خايف يوم أصحي.. وأفتح الشباك.. مالاقيش مصر ( على سلامه [الأرشيف]

اوركيديا

24-07-2008, 07:59 AM

يمكن كتير ميعرفوش مين على سلامة!!!!!!!!!
ميهمش اتولد امتى عاش فين درس ايه..... المهم انه شاعر انسان هتعرفوه لما تقرأوله .....
لو بتحب بيرم التونسى لو بتعشق صلاح جاهين لو بتموت فى الابنودى ما تترددش!!!!

فانا _بإذن الله _ححط اشعار ليه كل فتره كده
و انا متاكده انه ان شاء الله حيعجبكو

نبدأ بقى مع :
1-خايف أصحى مالاقيش مصر
-------------------------- ----

ساعات بقلق بالليل
يعني بالليل شوية كده
قبل الفجر
حسب الظروف كده
بعد العصر

خايف يوم أصحي..
وأفتح الشباك..
مالاقيش مصر

ألاقيها لمت هدومها ومشيت
لمت هدومها
علي نيلها
علي هرمها
وطفشت
وحلفت ميت يمين ماهي قاعدلنا
ماهي زهقت..
تعبت..
إتخنقت
أصلنا زودناها..
أكننا استعمرناها..
ورثناها

مصر البنوتةالحلوة
اللي زي القمر
بقت عجوزة وشايبة
وبان عليها الكبر

خايف يوم أصحي..
وأفتح الشباك..
مالاقيش مصر

C A N D Y

24-07-2008, 08:03 AM

كدا حتطيها من ورايا:mad:
بس بردو رديت اول واحدة:p
بجد جميييلة كتييير يا قمر
و ميرسى بجد ع التوبيك
و بدام متابعاه اوى كدا
ممكن تجمعيله اشعاره كلها فى مكان واحد و تبأى تهديهمله:D
يلا عايزة اشوف اللى قلتيهملى ع الميل كلهم هنا لانهم بجد جمال كتير
ربنا يوفقك:)

اوركيديا

24-07-2008, 08:07 AM

طويب يلا نكمل و سيبكم من (بريشيوس )دى خالص
مصر و الكاميرن

بقول لهم
مين الي بيعيط بحرقه ده؟؟
قالو لي
مواطن اتصور وهو بيضرب!!
قلت لهم
ومين الامور الي بيضحك ده؟؟
قالو لي
ده واحد عمل شوية كوارث وهرب!!
قلت لهم
والدنيا عتمة هناك كده ليه؟؟؟
قالو لي
دي حتة جديدة بتتخرب!!
قلت لهم
ومين الحاوي الي بيتكلم ده؟؟
قالو لي
ده الوضــــع بيتقـــلب !!
قلت لهم
وايه الهيصة دي الي في الساحل الشمالي؟؟
قالو لي
دي البقــــــــرة بتتحــلب
قلت لهم
وانتو قــــلقانين كده ليه؟؟
قالو لي
اصل بنلاعب الكاميرون وخايفين
نتغـــــــــلب

ناقص حته

ناقص حتة
وكل ماوزن القي لسه
ناقص لي حته
احط حته
تقل حته
واجيب قميص
تضيع جاكيته
واعيش لي ساعة
تفوتني ستة
وكل ما اوزن
القي ناقص
اقول بناقص
لو هي حته
اتاري لسه
ولسه تأخد سنتين وحته
وحاجات تسبني
وحاجات تاخدني
وحاجات تخبط
في كل حته
واقول فايوم هانفرح
فايوم هانفرح
ويوم مانفرح يفضل حته

عيرة

الشعر عيرة والكحل عيرة
والورد فوق الخد
ولحد الضفيرة عيرة
الصبر عيرة والضحك عيرة
والفرح والأحزان كمان وحاجات كتيرة
حتى الحنان جوه البيوت
حتى الكلام...حتي السكوت
حتى الهتاف جوه المسيرة برضه عيرة
حيرني حيرة
بقينا ليه حبة حاجات
قمصان بدل على بالونات
ما بقيتش شايف إيه اللي جاي وإيه اللي فات
ما بقيتش افرق
ده أزرق ده ولا أحمر رمادي
ودي كارثة ولا ده وضع عادي
وده طفل ولا راجل عجوز
وده إيه ده راخر
جايز يجوز
نعسان ده ولا ساكت وساير
بردان ده ولا ده دور وداير
وده إحنا ولا الكل حاير

اوركيديا

24-07-2008, 08:11 AM

مِيدان الجيزة

ضَيعّت شوية سنين كدة ...

بَحب من بعيد لبعيد...

والحكاية مقّضيّانى ...

ومبسوط وراضى وسعيد ...

أفرح بأى حَاجة ...

واستنى هدُوم العيد ...

وبَعدين ضَيعّت شوية سنين ...

نفسى أبقى أشطر واحد فى الكيميا ...

مع أنى مش فاهم ميدان الجيزة ...

والحياة رغم قسوتها ...

شايفها لذيذة ...

وضيعت شوية سنين بقى ...

نفسى أعدَّى اختبارات الكورة ...

فى النادى الأهلى ...

واشتغل فى وكالة ناسا ...

وابقى واحد من العلماء المهمين ...

وبعدين ضيعّت شوية سنين ...

منتهى أملى كرسى فاضى ...

فى أُتُوبيس تلات خَمسات ...

عين الصيرة أم المصريين ...

وضيعّت شوية سنين ...

عايز أفهم الفرق ...

بين النّكسة والهزيمة ...

والاحترام وقلة القيمة ...

وأبقى نجم سيما ...

م المشهورين ...

وبعدين ضيعت شوية سنين ...

واقف عند نظرية المؤامرة ...

لـا عارف اعيش ف الزمالك ...

ولا راضى أعيش فى غمرة ...

ومش عارف لية الحشيش ممنوع ...

مدام مصرحين بالخمرة ...

وياترى بقى أتجوز ...

واحدة بيضة ولا سمرة ...

ولا اسأل فيها ...

رجال الفتوى والدين ...

وضيّعت شوية سنين ...

مركز ف السّيراميك ...

والبيبان والشبابيك ...

وألوان الحيطان ...

وده بيج وده سن فيل ...

والموضة الأصفر ...

وقشر الموزة ...

وضيعّت شوية سنين ...

لا انا بحر ولا نيل ...

حاجة كدة بعيد عنك ...

ملهاش عُوزة ...

ولمّا بقيت كام وخمسين ...

لقيتنى لسّه ...

بَحَب من بعيد لبعيد ...

وبرضُه مش فاهم ...

مِيدان الجيزة ...

بص .. حا أقولك ...

