
كمواضيع المنتدى

ولك الحرية الكاملة بحذفها متى شئت
فهي خاصة لك

احترامي

haderya

22-07-2008, 11:57 AM

لا اوافق

فمثلا لو انا وصديق لى نتكلم فى امر شخصى وخاص

فيدخل شخص اخر ليراقب ماذا نكتب

بجد ده كلامة صح عيب في شي من الخصوصية

أحترم رأيك ويتفق معه البعض

هناك قاعدة فقهية
درء المفاسد مقدم على جلب المصالح
وليست كل الرسائل الخاصة بين الأصدقاء

هناك ما لا يمكن أن يخطر على بال الأتقياء يمكن أن يحدث في الرسائل الخاصة

واطمئن
لا يمكن لو تم الموافقة على مراقبة الرسائل أن يقرأ المسئول عن المراقبة جميع الرسائل الخاصة

صعب ومستحيل ذلك

ولولا الخوف على أخي الصغير وأختي الصغيرة (أعضاء وعضوات المنتدى) أبنائنا جميعا
ما كتبت مثل هذا الموضوع

احترامي

haderya

22-07-2008, 12:00 PM

اوؤيد ده.

رأيك يتفق معه البعض
وأنا أيضاً

شكراً لك
أنار الله دربك وبصيرتك

Cray_Bird91

22-07-2008, 12:02 PM

بصراحة لا اؤويد لان دى خصوصية وطالما كل واحد عارف الصح من الغلط يبقى خلاص ملوش دخل للموضوع
وربنا سبحانه وتعالى هو المراقب
زى ما قال الشاعر"انا الذى اغلق الابواب مجتهدا &على المعاصى وعين الله تنظرنى
يا نفس كفى عن العصيان واكتسبي توبة لعل الله يرحمنى"

عموما كل واحد وضميره والاعضاء وضحوا واعطوا ارائهم ورأى من رأيهم

..حدوتة..

22-07-2008, 12:02 PM

اكيد لا ده مينفعش

..حدوتة..

22-07-2008, 12:04 PM

طبعا لا اؤيد وليه تتعمل اصلا لما اى حد ممكن يشوفها كمان دى ممكن تكون خصوصيات بين بنات وحد يطلع عليها طبعا بكل المقاييس مرفوض
فى رعاية الله

haderya

22-07-2008, 12:04 PM

haderya

22-07-2008, 12:09 PM

لا طبعا ده كلام غير مظبوط يجب عدم الاطلاع على خصوصيات الغير امال سموها رسائل خاصه ليه كان الافضل يسموها احذر رسائل مراقبه

رأي يتفق معه البعض

والرأي الأخر مفاده أن يتم الإعلان عن

"الرسائل الخاصة خاصة للأعضاء ولكن احذر فهي مراقبة من مسئولي المنتدى فلا يجب تبادل أرقام الهواتف والأسرار عبرها "

فيجب الحذر عندئذ كما تفضلت وأشرت

شكرا لك

haderya

22-07-2008, 12:12 PM

وبعدين تتراقب ازاى وهيا اسمها رسائل خاصه !!!!
يعنى الى بيستخدمها بيبقى عايز يكلم حد خاص ومش عايز حد يعرف هوا بيقول ايه

و الى بيستخدموها استخدام غلط
الى بيتبعتله الرسالة بيبعت لاى مشرف وهيوقف العضو

لكن انا مش موافق على مراقبة الرسائل الخاصة
والا بقى متبقاش خاصة

رأيك يتفق معه البعض
ولكن
الاستخدام الخاطئ لا يحكم عليه فقط العضوان المتبادلان بينهما الرسائل

والخصوصية لها معان كثيرة جداً
يمكن تحجيم كلمة الخاص حسب ما تقتضيه المصلحة العامة

شكرا لك ولرأيك

احترامي

haderya

22-07-2008, 12:17 PM

يا جماااعه المراقب هو الله

ونعم بالله

[يَوْمَ يَبْعَثُهُمُ اللهُ جَمِيعًا فَيُنَبِّئُهُمْ بِمَا عَمِلُوا أَحْصَاهُ اللهُ وَنَسُوهُ وَاللهُ عَلَى كُلِّ شَيْءٍ شَهِيدٌ] {المجادلة:6}

haderya

22-07-2008, 12:23 PM

لا اويد بشدة لانها خصوصيات للاعضاء انا اعرف ان فى فى منتدى عاملين قسم اسمو شرطة الرسايل الخاصة
شفتم السذاجة

رأي يتفق معه البعض

وأعرف ذاك المنتدى الذي تتحدث عنه
فأنا من أعضائه

وهو منتدى محترم جداً جداً

وليس سذاجة أن يختلف معك البعض في رأيك

ولنتذكر قولاً للإمام الشافعي حيث يقول:

ما جادلت أحداً إلا تمنيت ان يجري الله الحق على لسانه.
والحق يشمل سداد الرأي وسلامة العبارة وحسن المنطق..

فرأيي صواب يحتمل الخطأ ... ورأي غيرك خطأ يحتمل الصواب

والاختلاف في الرأي لا يفسد للود قضية

احترامي

الأستاذة أم معتصم

22-07-2008, 12:30 PM

السلام عليكم

انا أريد ان أذكركم بشىء يا جماعة

من كام شهر

عندما اكتشفنا مشكلة الرسائل التى تصل الى بعض البنات المراهقات

وقاموا بارسالها الى الادارة

قامت الادارة بعمل حملة توعية للبنات بالا تستجيب احداهن لاى كلمة تقال لها من اى شاب

وقام الاستاذ عصام باحضار بعض الرسائل الموجودة على الانترنت ونشرها فى المنتدى ليعرف البنات ان

