حد هنا نظام قديم 3ث !! [الأرشيف] - بوابة الثانوية العامة المصرية

مشاهدة النسخة كاملة : حد هنا نظام قديم 3ث !!

ماضي الغد

01-01-2014, 10:46 PM

السلام عليكم ورحمة الله وبركاته

فيه حد في المنتدى هنا بيدرس 3ث نظام قديم

أنا بدرس نظام قديم علشان أساسا أنا السنه اللي فاتت حصلت ظروف ومقدرتش أدخل الامتحانات

واضطريت طبعا ءأجل للسنادي .. أنا الوحيده في دفعتي اللي أجلت وطبعا ده مأثر على نفسيتي

جامد جدا ومخليني في حالة مش قادره أخرج منها لا قادره أذاكر ولا أي حاجه .. مخنوقه وزهقانه

وبقيت عصبيه جدا وموضوع المذاكره ده بجد مضايقني جدااااااااا

طييييب هو فيه حد هنا نظام قديم باه أنا بصراحه عايزه حاجه أتشجع بيها حاجه تصحي الدافع جوايا

أو ممكن نصايح من المدرسين الكرام والأساتذه الافاضل أو من ذوي الخبره

ahmedelfangary

02-01-2014, 01:03 PM

ماضي الغد

02-01-2014, 05:19 PM

أنا كنت نظام قديم وفي رابعة طب .. اي مساعدة انا موجود

أهلاً بحضرتك
باختصاار يعني
أنا مخنوقه أويييي دلوقتي ومش ليا نفس خالص إني أذاكر أنا امتحنت السنه اللي فاتت المواد الأدبيه والسنتادي معايا العلميه بس حاسه اني دبست نفسي في موضوع التأجيل ده كنت متخيله إني ممكن أخلص الماده كتيير و و و و و ... لكن حاليا مش قادره أزبط نفسي خالص يوم أذاكر وعشره لاه وعلى هذا الحال مفيش أي تقدم== وزي ماقولت أنا الوحيده اللي في دفعتي يعني مش بشوف حد مش بتكلم مع حد مفيش حد يشجعني أو حاجة تشجعني تاني حاسه ان كل حاجه خلاص بالنسبالي بقت عادي أنا مكنتش كده على فكره بس
معلش طولت على حضرتك بس انا متكلمتش مع حد أو مش مبتكلم مع حد عادة بس وأنا في الحاله دي بجد حاسه اني ممكن يحصللي حاجه لو فضلت كدا
الله المستعان باه على الأيام اللي جايه دي

ahmedelfangary

02-01-2014, 06:17 PM

أهلاً بحضرتك
باختصاار يعني
أنا مخنوقه أويييي دلوقتي ومش ليا نفس خالص إني أذاكر أنا امتحنت السنه اللي فاتت المواد الأدبيه والسنتادي معايا العلميه بس حاسه اني دبست نفسي في موضوع التأجيل ده كنت متخيله إني ممكن أخلص الماده كتيير و و و و و ... لكن حاليا مش قادره أزبط نفسي خالص يوم أذاكر وعشره لاه وعلى هذا الحال مفيش أي تقدم== وزي ماقولت أنا الوحيده اللي في دفعتي يعني مش بشوف حد مش بتكلم مع حد مفيش حد يشجعني أو حاجة تشجعني تاني حاسه ان كل حاجه خلاص بالنسبالي بقت عادي أنا مكنتش كده على فكره بس
معلش طولت على حضرتك بس انا متكلمتش مع حد أو مش مبتكلم مع حد عادة بس وأنا في الحاله دي بجد حاسه اني ممكن يحصللي حاجه لو فضلت كدا
الله المستعان باه على الأيام اللي جايه دي

بالنسبة انك مبتكلميش حد ده حالتين ممكن غلط فيكي انك مش اجتماعية او غلط في الناس انك مثلا بتشكي فيهم .. او مش اوفياء .. بالنسبة للتأجيل انتي ايه المواد اللي عليكي السنة دي .. وجبتي كام في تانية .. وحكاية يوم وعشرة لأ .. انتي لازم يكون معاكي صاحبة كويسة تشجعك وتزاكروا سوا .. ويا ريت لو هتزاكري مع حد تكوني انتي وهي او تلاتة بالكتير خالص .. ولو عايزة جدول قوليلي ايه المواد اللي عليكي وخلصتي فيها ايه وانا اعملك الجدول .. وحكاية ان مش ليكي نفس تزاكري .. قبل ما تزاكري انتخيلي وانتي بشمهندسة او دكتورة .. انا على فكرة كنت مشتري في البيت بالطو ابيض وكل ما ازهق من المزاكرة البسوا واقف قدام المراية .. واروح واجي واعتبر نفسي بكلم الممرضة هتيلي العلاج ده والمقص ده .. كانت بتجيلي نفس حلوة للمزاكرة .. وحاولي باي طريقة تشوفي صديقة .. او مش لازم تكون في نفس سنك ممكن اكبر منك وفي نفس الوقت تستفيدي من خبرتها .. وتشجعك ..

ماضي الغد

02-01-2014, 06:47 PM

بالنسبة انك مبتكلميش حد ده حالتين ممكن غلط فيكي انك مش اجتماعية او غلط في الناس انك مثلا بتشكي فيهم .. او مش اوفياء

تمام كلام حضرتك على فكره الاحتمالين صح

.. بالنسبة للتأجيل انتي ايه المواد اللي عليكي السنة دي ..

المواد العلمية بس رياضه اتنين وفيزياء

وجبتي كام في تانية

93
.. وحكاية يوم وعشرة لأ .. انتي لازم يكون معاكي صاحبة كويسة تشجعك وتزاكروا سوا .. ويا ريت لو هتزاكري مع حد تكوني انتي وهي او تلاتة بالكتير خالص ..

طيب بس أنا مش عارفه حد عندنا أنا بس اللي مأجله وحتى مش عارفه اتواصل مع حد بحاول لسه وأديني عملت الموضوع دا علشان كده

ولو عايزة جدول قوليلي ايه المواد اللي عليكي وخلصتي فيها ايه وانا اعملك الجدول ..

فيزياء منهج قديم ال15 فصل
وررياضيات 2 بفروعها كاملة

وحكاية ان مش ليكي نفس تزاكري .. قبل ما تزاكري انتخيلي وانتي بشمهندسة او دكتورة .. انا على فكرة كنت مشتري في البيت بالطو ابيض وكل ما ازهق من المزاكرة البسوا واقف قدام المراية .. واروح واجي واعتبر نفسي بكلم الممرضة هتيلي العلاج ده والمقص ده .. كانت بتجيلي نفس حلوة للمزاكرة ..

جميله الفكره فعلا

وحاولي باي طريقة تشوفي صديقة .. او مش لازم تكون في نفس سنك ممكن اكبر منك وفي نفس الوقت تستفيدي من خبرتها .. وتشجعك ..