بص .. حا أقولك ...
م الأخر ...
أنا عندي عربيه ...
مركبتهاش …
ومعايا فلوس ...
مكسبتهاش ….
وجوزوني بنت حلوة ...
محبتهاش ….
وإشتريت بدلة جديدة ...
ملبستهاش ….
كسرت الحمام وغيرتة
محستش بأي إنتعاش ..
خدت بعضي علي جنب ...
وكان يوم حر ... رطوبة ...
وقولت لروحي ....
إيه ياعم ...
إنت طوبة .....
قاللي لأ ....
يا صحبي دي حسبة ...
ومحسوبة …
أنا أصلي زمان .....
لمست قلبي ..
غنوة حب جميلة ... جميلة
لكن يا خسارة ...
محضنتهاش

SENDRILLA

24-07-2008, 06:09 PM

رائع يا اسدات
بجد تحفه اوي وان شاء الله هنستني منك كل جديد
هتابع الموضوع اوعي تقلشيه هاه:D
ولا احسن تعتزلي زي ما بتقولي :rolleyes:
مستنيين منك كل جديد حبيبة قلبي:)
بس جامده اوي بتاعت ميدان الجيزه دي
شكله كان شارب حاجه وهو بيكتبها:D

اوركيديا

24-07-2008, 07:07 PM

الحمد لله اتنين شجعونى
و الحمد لله الاتنين اصحابى المهم
نكمل
مطلوب عروسة

مطلوب عروسـة طيبـة
ومتعلمة ومؤدبة
ومؤمنة بالقضـاء والقـدر
سـنها من سـني
أصغـر أو أكـبر مـنى
مـش ها نختلـف
المهم ما بتعر فش تطـبـخ
عشـان مش ها قدر أجيـب
أي حاجة تنفـع للطبيــخ
وتكون بتحـب القـراءة
وتـهـــوى الرحـــلات
وتـعشـق السـفر
مش عضـو في أي حـزب
وطبعاً عارفـة إن الكـذب حرام
بتحـب الكــوره
مهمـومة بالـدوري العـام
وملفـوفة القـــوام
حلـوة وزى القمـــــر
شـعرها ناعــم حـــرير
ملهاش أي مصلحـة
ف شـارع القصر العيـني
أو مجمـع التحـــــريـر
وفاهمة كويس ميدان الجـيزة
مش متابعة جلسات مجلس الشعب
ولا بتسمع البيـان الخـتــامي
لأي مؤتمــر
وتكون من عيـلة
بـتـشــتري راجـل
لا عايــزة شـبكة ولا مهـر
وأنا بقي
خبـرة ف المرمطـة
وجميـع أشـكال القـهــر
مواطـن من إنتـاج مناهـج
وزارة التربية والتعليم
ثانوية عامـة
النظـام القـديم
أيام الأرنب الغضـبــان
و الخـس والجرجـــير
وزى النسـمة والله
يعني تعتبرني من دلوقتي
مش موجود
لا .. حـس .. ولا ... خـــــبر
بـس مخي نضـيف
وعـاقـل ورزيـــن
وعنـدي شـوية نظــر .
رغـم إني يـامـا إتزحـلقت
لكن لسـه بفـرح بالمطــر
على فكــرة .
أنا حاجـز شـقة بحـري
أربعــين مــتر
أخـر طريق الواحــات
بس لسـه مـا حـطــوش
الأسـاس
عشـان تقريبـا مش لاقيين الحجر..

مــــــــــــــــــرايا

قلت أبص ف المرايا ..
يمكن أكون إحلويت ..
فضلت داير أبص ..
مخلتش ولا مرايا ف البيت ..
في الحمام ف الأودة ف دولاب ..
أو متعلقة ع الحيط ..
شوفت ..
سكت شويه ..
وبعدين إتخضيت ..
معقول أنا قضيت العمر ده كله ..
وزي ما روحت زي ما جيت ..
معقول أنا عمري مافكرت ولا إتغيرت ولا حبيت ..
وإزاي ساكت علي روحي ده كله ..
وليه إستنيت ... !
يا ريتني ما كان عندي مرايا ..
وياريتني ما بصيت ..

اوركيديا

24-07-2008, 07:09 PM

الواد ابنى ابو لسان طويل

الواد ابنى ابو لسان طويل
قالى
يعنى سافرت يا بابا واتغربت
مشوار طويل
وف الاخر راجع..
ف شارع متفرع من شارع
وشقه فى الدور الرابع..
ودولار نزل طالع...
وشويا حاجات..
دكان مستنى التراخيص..
ومكنسه على خلاط
وكمبيوتر مش نافع...
من الاخر معرفتش تتصرف..
مقدرتش تقول
لاء
مش مسافر...
.....
منين الكحه دى يا بابا...
دى عمر..!!
ولابرد...
ولا سجاير..!
.....
انت عارف يا بابا انا بقالى اد ايه بستناك؟؟

ايه يا بابا
انت هاتعيط ....
ده انا كنت بهزر معاك...
كنت بهزر معاك

بَوّابةْ تَفتِيشْ...

بَوّابْة تَفتيش عَلَى بَابَكْ....

كُل ما احَاولْ أعَدَّى تَزَمَّرْ...

وبْتْشَرَّطْ...

وَبتْتْأمَّرْ...

أرَجَع أدَوَّرْ تَانى وأدُوَر...

وكُل ما عَدَّي بَرْضُهْ تزمَّرْ...

طَب آدى السَّاعَةْ...

وآدى حَزَامي...

وآدى بطاقتي...

والنَضَّارَةْ...

وآدى عنواني...

وكُل حَكَايَتي...

وآدى أَمَارهْ...

حَتَّى الفكَهَّ البَاقْيةْ ف جيبي...

والأشعار...

والَمْحفَظةْ مَفيْهَاشْ غِيرْ صُوْرتَكْ...

ليلْ ونْهَارْ...

كُلْ هَدُوْمي...

زَى مَّا نَازَلْ منْ بَطْن أمي...

من غيرْ حَتَّى وَرَقةْ تُوَتْ...

وكُل مَافُوتْ...

الَبوابَّةْ بَرَضَكْ بِتزَمَرْ...

ولما لَمَحنْى...

واحد طَيبْ م الُحراَس...

وقَاللي اسْمَعني يا ابْن اَلَناسْ...

إرْمي الحتَّة الحلوةْ ف قَلَبكْ...

وعَدى...

والبَوابَة عُمْرهَا...

مَا تْزمَّرْ...

اوركيديا

24-07-2008, 07:10 PM

سلك عريان...

أقولك حكاية...

يمِكن مَتصدقهاش...

النور قاطع ف شارعنا...

من سنين ولسّه مجاش...

عارف ليه...

آه والعيش والملح...

زى ما بقولك كده...

ودوَّرنا كتير مخلَّيناش...

وملقيناش...

غير سلك عريان مكشوف...

واقف ف العتمة مكسوف...

ساكت آه...

لكنَّه مبينساش...

لمَّا الماسورة اتخرمت...

وربطناها بحتة قماش...

ولكل جرح بينزف...

شوية بن...

ولو البن غالى بلاش...

إيه ياعم...

إحنا كل ده ف ميدان التحرير...

لسَّه متحركناش....