الرسائل لا تكلف من يكتبها شىء فهى عبارة عن موديل مكتوب وينقله الى البنت فقط

ولكن تكلف البنت الكثير والكثير من المشاكل

وكل الحل الذى توصلنا جميعا له وتم تنفيذه بالفعل

هو جعل العضو لا يتمكن من ارسال رسائل خاصة الا بعد 50 مشاركة منه فى المنتدى

ومن خلال مشاركاته طبعا نستطيع ان نتعرف على مدى احترامه وتقديره للمنتدى ولنفسه

وكانت هذه الى حد ما فكرة ناجحة

اما اليوم

انا لن اوافق على مراقبة الرسائل الخاصة ليس لانها خاصة كما قلتم انتم

او لاننا يمكن ان نتبادل فيها اشياء خاصة بيننا كاعضاء

لالالالالالالالالالا

المشكلة فى شىء اخر

من سيقوم بالمراقبة

طبعا مش المدير لانه يتحمل على عاتقه مسئوليات كثيرة

ولن يستطيع ان يتفرغ لمراقبة رسائل الالاف من الاعضاء

انا كمدرسة ومشرفة وكنت أتعامل مع البنات بصورة مباشرة فى الغرف الصوتية

فهناك ثقة متبادلة بينى وبين بناتى

وتصلنى رسائل منهم تحتوى بعض الاشياء والمشكلات الخاصة بهم

وانا شخصيا لن اثق بمن سيقوم بالمراقبة لانه ممكن يكون عضو او مشرف

سنه صغيرة لا يقدر المسئولية التامة او غير امين على ما يقرا من مشكلات البنات

فبهذا سنخسر البنات وبخسر ثقة البنات بنا

ونكون قد فشلنا فى حماية بناتنا واخواتنا فى هذه السن التى يجب ان نشملهم فيها بالرعاية والحماية حتى من نفسهم وافكارهم

واحب ان اضيف شيئا هاما

وهو

اننا جميعا نعلم ان الله رقيب علينا

انظروا الى الاية الكريمة فى توقيعى

انظروا الى الايات فى سورة (ق)
ومنها

( ما يلفظ من قول الا لديه رقيب عتيد )

الله هو الرقيب علينا

بناتى واخواتى واخوانى الشباب

اجعلوا دائما شعاكم ( الحرية مسئولية فى حد ذاتها ويحب احترامها )

الحرية التى يعطيها لنا اهالينا

لابد ان نكون نحن رقباء على انفسنا ونحترمها ولا نضع انفسنا وهالينا فى موقف صعب

يشعرون فيه انهم اخطأوا حينما اعطونا حرية التصرف وجعلونا رقباء على انفسنا

بل نجعلهم يفتخرون باننا نستطيع الالتزام بمسئولية الحرية التى اهدوها لنا عن طيب خاطر

haderya

22-07-2008, 12:33 PM

فى نظام تنصت جميل اوى فى امريكا بيتراقب من خلاله المكالمات الهاتفية والنت
عند ذكر كلمة مسلم - قنبلة - استشهادى او اى كلمة من هذا القبيل
النظام ده بيسجل المحادثة اوتوماتيك
لو النظام ده ممكن يشتغل عندنا فى المنتدى
ويكون مضبوط على
(كوز المحبة اتخرم)
او
(الحب ولع فى الدرة )
انا موافق
رسايل ايه اللى تتراقب هو برضه اللى عايز يقول حاجة يقولها على الرسايل :D
فى حاجة اسمها خصوصية
ثم فى بنات بتبعت رسايل لبعض ويتكلمه فيها ينفع تتراقب
ولو حتى بين بنت وولد
مدام هما الاتنين موافقين على ده يبئا اللى داخل بينهم خارج
وده رأى

رأيك يتفق معه البعض

ومعك حق فيما قلت
هو برضه اللى عايز يقول حاجة يقولها على الرسايل :D

هناك مصادر أخرى يمكن أن نتبادل من خلالها الخصوصية بعيدا عن المنتدى

مدام هما الاتنين موافقين على ده يبئا اللى داخل بينهم خارج

يجب أن يقولوها بعيدا عن مكان يتحمل مسئوليته من لا يرضى عما يقولوه

أختلف معك بوصفك لنظام تصنت الأمريكان بأنه نظام جميل
فالعلم الذي وهبه الله للإنسان إما حجة له أو عليه

فمن برمج برامجه لحجب كلما : مسلم .. استشهادي
فنسأل الله أن يجعل كيدهم في نحرهم وأن يخرب عليهم علمهم

ومن برمج برامجه لحجب ما لا يرضى الله عنه
فنسأل الله أن يسدد رميهم وأن يبارك عملهم وعلمهم

احترامي

haderya

22-07-2008, 12:38 PM

haderya

22-07-2008, 12:39 PM

اكيد لا ده مينفعش

رأيك يتفق معه البعض

شكراً لتجاوبك ومشاركتك الاستطلاع

احترامي

KHALOOOD

22-07-2008, 12:41 PM

haderya

22-07-2008, 12:47 PM

haderya

22-07-2008, 12:50 PM

والله عشره على عشره الكلام دا
واللى عنده اعتراض عليه يبقى مش تمام

شكراً يا أخي
الكمال بيد الله
واللي مش تمام هو التمسك والتعصب ضد رأي شخصي دون النظر لإيجابياته وسلبياته
ومقارنتها بغيره من الآراء

أسيل رزق

22-07-2008, 12:52 PM

أنا هقول وجهة نظرى و همشى

موضوع مراقبة الرسايل ده بالنسبة ليا يعتبر تطلع على خصوصيات الاعضاء

مع احترامى للادارة كلهم ناس محترمين جداً

بس الموافقة على مراقبة الرسايل بكده حضرتك بتشك فى الاعضاء

وطالما فى شك فى الاعضاء يبقى من حق الاعضاء تشك فى الادارة

و من وجهة نظرى أنا شيفاه بداية لمشاكل كتير بعد كده

وبعدين دى خصوصيات مهما كانت

وأخيراً المحُترم محُترم من غير مراقبة ;)

والسلام عليكم :)