ياريت والله نفسي أصاحب صحبات من هنا عالأقل

بجد شكراً لحضرتك عاالاهتمام
وربنا ييسر وألاقي وحده أصاحبها

ahmedelfangary

02-01-2014, 06:59 PM

بجد شكراً لحضرتك عاالاهتمام
وربنا ييسر وألاقي وحده أصاحبها

بما انك رياضة .. فالمجال قدامك واسع .. لان الهندسة تنسيقها والله اعلم السنة دي ممكن ييجي قليل .. هوا انتي معاكي الفيزيا والرياضة ماجلين .. ولا في عربي وانجليزي

ماضي الغد

02-01-2014, 07:22 PM

بما انك رياضة .. فالمجال قدامك واسع .. لان الهندسة تنسيقها والله اعلم السنة دي ممكن ييجي قليل .. هوا انتي معاكي الفيزيا والرياضة ماجلين .. ولا في عربي وانجليزي

لسه أساسا الله أعلم إزاي أنا هيكون تنسيقي إزاي
ربك يعين بأه
بالنسبه للعربي والانجلش
امتحنتهم السنه اللي فاتت برضو

ahmedelfangary

02-01-2014, 09:27 PM

Rose Dream

02-01-2014, 09:54 PM

ماضي الغد

03-01-2014, 05:18 AM

اذا انتي معاكي رياضة وفيزيا .. يبقى هتزاكريهم يوميا .. ولو هتسرعي ممكن تخلصي فصل الفيزيا في 3 ايام .. بحيث تخلصي الفيزيا في شهرين .. وكذلك الرياضة قسميها زي ما تحبي على الشهرين .. وهيكون معاكي تلت شهور على الامتحان .. تراجعي فيهم كل مادة حتى عشر مرات لو انتي عايزة .. وركزي في المزاكرة علشان متنسيش .. يالله بقى عايزين نشوف بشمندسة قريب .. الله يوفقك

أولا شكرا لحضرتك ع المتابعه وبارك الله فيكم
ثانيا حضرتك تقصد بفصل الفيزيا (3 أيام ) يعني مذاكره وحل !! طيب من أي مصدر أفضل في الوقت الحالي ولا عادي ؟!!
ربنا يكون بالعون ويهون الايام دي

ماضي الغد

03-01-2014, 05:25 AM

وعليكى السلام ورحمه الله وبركاته
أختى '' ماضى الغد '' أنا زيك بردو نظام قديم السنادى معايه ثلاث مواد ما دخلتهمش السنة الى فاتت ,, يا ريت نتواصل ونساعد بعض واهو ان شاء الله نشجع بعض على المذاكرة

أهلا بيكي طبعا موافقه إن شاء الله
قوليلي بتدخلي امتي وانتي امتحنتي ايه وسبتي ايه وكدا
مستنيه ردك

Rose Dream

03-01-2014, 08:08 AM

ماضي الغد

03-01-2014, 12:19 PM

أنا معاية المواد العلمية الثلاثة (فيزياء& كمياء &أحياء) بجانب المستوى عربى والحمد لله امتحنت باقى المواد اما بدخل امتى ما بدخلش كتير يعنى على المنتدى بس انتى قوليلى على ميعاد عايزانى افتح فيه . واانا افتح ان شاء الله
وكمان عايزه اقولك حاجه لو ما كنتيش تعرفيها يعنى , اكيد ان شاء الله عندك فيس بوك, فى جروب على الفيس اسمه ثانوية نظام قديم ابحثى عنه وان شاء الله هتلاقيه هتلاقى كل أعضائه نظام قديم زينا وبإذن الله هنساعد بعض سواء هنا او على الجروب.

آآه مأجله الكيميا أو الأحياء من تانيه بأه .. ..طيب بقولك هو ينفع أمتحن مستوى تاني أنا إمتحنته السنه اللي فاتت بس عايزه أعرف ينفع أمتحنه تاني هو تقريباً فيه رسوم حاجه زي كدا كانت السنه اللي فاتت ..لإني نقصت فيه وماكنتش مذكراه أساسا .. المهم لو تعرفي قوليلي أصل أنا مش بشوف حد م المدرسه ولا بروح أساسا هناك وكان معايا رقم إداريه هناك بس مش فاكره فين هحاول أشوفو .. بس انتي لو تعرفي تتأكدي إبقي عرفيني ..
أيوه عارفاه الجروب دا مش فيه تفاعل خالص .. ماعلينا منو يعني حاليا
مممم أنا عادي بدخل ع طول يعني ممكن أفتح في أي وقت إنتي لو كدا حددي الوقت المناسب ليكي ممم لو شوفتي الرد قبل العصر يبقى خلاص إدخلي العصر 3 أو 4 أنا هكون بإذن الله فاتحه أكيد

مممم أوكي بإذن الله ربنا يوفقنا ونساعد ونشجع بعض كدا
طيب بالنسبة للفيزيا انتي عامله ايه فيها بدآه منين بالظبط
وبتاخدي دروس ولا لآه ؟!!

Rose Dream

03-01-2014, 07:05 PM

بصى الى أعرفه عن المستوى وان شاء كلام اكيد يعنى انك مسموح ليكى انك تدخليه مرة تانية عند رسوبك فيه يعنى جبتى أقل من 5 درجات أما لو أعلى من كده فمينفعش هتنحسلك درجاته الى فوق الخمسة وبصراحة مش متأكده اذا كان مأجلين المستوى للسنادى زيى يعنى هيمتحنوه ولا اتلغى زى ما بيقول بعض الناس ,,, إن شاء الله يكون كلام غلط ,,ونمتحنه علشان درجاته ترفعنا كتير
أما بقى بالنسبة للمذاكرة مش هاكذب عليكى ما افرقش عنك كتير يعنى واضح ان معظم المأجلين بيعانوا من حالة احباط جماعى وعدم رغبه فى المذاكره من اول السنة وانا بذاكر شويه واسيبها ايااااااام وكمان روحت اخدت دروس يمكن اتشجع شويه ما لقتش حد مأجل زيى وكنت بخد مع ناس اقل منى فى تانية ما انتى عارفه نص منهجنا بيأخدوه طلبه تانيه المهم يعنى عانيت كتييييييييير وقررت ما اخدش دروس رغم ان الاحياء والفيزياء اول مره اخدهم بس قررت اذاكر مع نفسى على فكره والله العظيم انا ما باقولك الكلام ده علشان احبطك ولا حاجه قصدى اقولك ما تحبطيش نفسك مش لوحدك يعنى ,, المهم يعنى بعد توهان كتيير بدأت طول الفتره الى فاتت والى كانت محصلته صفر فى اليه فى المواد الثلاثة
لسه بدأه اذاكر كل مادة من الاول خالص يعنى انا فى الفيزياء لسه فى اول المنهج
بدأت أذاكر فيها الحمد لله الاول باسمع شرح الدرس الى عايزه اذاكره فى اليوم من فييديوهات مدرسه على الهوا او شرح مستر محمد عبد المعبود لو تعرفيه كويس جدا وبعد ما باسمع الشرح بذاكر من كتاب الامتحان شرح واحل بقى علي الى ذاكرته من الامتحان الوسام الاحمر والاصفر بوصى بدأت وهكذا بقى ان شاء الله احاول انتظم واعتمد على نفسى يعنى انا لسه فى الامواج لكن بذاكر كويس وبحاول احل من كتب كتير وان شاء الله احاول اتغلب على اى احساس بالفشل جوايه او أحباط
أنتى بقى أخبارك أيه ؟؟؟