آه والعيش والملح...

msamido

25-07-2008, 01:42 AM

بجد موضوع جامد يا asdat
انا كنت سمعتله كام حاجه وكان عاجبنى اسلوبه اوى
وانتى هنا جمعتى اكتر من عمل جديد عليا
انا متابعك لو عندك جديد
ياريت تنزليه
تسلمى يا asdat

بورسعيدى

25-07-2008, 02:05 AM

نفس اسلوب نجم وجاهين

جميل جدا

كملى واحنا متابعين

اوركيديا

25-07-2008, 05:32 AM

بجد موضوع جامد يا asdat
انا كنت سمعتله كام حاجه وكان عاجبنى اسلوبه اوى
وانتى هنا جمعتى اكتر من عمل جديد عليا
انا متابعك لو عندك جديد
ياريت تنزليه
تسلمى يا asdat
شكرا كتير هلى الرد عشان انا كنت فعلا بدات اياس ان محدش عارف (على سلامه)او حتى مهتم انه يعرف
و الحمد لله عندى حاجات كتير ليه
و ان شاء الله يكون منها الجديد عليك

نفس اسلوب نجم وجاهين

جميل جدا

كملى واحنا متابعين
هو فعلا اسلوبه قريب منهم بس مش عارفه ليه انا معجبه بكلامه اكتر منهم
انا بحس ان الشاعر المنفرد دة 80 مليون بيتكلموا ..بيتكلم بلسان الشعب المصرى كله..
قدرته غريبة...
و انا ان شاء الله حنزل دلوقتى حاجات تانيه
و الحمد لله ان شخصيه زى حضرتك متابعه معايا
يلا فى رعايه الله

اوركيديا

25-07-2008, 05:35 AM

بِيوُتنا...

بِيُوتنا واسْعَةْ وِضقْةْ...

عصَافير كِتير...

ولا يُوم صَحيت م الزَقْزقَةْ...

بحلَمْ بعِيشَةَ محنْدقةْ...

وسْط البَرَاح...

لو كان صَحيح...

الحُزن رَاح...

طَب ليه الجراَحْ...

لسّه فَ عيونَا مخَنْدقَهْ...

بيَوتْنا أسَْمنَت...

وزَلط وِحِيطَانْ....

وبَس...زِى الآسِى....

متَرصَّصة..

مِرصُوصَة رَصْ...

دَار النَهار...

من داَرلدارْ...

طَبل وزَمر...

قال ْ وسار...

ولا حد حَسْ...

سَلَطَةْ

أحْلامْنا سَلَطَةْ...

وكَلامْنا سَلَطَةْ...

والعشق وَرطَةْ...

غِلط غلْطَةْ...

كأَنَى ماشى من غيرْ دِماغى

كأْنى أقف أدَّن فَ مالَطةْ...

سَلَطَة...

وتَملىِ خَسْ وجَزَرْ...

ناديتُه لَكن راح واعتذَرْ...

أَلاقيش مَعاك سنةْ أمل...

ألاقيش مَعاك حَبةْ نْظر...

اليُوم وفاتْ...

وبُكرَه فَاتْ...

مَفْضلِشْ غير...

حَبةَ سُكاتْ...

وتقُولِلى هاتْ...

أحَلامْنا ليهْ...

سَلَطَةْ...

اوركيديا

25-07-2008, 05:37 AM

حَظّك اليوم...

تيجى نحسبها نلاقيها...

إحنا فيها...

لفّ واتفرج معايا...

ع اللى نايم...

واللى صاحى...

واللى طافى النور وصاحى...

واللى بتسليه جراحى...

واللى قال فات الكتير...

واللى طاير...

بس مكسور الضمير...

ع اللى مشغول بالدولار...

واللى ضيّع نص عمره...

فى كام بهيمة وكام حمار...

واللى قال الأرض باقية

واللى طُور مربوط فى ساقية...

واللى لسه قميُصه ناقص زُرار...

وفى ثوانى...

مات كيلانى...

كل واحد فينا قام يحسبها تانى...

اللى نايم واللى صاحى...

واللى بيفكر ينام...

كله قام...

أد إيه ف العمر باقى...

يسوى كام...

أما شاعر بايخ...

جىّ ليه تشعللها نار...

يلّلا نهرب من قساوة الجَدَّ...

ونضيع ف الهزار...

ف العصير والفطير...

واللى لسه قميصُه...

ناقص فيه زُرار...

مش أنا امبارح

مش أنا امبارح
رحت من بيتنا في السيدة
للشغل في حلون
في سبع دقايق
لا شوفت حد زعلان
ولا حد متضايق
والورد إنسان
والنخل متعايق
والناس جميلة مؤدبة
والجو رايق
والدنيا ماشية لوحدها
ولا حد سايق
ومش انا
امبارح برضه
رجعت من الشغل في حلوان
لبيتنا في السيدة
في خمس دقايق
لا حاسس بغربة
ولا شايف غريب
وقلبي ابيض حليب
عندليب
كروان فرحان
شايل ف قلبي وف جيوبي
الفرح أشكال وألوان
وزعت ع الشوارع
والبيوت والجيران
وطلعت البيت
ضربت الجرس
فتحت مراتي وبالأحضان
والعيال كمان فرحانين
ناجحين وجايبين
الدرجات النهائية
من غير دروس خصوصية
قمنا رقصنا وغنينا
واحتفلنا واتغدينا
فضلة خيرك
سمك واستاكوزا
وجمبري م الكبير
وحلينا ب مهلبية
وشربنا الشاي كمان
وفجأة
لقيتني بردان بردان
بصيت لقيت
الشباك مفتوح
ومفيش بطانية
ومراتي جنبي وزي ما هيه
لسة بتعاني من آلام المفاصل
وده اللي حاصل
والحمد لله
على كل شيء

اوركيديا

25-07-2008, 05:39 AM

زَغْزَغْنِى...

يمْكن أضَحَكْ...

يمْكن أفْرَح...

يمْكَن أطلَع...

مِ الَلى أنا فيِهْ...

زَغْزغْنىِ...

يمْكِن أحْلَم...

يمْكَن أقَول اِللى مخَبيهْ...

مِش جَايزْ...

لِسَّهْ الدُنيا جَميلَة بِجَد...

ولسَّه النَاسْ...

فِى الصيِفْ والبَرْدْ...

مِشْ يِمكنْ...

يطْلَعْ فيَّا العيِبْ مِشْ فِيه...

زَغْزَغْنِىِ...

