بسمه امل [الأرشيف] - بوابة الثانوية العامة المصرية

Mustafa Aboalwafa

06-01-2014, 09:13 PM

السلام عليكم يا شباب الثانويه ..

اخطر حاجه ف ثانويه عامه التوتر المبالغ فيه وفقدان الامل وديه بتعمل مشاكل لناس كتير وانا من خلال اللى شفته السنتين اللى فاتت ان فيه ناس بتبقي مذاكره ومخلصه كل حاجه وبتحس انها مش عارفه حاجه لدرجه انى اعرف ناس كانوا بييجوا يطبقوا ليله الامتحان ويبقوا مخلصين المنهج كذا مره وقلقانين وميناموش وللاسف بيروحوا الامتحان ميعرفوش يحلوا بسبب التوتر ..

احنا لسه يوم 6-1 ياعنى انت لو واقع ف حاجات كتير وعندك عزيمه قويه هتلمها بسهوله بس ابدا بقي ..

حدد دلوقتى انت حلمك ايه ؟؟
حلمى انى ابقي (مهندس_دكتور _محاسب _اعلامى _محامى)
حددت خلاص اقتنع بكده خد قرار ع نفسك انك تحقق حلمك ..اكتب من دلوقتى ورقه ع مكتبك واكتب البشمهندس / فلان ...الدكتوره /فلانه ...الاعلامى /فلان

لازم تقتنع ان مفيش حد احسن منك وان لو حد عرف يعمل حاجه فانت برضه تقدر تعملها ..

خلى الدافع ليك انك تفرح اهلك وتخليهم فخورين بيك..

حاجه اخيره كنت بعملها وممكن تكون السبب انى دخلت هندسه القاهره ..حاول توازن بين كل المواد ..مينفعش تركز ع ماده واحده وتسيب بقيه المواد ..ايه فايده انك تقفل فيزيا ورياضه وعلم نفس وتنقص جامد ف العربي والانجليزى ..ادى كل ماده حقها ..انا مقفلتش ف السنتين ولا ماده غير علم النفس ونقصت كل ماده تانيه نص درجه وف الاخر جبت 98 ونص ودخلت اللى انا عايزه

لا تيأس، فعادة ما يكون آخر مفتاح في مجموعة المفاتيح هو المناسب لفتح الباب.

جنان دعوية

06-01-2014, 09:42 PM

Mustafa Aboalwafa

06-01-2014, 09:58 PM

:) والله الواحد بيكون عنده أمل بس بيحبط لما ميكونش عارفه يذآكؤ حاجه وتكون صعبه انها تتفهم او تتجاول مع العقل , ف بنحس انا صعب نوصل وليه انا واشمعنا انا ؟؟ ده بصدق الِ معظم الطلبه بتفكر فيه وانا منهم ..
سعات بيكون عندى عزيمه وهمم تهد جبآل وثقه عاليه ف النفس طبعا بعد الثقه والتوكل على الله ..
يعنى اكيد فى ناس عقليتها افضل , بحاول وبقع وبحاول وبقع بردوآ :( يعنى مش عآرفه امته هقف واثبت واحس انى هجيب واوصل لهدفى وادخل الكليه الِ بتمنآها .. انا مش طالبه م المتفوقات المعروفين انا حد عآدى جدا مستوآيا م بين 80 - 85 % .. عندى حلم وهدف وبسعى لتحقيقه لكن كتير من الاوقات العزيمه بتتهد والثقه فى النفس بتنكسر ..انا مقتنعه جدا ومتيقنه ان ربنا مش هيضيع تعب حد وان انا هنجح بتوفيقه مش بمذآكرتى لكن الشيطآن مش سايبنى وبيحبطنى ويخلينى اقعد افكر كذاا....كذاااا ,, بحب جدا اشوف نمآذج من الطالبات الِ دخلو طب وصيدله و.. و.. الخ بجد ببقى فخوره بيهم ونفسى اكون فخوره بنفسى واكون زخر لابى وامى واكون سبب سعآده ليهم .. انا وآلدتى بتقولى نفسى الناس تقولى ي ام الدكتوره :( والله والله انا بذاكر لله اولا وبنيه انى اسعد امى وابى وانى اخدم دينى ..

بصي يا دكتوره فيه حاجات ف المناهج هتلاقى اسئله للمتفوقين والكلام ده انا عن نفسي مكنتش بهتم بيه وناس كتير كانت بتشغل نفسها ف حاجات صعبه وبيصعبوا ع نفسهم ..هتلاقى ناس نوابغ ف الكيميا والفيزيا بس ده مش هيفرق معاكى ..انتى بمذاكرتك هتقفلى الفيزيا ومتتاثريش بحد لان فيه ناس بقصد او بدون قصد بيبقى همهم انها تحبطك انا كنت بشوف الناس بتجيب ف امتحانات الدروس 60 من 50 ف الفيزيا وانا كنت باجيب 40 مشغلتش نفسي بيهم ..شغلت نفسي بهدفى ازاى اوصله وبس وف الاخر الحمدلله جبت فيه 49 ونص وهما جابوا 49 ونص برضه :d

