مشاهدة النسخة كاملة : يمكن أكون غلط بس بجد كان بحسن نيه ياريت تسامحونى
MohammeD el_SadaT 22-07-2008, 11:32 PM بسم الله الرحمن الرحيم
السلام عليكم ورحمه الله وبركاته
أنا هدخل فى الموضوع على طول بدون أى مقدمات
أنا لما كتبت قصتى كتبتها بنيه بريئه جدااااً مكنش ليا لا غرض ولا قصد كل الحكايه إنى حسييت إنى ظلمت ناس كتير كان كل خطأهم إنهم حبونى بجد وللأسف أنا خنت الحب كنت بتعذب ومش عارف أعمل إيه فكرت أحكى وأكتب يمكن حد يتعلم من اللى حصلى وميقعش فى اللى أنا وقعت فيه عارف إنى ممكن أكون غلط فى بعض الأفاظ وغلط أكتر لما نزلت القسه على فترات مش مره واحده بس ده كان عشان محدش يمل ولما بعض الردود الظريفه بدأت تهل حذفت الموضوع وصرفت نظر أى نعم أنا إتخنقت وجالى إحباط بس عادى قلت مفيش مشكله أنا إتعودت على كده ومن هنه لهنه نسيت الموضوع وفجأه لقيت الرسائل بتتوالى وكلها بتسأل سؤال واحد
فين الموضوع
؟؟
وأنا بجاوب إجابه واحد بعض الردود الظريف والسخيفه فى نفس الوقت مع الإعتراضات خلتنى أحذفه
!!!
ورساله فى رساله وكلمه من هنه على كلمه من هنه قررت إنى أرجعه بعد ما سمعت جمله من عضوه قالت إنت مش من حقك تحذف الموضوع بعد ما كتبته وعلقتنا فيها وبدأنا نكتسب خبرات حسيت إن فعلاً حد إستفاد فقلت أرجعه وحاولت أبعد عن الأخطاء بقدر الإمكان لكن للأسف كالعاده الرفض التام مش عارف ليه
على العموم أنا متأكد إن الموضوع ده و كان عضو عادى اللى كتبه كان هيبقى عادى جداً لكن المشكله بحالها إن أنا اللى كتبه يلا أنا عارف إنى على طول حظى وحش
على العموم أنا آسف لكل شخص جرحته بكلمه أى عضو أى عضوه زعل منى لما قرأ الموضوع أو حس إحساس إنى مش محترم
وبخص بالإعتزار الدكتور سعيد على الجمله اللى قلتها ليه على الميل وياريت فعلاً يكون سامحنى لكن لو لسه زعلان أنا موافق على الوقف عادى جداااً مفيش مشاكل
وأخر حاجه ياريت إشرافى كإدارى يتلغى عشان أقدر أتكلم براحتى وميبقاش عليا قيود زيى زى أى عضو
السلام عليكم ورحمه الله وبركاته
محمد كامل فوده 22-07-2008, 11:45 PM انت انسان محترم يامحمد وكل اعضاء المنتدي فعلا بيحبوك لتواضعك الشديد وبرضه الدكتور سعيد قلبه كبير واكيد هوة موش زعلان ، وفعلا زي ما انت بتقول ان فيه بعض المشرفين هنا في المنتدي بيبقوا شايفين نفسهم شويه في حذف بعض الموضوعات وده من حقهم ولكن لا بد من اخذ راي الاعضاء قبل الحذف ويستاذن الاداره ولكن فيه بعض الناس المتسلطه التي لا اعتقد انك منهم
ีundertaker_2000 23-07-2008, 12:31 AM يا محمد انا يمكن مكلمتكتكش قبل كدا لكن من خلال الحكاوى البسيطه دى
انا حسيت انك انسان طيب وانك فعلا انسان محترم
اما عن دكتور سعيد فهو يمكن يكون عصبى شويه او لكن طيب والله انا مكلمتوش قبل كدا بس من خلا مواضيعوا
لكن شخصيه محترمه وحصل خير يا جماعه
احنا اخوات
dr.saeed 23-07-2008, 12:52 AM وبخص بالإعتزار الدكتور سعيد على الجمله اللى قلتها ليه على الميل وياريت فعلاً يكون سامحنى