بندق__2007

25-07-2008, 08:35 AM

أشعار جميلة و بيرم كان فنان بجد

ميرسى على الموضوع الجميل يا asdat

S.p.e.C.i.a.L

25-07-2008, 01:25 PM

بجد بجد تحف ثمينة
صحيح أنا مكملتهاش كلها
بس ان شاء الله أرجع وأكملها
شكرا جزيلا يا asdat

msamido

25-07-2008, 03:25 PM

انا عجبتنى اوى السلطة يا سلام لو كان معاها شوية طحينة

شكرا جزيلا يا asdat

اوركيديا

25-07-2008, 08:55 PM

أشعار جميلة و بيرم كان فنان بجد

ميرسى على الموضوع الجميل يا asda
ايوه فعلا كان فنان
بس مش عارفه بحس على سلامه بياثر فيا اكتر
المهم فعلا الاتنين اساتذه

بجد بجد تحف ثمينة
صحيح أنا مكملتهاش كلها
بس ان شاء الله أرجع وأكملها
شكرا جزيلا يا asdat
شكرا شكرا شكرا
و ياريت ترجعى تكمليهم بسرعه عشان ححط حاجات جديده

انا عجبتنى اوى السلطة يا سلام لو كان معاها شوية طحينة

شكرا جزيلا يا asdat
لا احنا حنبقى فى مطعم و الحكايه بقى تقلب سمك و جمبرى
و الحمدلله ان الحاجات عجبت حضرتك

فى رعايه الله

sama_91

25-07-2008, 09:44 PM

انا فعلا كنت متبعاه من ساعه ما كان بيكتب فى جريده الدستور
واستضفته منى الشاذلى
بجد هو شخصيه جميله ومقالاته اجمل
شكراااا ليكى

اوركيديا

25-07-2008, 10:50 PM

دى بأة تحفة ملهاش حل بجد....
بعشقها فظيعة ..
انتوا بتقرولى انا!!!!!!!!!!!!!! بصوا تحت عالجمال..

بـــراءة

بمنتهى البراءة
سألتنى الصغنتوته نور
فى اربع خمس امور
قالتلى بابا يا بابا
مش انت يا بابا
بتكتب اغانى
وتقول اشعار
انا سمعت الشيخ يا بابا
بيقول انك يا بابا
هتروح النار
زى الناس الوحشين
الحراميين الكفار
قوللى يا بابا
يعنى ايه استعمار
يعنى ايه نيل
يعنى ايه هرم
ومين اللى حط النسر ده
فوق العلم
يعنى ايه يا بابا
استفتاء
ويعنى ايه انتخاب
ويعنى ايه حر
ويعنى ايه نصاب
وايه هو ال******
ويعنى ايه اختلاس
ويعنى ايه هجاص
ويعنى ايه خصخصة
وايه هو الدستور
يعنى ايه معارضه
ويعنى ايه مظاهرة
وليه النهارده
خدنا اجازة من المدرسة
قوللى يا بابا
يعنى ايه قهر
وفين بيقع خط الفقر
ويعنى ايه حظ
ويعنى ايه زهر
يعنى ايه يا بابا
حريه
يعنى ايه انسان
وايه هو السرطان
يعنى ايه يا بابا
خربوها
ومين دول يا بابا
ولاد القطقوطه
اللى خربوها
وكنت فين يا بابا
لما خربوها
ومين دى
سماره يابابا
وازاى يا بابا
ضاعت من قلبك
يا بابا
بابا
انت معايا
فيه يا بابا ناس
بتقول كفايه
وفيه عساكر
ماسكين عصايه
وبنات متعورين
وتانيين ماشيين بيضحكوا
يابابا .. هما دول اسرائيليين
قولتلها
نور
ممكن اسألك سؤال
قالتلى
اتفضل يا بابا
قلتلها
هيه قناة سبيس تون
رقمها كام
واخدتها....علشان تنام

sama_91

26-07-2008, 01:18 AM

akeeed gaaaamela moooooooot

اوركيديا

26-07-2008, 02:52 AM

انا فعلا كنت متبعاه من ساعه ما كان بيكتب فى جريده الدستور
واستضفته منى الشاذلى
بجد هو شخصيه جميله ومقالاته اجمل
شكراااا ليكى

akeeed gaaaamela moooooooot
الحمد لله انهم عجبوكى
وهو فعلا شاعر و انسان مميز جدا
و افضلى متابعه ان شاء الله حتلاقى جديد
فى رعابه الله

msamido

26-07-2008, 05:03 PM

جميله جدا جدا جدا
انا كنت سمعتها منه لما استضافوه فى برنامج شبابيك
بس بجد حانجة شكرا ليكى يا asdat

اوركيديا

26-07-2008, 07:32 PM

بحب البرد

بحب البرد

..ويا سلام

..لو حد هرب م الدوشه

..وراح وجابلى ورد

وأموت م الفرحه والدهشه

..

لو كتبت قصيده

وقولتلى حلوه

..قولها تانى

اتنطط زى العيال الصغيره

..

..وأقولك احلف

..والله العظيم

..بتتكلم بجد

..يمكن علشان ايام الفرح قليله

..سهل تتعد

..عارف

.. رغم ان المخازن

.. كل يوم بتتحرق

ومفيش حساب ولا جرد

..

ورغم وجود السيرك

.. والاراجوز

والتلات ورقات

وجوز وفرد

عمرى ما اتمنيت أكون امير

..

أو ولى عهد

...لكنى بحلم بوطن مفيهوش ولا حاره سد

وطن بيفرح بحاجه

غير وصول الاهلى لليابان

...

وحزنه انبل

...م الدموع البلاستيك

..وعمليات التجميل

.. والشفط والشد

..عارف

..رغم انها

.. بتقع

بتغرق

... بتتنيل بستين نيله

لكن جميله

.. عمرها ما ها تنهد

..عشان كده

..انا لسه بحب حاجه

.. ولسه فى قلبى حد

قول كمان

معاك ومعايا
مش فارقة
لا الشعر أصفر
ولا حتي
العيون زرقة
وبنهاتي
وبنطاطي
ولا لسانه عارف ينطق خواجاتي
وإحباطك .. وإحباطي
مدام جينا
وعلي كتفنا تلال الهم والأحزان
نقول كمان
يا طالع الشجرة
هاتلي
معاك إنسان
هاتلي معاك
إسم
تاريخ ميلاد
عنوان
هاتلي معاك
وطن حر
ومواطن مش جبان
وبعدين نبقي ندور
ع اللي ضايع
من زمان

اوركيديا

26-07-2008, 07:36 PM

الْكيِلُوْ تسعينْ

يكُونْ ف عِلْمَكْ...

أنا مُتواضَعْ جِداً....

وِمشْ طالبْ كتيرْ....

يَعنى شَقَة صُغيِرةْ...

ف الكيِِِِِِِِِِِِِِِلُو تِسعينْ...

مَا هى الحَياة مَشَاوِيرْ....

مِشِ شرْط بَقى بتطلْ...

عَلَى جَناين وهَوا وعَصافيرْ...

وبنت حَلالْ ومِش شَرطْ....

زَى اللى ف الكلَيب الأخيِر...

وحِتة مدرسةَ صُغيّرةَ...

أهَى أِلعيال تُفكْ الخَطْ....

ومِش شَرْط لُغات وحرَكاتْ...

وجَغرافيا وتعبيِرْ...

وأدْخلْ القسْم...

أطَلَعْ زِى ماَ دَخَلْتْ...