قلتى انك بتحاولى بتحاولى وتقعى ومش عارفه امتى هتقفى ...احنا لسه ف شهر 1 ولسه هتقعى كتير ومينفعش تيجى دلوقتى وتحبطى ..اعملى اللى عليكى وخليكى واثقه انك هتقفي قريب والاحلى من كده انك حاطه نيه لنفسك انك تفرحى اهلك وتخدمى دينك وده دافع كويس ليكى

يوما ما ستحلو الحياه يا دكتوره

جنان دعوية

06-01-2014, 10:10 PM

بصي يا دكتوره فيه حاجات ف المناهج هتلاقى اسئله للمتفوقين والكلام ده انا عن نفسي مكنتش بهتم بيه وناس كتير كانت بتشغل نفسها ف حاجات صعبه وبيصعبوا ع نفسهم ..هتلاقى ناس نوابغ ف الكيميا والفيزيا بس ده مش هيفرق معاكى ..انتى بمذاكرتك هتقفلى الفيزيا ومتتاثريش بحد لان فيه ناس بقصد او بدون قصد بيبقى همهم انها تحبطك انا كنت بشوف الناس بتجيب ف امتحانات الدروس 60 من 50 ف الفيزيا وانا كنت باجيب 40 مشغلتش نفسي بيهم ..شغلت نفسي بهدفى ازاى اوصله وبس وف الاخر الحمدلله جبت فيه 49 ونص وهما جابوا 49 ونص برضه :d

قلتى انك بتحاولى بتحاولى وتقعى ومش عارفه امتى هتقفى ...احنا لسه ف شهر 1 ولسه هتقعى كتير ومينفعش تيجى دلوقتى وتحبطى ..اعملى اللى عليكى وخليكى واثقه انك هتقفي قريب والاحلى من كده انك حاطه نيه لنفسك انك تفرحى اهلك وتخدمى دينك وده دافع كويس ليكى

يوما ما ستحلو الحياه يا دكتوره

انا بذاكر الحمدلله وبفضل الله عمرى مقفلت ابدا فى ماده :d
بس الحمدلله انا راضيه وبحسن من نفسى اكتر ..
المذاكره مش وحشه المشكله هنا فى تنظيم الوقت اصلا انا بذاكر عشوائى
واكتر مواد بذاكرها الى بحبها ,, المواد الرخمه بركنها ع جنب كده وبعدين ابقى افتحها :excl:
عارفه ان ده غلط لكن النفسيه مبتبقاش قابلاها اصلا ..
وبحاول احب الماده عشآن تحبنى
نيجى لتنظيم الوقت .. انا بنام 6 سعات وفى اوقات بنام 8 وبتوصل ل تسعه
مبعرفش اذاكر الا بليل متأخر فى الهدوووووء وبعد الفجر بردو .. باقى اليوم ف النهار ده ضايع خالص حتى لو فاضيه معرفش اذاكر ممكن اتسلى واحل فى مسائل او نظرى لكن كمذاكره معرفش

ahmedelfangary

06-01-2014, 10:20 PM

انا بذاكر الحمدلله وبفضل الله عمرى مقفلت ابدا فى ماده :d
بس الحمدلله انا راضيه وبحسن من نفسى اكتر ..
المذاكره مش وحشه المشكله هنا فى تنظيم الوقت اصلا انا بذاكر عشوائى
واكتر مواد بذاكرها الى بحبها ,, المواد الرخمه بركنها ع جنب كده وبعدين ابقى افتحها :excl:
عارفه ان ده غلط لكن النفسيه مبتبقاش قابلاها اصلا ..
وبحاول احب الماده عشآن تحبنى
نيجى لتنظيم الوقت .. انا بنام 6 سعات وفى اوقات بنام 8 وبتوصل ل تسعه
مبعرفش اذاكر الا بليل متأخر فى الهدوووووء وبعد الفجر بردو .. باقى اليوم ف النهار ده ضايع خالص حتى لو فاضيه معرفش اذاكر ممكن اتسلى واحل فى مسائل او نظرى لكن كمذاكره معرفش

هوا المزاكرة في الليل وبعد الفجر كلام سليم .. انتي يتقولي انك بتحلي مسائل في النهار .. طيب قسمي المواد بحيث تزاكري في الليل وتحلي في النهار والنظري خليه في النهار .. وبالنسبة انك تزاكري المواد اللي تحبيها .. ده بحد زاته غلط .. طيب لو سالتي نفسك سؤال .. على افتراض انك بتكرهي الاحياء .. وتحبي الكيميا
هتسألي نفسك سؤال : مش هيا الاحيا ب 60 زي الكيميا .. يبئى لازم لازم لو زاكرت كيميا ساعتين ازاكر احيا ساعتين لانهم من نفس الدرجة وهكذا .. وبالنسبة لحبك للمزاكرة ده شيء كويس مع ان معظم الطلاب يفتقدوه .. ولازم تعملي جدول وتمشي عليه .. والنوم ست ساعات كفاية زائد ساعة ونص في النهار .. يعني اليوم كله سبع ساعات ونص .. وعلى فكرة الزيادة عن سبع ساعات دي ارهاق لا اكتر .. وحاولي تتقربي لربنا اكتر .. وحاولي تكثري من قراءة القران لانو بينظم الوقت .. وده حقيقي .. انا كنت بقرا بين كل مادة ومادة ربع تقريبا .. واحرصي على السنن ..
الله يوفقك وتحققي حلمك ..
دعواتك