ماضي الغد

03-01-2014, 09:46 PM

بصى الى أعرفه عن المستوى وان شاء كلام اكيد يعنى انك مسموح ليكى انك تدخليه مرة تانية عند رسوبك فيه يعنى جبتى أقل من 5 درجات أما لو أعلى من كده فمينفعش هتنحسلك درجاته الى فوق الخمسة وبصراحة مش متأكده
آيوا مانا فاهمه الكلام دا بس أنا بقولك اني امتحنتو السنه اللي فاتت واتحسبلي فعلا اللي فوق الخمسه أساسا مش كنت مذكراه يدوب قبل الامتحان كدهون وكانت ورقة الاجابة عباره عن تأليف بحت مني مع بعض اللي كان عالق في ذهني من الموضوعات الـ14 الممله
أنا سؤالي بس إاذ كان ينفع أمتحنو تاني السنادي حتى لو هدفع الرسوم تاني مش مشكله خالص إنتي عارفه يعني ايه درجات السمتوى دي بالنسبه لطلبة الثانوية العامه (قديم طبعا) بالمقارنه طبعا بالمواد العلميه اللي معانا فدرجات المستوى أيسر في التحصيل يعني
أنا نفسي والله جدا امتحنو تاني علشان يرفع المجموع شويه

اذا كان مأجلين المستوى للسنادى زيى يعنى هيمتحنوه ولا اتلغى زى ما بيقول بعض الناس

بصي كدا هو منطقيا وبالعقل يعني لو الوزاره بتشتغل بيه اساسا المهم يعني إحنا طلبة النظام القديم بندرس مناهجنا على حسب القديم وامتحاتنا كذلك فأسلوب النظام القديم نفسه هو اللي مطبق علينا من وإحنا في دفعتنا اساسا فـأكيد كل الحجات اللي في القديم مطبقه ع اللي لسه فيه حاليا وعلى فكره باه لو تأخدي بالك مثلا يعني أنا وانتي مأجلين من 3 فيه ناس آجلت من تانيه كل المواد دول اللي هما كانو مرحلة اولى وبمتحنو معانا السنه اللي فاتت
بالنسبه ليكي إن شاء الله اطمني ..
انا اللي قالقني بس إنو أنا ممتحناه أساسا حاسه انو مفيش أمل اساسا .. الله بالعون بأه

,,, إن شاء الله يكون كلام غلط ,,ونمتحنه علشان درجاته ترفعنا كتير
ياااااااااااااااارب

أما بقى بالنسبة للمذاكرة مش هاكذب عليكى ما افرقش عنك كتير يعنى واضح ان معظم المأجلين بيعانوا من حالة احباط جماعى وعدم رغبه فى المذاكره من اول السنة

صح جداااا جدا
طيب عندكو حد من دفعتك مأجلين ولا ؟!!

وانا بذاكر شويه واسيبها ايااااااام وكمان روحت اخدت دروس يمكن اتشجع شويه ما لقتش حد مأجل زيى وكنت بخد مع ناس اقل منى فى تانية ما انتى عارفه نص منهجنا بيأخدوه طلبه تانيه المهم يعنى عانيت كتييييييييير

وأنا والله نفس المعاناه بل وأصعب >< .. الله يهون

وقررت ما اخدش دروس رغم ان الاحياء والفيزياء اول مره اخدهم بس قررت اذاكر مع نفسى على فكره والله العظيم انا ما باقولك الكلام ده علشان احبطك ولا حاجه قصدى اقولك ما تحبطيش نفسك مش لوحدك يعنى ,, المهم يعنى بعد توهان كتيير بدأت طول الفتره الى فاتت والى كانت محصلته صفر فى اليه فى المواد الثلاثة
لسه بدأه اذاكر كل مادة من الاول خالص يعنى انا فى الفيزياء لسه فى اول المنهج
بدأت أذاكر فيها الحمد لله الاول باسمع شرح الدرس الى عايزه اذاكره فى اليوم من فييديوهات مدرسه على الهوا او شرح مستر محمد عبد المعبود لو تعرفيه كويس جدا وبعد ما باسمع الشرح بذاكر من كتاب الامتحان شرح واحل بقى علي الى ذاكرته من الامتحان الوسام الاحمر والاصفر

على فكره انا برضو حملت برضو دروس كتير وأقعد أحمل وفين وفين عما بسمع والله إظهار يعني اني اطمنت ان الشرح معايا وكل شويه أقول الشهر الجاي لآ الاسبوع الجاي لحد ماوصلت للي انا فيه >_< ومفيش أي تقدم
بالمناسبه بأه هوا الوسام الاصفر عباره عن ايه ويفرق ايه عن الاحمر

بوصى بدأت وهكذا بقى ان شاء الله احاول انتظم واعتمد على نفسى يعنى انا لسه فى الامواج لكن بذاكر كويس وبحاول احل من كتب كتير وان شاء الله احاول اتغلب على اى احساس بالفشل جوايه او أحباط
أنتى بقى أخبارك أيه ؟؟؟

إن شاء الله
أنا يا ستي وضعي أشبه بالمتدهور يوم أذاكر وعشررررررره لآه يعني محصلة الاسبوع إنو حتى مش بيكمل فصل ع الاقل وعملت جداااااااااول كتيييييير جدا جدااااااااا وكلها محاولات بائت بالفشل لحد أما زهقت ومليت فعلا م الحاله اللي انا فيها دي ><
ومشكلتي لو سؤال وقف قدامي الدنيا كلها بتقف بأه ودا كتير اما بيحصل للأسف الشديد
وبكون محتاره باه أحل منين ولا ابتدي منين ..فاهمه الموقف .!!
كان نفسي أكلم حد زيي كدا وكويس اني لقيتك

.................................................. .........