FRANKENSTEIN

22-07-2008, 12:55 PM

ههههههههههههه
انا فاكر اخر مره بعتب فيها رساله بمزاجي :d
كانت من حوالي سنة
كنت بتخانق مع مشرف :)
كانت ايام
يالا مش مشكله
اشمعزا الرسايل اللي متتراقبش يعني :)
هي اللي فاضله :d
ع العموم لو حنتكلم بجد
كانت فيه عباره للدكتور احمد عوض ع ما اذكر
كان بيقول فيها اننب اسطتيع ان اعطيك طعامي فأغدو جائعا ... ان اعطيك نقودي فاصبح فقيرا .. ولكني لا استطيع ان اعطيك حرتي فبدونها اصبح لا شئ مجرد حطام انسان :d
المهم موضوع الرسائل دا ع ما اذكر كان حرية شخصية ف الموقع
كل عضو حر
واللي تقريبا مش عايز يتقبلها يلغي خيار استقبال الرسائل من الاعضاء :d
حيكون احسن
دمتم سالمين
اخخ افتكرت كان اسمه الدكتور محمود عوض :D

Drowns in a sea grief

22-07-2008, 12:57 PM

والله هو الموضوع عادى و مفيهاش حاجة
ان الرسايل تبقا مترقبه هى بس الرخم اللى فيها
ان كل واحد لى بعض الخصوصيات و مش بيحب ان حد
يدخل و يستكشفها و مش معنى الخصوصيات ان الكلام بيكون
فى حاجة غير محترمه بس اهوة دى وجهة نظرى

the black rose

22-07-2008, 01:11 PM

بصراحة و مش عايزة حد يزعل منى
الموضوع ملهوش لازمة
معتقدش ان فى حد يوافق
ممكن بتبعت اميلات و حاجات شخصية
و ممكن ارقام كمان
يعنى اللى هيراقب ده مش انسان برضوا ولا ايه
يعنى مينفعش خالص

Attar

22-07-2008, 04:31 PM

بس كده مش هيبقى فى خصوصيه للاعضاء امال هيا اسمها رسائل خاصه ليه؟؟ عشان تتراقب!!

انا مش موافق طبعا مع احترامى الشديد

ولو عايز تحل المشكله دى فلو حصل واشتكر اى عضو من رساله خاصه مش قد كده ساعتها يشوف الموضوع ده المشرفين او المراقبين
ويحذفوا عضوية العضو المخالف لو اتاكدوا من سوء استخدامه للرسائل الخاصه.

انا شايف ان كده احسن بكتير من مراقبة الرسايل

أحمد2025

22-07-2008, 06:17 PM

مرفوووووووووووووووووووووض

Dr.mayson

22-07-2008, 06:51 PM

nothing

22-07-2008, 06:54 PM

طبعا انا لا اؤيد مراقبه الرسايل الخاصه نهائيا
لانه يعتبر تعدى على خصوصيه الغير وبعدين مش الرسايل يعنى اللى عامله مشكله اللى عايز يتكلم هايتكلم بطرق تانيه يعنى

_GUIDE_

22-07-2008, 07:05 PM

طيب معلش كان ليه سوال غبى شوية
حضرتك حاليا 39 مشاركة

اول موضوع ليك اقتراح غريب مع ان مفيش حد فكر فى الاقتراح ده سابقا
ومش هيفكر فيه سوء من الادارة او الاعضاء
اعتقد ان زى شرين قالت موضوع ملوش لزمة

..Just Stop

22-07-2008, 07:15 PM

اعتقد ان زى شرين قالت موضوع ملوش لزمة

::::::::::::::::::::::::::
ياترى ايه هيا نهاية الموضوع
يعنى وصلنا لايه

ودمتم

نونونونونونو

22-07-2008, 07:22 PM

طبعا لا اؤيد

haderya

22-07-2008, 07:25 PM

للجميع

لكم من الله السلام
ومني التقدير والاحترام

لماذا ترون أن الموضوع " ليس له لازمة"

عدد من أيد المراقبة (9)
ومن لم يؤيد (27)

بمعنى الربع من عدد المصوتين

ألا ترون أن هذه النسبة دالة على أمر ما

هذا العدد نظر إلى المصلحة العامة وليست الشخصية

الجميع - وأولهم من يكتب هذه الحروف الآن - لا يحب أن يتدخل أحد في حريته ولا أن يراقبه بشر

فالمراقب هو الله

ولكن هذا الموضوع - وإن كان أول موضوع لي هنا بالمنتدى - فهو بمثابة رسالة للمسئولين عن المنتدى وإبراء لذمتي أمام الله وليكون حجة لي

الرسائل الخاصة لها من الأضرار والعواقب ما يراه أصحاب البصائر النيرة

لو نظر كل منا لمصلحته .... فالأفضل عدم مراقبة الرسائل

ولو نظر لمصلحة الجماعة ... فالأفضل المراقبة ... فالمنتديات لم ولن تخلو من المستهترين أبدا

المنتديات التعليمية ليست إلا للاستفادة وعدم تبادل الخصوصيات

الغريب : أن من يرى أن الموضوع ليس له لازمة
هو من يطالب بالحرية وعدم مراقبة الرسائل الخاصة
فهل من الحرية الحكم على موضوع غيرك بعدم أهميته

أعتذر لجميع من أزعجته بهذا الموضوع

ويشرفني تواجدي بينكم في هذا المنتدى المحترم الرائع

والسلام عليكم ورحمة الله وبركاته

أسيل رزق

22-07-2008, 07:40 PM

هههههههههههههههه

معلش ضحكت

من اللى بشوفه فى المنتدى الجميل ده

كل أما أدخل موضوع ألاقيه خناقة مش موضوع

عموماً نهاية الموضوع يا الحذف يا الغلق

ودمتم

ابن مصر2008

22-07-2008, 08:08 PM

لا اؤيده
الرسائل حرية شخصية
زى ماتقول بمثابة اسرار بيتى
ونا محبش حد يتجسس على اسرار بيتى
مهما كان اللى هيراقب الرسائل
فالمراقب هو الله
دع الخلق للخالق
ياللا السلامة