مُحتْرَم وكبيِرْ....

sama_91

27-07-2008, 01:06 AM

gaaaaaaaaaaaaamden gdn bgd
we ana mtb3aaaaaaaaky

اوركيديا

28-07-2008, 02:32 AM

لو موصوفلك

لو موصوفلك ترجع.....جوة الهيصة
وعيش

لو موصوفلك ترجع....روح ويارايت
متجيش

لو موصوفلك تضحك......اضحك
على أحزانك

لو موصوفلك تعشق...حب واقف فى
مكانك

لو تختار فى زمانك........أحسن
ماتنقيش

لو موصوفلك تحلم....قضى الليل
بردان

واعمل روحك ترتاح....ناسى انك
انسان

لو موصوفلك ترتاح....نادى وقول
يا جراح

ما يغركش براح ساكت ما بيبكيش......
ساكت ما بيبكيش !

جاتك القرف

علي حد علمي
احنا و اسرائيل حبايب
و فيه سلام و ما فيش حرب
طب الظباط و العساكر دول بيعملوا ايه
في ميدان طلعت حرب

ده بنت و ولد نازلين يشوفوا بلوزة تليق ع الايشارب
بيحلموا .. بيغنوا
و احلي ما فـ غناهم انه طالع من القلب

من امتي العشق كان بيموت من الخوف
و منا امتي الحلم كان بيخاف من الضرب

يا كابتن
يا باشا

خليك ابن بلد
هوه انتا ما عندكش اخوات
صبيان
و لابنات

يعني انتوا كل عيلتكوا ظباط
يعني انتوا اصحاب اكاديمية الشرطة
و اصحاب الشوارع
و الميادين
و المحلات
و اصحاب البلد

طيب
طب ان هاخرم من التحرير لدار القضاء العالي
هاكل كشري و اخش سيما
مالك بقي و مالي

معايا بطاقة و خلصت الجيش
بتسمي ده أكل عيش
؟
يبقي عرفتك
طب عريني بقي
فتشني
قطع لي هدومي
و افحصني
و خلصني
لا انت اول و لا اخر واحد

عارف
انا مرة القطر عدي و داسني
و ما متش

عشق الحياة ماهوش ترف
عرفت ايه معني الشرف

جاتك القرق
جاتك القرف

احنا مين؟؟

مَحَدَّشْ فيِْنا قَامْ الصُبْحْ يتمطَّعْ...
وقالْ نِفسىِ أطْلعْ القَمَر...
ولا حَدْ فيِنْاَ بيْغيِرْ...
منْ العَصَافيرْ الحُرةَّ ع الشَّجَرْ...
ولا حَدْ فِينَاَ إنْدَهَشْ م السُؤالْ والخَبرْ...
عايِشينْ بَسْ كدهْ...
عَاَلة ع البَشَرْ...
هىَّ الَمراكِبْ للْهُرُوبْ ولاَّ السَّفَرْ...
لو عِشْنا نَسْتَنى المَطَرْ...
هَنْمُوتْ أَكيْدْ عَطشانينْ...
هوَ إحْنا مِينْ...

أحب العسل ........

واموت فى الكسل

ووقت الازمه اقول فى العشق حكمه ومثل

وبس خلاص

أهجص الاقى ميت مليون هجاص

افكر...... هس.... ولا صوت ولا ناس

لانى كده ثقافه وعلم يادوب فى الفيلم فى الكراس

وراسى زى اكبر راس

مفيش احلام مفيش احساس

اوركيديا

28-07-2008, 02:37 AM

بايظه

بايظة بايظة ..
هي بايظة ...
والنهاردة معدش حد…
بيدي جايزة ..
يبقي أحسن .. خللي بالك ..
انسي همك .. ضغط دمك ..
سيبها ماشية .. بدعوة امك ..
مستحيل يقدر يضمك
حضن خايف ...
وأنت شايف ...
ده اللي لاهي ...
واللي ضايع ف الملاهي…
واللي ساكت بس ساهي ...
واللي حاله زي حالك ..
يعني إيه ..
يعني بايظة

استراحه ع الصحراوى

الجو نار
سايق ومحدش معايا
غيري انا والذكريات
وحبه حاجات
ازازه الميه
ونظره عينيا
اللي شايفها في المرايا
بتبص لي من وقت للتاني بغباء
كانها عارفه الحكايه
او واخده بالها من الطريق
مر السفر من غير صديق
اول شمال احود ولف
الغنوه سكتت
والشريط عمال يسف
وازاي تخف
ياالم من غير جراحه
ادي استراحه
دماغي محتاجه الصراحه
وقلبي محتاج الحنان
ازكن هنا
اشرب ياعم قهوتك
ويالاا علشان
نلحق مكان قبل الغروب
واوعي الردار يسحب
ف لحظه غنوتك
معش فاضل في الطريق
ولا استراحه
هي بايظة ... بايظة .. بايظة

اوركيديا

05-08-2008, 01:39 AM

برضه انا صامدة:mad:

إشرب

عَرْفاكْ.عَرْفاكْ...
هاتلف تلفْ...
وفِى الأخَر جاىْ...
سَمْعاكْ...
بتُقولِ ضُمينى سامْحِينى...
لأ يا حبيبى...
مَبقَاشْ...
عَيَّانْ تَعَْبانْ مَديُونْ ومفلَسْ...
مَا أنا مدَيتْ إيدى للى يَسْوَى...
واللى ما يسْواش...
لاَ عَندى بُنْ...
ولا عِندى قُطنْ...
ولا عِندىْ شَاشْ...
ضَحكُوا عَليك...
وقالُولك خَللى السَلاح صاحىْ...
وهُم طول الليل والنهار نايْمين...
وانت طول عُمركْ...
بِتبيعْ ببِلاش...
اشَْرَب...

حساس أوى

إيه يَعْنِى مَاسُورَة مَكْسُورة...
والميه طَعْمهَا اتغَيّر حَبتّيِن...
مَتِبْقاش حَسَّاسِ أوى كدة..
نحَلل ونشوف فَيْروس كَده...
ولو فيه...
الأعْمَار بِيدَ الله...
واهى ماشَيهَ ومستورة...
وبقالنا سنين بنسدد ف الدين...
إن قصر البنطلون...
هَنْفُكّ التنية...
وإن كان ع الزَكَّة اللى ف رِجلْيِك...
مَانت عَنْدَك رِجْل تانية...
مَتقُولّيش عِينَك بَايظة...
ماهى باينة...
مَتْبقَاش حَسَّاس أوى كَده...

((تحسوا انه محبكها اوى سلامة )):D:D

بورسعيدى

05-08-2008, 03:33 AM

thedreamer33

05-08-2008, 03:13 PM

على فكرة الراجل ده بجد مظلوم تخيلوا بالعظمة دى وماتنشرلوش ولا ديوان لحد دلوقتى
شكرا كتير asadat بجد مواضيعك مميزة جدا

sama_91

05-08-2008, 06:24 PM

gomaaaaal kal3da
thx leky

بنوته مسلمه

05-08-2008, 09:58 PM

جميل خالص بجد
كلماته رائعه
تسلمي يا اسدتي
ومنتظرين المزيد
ربنا يكرمك يا حبيبه قلبي

اوركيديا

05-08-2008, 10:24 PM

حبيبتى ..