Mustafa Aboalwafa

06-01-2014, 10:20 PM

تنظيم الوقت ده مشكله حاولى تعملى جداول مع انى جربت انى اعمل جداول ومعملتش منها اى حاجه غير حاجات بسيطه بس مع مرور الوقت هتعرفى تنظمى وقتى بس حاولى متزاكريش المواد اللى انت بتحبيها بس وتحبى بقيه المواد عشان كله هيكمل بعض ف الاخر ...انا مكنتش بحب اى ماده غير العربى والرياضه بس كنت مضطر اذاكر كله :d

ولما تيجى تذاكر شوفى اكتر طريقه بتحبى تذاكرى بيها انا عن نفسى مكنتش بعرف اقعد اذاكر مره واحده كنت بقرا الدرس ع السريع واحاول افهمه واحل عليه شويه ووقت تانى ارجع اذاكره ببقى عارف معظم الحاجات عشان قريتها قبل كده واخلص واحل ولما يبقى فيه امتحان اراجع عليه ولو ناقصانى حاجه فيه اذاكرها ..انتى حاول تشوفى لنفسك طريقه بتحبيها وتمشي بيها

جنان دعوية

06-01-2014, 10:26 PM

هوا المزاكرة في الليل وبعد الفجر كلام سليم .. انتي يتقولي انك بتحلي مسائل في النهار .. طيب قسمي المواد بحيث تزاكري في الليل وتحلي في النهار والنظري خليه في النهار .. وبالنسبة انك تزاكري المواد اللي تحبيها .. ده بحد زاته غلط .. طيب لو سالتي نفسك سؤال .. على افتراض انك بتكرهي الاحياء .. وتحبي الكيميا
هتسألي نفسك سؤال : مش هيا الاحيا ب 60 زي الكيميا .. يبئى لازم لازم لو زاكرت كيميا ساعتين ازاكر احيا ساعتين لانهم من نفس الدرجة وهكذا .. وبالنسبة لحبك للمزاكرة ده شيء كويس مع ان معظم الطلاب يفتقدوه .. ولازم تعملي جدول وتمشي عليه .. والنوم ست ساعات كفاية زائد ساعة ونص في النهار .. يعني اليوم كله سبع ساعات ونص .. وعلى فكرة الزيادة عن سبع ساعات دي ارهاق لا اكتر .. وحاولي تتقربي لربنا اكتر .. وحاولي تكثري من قراءة القران لانو بينظم الوقت .. وده حقيقي .. انا كنت بقرا بين كل مادة ومادة ربع تقريبا .. واحرصي على السنن ..
الله يوفقك وتحققي حلمك ..
دعواتك

انا بفضل الله خآتمه القران وبقرب من ربنا اكتر كل يوم عشان دا واجب عليا مش عشان المذاكره بس ,, انا بقرأ فعلا القران ممكن ربعين او ربع فى اليوم وفى اوقات بيبقى كل يوم وده للاسف ناتج عن ضيق وقت وكسل بمعنى اصح ... انا ع لسانى الاذكار دايما :d:d عشان اعرف انها سبب للرزق وان ربنا يفتح عليا .. بالنسبه للجدول وكده انا عملت قبل كده جداااااااول مش جدول وبمشى عليه فتره وبعدها مش بنتظم بسيبه :o .. هحاول اثبت ع س ساعات نوم واقلم نفسى عليهم فتره عشان اتعود وكده ... :)

جنان دعوية

06-01-2014, 10:42 PM

سمسمه الشطوره

07-01-2014, 02:30 AM

جنان دعوية
انا عاوزة اقولك ان انتي نسخه مني انتي قولتي كل اللي انا عاوزة اقوله وانا حاسة بيكي اوي اوي ربنا يوفئك يارب ويوفئني انا كمان ونقدر نوصل لحلمنا :)

جنان دعوية

07-01-2014, 01:18 PM

جنان دعوية
انا عاوزة اقولك ان انتي نسخه مني انتي قولتي كل اللي انا عاوزة اقوله وانا حاسة بيكي اوي اوي ربنا يوفئك يارب ويوفئني انا كمان ونقدر نوصل لحلمنا :)