كركركوكو

22-07-2008, 11:25 PM

السلام عليكم ورحمة الله وبركاته

موضوع يطرح نفسه فما رأيكم

هناك بعض الناس يرى ضرورة مراقبة الرسائل الخاصة من المشرف العام وبعض المسئولين عن المنتدى

فالجميع يعلم بأنه في عالم النت وإن كان المنتدى على درجة كبيرة جداً من الاحترام بأعضائه وزواره وإداريه ولكن هذا لا يمنع وجود قلة قد تسئ استعمال هذه الميزة

خصوصاً إذا كان المنتدى يضم عدداً من الأعضاء في سن صغيرة نسبياً

ولما كان المدير العام والإدارة هي المسئولة أمام الله عز وجل يوم الحساب فإن عدم مراقبة الرسائل - بالرغم من إمكانية ذلك - هو تقصير منها قد يؤدي إلى ما لا يحمد عقباه

وبالتالي ... وكما أننا كلنا رعاة وكلنا مسئولون عن رعيتنا ... فلا حجة للمسئول عن التقصير في واجبه وعمله

سؤال للأعضاء : إن كنت مسئولاً عن المنتدى وستحاسب عليه يوم الحساب
هل تؤيد مراقبة الرسائل الخاصة

وهناك من يرى أن الرسائل الخاصة موجودة لحرية الأعضاء واستعمالها بما يخدم المنتدى

والمراقبة تعني التجسس ... وقد نهانا الإسلام عن التجسس

فالأفضل ترك الخاصية كما هي وإلا لما وجدت بالمنتديات

للمشرفين ومسئولي المنتدى : إن كنت عضواً هل تحب أن يراقب المدير العام رسائلك الخاصة

وقسم ثالث يرى ضرورة الإيحاء لأعضاء المنتدى بمراقبة الرسائل الخاصة وإن لم تكن مراقبة فعلياً

ومرجعه في ذلك :
أن الأعضاء يجب عليهم أن يراسلوا بعضهم بعضاً دون التدخل في الخصوصيات

فهناك من تسول له نفسه بمعصية فيتذكر الله...فيرتدع وينتهِ

وهناك من يتذكر أخلاق الرجال ....فيستحِِ

وصنف ثالث لا يستحي إلا إذا شعر بالفضيحة بين الناس

ولذا يجب الإيحاء بمراقبة الرسائل الخاصة عموماً

فمع من تؤيد ؟ أرجو المشاركة بالإستطلاع ...

وعليكم السلام
اخي انا طلبت مراقبة الرسائل الخاصه زي ما تم مراقبة رسائلي الخاصه مع اني مابعتش رساله لحد غصب عنه وكمان الناس بتبعتلي فببعت لهم
لما حد معين يتم مراقبة رسائله عشان مشكله مع طرف اخر
يبقي لازم يتم مراقبة جميع الرسائل للمنتدي عشان بس يعرفوا انا قولت هيتم حذف اكثر من 90% من الاعضاء واراهن علي ذلك
وللعلم انا ضد مراقبة الرسائل الخاصه للاعضاء اللي حد يضايقه زي ما السدات قال كوبي ويعمل موضوع والمشكله تنتهي

على الهامش :

هل مواضيع العضو بالمنتدى حق له ؟ إذا طلب حذفها يتم ذلك ؟ أم هي ملك لكل عضو قرأها وشارك بها

فهناك من يرى أن العضو مالك مواضيعه يكتبها كما يشاء ويطلب حذفها كما يشاء

وهناك من يرى أن المنتديات غير المدونات

فالمنتدى له قوانين وشروط من يخالفها يتم حذف الموضوع دون الرجوع للعضو ومن ياتزم بها يصبح الموضوع ملك للأعضاء جميعهم فلا يصح أن نقرأ ونستفيد ونعلق على الموضوع ويتتبعه مسئولو المنتدى ثم يأتي العضو ليطلب حذف الموضوع مدعيا أن هذا موضوعه لوحده

فلو تصورنا كل عضو ضاق من المنتدى وطلب حذف مواضيعه واستجابت الإدارة
فكيف ستكون صورة المنتدى

التسجيل في المنتدى اختياري .... والكتابة فيه اختيارية ... فلماذا يشعر العضو أنه متي أراد حذف الموضوع صار ذلك حقا له ...
ولماذا لم يكتب بالمدونات واختار المنتديات ؟

في النهاية هذان رأيان مختلفان ... فمع من تؤيد رأيه ؟

والسلام

اخي العزيزي لما انت تكون محترم وفي لحظه تلاقي الاداره غيرت الباسوورد بتاعك عشان رساله عن عضوه من الاعضاء وكمان لو شافو رسائلي كويس هيعرفوا انها كمان بعتت لي رسائل زي ما انا بعت
وقولت لهم لو لقيتم اني مش محترم في رسائلي هاتولي الرساله دي ولو بقولها بحبك في رساله هاتولي الرساله دي وانا اتحاسب عليها امام الجميع
الادارة مصممه اني غلطان
طيب انا عايز ارجع بأسمي
يقولك لا مستحيل
يبقي في الوقت ده انت حر في اختيار حذف جميع مواضيعك او بقائه في المنتدي
وانا هفضل موجود ان شاء الله لحد ما اطمئن انه تم حذف عضوية (كركركوكو) بجميع مواضيعها ومشاركاتها

اخي
انا عارف انالموضوع ده بخصوص مواضيعي اللي طالبت فيها بذلك وانا احييك علي عرضك للموضوع
وجزاك الله كل الخير