Rose Dream

04-01-2014, 02:14 PM

- بصراحه ما اقدرش افيدك بخصوص المستوى اذا كان ينفع تمتحنيه مره تانيه ولأ بس اقولك سيبيى كل حاجه على ربنا ومين عالم يمكن ينفع تمتحنيه مش هنعرف حاجه بخصوص نظامنا الا عند كتابه الاستماره فى شهر 3 بإذن الله طب اقولك على حاجه حلوه والله انا حاسه انا تنسيقنا السنادى هيكون منخفض سواء كان لينا تنسيق لوحدنا او عاملونا زى تنسيق
النظام الجديد ف الحالتين اطمنى ان شاء الله خير وبإذن الله كل منا يحقق حلمه بس نتوكل على الله ونبدأ نذاكر بجد
انتى بتقولى انك بتذاكرى يوم وعشره لأ على العموم انا اقل منك بكتير موضوع التأجيل ده مش مجرد سنة وخلاص لا دى السنادى عرفت يعنى ايه بجد الاكتئباب وانى اكره المذاكره طب والله ما هتصدقى انا كنت بحب المذاكره قبل كده لكن السنادى بقى زى ما يكون بخاف اقعد انا والكتاب لوحدنا وكمان كل حاجه بضايق منها ما بتتجمعش غير لما اكون عايزه اذاكر وغير كده احساسى بالفشل من جوايه حتى انى حاسة انى اصبت ببلاده فى التفكير وغباء مبالغ فيه
ولا لما باشوف اصحابى الى سبقونى ودخلوا الكليه وانا لسه مكانى وعدم نجاحى فى اسعاد احب الناس الى ابى وامى بنجاحى بوصى اقولك ايه ولا ايه باختصار كده انتى عانيتى من كل الكلام ده وانا تعبت بقى من كتر الحزن الى بقى عاده بس على فكره كل ده غلط اووى فى حق نفسنا احنا ننسى بجد ونبدأ من جديد عارفه من قبل حتى ما شوف الموضوع بتاعك عاهدت الله عزوجل ونفسى انى خلاص ما استسلمش لشيطانى الى دايما مخلينى مش شايفه غير الحزن والالم فى كل شىء وانى بابدا اذاكر المواد من اول صفحه فيها وافهمها بجد حتى لو نسيت الناس ازاى بيذاكروا من كتر ما بعدت عن الكتب هحاول وهحاول اتعلم ما فيش مستحيل وهدافع عن حلمى الى نسيته علشان كده نفسى اوووووووووى نتعاون مع بعض مش فى المذاكرة وبس فى كل حاجه
اينعم الماده المشتركه بينا هى الفيزياء وبأذن الله هنذاكرها سوا ونتابع بردو بعض فى المواد التانيه
بوصى انا والله تعبت من ككتر عمل الجاول الى بيضيعلى الوقت ودايما مش عارفه هخلص المواد امتى وهراجه امتى واحل امتحانات امتى وانا فى الثلاث مواد اقدر اقولك انى ولا عارفه اى حاجه فيهم فى كل ماده يعنى صفر فى كل حاجه
بس قررت ابدا بقى من الاول فيهم وعملت جدول ليهم وان شاء الله أحاول اداوم عليه ولما نكون مع بعض هنقدر نشجع بعض اكتر
شوفى من النهارده وانا هبدأ اذاكر بجد وهحاول اتحدى اى عائق قدامى فى المذاكره بعون الله
دا جدولى الى هذاكر على اساسه الفيزياء ان شاء الله وبدأت فعلا انفذه باتمنى انه يعجبك وتوافقى عليه ونبدأ سوا
الفيزياء

ابتداء من السبت 4/1/2014
1-الوحده الاولى (الامواج): على 4 اسابيع
الفصل الأول (الحركة الموجية ):يتم مذاكرته على أسبوع
ــــــــــــــــــــــــــــــــــــــــــــــــــ ـــــــــــــــــــــــ
2- الفصل الثانى : يتم مذاكرته على 10 أيام
- الدرس الاول :الخواص العامه لموجه الصوت4 ايام
- 1-انتشار الصوت وانعكاسه :يوم
- 2-انكسار الصوت :يوم
- 3- تداخل الصوت:يوم
- 4- حيود الصوت:يوم
- الدرس الثانى:تراكب الموجات والاهتزاز المستعرض للاوتارعلى 6 أيام
وهو مقسم إلى جزأين :
-الجزء الاول : ثلاثة أيام
1-تراكب الموجات (انعكاس النبضات فى وتر ):يومين
2-النغمات المتوافقة (الضربات):يوم
-الجزء الثانى :ثلاثة أيام
1- الموجات الموقوفة : يوم
2-الاهتزاز المستعرض للاوتار وقوانينه : يومان

ــــــــــــــــــــــــــــــــــــــــــــــــــ ــــــــــ

الفصل الثالت : الضوء على 11 يوم
الدرس الاول : الخواص العامة لموجه الضوء 4 أيام
1- انتشار الضوء وانعكاسه :يوم
2- انكسار الضوء وقانون سنل:يوم
3- تداخل الضوء :يوم
4- حيود الضوء:يوم
الدرس الثانى :على 7 أيام وهو مقسم الى جزأين
- الجزء الاول : الانعكاس الكلى والزاوية الحرجه وتطبيقاته ,ثلاثة أيام
-الجزء الثانى :قوانين المنشور الثلاثى والرقيق أربعة أيام
وبكده ينتهى الباب الاول
ــــــــــــــــــــــــــــــــــــــــــــــــــ ـــــــــــــــــ
بصراحه زهقت من الكتابه
بس باختصار يعنى
2- الوحده التانيه :على 4 أسابيع
3- الوحده الثالثه :على 4 أسابيع
4-الوحده الثالثه :على 4 أسابيع
4- الوحده الرابعه :6 اسابيع
5- الوحده الخامسه :4أسابيع
وبكده يبقى قسمت الفيزياء كلها على 22 أسبوع
عارفه انك دى الوقتى بتقولى انى بطيئه جدااااااااااااااااااااااا وجدول وحش وكل الكلام ده بس انا قولت لازم اقسم كل وحده لفصول وكل فصل لدروس واذاكر بشويش علشان احاول ارجع زى زمااااااااان وكمان لما اجتهد فى المذاكره شويه هيكون فيه وقت محدد للمراجعه يوميا بجانب مذاكره الجديد وكمان انا عندى اذاكر ولو درس صغير كل يوم وافهمه احسن وتكون المراجعه سهله ولا انى اذاكر كميه كبيره وكمان بعد كده تاخد نفس الوقت فى مراجعتها
اينعم بالجدول ده هاخلص على اخر شهر خمسه واول ايام سته لكن اقولك على حاجه احنا كل لما نذاكر درس او فصل هنحل عليه كل اسئلته اولا فى كتاب المدرسه ثم الدليل واكبر عدد من الكتب الخارجيه ان شاء الله وكمان عند تخليص كل وحده هنحل جميع الاسئلة عليها فى امتحانات الثانويه العامه ابتداء من امتحانات 2000 حتى 2013 ان شاء الله هنقدر ننفذه سوا بس انتى توافقى وتبدأى معايه باتمنى ذلك
مستنيه ردك