:) .. اكتر الطلاب كده يارب يوفقنا يااااااااااارب
وحلمنآ يتحقق :*

amir alromansia

09-01-2014, 12:41 AM

Mustafa Aboalwafa

10-01-2014, 04:05 AM

المشكلة عندى ان انا بذاكر كتيير جدا وباجى فى الامتحان بلاقى نفسى انقص جامد
فا للاسف ده عملى احباط السنة دى
اذاى : انا بعد اقول انا لو مهما ذاكرت مش هجيب درجة حلوة وبردوا مش هعرف ادخل كلية حلوة
المشكلة التانية ان انا اكتشفت ان قدراتى ضعيفة
اذاى : ان انا فى الدرس الاستاذ يعد يشرح السؤال مرة او مرتين وبعدين يدى مسالة زمايلى كلهم يحلوها وانا انسى اذاى هو شرحها
ويمكن انا كل الحجات ال واقعة منى دى حاجات جيت اذاكرها ما فهمتهاش او ما اعرفش ايجت اذاى
وده طبعا حاجات بتخلينى اياس ومعرفش اعمل ايه...

بص ياسيدى ..بتذاكر كتير اوى وبتنقص جامد برضه ..يبقي غالبا طريقه مذاكرتك غلط ..قولي طريقه مذاكرتك ف كل ماده ؟؟..وخليك متاكد انك لو ذاكرت بطريقه صح هتجيب درجات حلوه

حوار القدرات :متحاولش تقارن نفسك بحد ..ركز ع نفسك ومستواك انك تحسنه وطالما انت بتتعب خليك واثق ان ربنا عمره ماهيسيبك وهينولك اللى انت عايزه ..

انا عن نفسي مكنتش بعرف احل حاجه من المسائل اللى بيديها وهو ف الدرس اعتمادا ع شرحه ..كان لازم اروح البيت واذاكر لوحدى الدرس كويس عشان اعرف احل

الياس خيانه

رآجيه رضآ الله

10-01-2014, 01:17 PM

:) والله الواحد بيكون عنده أمل بس بيحبط لما ميكونش عارفه يذآكؤ حاجه وتكون صعبه انها تتفهم او تتجاول مع العقل , ف بنحس انا صعب نوصل وليه انا واشمعنا انا ؟؟ ده بصدق الِ معظم الطلبه بتفكر فيه وانا منهم ..
سعات بيكون عندى عزيمه وهمم تهد جبآل وثقه عاليه ف النفس طبعا بعد الثقه والتوكل على الله ..
يعنى اكيد فى ناس عقليتها افضل , بحاول وبقع وبحاول وبقع بردوآ :( يعنى مش عآرفه امته هقف واثبت واحس انى هجيب واوصل لهدفى وادخل الكليه الِ بتمنآها .. انا مش طالبه م المتفوقات المعروفين انا حد عآدى جدا مستوآيا م بين 80 - 85 % .. عندى حلم وهدف وبسعى لتحقيقه لكن كتير من الاوقات العزيمه بتتهد والثقه فى النفس بتنكسر ..انا مقتنعه جدا ومتيقنه ان ربنا مش هيضيع تعب حد وان انا هنجح بتوفيقه مش بمذآكرتى لكن الشيطآن مش سايبنى وبيحبطنى ويخلينى اقعد افكر كذاا....كذاااا ,, بحب جدا اشوف نمآذج من الطالبات الِ دخلو طب وصيدله و.. و.. الخ بجد ببقى فخوره بيهم ونفسى اكون فخوره بنفسى واكون زخر لابى وامى واكون سبب سعآده ليهم .. انا وآلدتى بتقولى نفسى الناس تقولى ي ام الدكتوره :( والله والله انا بذاكر لله اولا وبنيه انى اسعد امى وابى وانى اخدم دينى ..

عندي نفس المشكله بس انا بقا بهرب بالنوم :(
وبقعد اعمل في جداوول للوقت وانظم واجيب اسئله المدرسين اللي مش باخد عندهم دروس من اصحابي وارتب اني هذاكر اكتر من ماده في اليوم يعني انهارده مثلاً مكنش عندي دروس ابداً روحت سهرت بالليل شويه ودعيت ربنا قبل ما انام اني منامش كتير زي كل يوم نمت 5 ساعات الحمد لله (مقارنه باللي كنت بنامه ) ولما صحيت حددت اني هذاكر من كذا لكذا احياء ومن كذا لكذا هحل امتحانات معايا للجيلوجيا ومن كذا لكذا هذاكر شويه في الانجليش طلعت من ده كله بفصل في الوراثه :(

الموضوع ده بجد تاعبني اني بقعد احدد كتير واللي بنجزه قليل اوي
وحته اني اكتب علي المكتب دكتوره فلانه او اي عبارة تشيجع
فعلاً عملتها بس معرفش ليه نتائجها جات معايا بالعكس كنت كل لما بشوفها بحس بضغط ورعب اني لسه قدامي مذاكره كتير واحنا في شهر 1 وشلتها :(

