قال محمود أبو النصر وزير التربية والتعليم، إن مستوى التعليم فى مصر انتقل من المستوى 142 إلى المستوى 72 عالميا، مؤكدا أن التعليم المصرى فى عام 2030 سيكون العاشر على مستوى العالم فى مستوى الجودة.

وأضاف أبو النصر أثناء حديثه لبرنامج السادة المحترمون مع الإعلامى يوسف الحسينى أمس الأحد، أنه سيتم فى يناير المقبل تثبيت 80 ألف معلم من العاملين بالعقود وبالحصة من الذين تنطبق عليهم الشروط والحاصلين على مؤهل عال، ومر على عقده 3 سنوات على كادر معلم مساعد ومرتبه سيكون 1726 وغير المؤهل تربوى سيؤهل تربوى ومع الموازنة الجديدة سيكون هناك تثبيت لأعداد أخرى من المعلمين.

وأكد أبو النصر أن لدينا مدارس تعليم فنى على أعلى مستوى وشهاداتها معتمدة من الاتحاد الأوروبى.
http://www.youm7.com/News.asp?NewsID=1424677#.UsGNdPum3Dd

مهندس رضا المنشاوي
السلام عليكم ورحمة الله
الاخوة الزملاء للاسف الشديد اليوم أتصلت بالوزارة على الرقم 19151 والمسؤل فى الوزارة قال أن كل من هو أكمل الثلاث سنوات سوف يتم تثبيتة وغير ذلك من عقد المحافظ لانعلم عنهم شيا" ولا عن الاسماء والاسطوانة
وأقول لكم أحنا بيتلعب بينا الكورة والوزير رمى الطوبة فى حجر المحافظ يعنى اللامركزية فى القرار يعنى المحافظ لازم يأخذ قرار بتوفيق أوضاعنا لاننا هنفضل سنة تانى على ال50 ملطوش ومفيش أى دلال على أننا من ضمن ال85 ألف اللى أعلن عنها سيادة الوزير ولا تعشمو بحاجة فى يناير علشان مش نتصدم وبعدين عند سؤالى عن أن عدد المتعاقدين الذين أتموالثلاث سنوات قليل قال لى المسؤل بالحرف الواحد كل من هو أتم الثلاث سنوات سيتم تثبيتة بس
أرجو من الاستاذ خالد والاستاذ إسامة وإيهاب يحى وجلال وحامد وكل الناس تتحد ونشوف حل بسرعة ونروح للمحافظ علشان يعمل لنا عقد مميز وأى شخص عايز يتأكد من كلامى يتصل على الارقام 19151 للاستعلام و19126 للشكاوى
لازم نشوف حل بسرعة منقول من جروب المعلميين الجدد

ربنا معاكم يارب وكلكم تعملو عقود مميزه ونتعين كلنا قريب

بالتوفيق للجميع

ربنا يستر علينا احنا فى ايد ناس صعبة مايهمهاش مصلحة الناس

والله مافيه حد عنده رحمه من المسؤلين الي كل همهم مصالحهم وبس وبيقبضوا مرتبات خياليه وكل الي استفاد من الثورات هما القضاه والشرطه والجيش وفلول مبارك الحراميه والشعب بيت*** ويتحرق ويتسرق ويتضحك عليه ياريت حد يجاوبني من الي قاعدين علي الكراسي ١٠٢ ياجماعه علي اساس ايه وانتوا بتقبضوا ملايين ليه انتوا موظفين عند الشعب ياريت تحلوا مشاكل الناس ولو صعبه عليكم سيبوها لأصحاب المقدرة لأن العداله الاجتماعيه مهياش معضله ولا حسبه برما مشكلتنا اننا عاوزين ناس تخاف ربنا وتعمل حسابه مش حساب في البنك

مفيش حد من العقود تنطبق عليه شرط الثلاث سنوات على مستوى الجمهورية

مفيش حد من العقود تنطبق عليه شرط الثلاث سنوات على مستوى الجمهورية
انا فى القاهره بقالى
4 سنين عقد مؤقت
و فى ناس اقدم منى بكتير