ماضي الغد

05-01-2014, 02:37 AM

بصراحه ما اقدرش افيدك بخصوص المستوى اذا كان ينفع تمتحنيه مره تانيه ولأ بس اقولك سيبيى كل حاجه على ربنا ومين عالم يمكن ينفع تمتحنيه مش هنعرف حاجه بخصوص نظامنا الا عند كتابه الاستماره فى شهر 3 بإذن الله طب اقولك على حاجه حلوه والله انا حاسه انا تنسيقنا السنادى هيكون منخفض سواء كان لينا تنسيق لوحدنا او عاملونا زى تنسيق
النظام الجديد ف الحالتين اطمنى ان شاء الله خير وبإذن الله كل منا يحقق حلمه بس نتوكل على الله ونبدأ نذاكر بجد إن شاء الله خييييييييييير ع فكرا تقريباً يعني كدا والله أعلم إن مفيش لينا استماره لإننا كنا نظام قديم والاستماره بتتعمل ف تانيه بس وكمان أنا عرفت ان الوزير قال الاستمارات لبتوع النظام الجديد بس

انتى بتقولى انك بتذاكرى يوم وعشره لأ على العموم انا اقل منك بكتير موضوع التأجيل ده مش مجرد سنة وخلاص لا دى السنادى عرفت يعنى ايه بجد الاكتئباب وانى اكره المذاكره طب والله ما هتصدقى انا كنت بحب المذاكره قبل كده لكن السنادى بقى زى ما يكون بخاف اقعد انا والكتاب لوحدنا وكمان كل حاجه بضايق منها ما بتتجمعش غير لما اكون عايزه اذاكر وغير كده احساسى بالفشل من جوايه حتى انى حاسة انى اصبت ببلاده فى التفكير وغباء مبالغ فيه
ولا لما باشوف اصحابى الى سبقونى ودخلوا الكليه وانا لسه مكانى وعدم نجاحى فى اسعاد احب الناس الى ابى وامى بنجاحى بوصى اقولك ايه ولا ايه باختصار كده انتى عانيتى من كل الكلام ده وانا تعبت بقى من كتر الحزن الى بقى عاده بس على فكره كل ده غلط اووى فى حق نفسنا احنا ننسى بجد ونبدأ من جديد عارفه من قبل حتى ما شوف الموضوع بتاعك عاهدت الله عزوجل ونفسى انى خلاص ما استسلمش لشيطانى الى دايما مخلينى مش شايفه غير الحزن والالم فى كل شىء وانى بابدا اذاكر المواد من اول صفحه فيها وافهمها بجد حتى لو نسيت الناس ازاى بيذاكروا من كتر ما بعدت عن الكتب هحاول وهحاول اتعلم ما فيش مستحيل وهدافع عن حلمى الى نسيته علشان كده نفسى اوووووووووى نتعاون مع بعض مش فى المذاكرة وبس فى كل حاجه
اينعم الماده المشتركه بينا هى الفيزياء وبأذن الله هنذاكرها سوا ونتابع بردو بعض فى المواد
التانيه

بوصى انا والله تعبت من ككتر عمل الجاول الى بيضيعلى الوقت ودايما مش عارفه هخلص المواد امتى وهراجه امتى واحل امتحانات امتى وانا فى الثلاث مواد اقدر اقولك انى ولا عارفه اى حاجه فيهم فى كل ماده يعنى صفر فى كل حاجه
بس قررت ابدا بقى من الاول فيهم وعملت جدول ليهم وان شاء الله أحاول اداوم عليه ولما نكون مع بعض هنقدر نشجع بعض اكتر
شوفى من النهارده وانا هبدأ اذاكر بجد وهحاول اتحدى اى عائق قدامى فى المذاكره بعون الله
دا جدولى الى هذاكر على اساسه الفيزياء ان شاء الله وبدأت فعلا انفذه باتمنى انه يعجبك وتوافقى عليه ونبدأ سوا
الفيزياء

ابتداء من السبت 4/1/2014
1-الوحده الاولى (الامواج): على 4 اسابيع
الفصل الأول (الحركة الموجية ):يتم مذاكرته على أسبوع
ــــــــــــــــــــــــــــــــــــــــــــــــــ ـــــــــــــــــــــــ
2- الفصل الثانى : يتم مذاكرته على 10 أيام
- الدرس الاول :الخواص العامه لموجه الصوت4 ايام
- 1-انتشار الصوت وانعكاسه :يوم
- 2-انكسار الصوت :يوم
- 3- تداخل الصوت:يوم
- 4- حيود الصوت:يوم
- الدرس الثانى:تراكب الموجات والاهتزاز المستعرض للاوتارعلى 6 أيام
وهو مقسم إلى جزأين :
-الجزء الاول : ثلاثة أيام
1-تراكب الموجات (انعكاس النبضات فى وتر ):يومين
2-النغمات المتوافقة (الضربات):يوم
-الجزء الثانى :ثلاثة أيام
1- الموجات الموقوفة : يوم
2-الاهتزاز المستعرض للاوتار وقوانينه : يومان

