نقطة ومن أول السطر .. [الأرشيف] - بوابة الثانوية العامة المصرية

مشاهدة النسخة كاملة : نقطة ومن أول السطر ..

ahmedelfangary

03-01-2014, 09:55 PM

بصوا يا جماعة .. انتو دلوقت على وشك انكم تخلصوا متحانات الترم الأول ..
والترم ده عدى بخيره وشره .. نيجي للمهم .. احنا معانا ترم تاني ..
يعني تقريبا تلت شهور .. انا عارف انتا نفسك ترجع ليوم السبت 21 \ 9 ..
معلهش ممكن الأيام مترجعش .. لكن ممكن تعوضها .. أو بمعنى أصح ممكن تنقذ ما يمكن انقاذه ..
يعني من الآخر بص ياللي انتا في أولى وركز وياللي انتا في تانية وانتبه ياللي في تالتة ..
انتا ياللي في اولى وتانية .. انتا معاك يومين تلاتة وتخلص امتحانات ..
لما تخلص على خير .. تروح تجيب ورقة وقلم ومسطرة ..
وتعملك جدول شهري واسبوعي ..
ومتنساش ان معاك 15 يوم في الأجازة تقدر لو شديت حيلك تخلص جزء من المنهج ..
ومتقليش انا هلعب كل لحظة في الأجازة ..
ممكن تقول هزاكر كل لحظة في الأجازة ..
انا عارف انها صعبة ..
لكن لما تلاقي نفسك مقفل المنهج بدري هتدعيلي ..
وتقول الحمد لله اني ملعبتش ..
ويا عم لو عايز تلعب ضروري .. العب ساعتين في اليوم ..
احنا عملنا الجدول .. هتحلف بالله العظيم ( ومتنساش تقول بإذن الله ) انك هتخلص الجدول ده وهتلتزم بيه ..
وتحط لنفسك عقوبة .. انا عن نفسي كنت بحرم نفسي من النت اسبوع كامل لو اخليت بالجدول ..
وتنزل تتفق مع المدرسين على كل المواد أو المواد اللي عايز تاخدها ..
وتروح حتى كل يوم ..
وتتعود تقوم بدري كأنك في المدرسة بالظبط ..
بلاش النوم التلت سنين دول .. ده بالنسبة ليك ياللي في اولى او تانية ..
اصحى يا عم ياللي في تالتة ..
بص يا عم السنة دي تحديد مصير .. يعني يا حلو يا وحش ..
انا عارف انك بتقول في نفسك يا ريت كنت بدأت من أول السنة ..
يا عم باقي على امتحانك خمس شهور ..
يعني لو خلصت اللي باقي عليك في شهرين ..
وراجعت في تلاتة .. أضمنلك 98% إن شاء الله ..
طيب اكيد انتا مخلص تقريبا نص المادة .. هناخد اجازة نص السنة كلها مراجعة للي فات ..
بس لازم تركيز ..
وبعد الأأجازة هتبدأ تزاكر اللي باقيلك .. وتسرع شوية .. بلاش النوم في العسل ..
نمنا زي ما احنا عايزين من أول السنة ..
وهتبدأ تروح الدرس وتنتظم فيه ..
أكيد انتا هتقولي مليش نفس للمزاكرة ..
أقولك انتا شكلك مش عاوز تدخل كلية محترمة .. هتقولي ازاي أكيد انا عايز ادخل الكلية الفلانية القسم العلاني ..
طب ازاي انتا هدفك عالي ونفسيتك مش عالية ..
انتا لو حاطط الهدف ده قدامك نفسيتك هتكون في السما ..
على فكرة أنا نفسيتي كانت وحشة في السنتين من أول السنة ..
بس علمت إيه .. جبت كام ورقة وقلت فيهم .. أنا طبيب ماهر .. أنا الدكتور أحمد الفنجري ..
وقعدت أرددها كتير ..
وفعلا اتحققت .. لأني زودت ثقتي في نفسي ..
وكان معايا بالطو أبيض كنت بلبسو وبتخيل نفسي في العيادة بتاعتي ..
فانتا حفز نفسك من جوا .. لأنك لو محفزتش نفسك وانتا أقرب حاجة ليها مين هيحفزها ؟! ..
فانتا هتدفع نفسك بنفسك وتحفز نفسك بنفسك ..
ونفسيتك انتا اللي بتتحكم فيها .. هتقولي في كشاكل اجتماعية وعاطفية ..
اقولك دي عوامل ملهاش لزمة ..
انتا رسام ومهما اختلفت الألوان بإمكانك ترسم لوحة جميلة ..
فنفسك دي لوحة ..
ارسمها بطريقتك .. وميهمكش الألوان .. لأن مش كل الألوان بتتوفر ..
انتا بفنك تخلط الألوان مع بعضها وتطلع لوحة جميلة ..
كمان مستقبلك لوحة .. وهي اللوحة الكبرى ..
وممكن بفنك .. توفر من الألوان اللي عندك أجمل لوحة ..
يا ريت أكون افدتك بالكلام ده .. ويا رب تكون اللي تتمناه ..

