مشاهدة النسخة كاملة : طلاب تنسيق المرحلة الولى يشتكون من نتائج التنسيق
khalodacoma 22-07-2008, 09:34 AM طلاب تنسيق المرحلة الولى يشتكون من نتائج التنسيق وفعلا حصلت شكاوى كتير من نتائج التنسيق اللخبطة اللى فى النتائج وانا عندى موضوع اسالكم فيه لاختيار شعبة انا خارج من تانية ثانوى وجبت84 % و كنت علمى ومنت ناوى ادخل علمى رياضة عشان اخش حاسبات ومعلومات لكن هل بالمجموع ده هأقدرة اعمل كده ولا احول ادبى او علمى علوم مع انى ماببحش كلياتهم والسنة دى كنت بكسل فى المذاكرة والكيمياء هى اللى ضيعتنى جبت فيها 34 من 50 لكن السنة الجاية هذاكر كويس جدا وهأعمل اللى عليا والتوفيق من ربنا بس انا عايز مشورتكم ادخل ايه علشان ادخل كلية حلوة وهل ممكن احصل حاسبات او هندسة :confused::confused:
...............................................ارج و الرد السريع على طلبى ..................................
rania_alix 22-07-2008, 09:43 AM هسالك سؤال الاول حاسبات ومعلومات بتاخد من كام.
علشان اقدر ارد عليك.
rania_alix 22-07-2008, 09:49 AM انا شوفتلك السنه اللى فاتت بتاخد من كام
حاسبات ومعلومات عين شمس 93.5 %
ه
هقولك راى انا كنت جايبه فى تانيه 85 ادبى.
جبت فى تالته 95 .
مجموع السنتين 90 %
انت بقى احسبها علشان تجيب ال 93 بتوع حاسبات ومعلومات محتاج تجيب على الاقل 98 % هتقدر
لو هتقدر يبقى كمل علمى رياضه ولو مش هتقدر احسنلك حول ادبى ....
ولو حولت ادبى ممكن تدخل تجارة انجلش ومستقبلها حلو خصوصا انها فيها رياضه يعنى حاجه بتحبها....
فكر وانشاء الله تختار صح.
rania_alix 22-07-2008, 09:54 AM وده مجموع حاسبا ومعلومات فى كل المحافظات.
حاسبات ومعلومات عين شمس 383.5
كليةحاسب ومعلومات منوفية 383
حاسبات ومعلومات المنصوره 383
حاسبات ومعلومات القاهره 383
حاسبات ومعلومات حلوان 382.5
حاسبات ومعلومات الزقازيق 382.5
حاسب ومعلومات الاسماعيلية 382
حاسبات ومعلومات المنيا 382
كلية حاسب ومعلومات اسيوط 382
حاسبات ومعلومات الفيوم 382
انا كده عملتلك صورة كامله علشان تعرف تقرر
مع العلم انه ده تنسيق 2007 يعنى السنه اللى فاتت.
اينعم التنسيق السنه دى هينزل بس متتضمنش السنه الجايه فى ايه .
khalodacoma 22-07-2008, 09:54 AM السنة دى حاسبات هتاخد من90% او 91% بالكتير
rania_alix 22-07-2008, 09:56 AM ملكش دعوه بالسنه دى لانها استثناء علشان الحكايه اللى حصلت فى الامتحانات
ماعتقدش اللى حصل السنه دى ممكن يحصل السنه الجايه وعلى العموم انا وضحتلك الامور من حولك علشان تقرر.
ولما تنسيق السنه دى ينزل هبقى اقولك.
khalodacoma 22-07-2008, 09:58 AM شكرا وانا هافكر كويس
mo7amedshiko 22-07-2008, 10:02 AM انا عاوز اعرف السياحه والفنادق بتاخد من كاااااام
rania_alix 22-07-2008, 10:08 AM سياحه وفنادق من ادبى ولا علمى
وسياحه وفنادق محافظه ايه؟؟؟؟؟؟؟؟؟
rania_alix 22-07-2008, 10:15 AM وعموما اى حد عايز اى معلومه على الحد الادنى يتفضل الدخول هنا ........