زي القرش الأبيض
في اليوم الطين " لا تسبوا الدهر:mad: "
زي آخر رغيف عيش
وآخر إسطوانة أوكسجين
وحبة فرح
من زمان باقين
وحبيبتي
مش عبيطة
لأ .. دي عارفة
ومذاكرة الخريطة
من فوق لتحت
وم الشمال لليمين
وحبيبتي
ما أتلقيتش جنب جامع
يعني معاها شهادة ميلاد
معروف أبوها
وأمها مين
وحبيبتي

رقم ..

إِحْنا...
يَا دُوبْ رَقَمْ...
والمَتش شَغَّالْ...
فاوِلْ مفِيشْ...
آوِتْ مفِيش...
ومَفِيش ضَربِة جَزاءْ...
وكل يومْ مُوضَة...
وكل دقيقَةْ عرَض أزْياءْ...
وكل شئ للبِيعْ...
ومفِيشْ أكتر مِن الأسواق...
إيهْ يعمل الأدبْ...
وإيه تَعمل الأخلاق...
فِى متشْ...
مِن غيرحَكَمْ...

البيانو

جربت تتعشي علي أنغام البيانو
وضوء الشموع
جربت تتكلم مع قلبك
ولو الكلام مش عجبك
تغير الموضوع
جربت تسافر لوحدك
وترجع لوحدك
جربت تبكي من غير دموع
جربت تأجل أفراحك
وسألت نفسك
ليه بنعمل للميت أربعين
وللمولود سبوع
جربت تجري ورا الأتوبيس
أو تجري م الأتوبيس
جربت تقف في طابور
ولما تيجي تحلم
ألف حاجة تقولك ممنوع
جربت الإحساس
إنه ليل نهار عندك وسواس
إن قميصك مكرمش
وفيه زرار ملخلخ
والبنطلون مقطوع
جربت تقول لحد بحبك
عشان بس تكسب ثواب
جربت تاكل من غير نفس
حتي لو كان كباب
وأنت ميت م الجوع
عارف
حلوة أوي ضحكتك
لكنها بتكشفك
وتقول إنك موجوع

اوركيديا

05-08-2008, 10:25 PM

تراب السفر

أنا بان عليا الكبر
واللا تراب السفر
واللا ده شكل الخوف
من غير ونس
ياقمر
أنا بان عليا الزمن
واللا ده رخص التمن
واللا دى غربة روح
وسط الصحاب ياوطن
أنا بان عليا الهوان
واللا ده ايه ده كمان
ودى دموع الفرح
واللا دموع أحزان

إسمه إيه ده

بالصلاة ع النبى
احناعندنا إسمه إيه ده
أحسن واحد يحلل مباريات
يحط التشكيل
الأساسى والبديل
ويقولك إمتى تلعب براسين حربة
وإمتى تلعب من غير راس
ولو ضميرك مش مرتاح
وعندك إحساس
بلاش تشوط ع الثلاث خشبات
وعندنا إسمه إيه ده
أحسن مهندس خبير
بيرمش بس للبير
يطلع غاز وبترول
وينزل دهب م الحنفيات
وعندنا إسمه إيه ده
أحسن سمكرى
فى الثلاثين سنة الأخيرة
نخش من مجرى العيون على عين الصيرة
هاتعرفه من مناخيره
ومن شكل العربيات
وعندنا إسمه إيه ده
مجرم قانون دولى ودستور
وايده خفيفة أوى فى التعديلات
يشيل من هنا ويحط هنا
جواهرجى ياربى
ملقاط
وعندنا إسمه إيه ده
أحسن واحد يحط الفول ع الطعمية
ويعمل سندويتشات
وعندنا إسمه إيه ده
أحسن دكتور
مسالك وعظام وقلب وغرام
من نظرة عينك يعرف كل الحاجات
ولا روشتة ولا إبرة ولا تحليل
ولا إشاعات
وعندنا إسمه إيه ده
أحسن حنوتى آثار
ولا لو جاله برد
أبو الهول يموت
وتنتحر الأهرامات
وعندنا إسمه إيه ده
أحسن كاتب
وأحسن مخرج رقص
وأحسن جزار كوارع وعكاوى
وحلويات
وعندنا إسمه إيه ده
ملوش حل فى الزراعة
فواكه وحبوب وخضراوات
يقول للأرض قمح
تقوله حاضر
ونخبز ونعمل بسكويت
وفينو بسمسم وبقصمات
وعندنا إسمه إيه ده
صاحب القهوة
كلنا نتيتم ونتشرد
لو بعد الشر
زى الناس مابتموت
مات
ياأخى أنا مش عارف
لما احنا عندنا إسمه إيه ده
وإسمه إيه ده
أمال إسمها إيه دى
مصر
مبتتقدمش ليه
وتعبت
وزهقت
وداخت
ولفت السبع لفات

اوركيديا

05-08-2008, 10:35 PM

ولا محبكها ولا حاجه

الراجل مبسط الدنيا جدا

موافق على تلوث مياة الشرب

وكمان موافق على فك تنية البنطلون

وموافق على انه اعور وبيعرج

وموافق على كسر مواسير المياة والمجارى

وفى الآخر نقول محبكها؟؟؟؟

ده شكلة كده من الحكومة

ههههههههههههههههههههههه

والله كل الموضوعات لزيزة جدا

لا مين ده شكل حضرتك مبتقرالوش فى الدستور
ده و انا فى البيت و بقرا بحس بالخوف
يحسن الحكومه تحس بحاجه
بس يلا انا لازم اجيب حاجه عنه هو
بدل الكلام ده

على فكرة الراجل ده بجد مظلوم تخيلوا بالعظمة دى وماتنشرلوش ولا ديوان لحد دلوقتى
شكرا كتير asadat بجد مواضيعك مميزة جدا

هو اللى مش راضى بيقول لازم حد يجيلى انا مروحش لحد
المهم اهو الواحد بيحاول يجمعله حاجاته
و شكرا كتير على البكش ده
فى رعايه الله

اوركيديا

05-08-2008, 10:41 PM

gomaaaaal kal3da
thx leky

شكرااااااااااااااا ليكى انتى
و الحمد لله ان فيه حد متابع

جميل خالص بجد
كلماته رائعه
تسلمي يا اسدتي
ومنتظرين المزيد
ربنا يكرمك يا حبيبه قلبي

شكررررررررررررا
استنى مين دى
اه دى هيومه خلاص انا حسحبها
بس لولا اسدتى دى كنت سحبتها ايوه كده
يلا بس خليكى متابعه

thedreamer33

07-08-2008, 12:22 PM

والله لابكش ولا حاجة انا كل ماقرالك موضوع بحس بالخجل من نفسى من كتر ماهى رائعة

اوركيديا

07-08-2008, 07:44 PM

كيس البرتقان

ملقتش في الشتا ونيس
غير كيس البرتقان
آخد منه و أقشر
و أضحك أحسن ماكشر
و أصدق روحي و أفشر
و أصدق إني باقدر
أفرح زي زمان