جزاكم الله خيراً وجعله في ميزان حسناتكمـ

هاوى إبداع

10-01-2014, 01:39 PM

موضوع رائع جدا
من اول سطر لاخر سطر
اتمني ان الكل يحقق احلامه

كامل خميس

10-01-2014, 06:11 PM

theprincemoh

11-01-2014, 12:09 AM

Mustafa Aboalwafa

11-01-2014, 06:04 AM

عندي نفس المشكله بس انا بقا بهرب بالنوم :(
وبقعد اعمل في جداوول للوقت وانظم واجيب اسئله المدرسين اللي مش باخد عندهم دروس من اصحابي وارتب اني هذاكر اكتر من ماده في اليوم يعني انهارده مثلاً مكنش عندي دروس ابداً روحت سهرت بالليل شويه ودعيت ربنا قبل ما انام اني منامش كتير زي كل يوم نمت 5 ساعات الحمد لله (مقارنه باللي كنت بنامه ) ولما صحيت حددت اني هذاكر من كذا لكذا احياء ومن كذا لكذا هحل امتحانات معايا للجيلوجيا ومن كذا لكذا هذاكر شويه في الانجليش طلعت من ده كله بفصل في الوراثه :(

الموضوع ده بجد تاعبني اني بقعد احدد كتير واللي بنجزه قليل اوي
وحته اني اكتب علي المكتب دكتوره فلانه او اي عبارة تشيجع
فعلاً عملتها بس معرفش ليه نتائجها جات معايا بالعكس كنت كل لما بشوفها بحس بضغط ورعب اني لسه قدامي مذاكره كتير واحنا في شهر 1 وشلتها :(

جزاكم الله خيراً وجعله في ميزان حسناتكمـ

من المشاكل برضه انك ممكن تكونى بتعملى جداول مبالغ فيها فمش هتعرفى تخلصيها فياما تعملى جداول مناسبه ليكى ياما تعملى جدول اسبوعى وتقولى لازم ابقى مخلصه كذا خلال الاسبوع ده ..

طبيبعى يبقى فيه ضغط عليكى عشان بالنسبه لك الثانويه العامه ديه مفترق طرق وعشان اكيد عايزه تفرحى والدك ووالدتك فده طبيعى بس ده المفروض يديكى دافع انك تجتهدى اكتر عشان ميتقلبش توتر زياده عشان التوتر ده ممكن يخليكى ماتعرفيش تذاكرى

لسه قدامك مذاكره كتير واحنا ف شهر واحد ..ده الطبيعى عند كل الناس ان هيبقى عندك حاجات كتير مخلصتيهاش ومحتاجه تخلصيها وحاجات كنتى سايباها وعايزه ترجعيلها..متقلقيش نفسك ادكتوره

Mustafa Aboalwafa

11-01-2014, 06:14 AM

شكرا جزيلا لك يا بشمهندس
وبما أن حضرتك كنت فى علمى رياضة
أنا أكتر مادة بكرهها فى حياتى هى الرياضة ومصبر نفسى عليها بالعافية
بس برده بحل عليها بس من كتاب المدرسة وشوية مسائل اللى جاءت فى الامتحانات سواء ازهر أو عام
هل كده صح وازاى اقدر ازاكر الرياضة وقت أكبر وبالذات الهندسة والميكانيكا

بص فيه ناس هتقولك مادام بتكره الرياضه ايه اللى دخلك علمى رياضه

انا مش هاقولك كده طبعا لانها مابتتحسبش بالطريقه دي بتتحسب بانك عايز تطلع ايه عايز تطلع مهندس يبقى تاخد الطريق ده هتقولى بكره الرياضه عادى ديه مشكله جاتلك ف طريقك ولازم تعديها عشان توصل للى انت عايزه وان شاء الله بعد كده محدش يلعب ف دماغك ويقولك مانت هتخش هندسه هتلاقى رياضه ..انت فعلا هتخش هندسه هتلاقى رياضه وفيه اقسام مفيهاش رياضه كتير فمتوجعش دماغك انت بتحب ايه وبتكره ايه..ماكيد انا كنت بكره الفيزيا مثلا ونص طلبه مصر بتكرهها بس هو ده الطريق الوحيد..

تذاكر الرياضه ازاى ؟؟

تابع مع المدرس اللى انت عايزه وحل كتير وحاول تعمل ملخص نظرى للقوانين وانواع المسائل قبل ماتحل واهم حاجه تحل امتحانات السنين اللى فاتت ديه اهم حاجه
الهندسه الفراغيه ...لماهتحل امتحانات هتلاقى نفسك حفظت النظرى والاثباتات
الميكانيكا ...حل مسائل كتير واهم حاجه تقسم المسائل لانواع هتسهل عليك

Mustafa Aboalwafa

11-01-2014, 06:21 AM

انا دخلت علمي رياضة حبا في الرياضة والهندسة بالذات
لكن بعد شوية الاستاتيكا حسيت اني بضيع حبة بحبة (خلصت الجبر والتفاضل والتكامل تمام الحمد لله - ماعدا التطبيقات والمعدلات الزمنية (بنت ****)
لكن مقداميش حل تاني غير الرياضة (لاني مبعرفش احفظ ابدا)
لو كنت دخلت احياء كنت هجيب فيها صفر بمعني الكلمة
ربنا يوفقنا عشان اليومين دول مبذاكرش ومش عارف اذاكر خالص
اقصي حاجه تلت ساعات
بقالي اسبوع ع الحال ده
والمدرسين عندنا متأخرين كلهم في المناهج
كلهم هيخلصوا علي اخر شهر 3 واللي هيخلص في نص 3 واللي شكله مش عايز يخلص اصلا