ــــــــــــــــــــــــــــــــــــــــــــــــــ ــــــــــ

الفصل الثالت : الضوء على 11 يوم
الدرس الاول : الخواص العامة لموجه الضوء 4 أيام
1- انتشار الضوء وانعكاسه :يوم
2- انكسار الضوء وقانون سنل:يوم
3- تداخل الضوء :يوم
4- حيود الضوء:يوم
الدرس الثانى :على 7 أيام وهو مقسم الى جزأين
- الجزء الاول : الانعكاس الكلى والزاوية الحرجه وتطبيقاته ,ثلاثة أيام
-الجزء الثانى :قوانين المنشور الثلاثى والرقيق أربعة أيام
وبكده ينتهى الباب الاول
ــــــــــــــــــــــــــــــــــــــــــــــــــ ـــــــــــــــــ
بصراحه زهقت من الكتابه
بس باختصار يعنى
2- الوحده التانيه :على 4 أسابيع
3- الوحده الثالثه :على 4 أسابيع
4-الوحده الثالثه :على 4 أسابيع
4- الوحده الرابعه :6 اسابيع
5- الوحده الخامسه :4أسابيع
وبكده يبقى قسمت الفيزياء كلها على 22 أسبوع
عارفه انك دى الوقتى بتقولى انى بطيئه جدااااااااااااااااااااااا وجدول وحش وكل الكلام ده بس انا قولت لازم اقسم كل وحده لفصول وكل فصل لدروس واذاكر بشويش علشان احاول ارجع زى زمااااااااان وكمان لما اجتهد فى المذاكره شويه هيكون فيه وقت محدد للمراجعه يوميا بجانب مذاكره الجديد وكمان انا عندى اذاكر ولو درس صغير كل يوم وافهمه احسن وتكون المراجعه سهله ولا انى اذاكر كميه كبيره وكمان بعد كده تاخد نفس الوقت فى مراجعتها
اينعم بالجدول ده هاخلص على اخر شهر خمسه واول ايام سته لكن اقولك على حاجه احنا كل لما نذاكر درس او فصل هنحل عليه كل اسئلته اولا فى كتاب المدرسه ثم الدليل واكبر عدد من الكتب الخارجيه ان شاء الله وكمان عند تخليص كل وحده هنحل جميع الاسئلة عليها فى امتحانات الثانويه العامه ابتداء من امتحانات 2000 حتى 2013 ان شاء الله هنقدر ننفذه سوا بس انتى توافقى وتبدأى معايه باتمنى ذلك
مستنيه ردك
بصي إنتي بأه مش هتصدقي لما أقولك إنك بتتكلمي بلساني بمعنى كل اللي بتقولييه والله حاسه بيه بالحرف وبعيييشه فعلا :/ نفس الوضع وصلت لمرحلة اللامبالاه والبرود لأي حاجه بأه وزي ما يحصل بأه ... بس دا والله بعد معاناه فعلا مش من فراغ ..بس مش لازم نستسلم ولازم نبقى أقوى من الظروف دي ولازم نقف ويّا بعض إن شاء الله لحد آخر لحظه أنا كان نفسي من زمان ألاقي حد ف نفس موقفي نشجع بعض نكون مع بعض حد يكون حاسس بيا وباللي بقوله ...وبكلامك دا بجد حاسه بيكي جدا جدااااا وبكل اللي بتقوليه وفاهماكي وإن شاء الله نساعد بعض أكتر وأكتر ونقف ويا بعض أكتر وأكتر في هذه الايام العصيبه (= الله بالعون
سؤال كدا هوانتي آجلتي ف تانيه ماده صح كدا.. طيب وعملتي ايه المواد التانيه وانتي كنتي قاسمه من أول السنه باه صح كدا ..
بصي هو زي ماانتي قولتي الجدول الجدول كويس جدا بس أنا نفسي نكون مخلصين المنهج تمام مذاكره وبعدين نقضي وقت أطول ف المراجعه يكون ع الاقل المنهج خلص ولو مره في المذاكره ولا ايه رأيك ؟!!.. بيكون أفضل
وكمان أنا معاكي جدا اني أذاكر كمية قليله بفهم أحسن من كميه كبيره ومن غير فهم ولا تطبيق
طوووووووووووويب
بصي انتي ماينفعش تسرعي في الوحدات الاولى وبعدين بشويش ع الكهربيه والحديثه ولا انتي عامله فيهم ايه بالظبط أنا بأقصد يعني علشان دول أكتر أبواب عليهم درجات .. فاهمه قصدي
..ع العموم ..طبعا موافقه نبتدي سوا..
بس ياريت يكون أسرع شويه ع الاقل ف الابواب الاولى دي علشان الشهور الاخيره دي انتي عارفه المعنويه والنفسيه بتبقى فيها ازاي
أو فكره ممكن نمشي بالراحه مثلا ف الاسبوع الاول علشان نذخل ف جو المذاكره تاني وبعدين بأه نحاول نسرع شويه او نأخد من الابواب اللي ورا زي ماتحبي يعني بالنسبالك
المهم بأه إننا نبتدي مذاكره بأه ف الوقت الحالي ونشجع بعضينااااااااا :*

ملحوظه عالهامش كدا//
الدنيا بتمطر عندنا دلوقتي وأنا من اكتر الحجات اللي بتفرحني المطر ^^ .. تعرفي إن وأنا بدعي لنفسي دعيتلك معايا (=
هو انتي اسمك ايه صحيح ...!!!
أنا اسمي أيه
^___^

Rose Dream

05-01-2014, 12:28 PM

اه فى سنة تانية حصلتى ظروف كده خليتنى ما ادخلش امتحان الكمياء هبقى احكيلك بعدين والحمد لله نقصت لحد دى الوقتى فى مواد تانيه والمواد الى الى دخلتها فى ثالثه 8 درجات ونص يعنى الحمد لله على كل حال&اقولك عارفه ان الجدول بطىء جداااااااا بس انا زى ما انت عارفه ما اعرفش حصلى ايه بقيت بافهم ببطء واول مره اخد الفيزياء ومش عارفه فيها حاجه صح لحد دى الوقتى يا دوبك عن كل وحده قرياها كده وكمان اتعقدت منها اول السنه كنت بخد درس مع تانيه وثالثه شهر كده كله دخل فى بعضه لحد دى الوقتى ضايعه والله ما بكذب انا قصدى نبتدى
ى من البدايه خالص نذاكر جزء جزء ونففهمه والى ما يفهمش حاجه التانى يفهمها ليه وكمان نسمع لاالفيديوها ت الخاصه بكل جزء من اليوتيوب عارفه لما نحل على كل جزء اكبر كم ممكن من كتبنا غير المذاكرات بتاعه المنتدى وكمان امتحانات الثانويه من دى الوقتىوبعدين إن شاء الله اسبوع كده ولا اتنين هنخصص وقت معين للمراجعه يوميا غير مذاكره الجديد ومع الالتزام بالمراجعه المستمره بإذن الله ما هييكونش فى حاجه قديمه وكويسين فيها ان شاء الله ما تقلقيش الكهربيه 6 اسابيع يعنى هنذاكرها كويس جدا ووهنحل كل الافكار الخاصه بكل درس فيها عندنا وقت كاف بإذن الله وكمان الفيزياء الحديثه حلوه والوقت المخصص ليها زى ما قولتلك كويس بس عارفه دا كل تخيلات عايزين ننفذ بقى لاحسن والله مليت من نفسى ومن كتر الكلام من غير فعل لما نكون سوا هنشجع بعض الى هيترخى شويه التانى هيقويه بس بوصى عايزه اعرف اوصلك ازاى غير المنتدى يعنى الفيس مثلا علشان نعرف نتابع بعض بسهولهيعنى قوليلى اوصلك ازاى على الفيس او اسم اكونتك ايه هبحث عنك فى الجروب بتاع ثانويه نظام قديم ولا ايه رأيك؟؟؟؟؟؟؟؟ع فكره وانا كمان بحب المطره اوووووووووى كل لما تمطر عندنا انزل تحت المطره لما تغرق هدومى واضل ادعى شكرا يا يويو انك دعتيلى ربنا يحبك ويخليكى يااااارب

دا كله ونسيت اقولك اسمى إيناس

chalijaly

05-01-2014, 01:00 PM

انا مأجل معاكوا
نصيحة اخوية
الفيزياء اقروا كتاب المدرسة للفهم
وامسكوا كتاب الامتحان مراجعه نهائية احفظوه زى اسمكوا كده يبقى ضمنتوا الفيزياء
ملحوظة تانية نظرى الفيزياء لو تفهموه وتعبروا باسلوبكم هتلاقوه سهل جدا وبيتلم معاكوا يعنى متحفظوش وش كده