و لما خلص البرتقان
راح م المكان الونس
قربت من التليفون
جايز يرن الجرس
لقيتني أنا و روحي
مش مرتاحين لبعض
قلت مش مشكلة
المرة الجاية بقي
أعمل حسابي في قفص
مليان بالبرتقان

محمد ابولبن

07-08-2008, 07:54 PM

asdat
ينفع تاخد الاشعار من على الموضوع بتاعى وتغير العنوان على العموم يا مان مش مشكلة بس عايزك تدخل وتدور هتلاقى اشعار على سلامة وعلى فكرة على سلامة دة شغال فى جريدة المصرى ضيفه ضمن معلوماتك

اوركيديا

08-08-2008, 06:01 AM

ينفع تاخد الاشعار من على الموضوع بتاعى وتغير العنوان على العموم يا مان مش مشكلة بس عايزك تدخل وتدور هتلاقى اشعار على سلامة وعلى فكرة على سلامة دة شغال فى جريدة المصرى ضيفه ضمن معلوماتك
يا ريت حضرتك توضح اكتر عشان صراحه مش فاهمه
و كمان ياريت تغير الصوره الرمزيه للاسف مخالفه
فى رعايه الله

اوركيديا

22-08-2008, 09:58 PM

بما انى عارفاكو متحمسين قوى و خلاص حتموتو لو مكملتش
فانا حتواضع و اتنازل و اكمل
المهم خلاص انا جالى احباط
بس برده حكمل
حمص الشام

يعني أنا مثلا
أبقي قاعد في البيت
بتفرج علي التمثيلية
و بقزقز لب
و بشرب حمص شام
أو بشوف الأهلي و الزمالك
في الدوري العام
أو بفتكر أنا و المدام
أيام الغرام
أو بعمل زي الناس
ما بتعمل في الحمام
يدخل عليا حد
من غير إحم و لا دستور
و يقوللي طبقا للدستور
عايزينك
طب بذمتك و دينك
ده اسمه كلام
معلش أنا بستفسر مش أكتر
علشان لما نروح
نروح و نيجي قوام
طب اشرب الحمص !

msamido

16-09-2008, 01:23 PM

جميله جداااااااا جداااا

ومش عايزين يجيلك احباط ولا حاجه
بجد الراجل ده قصايده جامده جدا

وبجد مشكورة جدا على مجهودك الكبيررررررررررررررررررر
.
.

اوركيديا

19-09-2008, 09:46 PM

جميله جداااااااا جداااا

ومش عايزين يجيلك احباط ولا حاجه
بجد الراجل ده قصايده جامده جدا

وبجد مشكورة جدا على مجهودك الكبيررررررررررررررررررر
.
.

ايه ده حد رد جديييييييييييييييد :d:d:d:d:d:d

هييييييييييييى

انا لسه شايفه الرد ده حالا بالصدفة
لولا كدة انا كنت عملت فرح ان لسه الموضوع ده بيتدخل :d:d:d
تسلم يا أخى
كدة ممكن استمر :lol::lol::lol::lol::lol:

اوركيديا

19-09-2008, 09:47 PM

كنت فين يا على ..

كنت فين يا علي ...
أمك بتدور عليك ...
كنت باحفظ ف الحروف ...
غصب عني و ع الظروف ...
خدوا دوري فى الصفوف ...
وإنتي لسه بتسألي ..
كنت فين يا علي ...
كنت باحلم بالوظيفة ...
والحرير تحت القطيفة ..
الحياة طلعة مخيفة ....
كدبة بنت آرندلي ....
كنت فين يا علي ...
كنت بسأل إيه اللي صار ...
بره جنة .. وجوه نار ...
و عرفت إيه معني إستعمار ...
من غير مدفع ولا عسكري ...
كنت فين يا علي ....
كنت ماشي بدون بطاقة ....
لا عندي شوق ولا عندي طاقة ..
بسألك وبدون إساءة ..
إمتي تاني تنوري ....
كنت فين يا علي

msamido

20-09-2008, 12:30 AM

تقريبا الشعب كله على

شكرا ليكى

وسعيد أنك مستمرة
.
.

mas2000

20-09-2008, 01:10 AM

merci علي هذه الاشعار

اوركيديا

21-09-2008, 07:33 PM

تقريبا الشعب كله على

شكرا ليكى

وسعيد أنك مستمرة
بجد التشجيع ده رفع روحى المعنويه كتير :):)
و ياريت تفضل متابع بدل التانيين دول اللى فلسعوا:rolleyes:

merci علي هذه الاشعار

شكرا لمرورك حضرتك
و تابع معايا

فى رعايه الله

sama_91

21-09-2008, 07:52 PM

بجد قصايده كلها تحفه
وجمييييييييييله جداااااااا
شكراااا ليكى

msamido

06-10-2008, 03:54 PM

هو على سلامه خلص ولا إيه ؟؟

مفيش كمان يا asdat

dr.zomba

08-10-2008, 03:04 PM

mano_m

08-10-2008, 03:39 PM

شكرا جداااااا يا اسدات اشعار جميله خالص

Thanwya Soldier 2009

18-10-2008, 03:10 AM

بيفكرني بالشعر بتاع أشرف عبد الباقي "عادل" اللي في راجل و ست ستات

اوركيديا

18-10-2008, 02:57 PM

بجد قصايده كلها تحفه
وجمييييييييييله جداااااااا
شكراااا ليكى

الحمد لله انها عجبتك
و ان شاء الله تابعى تانى

هو على سلامه خلص ولا إيه ؟؟

مفيش كمان يا asdat
لا فيه شويه تانى
بس هو عطل مطبعى منى :romarioxp6:
شكرا على المرور و المتابعه

فى رعايه الله

اوركيديا

18-10-2008, 03:02 PM

اول مره اسمع عن علي سلامه كانت السنه اللي فاتت في جريدة الدستور

وبعدها بفتره استضافته مني الشاذلي في العاشره مساء

شكرا جدا يا اسدات

انا وصلت لحد استراحه علي الصحراوي وهكمل بعدين ان شاء الله

وان شاء الله متابع معاكي

اها و انا برده سمعت حلقه منى الشاذلى
اشعاره اللى قالها فيها كانت جميله قوى

و كويس ان حضرتك متابع معانا

شكرا جداااااا يا اسدات اشعار جميله خالص
كويس ان الاشعار عجبتك

و تابعى معانا

فى رعايه الله

اوركيديا

18-10-2008, 03:04 PM

بيفكرني بالشعر بتاع أشرف عبد الباقي "عادل" اللي في راجل و ست ستات

ههههههههههههههه
حرام عليكى

على العموم كويس انه عجبك عامه

فى رعايه الله

اوركيديا

18-10-2008, 03:07 PM

الواد ميشو
ابني الصغير
دمه خفيف شربات
من غير ما يقصد
ياما علمني حاجات
معدش بيحب الحواديت
ولا حكايات الشاطر حسن
المهم
بيموت ف الرز بلبن
ويغرق ف البلوظه
قلتله نفسك تبقي ايه
لما تكبر ياميشو
قاللي يابابا نفسي ابقي ....
قلت له لا
دي اتلغت ياحبيب بابا
قالي خلاص
ابقي انا ال ...
قلت له ودي محجوزه
قاللي يابابا ممكن ابقي ....
قلت له ودي للناس المحظوظه
قاللي هوا بقي
يابابا عايز ابقي ...
قلت له ودي محتاجه وقت
وانا كبرت
وامك كمان ست عجوزه
قاللي خنقتني يابابا
تصدق
قلت له جننتي يا ميشو
يا ابني نقي حلم
ينفع يتحقق
قاللي يابابا
بتسالني لييه
طب قوللي انت احلم بايه
وانا اديلك شويه
رز بلبن