اخى جورج يقصد من امضى على تعاقده 3 سنين واخر عقد تم امضاؤه للمؤقتين كان بتاريخ 1-10-211 اذن بالنسبة لكلام الوزير مين اللى ينطبق عليه الشروط؟؟؟ مع العلم ان معظم المؤقتين امضوا 4 سنوات و5 سنوات

كثير كثير وحد من الناس 11سنه ومعي زملاء الكثر من كدة

ياجماعه اربع سنين وخمسه و١١ ايه امال الناس الي اتعينت بعد الثوره كانوا علي اساس ايه لو بصيتوا علي المؤقتين دلوقت حتلاقوا اغلبهم تظلمات يعني٢٠١١ يعني مامرش عليهم ٣ سنين والباقيين اتعاقدوا٢٠٠٩ يبقي الوزير هيثبت مين بقي وفين ال٨٥الف الي بيقول عليه حد يفهمني احنا هنا في الشرقيه الي مر عليهم٣ سنين عدد بسيط من٣٩ الف لو طبق شرط الثلاث سنوات يبقي قليل الي هيتثبت والباقي ياخد دوره وبعدها نستني سنتين ونتعين وبعدها نطلع معاش وكل سنه وانتواطيبين

انا تعاقد عادي "مكافأة شاملة" من 2010 حد بقي يفهمني المفروض ايه اللي يحصل معايا هتعين ولا عقد مميز ولا محدش هيسأل فيا مع العلم اني خريج تربية ومعايا icdl حد يجاوبني يا جماعة

والله العظيم في ناس من قبل كده بكثير

اخوانى الافاضل بالنسبة للناس اللى اتعينت بعد الثورة معظمهم عقود مميزة مجاملات ومؤهلات لا تصلح لاى شىء وفيه عقود مميزة ناس حصلت عليها اصحاب دوبلومات فنية وكليات اسلامية من المفروض الا يشتغلوا فى التربية والتعليم وهذا هو حال الفساد فى مصر الاف ممن لايستحقون حصلو على العقود المميزة بدون وجه حق مع العلم ان اصحاب العقود المؤقتة والحصة اللى بيشتغلو من سنين عديدة هم اولى بها لكن حسبنا الله ونعم الوكيل

اول خبر سار في 2014
ابوالنصر ..اليوم : تثبيت المعلمين المؤقتين واعلان جدول الاجور الجديد
01/01/2014
اعلن الدكتور محمود ابوالنصر وزير التربية والتعليم ..في اول تصريح لـ السبورة في عام 2014 ان مشكلة محافظة الشرقية انتهت امس الثلاثاء ومن اليوم" الاربعاء " تم تثبيت جميع المعلمين المؤقتين من الذين استوفوا الشروط ، ضمن الوظائف التي وفرتها االدولة واستحوذت وزارة التربية والتعليم علي نصيب الاسد منها وهي 85 الف وظيفة
اضاف ابوالنصر لـ " السبورة " ان الوزراة تعلن اليوم رسميا جدول الاجور الجديد بعد الغاء قرار صرف مكافأة الامتحانات علي شهور السنة والعودة للنظام القديم ويتضمن 1517 جنيه للمساعد و4375 للمعلم الكبير

علمت " السبورة " انه حتي ايام كانت ازمة كشوف محافظة الشرقية هي السبب الرئيسي في تأخراالتعيينات وتم مراجعة الاوراق اكثر من مرة بسبب وجود عقود عير واضحة وبيانات غير صحيحة بها ، وان التعيينات الجديدة تشمل جميع من ارسلت كشوف باسمائهم من المديريات وتضمن جميع المعلمين المتعاقدين علي غير وظيفة مدرس مساعد والذين يعملوا بغير موافقة الوزارة وهم عقد المحافظ والحصة بعد استيفاء جميع الشروط وهي ر وكانت الافضلية لخريجي كليات التربية

ممكن اعرف ايه هي الشروط دي ؟

عاوزين رابط الجدول من موقع الوزارة لو سمحت

الشروط :
1- مرور ثلاث سنوات ( لا اعرف هل سيتم احتساب ايه سنوات عمل قبل توقيع العقد فى 11 / 2011 ام لا
2- الحصول على مؤهل عالي ( لابد من الدبلومة التربوي )

معظم التعاقدات بدأت فى 11 / 2011 اي منذ سنتين تقريبا .... يارب يضيفوا السنوات اللي قبل العقد