Sharp Nails

23-07-2008, 12:13 PM

:eek: :eek: :eek:
نو كومنت
رسايل اية الى تتراقب

كركركوكو

23-07-2008, 05:42 PM

32% رافضين مواقبة الرسائل الخاصه

ياسلام

والله لو تم مراقبة الرسائل الخاصه هيتم وقف حوالي 90% من الاعضاء

وانا اتحدي الجميع

سلام عليكم

Sharp Nails

23-07-2008, 05:45 PM

انا بصراحة مش مقتنعة بالكلام دة
يعنى اية متراقبة ازاى يعنى ؟؟

reda_mafia50

23-07-2008, 05:45 PM

لا اؤيد

لا تجسسوا

كركركوكو

23-07-2008, 05:55 PM

انا هفهمكم

يعني يتم مراقبة الرسائل الخاصه بتاع كل عضو وعضوه

والعضو او العضوه اللي يجدوا انهم بيراسلوا بعض لأي غرض حتي ولو علي سبيل الصداقه والاخواه يتم وقفهم
فورا

ده يحصل مابين عو وعضوه

مش عضو وعضو
او
عضوه وعضوه

صوت الحق

23-07-2008, 06:59 PM

مش عارف الموضوع ده اتعمل على اى اساس
لا توجد مراقبة للرسائل حتى لو تم الموافقةعلى الرقابة بكل صراحة مش فاضى لمراقبة الرسائل
ثانيا
كل ما فى الموضوع اذا جاءت شكوة من عضو او عضوه يتم التحقق منها فقط واذا ثبت صحة الموضوع يتم التصرف واذا ثبت العكس فلا شيء يتم

شكرا على التريقة الجميلة
انا لا اراقب عو ولا عضو وليس عندى وقت ولا استعداد لهذا نهائيا

haderya

23-07-2008, 07:31 PM

السلام عليكم ورحمة الله وبركاته

مهلاً مهلاً

لا يوجد تريقة ولا شئ من هذا القبيل

الموضوع عام وليس خاص بمنتدى معين

استطلاع للآراء مع تحيزي لرأي معين دون فرضه على أحد

لم " أتتريق" ولم أتجاوز في ردي

ولقد وجدت بالمنتدى استطلاعا على وزير التربية والتعليم

http://www.thanwya.com/vb/showthread.php?t=54157

عدد المصوتين 267 الموافقون 20 والرافضون 246

ولم يكتب أحداً جملة "الموضوع ده اتعمل على أي أساس"

ووجدت مواضيعاً بها استطلاعات كثيرة

منها ما أزعج البعض

ومنها ما نسبة رأي معين به تجاوزت التسعينات بالمائة

وتم السماح بها

أعتذر إن كنت سببت إزعاجاً بالموضوع ..... وأتمنى أن تتقبلوه بصدر أكثر رحابة ... وأفق أكثر سعة

صوت الحق

23-07-2008, 10:08 PM

عاشقـــ الانمى ـــة

28-07-2008, 09:15 AM

مش عرفة اومال لسه سموها رسايل خاصة من اساسه

wafa2y

28-07-2008, 09:21 AM

مش عرفة اومال لسه سموها رسايل خاصة من اساسه
علي أساس
إنها تتراقب مراقبة خاصة
أنتوا مش واخدين بالكوا ولا إيه
:p:p:p:p:p:p:p
إدعولي باقي من الزمن علي النتيجة
حبة و شوية
:p:p:p

بورسعيدى

05-08-2008, 03:19 AM

طبعا مش موافق

ليه نراقب الرسائل؟؟

ولو فرضنا ان هذا حصل فعلا

فالاعضاء عندهم وسائل اخرى كثيرة حتى تهرب من هذه المراقبة
مثل تبادل الاميلات وانا اعتقد انها افضل كثير من الرسائل

ملحوظة : انا لم اقرأ المشراكات السابقة حتى لا تؤثر على رئيى الشخصى

شكرا لكم

bosy .. mostafa

18-08-2008, 04:13 PM

مش شايفه انه ليها لازمه
إلا لو العضو اشتكى من عضو بيضايقه برسايله الخاصه
ممكن الإداره تراقب العضو اللي بيضايق الناس برسايله ده
و تاخد موقف معاه
انما مراقبه كده من غير سبب ..
فأنا لا اؤيد

_GUIDE_

18-08-2008, 04:21 PM

نهاية الكلام
لا يوجد مراقبة على الرسايل
باى شكل من الاشكال
لان ده بيعتبر تعدى على خصوصية كل عضو
ولن يتم مراقبة رسايل اى عضو الا عند ظهور شكوى
الموضوع مغلق

zolaa

18-08-2008, 08:48 PM

لا اؤيد

دى اسمها رسائل خاصه معنى انها تتراقب فيستحسن ان اسمها يتغير لرسائل مراقبه

TheDeco

18-08-2008, 08:56 PM

لا اويد.................

bosy .. mostafa

19-08-2008, 01:20 AM

بسم الله الرحمن الرحيم
قال رسول الله صلى الله عليه وسلم (من كان يؤمن بالله و اليوم الآخر فليقل خيراً او ليصمت)
و الحديث ده موجه لكل اللي دخل الموضوع

Golden Eagle

19-08-2008, 04:04 AM

كل واحد كتب رد حط ف دماغه جانب واحد بس
يحصل إيه لو واحد بعتلك رساله شتمك فيها ( و الله العظيم الموضوع ده حصل معايا في أحد المنتديات و ما أثبتوش علي العضو ده حاجه لأني مسحت الرساله اللي شتمني فيها )

dr.saeed

19-08-2008, 04:25 AM

بيتهايالي كل الفيلم اللي انتي عاملاه دا
عشان تلفتي الانتباه صح ولا لا :d
خليكي صريحه
عموما انا مش هقول رائيي
احسنلك تشوفي حاجه تانيه تلفتي بيها الانتباه
ممكن اقدملك حلول
عندك الركن الادبي وجرس الفسحه:d

الموضوع مفتوح بناء على طلب الاستاذ عصام
بس ليا كلمة اخيرة لصحبتة الموضوع
اقسم بالله لو ما اتعلمتى ازاى تتكلمى مع الناس بلاش اقولك على اللى هيحصل
وساعتها هتلقينى بقول طظ وطظ وطظين
يعنى انا مبلعبش معاكى فى الشارع ولا انا ببعتلك جوبات
ولا بكلمك والمصاصة فى بقى
علشان حضرتك تقولى عليه التلميذ المدلل
يعنى بعد كده لما تتكلمى عليه بينك وبين نفسك مش فى الرسايل
بينك وبين حد
تتكلمى باحترام
اتفضلى العبى بموضوعك :)