ماضي الغد

05-01-2014, 01:08 PM

ماضي الغد

05-01-2014, 02:00 PM

Rose Dream

05-01-2014, 09:26 PM

طيب اوك عادى براحتك
هنذاكر هنا بس مش عارفه عايزه بقى نتفق نفتح امتى بالضبط ابتداء من بكره يعنى ايه المواعيد الى تناسبك انا عن نفسى اكتر وقت مناسب ليه 7 او 8 بالليل لو مش يناسب الوقت ده قوليلى ايه مواعيدك بس يا ريت ما يكونش الصبح لان اكتر وقت بحب اذاكر فيه الصبح مش مهم يعنى الى يناسبك بقى
بالنسبه للمذاكره بقى احنا اتفقنا نذاكر الاسبوع ده الفصل الاول
فبصى بقى هنمشى ازااااااااااى فيه
عموما الفصل الاول :عباره عن موضوعين :الحركه الاهتزازيه والحركه الموجيه فهنقسمه كالتالى
1-الحركه الاهتزازيه والمفاهيم الى عليها وهندخل الحركه الموجيه والموجات الميكانيكيه والكهرومغناطيسيه:الاتنين
2-الموجات الطوليه:الثلاثاء
3-الموجات المستعرضه:الاربعاء
4- العلاقة بين الترددوالطول الموجىوسرعه انتشار الموجات:الخميس
5- الجمعه مراجعه عامه عليه
بصى بقى انا سمعت النهارده شرح الفصل الاول كله لمستر محمد عبد المعبود وكمان فى فيديو عليه لمستر عزت سعد ومستر احمد بركه لازم تشوفيه المهم اسمعيهم الاول وبعدين ابتدى مذاكره
انا بذاكر من كتاب الامتحان شرح وببص باشوف اذا كان فى حاجه زياده فى الوسام شرح والمثالى
وباذن الله على كل درس من دول هاحل جميع الاسئله عليه من الامتحان ووكتب الوسام الشرح والاحمر والاصفروالمثالى
وان شاء الله نخلصه الجمعه ويكون اليوم ده لتخليص الحل عليه من الكتب الى معانا
مستنياكى ترد عليه وتقوليلى على وقت المناسب ليكىعشان نفتح سواا

~ Smile 4 Life ~

06-01-2014, 11:29 AM

مبدأيــا ســـلام الله عليكم ورحمته وبركـاته ..

ثــانيــا ايه نظـرة الاحبــاط والاكتئـاب اللي انتوا فيها دي ؟! :angry2:
أنا قـريت بعض من تعليقات الأخت Rose والأخت ماضي الغد
وحسيت انكم مخنوقين من موضوع التأجيل والمذاكرة ..
مع ان انتوا متعرفوش ان ربنا اكـيـــــــد ليه حكمـة في كـده
وان ده هو الخير ليكم حتي لو ظاهريا شايفين عكس كده ..
بغض النظر اللي حصل ده بسبب تقصير في المذاكرة او لظروف مريتوا بيها ..

لان لو بسبب التقصير فـربنا عوضكم بسنة كمان عشان تفوقوا وتنتبهوا لنفسكم
وتذاكروا وتعوضوا اللي فات وتستغفروه كمان علي التقصير ده
لان عدم المذاكرة والتقصير فيها ده ذنب تحاسبي عليه ومسئولية المفروض تتحمليها
ولو ظروف سواء نفسية او صحية او ايا كانت فده شئ خارج عن ارادتك

يعني في كلتا الحالتين المفروض انكم متفكروش في اللي فات ..
عيشــوا الـواقـع اللي انتوا فيه وبلاش تفكروا في افكار سلبية ترجعكم لورا
انتوا دلوقتي قدامكم سنة دراسية ومواد تذاكروها
يعني كل تفكيركم الان انكم تذاكروا وتبذلوا اقصي مجهودكم عشان تجيبوا نتايج عالية
واوعوا تقولوا ان مهما جبنا مجاميع عالية في المواد السنة دي مش هندخل الكلية اللي عاوزينها !
لاني كل ما باجي اتكلم مع حد للاسف يرد الرد ده ؟!
لان اولا انتي بتذاكري عشان تسعدي نفسك واهلك وقبل ده كله رضا ربك
ثـانيـا الموضوع مش موضوع كليات قمة او غيرها الموضوع موضوع تفـوق
يعني الانسان لو في باله التفوق هيتفوق في اي مجال يدخل فيه بمشيئة الله

فـانتوا دلوقتي يا عســـلات متفكروووووووش في اي شئ غير مذاكرتكم وبس
وسيبوا موضوع المجموع والكليات ده خالص واتركوا الامر كله للـه

وهــــــــــــــانت خــــلاص كلهـــا 5 شهور وتمتحنوا وهيمروا بسرعة جدا
عشان كده بالله عليكم استغلوا كل دقيقة في المذاكرة وبلاش تضيعوا وقتكم
في الشكوي والتفكير السلبي والاحباط اللي ملوش اي 30 لازمة !!!!!

وملحـــــوظة " بالنسبة للمواد وسهولتها وصعوبتها "
مفيـــــــــش حاجة اسمهــــــا المادة دي صعبة في مذاكـرتها
لان تفكيرك الايجابي او السلبي هو اللي بيحدد المادة سهلة ولا صعبة

اما عن النصيحة اللي بنصحكم وبنصح نفسي بيها
حــــــــل الامتحــــــــــــــــانات

يعني كل ما تذاكروا فصل معين تشوفوا اسئلته في الامتحانات شكلها ايه وتحلوها
لان ده هيريحكم جدا في اخر السنة لما تيجوا تراجعوا هتلاقوا الامتحانات سهلة جدا
وهيقلل من خوفكم ورهبتكم وانتوا داخلين الامتحان ..

وكمـــــان مــــــرة اوعوا تفكرووووووا في اللي فات وركزوا في الشهور اللي جاية
وبـــــلاش التفكيــــر السلبي اللي بيضيع فرص كتير ربنا بيعوض الانسان بيها

وربنــــــــا معــــاكم ويرزقنا واياكم التوفيــــــق والســـــــداد
:) :)

ماضي الغد

06-01-2014, 12:33 PM

ماضي الغد

06-01-2014, 02:37 PM

مبدأيــا ســـلام الله عليكم ورحمته وبركـاته ..

ثــانيــا ايه نظـرة الاحبــاط والاكتئـاب اللي انتوا فيها دي ؟! :angry2:
أنا قـريت بعض من تعليقات الأخت rose والأخت ماضي الغد
وحسيت انكم مخنوقين من موضوع التأجيل والمذاكرة ..
مع ان انتوا متعرفوش ان ربنا اكـيـــــــد ليه حكمـة في كـده
وان ده هو الخير ليكم حتي لو ظاهريا شايفين عكس كده ..
بغض النظر اللي حصل ده بسبب تقصير في المذاكرة او لظروف مريتوا بيها ..