من غير ما تقول يا محمد
انت عارفنى كويس
فى امان الله
Drowns in a sea grief 23-07-2008, 06:14 AM والله انا مش عرفة فى ايه
و مكبرين الموضوع زى ميكون مصيبه
مشيفه فيها حاجة يعنى
وبعدين على اساس ان الكل ملايكة مثلا بيغلطوش
و كل واحد عملى فيها الحمل الوديع
و الملاك الطاهر على وجه الارض
مع ان كتير بيبقا ليهم بلاوى زرقة و عندهم براعه
فى الغش و التمثيل
بجد انا مش فهمه فى ايه
صوت الحق 23-07-2008, 10:10 AM المنتدى يمر الان باصعب الفترات له وكل يوم تزيد المشاكل بين الاعضاء والمشرفين
لان العدد بيزيد زيادة كبيرة والحمد لله وهذا شيء طبيعى ووارد فى الحسبان
دى دعوة للصفاء بين الجميع
ودعوة لنتحد ونطور المنتدى
على بركة الله
نحتاج مجهود العضو قبل المشرف
_GUIDE_ 23-07-2008, 10:17 AM مش قولتلك يامحمد
انتا اللى فى ايدك حب الناس
وتقدر تكبر كمان وكمان
ياسادات كلنا اخوات هنا
ثم احمد رضا وعادل وانتا اصحاب من زمان
ومش موضوع هو اللى هيخليكم تخسره بعض
خلاص بقى
اللى فات مات :)
كلنا عارفين يا محمد قد ايه انت شخصية محترمة
---
وطلب معلش ...
يا ريت لو ناوى ترجع التوبيك تانى
تحذف الردود اللى فيه وتخليه مغلق لحد ما تخلص كلامك
وتفتحه
وساعتها اللى عايز يقول حاجة هايقولها
---
وبالنسبة لآخر حاجة
وأخر حاجه ياريت إشرافى كإدارى يتلغى عشان أقدر أتكلم براحتى وميبقاش عليا قيود زيى زى أى عضو
المهم ان العضو محمد السادات يكون موجود
وعلى اى صورة
---
وآسفة لو كنت اتدخلت ف حاجة ماليش علاقة بيها
والسلام عليكم ورحمة الله وبركاته
مستر محمد صلاح 23-07-2008, 11:13 AM لكى أكون صادق لم أكن محظوظا ومتابع للموضوع الذى تتحدث عنه . وكم يسعدنى ويشرفنى أن أعرفه أو حتى تبعتللى اللينك بتاعه . بس أنا داخل هنا أبدى إعجابى بأخلاقك وتواضعك الشديد . ويارب يكون فى تعامل معنا
the black rose 23-07-2008, 01:59 PM عادى يا جماعة
واحد حب يفضفض
و عايز حد يسمعه
مش حكاية يعنى
طـفـلـة الامـس 23-07-2008, 02:38 PM عادى جداا ووارد برده ان اى حد يمر بحاجات كده بس حضرتك زودتها شويه ماعلش يعنى وكان المفروض انك تحكى الموضوع باختصار اكتر من كده واحنا ان شاء الله هانساعدك وانا باذن الله هاساعدك لان حضرتك بجد اكتر واحد فى المنتدى ساعدنى من يوم ما سجلت فيه والمفروض اننا نرد الجميل ولو انى اصغر منك بس هانحاول ان شاء الله وربنا ييسر
dr.zomba 23-07-2008, 04:06 PM طبعا في ناس دخلت تتكلم مش فاهمه حاجه وبترد علي حاجه تانيه خالص سواء ان كان هجوم عليا او علي السادات او دفاع عن السادات
خلاص يا سادات مفيش حاجه دي كانت ساعة شيطان واحنا كنا في وقت من الاوقات برضو اصحاب واخوات والعشره متهونش غير علي ولاد الحرام خلاص الموضوع خلص ومفيش حاجه
ونقفل علي الموضوع بقي عشان محدش يدخل ويتكلم تاني كتير
_GUIDE_ 23-07-2008, 04:17 PM طبعا في ناس دخلت تتكلم مش فاهمه حاجه وبترد علي حاجه تانيه خالص سواء ان كان هجوم عليا او علي السادات او دفاع عن السادات