بالله عليكم
دى ردود؟
طبعا ماليش انى احاسب حد
ما يلفظ من قول
الا لديه رقيب عتيد
وليا عودة
فى امان الله

Sharp Nails

19-08-2008, 05:06 AM

خلاص ياجماعة هو المولد دة لسة شغال
ماقالوا انهم مش بيرقبوا حاجة
غير لما تحصل مشكلة

سبكوا بقى مالموضوع دة

dr.saeed

20-08-2008, 12:37 AM

تفتكر حضرتك ايه الرد المناسب
وتفتكر حضرتك موضوع زى ده لسه مفتوح وشغال ليه اساسا
مدام مفيش فائدة منه ومدام الكل معترض
ولا هى بربجنده والسلام
عمتا هو فعلا الموضوع مكنش لزم يتقفل
لان موضوع زى ده مكانه جرس الفسحة

كان ممكن يا اسلام
تعلمها تقرير عن مشاركة سيئة
وتحذف ردودها الغير لائقة
مش كمان الاقى بنت بتتهمها بكلام سىء
وانت مفروض انك اكبر
وعقلك اكبر بكتير
من انك تقولها طز والكلام دة
فى امان الله

_GUIDE_

20-08-2008, 12:51 AM

كان ممكن يا اسلام
تعلمها تقرير عن مشاركة سيئة
وتحذف ردودها الغير لائقة
مش كمان الاقى بنت بتتهمها بكلام سىء
وانت مفروض انك اكبر
وعقلك اكبر بكتير
من انك تقولها طز والكلام دة
فى امان الله

والله وحضرتك لما يتقال عليه ولد
ومدلع هو مين ده اللى مدلع
شيفانى حضرتك بتكلم وانا قاعد على رجل المدير
ولا انا من سنها علشان تقول الكلام ده
واعتقد انى اتصرفت صح لما قفلت موضوع مفيش منه فائدة ومفيش
لان كل اللى داخل يضحك على الموضوع من اساسه وعلى فكرته
وشوف حضرتك نتيجة التصويت يعنى موضوع مفروغ منه
ولا هى تزويد مشاركات والسلام

dr.saeed

20-08-2008, 01:03 AM

والله وحضرتك لما يتقال عليه ولد
ومدلع هو مين ده اللى مدلع
شيفانى حضرتك بتكلم وانا قاعد على رجل المدير
ولا انا من سنها علشان تقول الكلام ده
واعتقد انى اتصرفت صح لما قفلت موضوع مفيش منه فائدة ومفيش
لان كل اللى داخل يضحك على الموضوع من اساسه وعلى فكرته
وشوف حضرتك نتيجة التصويت يعنى موضوع مفروغ منه
ولا هى تزويد مشاركات والسلام
يا اسلام صلى على النبى
انا قولتلك من حيث غلطت
فهى غلطت
فكان المفروض
تعلمها تقرير عم مشاركة سيئة
وتنيه بالوقف
لان فعلا ه قالت الى يستحق كدة
انما موضوع الغلق
استاذ عصام قالك افتحه
خلاص نفذ رغبته
واعمل الى عليك كمشرف
تعرفها غلطتها
مش تكتبلها كدة
يا اسلام الكل هنا بيعتبرك اخوه الكبير
وبردة مانكرشى
ان فيه عضوة غلطت فيها جامد
وكان مفروض يتحذفلها مشاركة
وعلى العموم اعتقد الموضوع خلص والكل تقريبا رد
فى امان الله

احمد رضا

24-08-2008, 04:36 PM

طيب تعالوا ناخد الموضوع من الجانب الشرعي أولا
ثم من الجانب الحضاري اللي احنا بنفتقره كل الفقر

الجانب الشرعي
التجسس والتلصص من ابعض واوضع الافعال اللي نُهينا عنها
والرسول صلي الله عليه وسلم قال - ( ولا تجسسوا ولا تحسسوا ولا تباغضوا ولا تدابروا وكونوا عباد الله إخوانا )
ده غير الآيه القرآنيه الصريحه " وَلَا تَجَسَّسُوا " - مش فاكر فين بالظبط
قال رسول الله صلي الله عليه وسلم
(ولا تتبعوا عوراتهم، فإنه من اتبع عوراتهم يتَبّع الله عورته، ومن يتبع الله عورته يفضحه في بيته)
والتجسس بيبقي في حالات معينه مُباح
زي الحالات اللي بيجي خبر من مصدر موثوق ان واحد مثلا خلا بإمراءة كي يزني بها
واحد خلا بشخص كي يقتله
واحد خلا بشخص كي يسرقه
كل دي بتبقي مباحه

غير كدا لاء

اما بالنسبه للتحضر اللي منعرفش عنه حاجة
والإسلام تعب انه يعلمهولنا
فهو قمه التخلف ودليل علي ضعف الشخصية
شكرا
:)
لذلك انا غير مؤيد

lamis11

24-08-2008, 04:58 PM

لا أؤيد يعني حاسة إنه مش مفيد أوي أصل إنتى لو رئيس لبلد إنتى مش هتفتش كل بيوت البلد وتعمل عليها مراقبة كمان خلي بالك إن اللي عايز يعمل غلط هيعمله حتى لو عمل سيم معين مثلا بس طبعا لازم نعلن عن قواعد خاصة بالرسائل اللي في المنتدى ونخليها في حدود الله وبعدين اللي عايز يرسل رسالة ميرسلها عالإيميل أحسن لازم الكل يلتزم بالقواعد....................................والله ولي التوفيق

haderya

24-08-2008, 11:41 PM

السلام عليكم ورحمة الله وبركاته

تحية احترام وتقدير لكل من شارك بالموضوع وبالاستطلاع وكتب رداً محترماً
واختار ما يوافق رأيه