هتـــلر

03-01-2014, 10:51 PM

انا حابب اشكرك جداً يا دكتور احمد على تشجيعك لينا باستمرار السنادى و ربنا يوفقك بجد فى كليتك و حياتك عموماً
ونسالكم الدعاء لينا كلنا :)

ahmedelfangary

03-01-2014, 10:52 PM

انا حابب اشكرك جداً يا دكتور احمد على تشجيعك لينا باستمرار السنادى و ربنا يوفقك بجد فى كليتك و حياتك عموماً
ونسالكم الدعاء لينا كلنا :)

العفو .. الله يوفقكم .. ويحقق امالكم ..

Yasmeena.R

05-01-2014, 04:57 PM

كلام حضرتك في الصميم

الواحد يه هدف بس مش شغال عليه معرفش ليه دا

فاضل خمس شهور كفاية ضياع خمس شهور فعلا

ربنا يستر

جزاك الله خيرا لوقوفك معانا

princess Mano

05-01-2014, 07:49 PM

جزاك الله خيراا ..
موضوع مفييد جداا ..

ahmedelfangary

06-01-2014, 06:29 PM

جزاك الله خيراا ..
موضوع مفييد جداا ..

وجزاك الله كل خير

Omar Amam

06-01-2014, 07:02 PM

يجب على الواحد ان يتحدى خوفه من المنهج لكى يحب المذاكرة .. :)

شكرا يا ahmedelfangary (http://www.thanwya.com/vb/member.php?u=839983) مواضيعك كلها مشقية نفسى اشوفها كل شوية :)

رآجيه رضآ الله

06-01-2014, 07:08 PM

جزاكمـ الله خيراً يآرب

فعلاً موضوع يفوقنا شويه معظمنا لسه قايم يفوق دلوقتي ويفتكر
انه تالته ثانوي بعد ما ضيع مذاكره نص المواد
ربنا يسترها :(

جنان دعوية

06-01-2014, 09:18 PM

ahmedelfangary

06-01-2014, 10:12 PM

جزآكم الله خيرا , كلام محفز جدا ورائع
انا فعلا بعمل كدآ , بس بتحفز يومين واكون ليا معنويآات عاليه وهمه بأه تقولوآ هتجيب 100% ^_^
بس بعدها معديش بتاع 5 او 6 ايآآم الا وعزيمتى تتكسر وارجع اقول يعنى هوا فى كام الف طالبه غيرى ربنا هيختارنى انا اكون مثلا ادخل طب او صيدله , وخصوصا انى طآلبه عاديه مستوآيا ف 80 .. 85% اه بذاكر وبنجح وبقدر احصل بفضل الله
لكن مش من الى هما بتوع كل سنه المتفوقآت دول . الِ معرف انهم داخلين طب حدف كده :) من غير مذاكره .. الواحد بيكون عنده ثقه ف نفسه فتره وبعدها تروووح :( معرفش دا من ايه

