|
مشاهدة النسخة كاملة : طلب ضروري جداً أمير بلا إمارة 22-07-2008, 01:52 PM طلب ضروري جداً انا كنت عاوز شعر أو مقال أو قصة قصيرة عن أي حاجة من دول : ((1)) رسالة حب لمصر . ((2)) مصر بها خيرات كثيرة . ((3)) اكتب يا زمان عن انتصارات المصرين عبر الزمان . ((4)) مصر أصل الحضارة و الإنسانية. ياريت تساعدوني ضروري بورسعيدى 23-07-2008, 02:40 AM رسالة حب لمصر وحشتينى وأنا المعجون بطين أرضك وبنجيلك وحشتيني فجيت لك جرى أناديلك وارشرش جتتى بنيلك ودمع التوهة ساكني وأنا مشتاق لمسحة عطر منديلك خدتنى الغربة من حضنك وعارف إنى هرجعلك هُـدايا ضوء قناديلك وضعف القلب بيناجي دفا حنانك ووجدانك بحبك ما انت روح بلدي ما هى برضه عشقاني وحشتيني يا لمة حلوة جوه الغيط وفرشتنا قلوبنا الخضر عرق فلاحى متعجن بطيبة وصبر وحشتيني يا خفة روح ومصرية ما تتدارى ولعب الكورة فى الحارة وأكلة كشرى نحبسها بشاى أخضر ومتعطر وضحكة صافية وبدارى وخانك لسه لخليلك خليلك عمره ما خانك يا نواره وما أبهى مقام دينك وبحسينك وعطر الطهر بيناجي صلاة طاهرة فأدخل لأجل أتوضا بماء فضة نفوس م الحسن محتارة وصوت المدنة يتعانق مع أنيسته يرد بحب صوت جرسه مع كنيسته هوى روحهم باين لينا ما نحتاج حتى لإشارة ولا أمارة مذاق الفن ياخدنا لدنيا البوح وياما سكرنا مع ثومة عصافير هايمة تتمايل فى أرض الدوح ترشى الحق والخير جمال وأمان ما هى رسالة وحشتيني كفوف إيدى اللى ملهوفة للمس ترابك المرمر وهتحنى بصوتى الحلو هتغنى بمصر اللى فى يوم قالت أنا الأم اللى عارفينها ولكنك بطول الوقت وحشاني وأنا جواكى آسرنى أنا محمد أنا حـنا ولاهقدر فى يوم أهجر وأستغنى وأعيش إزاى بعيد عنك وإنتى حتة م الجنة ياريت تنفع معاك |