لان لو بسبب التقصير فـربنا عوضكم بسنة كمان عشان تفوقوا وتنتبهوا لنفسكم
وتذاكروا وتعوضوا اللي فات وتستغفروه كمان علي التقصير ده
لان عدم المذاكرة والتقصير فيها ده ذنب تحاسبي عليه ومسئولية المفروض تتحمليها
ولو ظروف سواء نفسية او صحية او ايا كانت فده شئ خارج عن ارادتك

يعني في كلتا الحالتين المفروض انكم متفكروش في اللي فات ..
عيشــوا الـواقـع اللي انتوا فيه وبلاش تفكروا في افكار سلبية ترجعكم لورا
انتوا دلوقتي قدامكم سنة دراسية ومواد تذاكروها
يعني كل تفكيركم الان انكم تذاكروا وتبذلوا اقصي مجهودكم عشان تجيبوا نتايج عالية
واوعوا تقولوا ان مهما جبنا مجاميع عالية في المواد السنة دي مش هندخل الكلية اللي عاوزينها !
لاني كل ما باجي اتكلم مع حد للاسف يرد الرد ده ؟!
لان اولا انتي بتذاكري عشان تسعدي نفسك واهلك وقبل ده كله رضا ربك
ثـانيـا الموضوع مش موضوع كليات قمة او غيرها الموضوع موضوع تفـوق
يعني الانسان لو في باله التفوق هيتفوق في اي مجال يدخل فيه بمشيئة الله

فـانتوا دلوقتي يا عســـلات متفكروووووووش في اي شئ غير مذاكرتكم وبس
وسيبوا موضوع المجموع والكليات ده خالص واتركوا الامر كله للـه

وهــــــــــــــانت خــــلاص كلهـــا 5 شهور وتمتحنوا وهيمروا بسرعة جدا
عشان كده بالله عليكم استغلوا كل دقيقة في المذاكرة وبلاش تضيعوا وقتكم
في الشكوي والتفكير السلبي والاحباط اللي ملوش اي 30 لازمة !!!!!

وملحـــــوظة " بالنسبة للمواد وسهولتها وصعوبتها "
مفيـــــــــش حاجة اسمهــــــا المادة دي صعبة في مذاكـرتها
لان تفكيرك الايجابي او السلبي هو اللي بيحدد المادة سهلة ولا صعبة

اما عن النصيحة اللي بنصحكم وبنصح نفسي بيها
حــــــــل الامتحــــــــــــــــانات

يعني كل ما تذاكروا فصل معين تشوفوا اسئلته في الامتحانات شكلها ايه وتحلوها
لان ده هيريحكم جدا في اخر السنة لما تيجوا تراجعوا هتلاقوا الامتحانات سهلة جدا
وهيقلل من خوفكم ورهبتكم وانتوا داخلين الامتحان ..

وكمـــــان مــــــرة اوعوا تفكرووووووا في اللي فات وركزوا في الشهور اللي جاية
وبـــــلاش التفكيــــر السلبي اللي بيضيع فرص كتير ربنا بيعوض الانسان بيها

وربنــــــــا معــــاكم ويرزقنا واياكم التوفيــــــق والســـــــداد
:) :)

وعليكم السلام ورحمة الله وبركاته
أكيد لربنا حكمة أكيييدإذا ماكنتش أحسها ع المدي القريب فأكيد ع المدى البعيد إن شاء الله
بس أحب ءأكدلك إن اللي حسيتيه من الكلام مش من فراغ والله
الله العالم بالأحوال ..وربك يسهل ويعين
أنا فعلا سُعدت بردك
جزاكي الله كل خير على كل اللي قولتيه
وفقنا ووفقكي المولى

Rose Dream

06-01-2014, 07:12 PM

كويس انك فتحنى كنت مستنياكى
جاهزه نذاكر ولا ايه ؟؟

ماضي الغد

06-01-2014, 07:31 PM

كويس انك فتحنى كنت مستنياكى
جاهزه نذاكر ولا ايه ؟؟
آيوا أنا آهوه مستنياكي ^^
بس ماشفتش ردك سوري

Rose Dream

06-01-2014, 07:36 PM

طيب عادى بس قلقتينى يلا عادى
طيب طريقه المذاكره ان شاء الله ازاى يعنى
عملتى ايه النهارده ؟؟؟

ماضي الغد

06-01-2014, 07:40 PM

طيب عادى بس قلقتينى يلا عادى
طيب طريقه المذاكره ان شاء الله ازاى يعنى
عملتى ايه النهارده ؟؟؟
ممممم ممكن نسمع الدرس ونذاكره بعديه
ولا ايييييييييه؟!!
سمعت حصة مدرسة ع الهوا

Rose Dream

06-01-2014, 07:44 PM

يعنى نبدأ من الاول نسأل بعض فى معلومات الدرس وكده
طيب اوك
ابدأى الاول
وانا معاكى

ماضي الغد

06-01-2014, 07:47 PM

00000000000000000000

Rose Dream

06-01-2014, 07:53 PM

هى اضطراب لحظى يحدث فى الحيز المحيط بمصدر الاضطراب وينتقل وينقل معه الطاقه فى نفس اتجاه انتشارها
فى حاجه عايزه اقولك عليها
الاستاذ محمد قال فى الشرح وفيها تهتز جزيئات الوسط فى مكانها بنفس كيفيه اهتزاز المصدر وبنفس التردد
طب ده صح ازاااى ينفع مع الموجه الميكانيكيه لانها بتعتمد على جزيئات الوسط انما الكهرومغناطيسيه
لا تعتمد عليها يبقى صح بقى ولا غلط لو قلت دا فى تعريف الموجه ايه رأيك

ماضي الغد

06-01-2014, 07:59 PM

...........................................

Rose Dream

06-01-2014, 08:04 PM

ــــــــــــــــــــــــــــــــــــــــــــــــــ ـــ

ماضي الغد

06-01-2014, 08:06 PM

بصي ثواني وهبعتلك أكونتي ع الفيس لسه عملاه حالا علشان تواصل أسرع

Rose Dream

06-01-2014, 08:09 PM

طيب ما انا بقول كده بردو

Rose Dream

06-01-2014, 08:31 PM

ــــــــــــــــــــــــــــــــــــــــــــــــــ ـ

ماضي الغد

06-01-2014, 08:32 PM

_____________________________

Rose Dream

06-01-2014, 08:37 PM

77777777777777777777

Rose Dream

06-01-2014, 08:44 PM

555555555555555555555

thekingboy

08-01-2014, 05:52 AM

أنا نظام القديم ونفس المواد ..

Ashraf95

05-03-2014, 11:50 PM

أنا نظام قديم بردو امتحنت كل مواد تانيه ثانوى وامتحنت انجليزى 3 ثانوى بس انا علمى رياضه هامتحن فى الفيزياء والرياضه 2 والفلسفه والمنطق والعربى

Ashraf95

12-03-2014, 01:40 AM

انا نظام قديم السنه دى

Ashraf95

13-03-2014, 09:08 PM

جروب للمأجلين 3 ثانوى نظام قديم

https://www.facebook.com/groups/227309204140724/