http://www.tansik.egypt.gov.eg/application/
!DreAmeR! 22-07-2008, 10:31 AM طلاب تنسيق المرحلة الولى يشتكون من نتائج التنسيق وفعلا حصلت شكاوى كتير من نتائج التنسيق اللخبطة اللى فى النتائج وانا عندى موضوع اسالكم فيه لاختيار شعبة انا خارج من تانية ثانوى وجبت84 % و كنت علمى ومنت ناوى ادخل علمى رياضة عشان اخش حاسبات ومعلومات لكن هل بالمجموع ده هأقدرة اعمل كده ولا احول ادبى او علمى علوم مع انى ماببحش كلياتهم والسنة دى كنت بكسل فى المذاكرة والكيمياء هى اللى ضيعتنى جبت فيها 34 من 50 لكن السنة الجاية هذاكر كويس جدا وهأعمل اللى عليا والتوفيق من ربنا بس انا عايز مشورتكم ادخل ايه علشان ادخل كلية حلوة وهل ممكن احصل حاسبات او هندسة :confused::confused:
...............................................ارج و الرد السريع على طلبى ..................................
يا باشا انت جبت الكلام ده منين نتائج التنسيق لسه مش طلعت ارجو الرد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ayman3000 22-07-2008, 10:34 AM 84 % ما أنصحكش أنك تدخل علمي رياضه
قولي ليه ؟
أنا حقولك ليه
أي حد طالع من تانيه لتالته بيقول أنه حيشد حيله و يذاكر و يعوض و يجيب مجموع
لكن مع صعوبة الفيزياء و رياضه 2 + صعوبة الإمتحانات (المحصلة) بتكون أنك مش بتعوض ومش بتجيب مجموع
مع العلم أن الفيزياء أأصعب بمراحل من الكيمياء (الصعوبة مش بس في الإمتحان) الصعوبة في منهجها بردوا!!!!
وكمان رياضه 2 أصعب بكثير من رياضه 1 !!!!! مش بس في الإمتحان لأ في المنهج بتاعها كمان
عربي ثالثة أصعب من عربي تانيه خصوصاً في الأدب و البلاغة و النحو والنصوص !!!!!!
اللإحصاء سهلة جداً هيا و اللإقتصاد بس أمتحانات الإحصاء كل سنة يستعبلوا و يجبوها أصعب من السنه اللي قبلها
وبعدين كلنا لما كنا طالعين تانيه كنا بنقول حنذاكر و نشد حيلنا بس بردوا في الأخر مش بنجيب مجموع!!!!!
أنا في تانية جيبت 93 و تالته جيبت 87 !!!!!!!!!!!!!!
أحب أكرر تاني و أقول أن الصعوبة مش في الإمتحانات بس لأ في المنهج نفسه!!!!!
يعني مثلاً منهج الفيزياء ده المفروض تلت تربعه عملي وأحنا بناخده كله نظري!!!!!!!!!!!! و بنضطر نحفظ حاجات مش فاهمنها
وصعوبة الفيزياء خللي بالك حتلاقيها أكتر في أخر بابين!!!!!! الكهربية و الإلكترونيات الحديثة!!!!!!!!
ayman3000 22-07-2008, 10:36 AM فكر كتير و صلي صلاة أستخارة قبل ما تقرر و تكمل علمي رياضه أنا مش بحبطك أنا بحوطك في الموقف اللي أنتا حتتحط فيه في تالته عشان تشوف هل أنتا حتقدر عليها؟ أدها يعني ولا لأ
elbazoka011 22-07-2008, 11:11 AM محدش يكمل علمى رياضه بعد اللى حصل السنه دى
20ايمان 22-07-2008, 01:21 PM انا جايبة 94.5 هلحق ولا اية حد يقوللى؟؟؟؟؟؟؟؟؟؟؟؟؟؟؟
FUNNYBABY 22-07-2008, 01:22 PM السنة دى حاسبات هتاخد من90% او 91% بالكتير
حاسبات ومعلومات
FUNNYBABY 22-07-2008, 01:24 PM ربنا يسمع منك
Attar 22-07-2008, 04:27 PM على فكره نتيجة التنسيق للمرحله الاولى لسه مطلعتش لانها هتطلع بعد ما يخلص تنسيق المرحله الاولى ب48 ساعه يعنى يوم الحد او الاتنين اللى جاى
مش عارف الاخبار دى بتيجى منين يا ريت لما تقول خبر تقول مصدر عشان يبقى فى مصداقيه.
وشكرا على الموضوع.
core2duo 22-07-2008, 06:54 PM نتيجة المرحلة الأولى يوم الأحد القادم الموافق يوم 27 / 7 / 2008 الساعة السابعة مساءاً بتوقيت القاهرة الكبرى وعلى المقيمين خارجها مراعاة فروق التوقيت
المصدر:- مصدر موثوق منه رفض الإدلاء بإسمه
|