====================

الأخ الكريم أحمد رضا

طيب تعالوا ناخد الموضوع من الجانب الشرعي أولا
ثم من الجانب الحضاري اللي احنا بنفتقره كل الفقر

الجانب الشرعي
التجسس والتلصص من ابعض واوضع الافعال اللي نُهينا عنها
والرسول صلي الله عليه وسلم قال - ( ولا تجسسوا ولا تحسسوا ولا تباغضوا ولا تدابروا وكونوا عباد الله إخوانا )
ده غير الآيه القرآنيه الصريحه " وَلَا تَجَسَّسُوا " - مش فاكر فين بالظبط
قال رسول الله صلي الله عليه وسلم
(ولا تتبعوا عوراتهم، فإنه من اتبع عوراتهم يتَبّع الله عورته، ومن يتبع الله عورته يفضحه في بيته)
والتجسس بيبقي في حالات معينه مُباح
زي الحالات اللي بيجي خبر من مصدر موثوق ان واحد مثلا خلا بإمراءة كي يزني بها
واحد خلا بشخص كي يقتله
واحد خلا بشخص كي يسرقه
كل دي بتبقي مباحه

غير كدا لاء

اما بالنسبه للتحضر اللي منعرفش عنه حاجة
والإسلام تعب انه يعلمهولنا
فهو قمه التخلف ودليل علي ضعف الشخصية
شكرا
:)
لذلك انا غير مؤيد

دفاعاً عن وجهة نظري مع احترامي الكامل لوجهة نظرك

أولاً : فإن الإعلان عن مراقبة الرسائل الخاصة في منتدى ما ...
سيعفي من الدخول تحت دائرة التجسس

ثانياً : المنتدى تعليمي وليس منتدى صداقات وتعارف ومنتدى عام
لذا كتبت اخترت كتابة هذا الاستطلاع هنا

أما الخصوصيات التي ترغب في مبادلتها مع صديقك فهناك خاصية
ارسال ايميل الى الطرف الآخر

ثالثاً : موضوع الاستطلاع حول مراقبة الرسائل الخاصة بالمنتديات موضوع قديم جديد
تفضل واكتب بجوجل مراقبة الرسائل الخاصة بالمنتديات لترى كم المنتديات التي أعلنت عن مراقبتها والآراء من الأعضاء

وستندهش عندما ترى كيفية الردود على الموضوع بتلك المنتديات
والكيفية التي قام بها - البعض - بالرد على الموضوع نفسه هنا - ببواية الثانوية العامة -

لن تجد أحداً قد كتب "الموضوع ملهوش لازمة" ... الموضوع لازم يتقفل ...
وربما أراد أحد المشاركين هنا بالردود محاكمتي أمام المحكمة العليا الغير دستورية

سأنقل لك رداً لمدير منتدى قام بمراقبة الرسائل الخاصة بمنتداه
وقبل هذا أنقل تعليق أحد الاخوة حول الموضوع

أولاً اشكر القائمين على هذا المنتدى
وأخص بالذكر أستاذي الكريم أحمد على جهودة الطيبة

ونشد من أزرهم ونساندهم في قراراتهم
والتي تصب في مصلحة الأعضاء

اما موضوع الرسائل الخاصة
هذا الموضوع الذي يحمل مسماة (( خاصة ))

وما يجعل الكثير يربط الموضوع بخصوصيتة التي هي حق له
وخط احمر لايمكن تجاوزة

لكن دعونا ننظر ما هو الخاص في مفهوم البعض

هل تجاوز الغير ونقل معلومة على الخاص حق من حقوق الشخص
او حق عام للأعضاء للإستفادة حيث نحن في منتدى يتكون من أعضاء

هل المراسلات والتعارف هي حق من حقوق الشخص
او هي حقوق أدبية تخص المنتدى العفيف الصادق

هل المعاكسات وأزعاج الغير هي حق من حقوق الشخص
او هي أنحرافات بشرية يجب علينا السعي للأصلاحها وحماية الغير

أذاً ماهي الحرية الشخصية

الحرية الشخصية تمثل الإنسان وباعتباره كائناً اجتماعياً
تحيط به جملة من الضوابط الأخلاقية وكونه فرداً
في مجتمع متعدد الأفراد يراعي مسألة الأخلاق في تعامله وسلوكه
فهو كلما كان ملتزماً بتلك الضوابط والقواعد الأخلاقية التي أرساها المجتمع كان حراً
وبالتالي فإن تلك الحرية المتحصلة عن هذا الطريق لا تتجاوز حرية الآخرين
أو محاولة تهميشها في سبيل الاندفاع اللامسؤول لتحقيق حريته

وهي ما تدور بين عقلك وفعلك وليس للناس اي دور فيها ...
فيجب ان نقف مع التفكير للوصول الى افضل استخدام للحريات الشخصية

أخي الكريم

مايحزن فعلاً ان نرى كثير من المنتديات مشاكلها من الرسائل الخاصة
وهذا يجعلنا نتسائل هل العضو متواجد في منتدى ما , لكي يستخدم الرسائل الخاصة
او هو أقتناع بمبدأ ان المنتديات ساحة حوارية ونقاشية وتعليمية عامة الهدف منها الإستفادة والإفادة

بغض النظر عن مردود هذه الخدمات والجائزة المتوقعة من مجهودة
والتي تتمثل عند ضعاف النفوس بالعلاقات المشبوهة
والتي تكون أسهل طرقها الرسائل الخاصة

فأنا هنا ليس بشخصي انما بفكري
فهل يكون هذا مبدأ نستطيع التعايش معه لكي نجعل من منتدياتنا باب للحرية

وفي الآخير
الحرية الشخصية حق للشخص
والقانون حق للغير على الشخص

اقتباس من مشاركة لمدير منتدى قام بمراقبة الرسائل الخاصة بمنتداه

كما ذكرت أخي فالأمر ليس ممتعاً أبداً، و المقتطفات السابقة ما كانت إلا أمثلة بسيطة و بدائية لما حدث و يحدث بعدها.