هل تعلمي اني في اولى ثانوي كنت طالب تحت المتوسط .. يعني تقريبا كنت مهمل .. مش هقول اني كنت نابغة من صغري .. انا كان مستوايا عادي جدا .. بس دخلت تانية وشديت حيلي .. وكان كل ده بالعزيمة القوية .. ومفيش حاجة اسمها العزيمة تنكسر .. وثقتك بنفسك بتروح لانها بتكون كلام بس مش عن قناعة .. لكن لو انتي مقتنعة مش هتروح الثقة .. على سبيل المثال المسلمين 300 .. والمشركين الف .. فكان انتصارهم بسببين توفيق من الله .. وثقة بالنفس وعدم الخوف .. لان لو هما خايفين رضي الله عنهم .. مكانوش هيفوزوا على الف مشرك .. فانتي لازم ثقتك بنفسك تكون بقلب جامد ومتخافيش .. واعملي لثقتك دي تجديد من فترة لفترة .. يعني كل ما تتخيلي انك دكتورة .. ده بيزيد ثقتك من نفسك .. وكل ما تتخيلي نفسك يوم النتيجة وانتي جايبة 98 او 99 % ده يزيد ثقتك بنفسك .. وانا كنت لازم قبل ما انام حتى في السرير اتخيل نفسي دكتور .. واتخيل نفسي وانا راجع من المدرسة ونتيجتي 99 % او 100 % وحصل وجبت 98.1 فالطموح والثقة بالنفس هو الاساس ..

جنان دعوية

06-01-2014, 10:19 PM

هل تعلمي اني في اولى ثانوي كنت طالب تحت المتوسط .. يعني تقريبا كنت مهمل .. مش هقول اني كنت نابغة من صغري .. انا كان مستوايا عادي جدا .. بس دخلت تانية وشديت حيلي .. وكان كل ده بالعزيمة القوية .. ومفيش حاجة اسمها العزيمة تنكسر .. وثقتك بنفسك بتروح لانها بتكون كلام بس مش عن قناعة .. لكن لو انتي مقتنعة مش هتروح الثقة .. على سبيل المثال المسلمين 300 .. والمشركين الف .. فكان انتصارهم بسببين توفيق من الله .. وثقة بالنفس وعدم الخوف .. لان لو هما خايفين رضي الله عنهم .. مكانوش هيفوزوا على الف مشرك .. فانتي لازم ثقتك بنفسك تكون بقلب جامد ومتخافيش .. واعملي لثقتك دي تجديد من فترة لفترة .. يعني كل ما تتخيلي انك دكتورة .. ده بيزيد ثقتك من نفسك .. وكل ما تتخيلي نفسك يوم النتيجة وانتي جايبة 98 او 99 % ده يزيد ثقتك بنفسك .. وانا كنت لازم قبل ما انام حتى في السرير اتخيل نفسي دكتور .. واتخيل نفسي وانا راجع من المدرسة ونتيجتي 99 % او 100 % وحصل وجبت 98.1 فالطموح والثقة بالنفس هو الاساس ..

انا عندى ثقه ف الله وان شاء الله ربنا هيوفقنى وعارفه انى مش هنجح بمذاكرتى هنجح بتوفيق ربنا ,, بس دا شىء خارج ع الارداه لازم افكر فيه يعنى مممم بحط الاحتمالات كلها
انا اه هجيب ان شاء الله 99% ,, تب افرض مجبتش مش ممكن مجبش لا انا ممكن اوصل معرفش ايه .... كده يعنى بقعد افكر فكده وكده ...
ال بيحفزنى كلام المدرسين وكمان لما بشوف طالبات ف طب وصيدله والكليآت القمم :)
انا بدعى كتير جدا ربنا يوفقنى ويحقق حلمى واوصل لهدفى ,, :d

ahmedelfangary

06-01-2014, 10:32 PM

انا عندى ثقه ف الله وان شاء الله ربنا هيوفقنى وعارفه انى مش هنجح بمذاكرتى هنجح بتوفيق ربنا ,, بس دا شىء خارج ع الارداه لازم افكر فيه يعنى مممم بحط الاحتمالات كلها
انا اه هجيب ان شاء الله 99% ,, تب افرض مجبتش مش ممكن مجبش لا انا ممكن اوصل معرفش ايه .... كده يعنى بقعد افكر فكده وكده ...
ال بيحفزنى كلام المدرسين وكمان لما بشوف طالبات ف طب وصيدله والكليآت القمم :)
انا بدعى كتير جدا ربنا يوفقنى ويحقق حلمى واوصل لهدفى ,, :d

الدعاء ده سلاح مهم .. وعلى ما ازكر في معنى الحديث .. ان ربنا يستحي من العبد انو ميحققش دعوته ملا يرفع ايديه .. انتي لازم مع الدعاء بزل الاسباب