خلاص يا سادات مفيش حاجه دي كانت ساعة شيطان واحنا كنا في وقت من الاوقات برضو اصحاب واخوات والعشره متهونش غير علي ولاد الحرام خلاص الموضوع خلص ومفيش حاجه
ونقفل علي الموضوع بقي عشان محدش يدخل ويتكلم تاني كتير
هو ده الكلام
وانا قولت ياسادات انتا واحمد رضا وعادل
اكبر من الكلام ده
متخلوش الناس توقع بينكم
فى ناس بتحب تهدى النفوس وخلاص
اكبروا لبعض بدل ما الكل يصغركم
..Just Stop 23-07-2008, 08:43 PM طول عمرى بقول ان هو ده محمد السادات
وتوتة توتة خلصت الحدوتة
والاخوات رجعو لبعضهم
dr.zomba
تحياتى
sweetgirl1 24-07-2008, 06:57 AM انا قرات الموضوع الى بتكلمه عنه دا
بس كنت مجرد مشاهده للموضوع س مقولتش رايي
وانتو باين عليكو اصحاب اوي مينفعش حاجه زي د تاثر على علاقتكو
عامةً انا شايفه انه السادات مغلطش في كتابته للموضوع بصفه عامه
حتى ردوده الى كانت على باقي الاعضاء الي استخفوا بيه اكترها بيقول
(((لا تعليق )))
ودا بيدل ع انه انسان محترم
هوا حب يقدم مثال عن نفسه عشان احنا ناخد احتياطات ومنتعرضش لمواقف زي دي
صحيح خرج منه لفظ في الموضوع بس ممكن يتشال
ويرجع اموضوع زي ما هوا
لاني انا واحده من الناس استافدت من الموضوع دا
وبالتالى نرضي الاطراف كلها
احمد رضا 24-07-2008, 10:57 AM ياجماعه انتوا فاهمين غلط جدا
رأيي في موضوع ميعنيش رأي الكامل والاخير في الشخصية
الفعل ممكن يتغير ويمكن التراجع عنه ويمكن الاعتذار عنه
لذلك فالرأي كدا بردو
لما قولت رأي قولت الحق وخلاص
وزي ما قولتلكم لما بنتقد بنتقد فعل مش شخصية
ومفيش حاجة بيني وبين السادات علي فكره
والسادات مقرب ليا جدا
:)
بس رأيي كان في الفعل وبس
شكرا
ymymym 30-07-2008, 12:52 PM محمد مافيهاش حاجه لما تفرغ اللي جواك وتحس بغلطك وعاوز حد يشجعك عادي كلنا بنغلط بس لازم نستفيد من غلطنا ومنكرروش تاني ماشي يا محمد خلي بالك من نفسك وانسي اي حاجه انت عملتها قبل كده وابتدي حياه تانيه جديده خالص وخليك متفائل يا محمد انا حساك محبط ودا موش كويس خليك دايما متفائل يوووووووووه دا ياما الواحد غلط بس معملش كده يا محمد صحبتي مثلا دي انا موش عارفه الصراحه هي كانت بتعمل كده ليه بس هي غلطت كتير بس وقفت جنبها لغاهي ما عدت مشاكلها وقربت من ربنا اكتر وعايشه حياتها عادي ووالله نسيت مشاكلها اللي فاتت خالص لانها نوت انها تبتدي حياه تانيه خالص يارب يكون ردي كويس لا اله الا الله
dr.saeed 30-07-2008, 04:33 PM طبعا في ناس دخلت تتكلم مش فاهمه حاجه وبترد علي حاجه تانيه خالص سواء ان كان هجوم عليا او علي السادات او دفاع عن السادات
دة الى انا شايفه
متهيئلى كدة خلاص على الموضوع ياريت يغلق لانه اتحل خلاص
محمد جبار 30-07-2008, 04:41 PM ياريت ياجماعه الموضوع يتقفل علشان محدش يرد تانى وبجد انتا يامحمد انسان هايل ومحترم وخلاص بقى نفضى المشاكل دى لاننا مش ملايكه وكمان المنتدى محاتج لمجهودنا فياريت محدش يبخل
|