لست هنا لأبرر أو اشرح أو اشتكي، فالموضوع مطروح لمناقشة الأعضاء أولاً و أخيراً،

لكن فقط أحب أن أرد على الأعضاء المنتقدين بأنني لست "جاسوساً" كما وصفتموني،

و لم "أحلل على نفسي ما حرمته عليكم" كما تعتقدون،

و لم "أستمتع أبداً بقراءة خصوصياتكم" لأنها لا تهمني.!!

وذكرت المراقبة العامة التي راقبت الرسائل الخاصة ما يلي :

بنظري
مراقبة الرسائل فادت بكل النواحي
حافظت على المنتدى بشكل خاص
وعلى الاعضاء عام
وانا كنت ولازلت مأيدة موضوع المراقبة
لان عمل زين للكل وخاصة اللي صادفتهم مشكلة توقيف الرسايل قبل
وعقبها تعلموا شنو يعني "وقفوا رسايلي عني "
ومثل ماقال احمد
يعني مومعقولة هو بيحلل لهـ شي وبيحرمهـ على كل الاعضاء!!
فكروا عدل قبل ماتحكمون
وانا ما اعتبر مراقبة الرسائل عملا "جاسوسياً"
لاء ،، بل عمل مفيد لصالح المنتدى
ومشاللهـ سمعة المنتدى في كل مكان :)
هذا رايي انا واعتقد ان اغلب الاعضاء اللي صادهم هالشي راح يفهمون قصدي عدل

أخيراً ...
لازلت أرى أن الإعلان عن مراقبة الرسائل الخاصة لا تجعلنا نقع تحت طائلة كلمة "التجسس"
طالما تم تحديد الهدف من المنتدى ومن جميع ملحقاته
والإعلان عن شروط معينة لكتابة الرسائل الخاصة

وأرجو من الجميع المشاركة بالاستطلاع والتعبير عن وجهة نظره واحترام وجهات النظر الأخرى

احترمي وتقديري للجميع

أحمد2025

25-08-2008, 06:25 AM

أنا عايز اسأل سؤال واحد للمشرفين

أنتم بتراقبوا الرسايل الخاصة؟؟؟؟

اسد البحار

25-08-2008, 02:34 PM

جينا نكحلها عميناها مثل ينطبق علينا تماما الان عاوزين نحل مشكله الرسائل الخاصه لازم نغير اسمها عشان متبقاش خاصه .... مفيش حل الا ان كل واحد يحترم كلامه اللي بيكتبه في الخاص واي حد اضايق ممكن يقوله علي رساله تانيه او يبعت للمشرفين وهو يتصرف بس عشان نراقها دا اكبر غلط من وجهه نظري لان مفيش منتدي هيعمل كدا وممكن يتقال عليه تجسس.................وشكرا

احمد رضا

26-08-2008, 12:35 PM

انا اشد شئ ملاحظه هنا
ان فيه ناس خايفه من مراقبه الرسايل الخاصه
اكتر ما هيا مش مؤيده
:d
لازالت غير مؤيد

احمد رضا

26-08-2008, 12:48 PM

هههههههههههه ده مش خايفين
ده مرعوبين
والسؤال بيطرح نفسه
ياتري بيحصل ايه في الرسايل الخاصه
:rolleyes:

صوت الحق

26-08-2008, 12:57 PM

أنا عايز اسأل سؤال واحد للمشرفين

أنتم بتراقبوا الرسايل الخاصة؟؟؟؟

لالالالالالالالالالالالالالالالالالا

فجر الإسلام

14-09-2008, 04:51 PM

أنا مش موافقة
على أساس إن ليا أصحاب هنا أصحابي في الحقيقة
وممكن أبقى عايزة أقولها حاجة مش عايزة حد يعرفها
وبعدين هي اسمها رسايل خاصة ليه

HAMADA_013

14-09-2008, 04:54 PM

اوافق علي الرقابه

the black rose

16-09-2008, 12:49 PM

انا مش فاهمة هو الموضوع ده لسة موجود ليه
من الاخر الرسايل مش متراقبة و هتفضل ان شاء الله كدة

Travel

16-09-2008, 07:42 PM

انا مش فاهمة هو الموضوع ده لسة موجود ليه
من الاخر الرسايل مش متراقبة و هتفضل ان شاء الله كدة
والله مش عارفة انا كمان
الموضوع خلص خلاص
والادارة ذات نفسها ردت وقالت
مفيش مراقبة
وكمان نسبة الاستطلاع بتاع الجمهورية ده
على الاخر
يعنى مرفوض بالاغلبية

هههههههههههه ده مش خايفين

ده مرعوبين
والسؤال بيطرح نفسه
ياتري بيحصل ايه في الرسايل الخاصه

:rolleyes:

هههههههههه
لو عرفت ابقى قول او اى حد يعرف

تتراقب او ماتتراقبش
انتوا خايفيين ليه؟

وعلى راى الشاعر........:d

يا خوفى يا بدران

الشفق الباكي

16-09-2008, 07:47 PM

ههههههههههههههههه
خايفين اه
الموضوع ومافيه ان احنا لنا اصحاب هنا على المنتدى وماينفعش الرسايل تبقى عليها رقابه والا بلاش منهاوخلاص

شمس بياض

16-09-2008, 09:28 PM

انا لا اؤؤيد ابدا المراقبه
المراقب هو الله
احنا فى زمن الديمقراطيه الحريه ---تعيش الحريه
تعيش
تعيش
تعيش

وربنا الحريه مااااااااااااااااااااااااااااااااااااااااااااااااا تت من زماااااااااااااااااااااااااااااااااااااااااااااااا ااااااااااااااان

سـهيـلـة

16-09-2008, 09:33 PM

انا مبأيدش ده مع انى مفيش حاجة وحشة على الرسايل يعنى لا بكلم ولاد ولا حاجة بس مبحبش الاسلوب ده
ده رايى