جنان دعوية

06-01-2014, 10:39 PM

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " إِنَّ اللَّهَ جَوَّادٌ كَرِيمٌ يَسْتَحِي
مِنَ الْعَبْدِ الْمُسْلِمِ إِذَا دَعَاهُ أَنْ يَرُدَّ يَدَيْهِ صِفْرًا لَيْسَ فِيهِمَا شَيْءٌ "

تَم تقييم الموضوع جزآكم الله خيرا على الافاده

ahmedelfangary

07-01-2014, 09:24 PM

صيدلاني المستقبل

17-01-2014, 01:43 PM

صيدلاني المستقبل

20-01-2014, 08:23 PM

ازاى احفظ كلمات الانجليزى ومنسهاش

Omar Amam

20-01-2014, 09:49 PM

بس عندى طلب ازاى فى اولى و هذاكر فى الاجازة o.o

ده المنهج اصلا بتاع اولى كله صفحتين ده لو ذاكرت كل شهر 4 ساعات هقفل المنهج

ممكن لو فى تانية بقى .. او فى اجازة اخر السنة بتاعت اولى اذاكر تانية

احفظلى كام كلمة انجليزي على القواعد على النحو كله و البلاغة و يبقى كويس جدا جدا

مهاب احمد محمد

20-01-2014, 11:32 PM

ازاى احفظ كلمات الانجليزى ومنسهاش

الواحد لازم ينسي علشان يتعلم وانت لما تنسي كلمه وتيجي تفتكرها تاني هتثبت اكتر بس ده بيجي بالتدريب يعني ايه برضك يعني انت حفظت كلمات شابتر 1 وسمعتها وضبطها تعلم علي الكلمات اللي وقفت معاك جامد وانت بتحفظ وتيجي لما تاخود شابتر 2 وترجع تحفظه قبل لما تحفظه تسمع كلمات شابتر 1 وتدخل في 2 وتعمل نفس الكلام هتقولي الكلمات اللي معلم عليها دي لازمتها ايه بقي اقولك في اخر السنه انت ممكن ترجع تسمع كل الكلمات وتركز جامد علي الكلمات اللي وقفت معاك جامد واعرف انك في العلم طول ما انت ماشي في الحياه لو موقفتش حاجة معاك اعرف انك مش بتتعلم لانك لو بتتعلم صح اكيد هيقف حاجه معاك لانها هتبقي جديدة وتعرف ان دي بدايه النهايه حط الكلمه دي مخك وده الحل الوحيد لكلمات الانجليزي وحب الانجليزي

ahmedelfangary

21-01-2014, 09:17 AM

ازاى احفظ كلمات الانجليزى ومنسهاش

الكتابة .. في قول بيقول لليد ذاكرة .. لانك لو كتب الكلمة عدد من المرات لحد ما تحفظها .. ان شاء الله مش هتنساها .. واوعى تحفظ شفوي .. لان الشفوي مش مفيد وهيروح بسرعة ..

son470508165410

19-02-2014, 02:00 PM

ahmedelfangary

19-02-2014, 08:41 PM

السلام عليكم
انا في تانيه ثانوي
والسنه الجايه ثانوية عامه
انا خايفه اوووووووي منها
لاني طول عمري كنت منهج سعودي
وهو مش قوي زي المصري
فمعنديش حتته الجديه
واني اقعد ع الكتاب ساعه كامله وده مش هينفع في الثانوية العامه
فايه راي حضرتك
تنصحني بايه
وانا نفسي ادخل كليه طب
ومعلش سؤال ايه اللي ممكن اعمله
اول ما اخلص من تانيه
او حتى دلوقتي

ولا تخافي ولا حاجة احنا مش رايحين نحارب .. انا معايا اصحاب زيك في الكلية .. وكانو كده .. بس هما عملوا ايه .. اول ما نزل في الاجازة راح خلص المنهج كله .. او على الاقل خمس مواد .. ولو هتتعبي اتعبي اربع شهور زيادة .. وجابو درجات حلوة وهما معايا في طب دلوقت .. وانك تقعدي على الكتاب دي حلها الجدوال وسياسة الثواب والعقاب ..