الاستاتيكا قسم المسائل لانواع وبعد كده حل هتسهل عليك جدا وحاول تبدا تحل امتحانات فيها وف الفروع اللى انت خلصتها من دلوقتى هتفيدك جدا

التطبيقات والمعدلات الزمنيه ديه بتبقى عقده التفاضل :rolleyes:
بس انت ذاكرها وحل عليها ممكن تلاقى نفسك نسيتها ..
بكره عليك امتحان عليها ...تراجعها تانى من الاول
هتحل الامتحانات ...هتراجعها لحد ماتحفظ
وحاول تعملها ملخص نظرى لانواع المسائل اللى بتيجى

واى درس يضايقك ف الرياضه اعملها ملخص نظرى قبل ماتحل

المدرسين هيخلصوا متاخر عادى مفيش مشكله هما عارفين بيعملوا ايه مادام عندهم خبره بس لازم تبقى مذاكر الجزء اللى انت مخلصه ومراجعه كويس عشان الوقت ميضايقكش ف الاخر

وحاول ترجع تذاكر تانى بقى وهما كام شهر وتخلص وترتاح ف حياتك :giljotiiniug3:

كامل خميس

11-01-2014, 10:44 AM

بص فيه ناس هتقولك مادام بتكره الرياضه ايه اللى دخلك علمى رياضه

انا مش هاقولك كده طبعا لانها مابتتحسبش بالطريقه دي بتتحسب بانك عايز تطلع ايه عايز تطلع مهندس يبقى تاخد الطريق ده هتقولى بكره الرياضه عادى ديه مشكله جاتلك ف طريقك ولازم تعديها عشان توصل للى انت عايزه وان شاء الله بعد كده محدش يلعب ف دماغك ويقولك مانت هتخش هندسه هتلاقى رياضه ..انت فعلا هتخش هندسه هتلاقى رياضه وفيه اقسام مفيهاش رياضه كتير فمتوجعش دماغك انت بتحب ايه وبتكره ايه..ماكيد انا كنت بكره الفيزيا مثلا ونص طلبه مصر بتكرهها بس هو ده الطريق الوحيد..

تذاكر الرياضه ازاى ؟؟

تابع مع المدرس اللى انت عايزه وحل كتير وحاول تعمل ملخص نظرى للقوانين وانواع المسائل قبل ماتحل واهم حاجه تحل امتحانات السنين اللى فاتت ديه اهم حاجه
الهندسه الفراغيه ...لماهتحل امتحانات هتلاقى نفسك حفظت النظرى والاثباتات
الميكانيكا ...حل مسائل كتير واهم حاجه تقسم المسائل لانواع هتسهل عليك
شكرا جزيلا على ردك
بس في حاجة يمكن حضرتك فهمتها غلط
فى الازهر معندناش علمى رياضة وعلمى علوم عندنا هو قسم واحد

RAiN

12-01-2014, 08:44 AM

RAiN

12-01-2014, 08:47 AM

RAiN

12-01-2014, 08:53 AM

اه معلش نسيت
انا النحو ضايعه فيه خااااااالص ومش عارفه ايه
ضيعه فيه بجد

والنجليزى انا مش حافظه كلمات كتيييييييير
وخايفه من التراجم جدا

بول كل يوم هحفظ كلمه وكده بسس للاسف مش بحفظ حاجه

صيدلاني المستقبل

13-01-2014, 03:19 PM

اه معلش نسيت
انا النحو ضايعه فيه خااااااالص ومش عارفه ايه
ضيعه فيه بجد

والنجليزى انا مش حافظه كلمات كتيييييييير
وخايفه من التراجم جدا

بول كل يوم هحفظ كلمه وكده بسس للاسف مش بحفظ حاجه

ابدئى حلى كل يوم قطعة وياريت تكون من امتحانات السنين اللى فاتت لأنك لو خلصتيها حتعرفى تجوبى على كل القطعة طبعا انتى حتحلى النهارده قطعة حتغلطى فيها تروحى جايبه كراسة وتسميها كراسة النحو يعنى مثلا غلطى فى كلمة قاطبا تكتبى فى الكراسة ملحوظة قاطبة تعرب حال وهكذا وكل يوم قبل ما تنامى تقرأى الملاحظات دى او ممكن قبل ما تحلى القطعة بتاعت كل يوم وربنا يوفقك
وحاولى كل يوم تحفظى 10 كلمات يعى لوانتى مشغوله خالص احفظى 10 كلمات بس

صيدلاني المستقبل

13-01-2014, 03:24 PM

ولازم يكون عندك ارادة وافتكرى لاتؤجل عمل اليوم الى الغد وتبعى مع مدرسينك من اللحظة دى ومتنميش غير لما تخلصى حاجتك واكتر حاجة 8 ساعات اكتر من كده حيبقى يومك كله خمول وكسل

Yasmeena.R

13-01-2014, 11:01 PM

اه معلش نسيت
انا النحو ضايعه فيه خااااااالص ومش عارفه ايه
ضيعه فيه بجد

والنجليزى انا مش حافظه كلمات كتيييييييير
وخايفه من التراجم جدا

بول كل يوم هحفظ كلمه وكده بسس للاسف مش بحفظ حاجه

انا المشاكل الاولى واقعة فيها وبحاول اخلص منها وان شاء الله البشمهندس يرد عليكى رد شافى

اما بقا مشكلة النحو مجربة معايا انا اول السنة كنت ناسية النحو ومش مركزة فيه

واستشرت استاذ ياسر هنا ع المنتدى

قلى انى اذاكر درس من ملخص الامتحان او اى ملخص عندك لان احنا عندنا منهج النحو كله تقريبا واحل عليه

وكمان احل قطعة كل يوم من القطع بتاعة الامتحان ال100 قطعة

بصراحة عملت زى مقال مستوايا في النحو على خالص وبقيت مركزة فيه ومش شايلة همه خالص الحمد لله جزاه الله خيرا استاذ ياسر

فانصحك انك تعملى كدا وهتلاقى مستواكى على خالص في النحو

ولو عايزة تحسى ان النحو سهل تبصى على امتحانات الثانوية تاخدى نظرة وتعرفى بيجى ايه فيه وتركزى على اللى بيجى عشان تلمى النحو كله

اما الانجليزى شوفى عندك ملزمة نحو او حتى كلمات اللى من ورا في سربرايز انا برضه معنديش حصيلة كبيرة بس بدأت اننى احفظ صفحة كل يوم

عارفة هتقولى انى ممكن اعمل يوم وانسى بعدها وتروح الايام اقولك حاجة عملتها وانا بصراحة لقطها من واحد هنا معانا طالب انى احلف على نفسى

حلفت على نفسى لازم احفظ كل يوم صفحة ومن ساعة محلفت على نفسى وانا مقدرش يعدى اليوم وانا محفظش الصفحة اللى عليا كلها

فدا ممكن يلزمك وان شاء الله خيرا

Mustafa Aboalwafa

14-01-2014, 10:08 AM

موضوع جميل وجه فى وقتوا صراحه
طيب ياجماعه انا بقيت بصحه على الساعه 12ر او 1 كده
بس للاسف بيضيع الوقت منى مش عارفه فى ايه
وبكون فى قمه الخمول والكسل
يعنى ان ذاكرت 3 ساعات يبقى ربنا كرمنى
المهم ان الخمول بيخلينى مش مركزه خالص
لانى دايما بنام اكتر من 10ساعات هههههههه
بحب النوم
فعنت بنام 5 بس
يلا بدى النصيحه

بصي هو كل واحد ليه فتره ف اليوم بيعرف يذاكر ويحصل فيها اكبر قدر من المعلومات ياعنى فيه ناس بتحب تذاكر بعد الفجر وانا جربت المذاكره بعد الفجر فتره واليوم بيبقى طويل وبيبقى عندك وقت تذاكري ...

فيه ناس تانيه بتفضل سهرانه لحد الفجر وتنام بعده وبرضه جربت الطريقه ديه ومكانش عندى مشاكل ف حوار الوقت

فانتى شوفى ايه اكتر وقت بتبقى مركزه فيه وحاولى تذاكرى فيه وحاولى تقللى ساعات نومك خليها من 6-8 ساعات لا اكتر ولا اقل ..حاولى تجربى تقولى لاى حد ف البيت يصحيكى الساعه كذا وميسيبكيش غير لما تصحى وان شاء الله هما هيقوموا بالواجب :)

Mustafa Aboalwafa

14-01-2014, 10:12 AM

اه وكمان فى مشكله غبيه اوى بتوجهنى
انى دايما الحجه اللى مش بذاكرها بدخل الامتحان بلقيها
واول مبشوفها وافتكر انى كسلت اذاكرها بباه فى قمه الغضب
من صغرى
لدرجه انى بقيت بحس ان ربنا بيقولى
علشان تجيبى الدرجه الحلوه والعاليه لازم مستبيش سطر

اعلم ايه

ممكن يحصل الكلام ده ف امتحانات الحصص والشهور ف الدرس انما امتحانات الثانويه العامه انتى لازم تبقى داخلاها مش سايبه حاجه ف المنهج الا وانتى عارفاها ..

واعتبرى ديه حاجه ايجابيه ..انتى ذاكرتى الدرس عشان عندك امتحان بكره وسيبتى جزء صغير ..رحتى الامتحان لقيتى الجزء اللى مذاكرتهوش ...هترجعى تذاكريه ويبقى انتى كده قفلتى الدرس ومع الحل الكتير والامتحانات وحل امتحانات السنين اللى فاتت هتلاقى نفسك عارفه كل حاجه ان شاء الله :d

Mustafa Aboalwafa

14-01-2014, 10:22 AM

اه معلش نسيت
انا النحو ضايعه فيه خااااااالص ومش عارفه ايه
ضيعه فيه بجد

والنجليزى انا مش حافظه كلمات كتيييييييير
وخايفه من التراجم جدا

بول كل يوم هحفظ كلمه وكده بسس للاسف مش بحفظ حاجه

النحو حاولى تحلى قطع كتير وتحلى الامتحانات اللى فاتت ف النحو وتعرفى شكل القطعه بييجى ازاى وف القطعه تقرى القطعه مره ع الاقل قبل ماتبداى تحلى الاسئله هتسهل عليكى جامد وانا برضه كنت بكره النحو بس اهتميت بيه فتره وبقى من احسن الحاجات اللى بحلها بقيت بخش ع اى قطعه اعربها كلها وان شاء الله انتى برضه هتبقى كده ولو عندك اى مشكله ف اى درس نحو تقدرى تقوليها وانا او اى حد عارفها هيحاول يحلهالك :d

الانجليزى : حاولى تحفظى كلمات كتير زى مانتى عايزه بس برضه عايز اوضح نقطه ف مذاكره الانجليزى :
نص الناس بتبقى فاكره انها لازم تبقى عارفه كل كلمه ف القطع وكل كلمه ف الترجمه عشان تعرف تحل ..لا طبعا الكلام ده غلط ..الاحتمال الكبير انهم ممكن يجيبلك قطعه متعرفيش منها الا كام كلمه فهتتوترى ع الفاضي ومتحليش مع انك لو بصيتى ف اسئله القطعه هتلاقى الاسئله بالنص من الاجابه وسهله جدا

الترجمه برضه ممكن تعتمد ع انك تتوقعى الكلمات اللى مش عارفاها ...جالك جمله وعايزه تترجميها ..وانتى مش عارفه كلمه او كلمتين هتحاول تجيبيهم من سياق الجمله نفسها اهم حاجه متسيبيش مكان فاضي لاى كلمه مش عارفاها وحاول تشوفى الامتحانات ف القطع والترجمه وتتوقعى وتجربى :d

عبير الجوري

14-01-2014, 10:31 AM

موضوع رائع
أريد أن أسأل ما هو افضل كتاب مراجعة نهائية في الإنجليزي
يكون فيه امتحانات الثانوية العامة السابقة باجابتها
انتظر الرد وشكرا

Mustafa Aboalwafa

14-01-2014, 10:43 AM

موضوع رائع
أريد أن أسأل ما هو افضل كتاب مراجعة نهائية في الإنجليزي
يكون فيه امتحانات الثانوية العامة السابقة باجابتها
انتظر الرد وشكرا
بالنسبه لىا السنه اللى فاتت كان كتاب المعاصر افضل كتاب مراجعه نهائيه هتجيبه وتحلى فيه واهم حاجه تحلى ال6 امتحانات اللى ف ال workbook وهتلاقيهم باجابتهم وتشوفى امتحانات اخر السنه بس مش متاكد متجاوبين ولا لا ان شاء الله حد يفيدك لو فيه الاجابات او لا او تروحى المكتبه تسالى عليه وتبصي عليه وتشوفى فيه الحلول ولا لا وانا ان شاء الله هاحاول اتاكد برضه :D

كامل خميس

14-01-2014, 10:51 AM

ايه أحسن كتاب فى الرياضيات
وهل فى كتب مراجعةنهائية

Mustafa Aboalwafa

14-01-2014, 10:54 AM

ايه أحسن كتاب فى الرياضيات
وهل فى كتب مراجعةنهائية

انا كنت جايب كتاب المعاصر وكان كتاب مليان امتحانات واهم حاجه ف الرياضه انك تحل امتحانات السنين اللى فاتت :d

كامل خميس

14-01-2014, 10:56 AM

طب 100% حضرتك متعرفش اذا كان كويس ولا لا

Mustafa Aboalwafa

14-01-2014, 10:58 AM

طب 100% حضرتك متعرفش اذا كان كويس ولا لا

اه هو كان فيه ناس كتير اعرفهم جايباه واقوله عليه كويس بس انا الصراحه مجربتوش ومشوفتوش بنفسى بس اللى اعرفهم قالوا عليه كويس برضه :d

عبير الجوري

14-01-2014, 11:11 AM

بالنسبه لىا السنه اللى فاتت كان كتاب المعاصر افضل كتاب مراجعه نهائيه هتجيبه وتحلى فيه واهم حاجه تحلى ال6 امتحانات اللى ف ال workbook وهتلاقيهم باجابتهم وتشوفى امتحانات اخر السنه بس مش متاكد متجاوبين ولا لا ان شاء الله حد يفيدك لو فيه الاجابات او لا او تروحى المكتبه تسالى عليه وتبصي عليه وتشوفى فيه الحلول ولا لا وانا ان شاء الله هاحاول اتاكد برضه :D

شكرا علي الرد