Thanwya Soldier 2009

19-10-2008, 12:55 AM

ههههههههههههههه
حرام عليكى

على العموم كويس انه عجبك عامه

فى رعايه الله

على فكرة أنا ولد و اسمي محمد :angry2:
بس المسامح كريم :redface::redface::redface: مش مشكلة

msamido

19-10-2008, 11:27 AM

يا ربنا على الراجل ده لم يرسم حالنا بشوية كلمات بسيطة
وسخرية بلا حدود

شكرا جزيلا على الرز بلبن قصدى على القصيدة
.
.

اوركيديا

21-10-2008, 03:38 AM

على فكرة أنا ولد و اسمي محمد :angry2:
بس المسامح كريم :redface::redface::redface: مش مشكلة

احم
احم احم
معلش فعلا غلط مطبعى و المسامح كريم على رايك :)
المهم يكون الشعر عجبك

يا ربنا على الراجل ده لم يرسم حالنا بشوية كلمات بسيطة
وسخرية بلا حدود

شكرا جزيلا على الرز بلبن قصدى على القصيدة
.
.
فعلا
و هى دى تقريبا اكتر حاجه مميزهلشعره عامه
و العفو :romarioxp6:

فى رعايه الله

اوركيديا

26-10-2008, 12:24 AM

بتنسى يا فارس .....

بتنسى …
يا فارس ..
فلوس المدارس
و كأنك ...
ولا فاكر خالص
ولادك يا اخويا ....
بتدرس لغات ..
ده غير الباصات
وإلا الدروس ..
ها تبعت فلوس ..
بتنسى يا فارس ..
أتارى لأسامة ..
وجزمة سلامة ....
و شنطة منال
ما هم العيال
بتنسي .. يا فارس
قماش الستاير ..
و داير يا قلبى ..
في نفس الدواير ..
وبا ارجع الاقي ..
الصغير ... صغير
ونفس الشوارع ..
بتحلم تغير ...
بتنسي ..
يا فارس ....
في أول أجازة ..
نشوف الأراضي ...
في مصر الجديدة ...
يا إما المعادي ....
ها تنسي ..
يا فارس ....

اوركيديا

26-10-2008, 12:34 AM

خربوها

الأوله آه ....
والتانية … آه
والتالتة ... مفيش
معنديش …
نفس أقول آه ...
معنديش …
قالو ..
إقلعوا … قلعنا
ومفيش ... بتعكوا
وبتعنا …
وصار متاعهم .. متاعنا ..
وألف مرة إتلسعنا ...
و برضك ... مفيش
الأوله …آه
والتانية .. آه
والتالتة ... مفيش ....
قالو إبصموا ...
بصمنا …
ده بكره ... سكر .. وسمنا
سيبنا غيرنا رسمنا
إتقسمنا …
على اد ما فينا من جراح ...
ابتسمنا …
الأولة .. والتانية .. والتالتة
مفيش …
الدنيا هاصت .. وهيصنا ..
ريحنا لما .. تيسنا
تاه الطريق من اتوبيسنا
يئسنا …
لا ... عرفنا ليه قلعنا ...
ولا عرفنا ...
إيه … ليبسنا ...
الأوله والتانية والتالتة مفيش
واهى .. ماشيه تجرى المسائل ..
ولا حد ... سائل ...تصحى مرسى ... ينام وائل
ده انا كنت واد م الأوائل ...
وكنت شاطر ... شطارة ...
وكنت فن .. وعمارة ..
وكنت صاحب تجارة ...
معرفش إيه اللى صابنى ...
فى قلبى ... ضاعت
سمارة ….
خربوها …..
خربوها ولاد ….القطقوطة
لا طرحت باميه ... ولا قوطه
وسابوها فى سرير مربوطه ..
و يا ريتهم طلعم رجاله ...
و يا ريتها .. رايقه .. و مبسوطه ..
خربوها …
دول سرقوا الهوا ... والضى ...
ويا عينى ... عليها بلد ...
يا ريتها ... ما قالت أى ..
ويا ريتها ما جابت ولد ..
خربوها …
دول سرقوا النخلتين .. والنهر
والمدرسة ..
والهندسة .. والجبر
سرقوا الشوارع ... والمعانى
والأغانى …
وسيد درويش .. والريحانى ..
سرقوا ... المشاعر .. والمزاهر
والبخور ...
سرقوا الحزن ...
سرقوا …حتى القبور ...
خربوها …
دول سرقوا الطيب .. والزين
وسرقوا …الكحل من العين
وسابوها .. تاكل بالدين ...
وان يوم أتعدلت ... عواجوها ..
خربوها …ولاد ال ..
خربوها ...
خربوها ولاد
ال ..
.....
:)

msamido

26-10-2008, 11:07 AM

هو فارس فين ؟؟؟
فارس شكله نسى أصلا انه فارس

وبالنسبة لخربوها ولاد ....
دول خدوا كل ما فيها وياريتهم سابوها

شكرا يا أسدات على المجهود الكبير فى جمع قصائد الفنان على سلامه
.
.

اوركيديا

27-10-2008, 01:15 AM

هو فارس فين ؟؟؟
فارس شكله نسى أصلا انه فارس

وبالنسبة لخربوها ولاد ....
دول خدوا كل ما فيها وياريتهم سابوها

شكرا يا أسدات على المجهود الكبير فى جمع قصائد الفنان على سلامه
.
.

الحمد لله ان حضرتك متابع معايا
و ان شاء الله نكمل
بس هو مش تعب قوى انا بس بشوف المواضيع و كده

و ان شاء الله اكمل :)

فى رعايه الله

اوركيديا

27-10-2008, 04:25 PM

تيجي ؟؟

تيجي نهرب
م الحقيقة ..
م الصور ..
من خبر عاجل يخض
تيجي …
لا نفهم
ولا نعرف
ولا نقدر نرد
تيجي
نتعلم سخافة
بشويش كده
بصنعة لطافة ..
وتبقي بياع الكنافة
وأبقي بياع الكلام
تيجي نهرب
م الألم
م الحزن
م الأحلام ....
تيجي نتعلم ننام
تيجي نتباع بكام ..
تيجي
نعمل عملية تجميل
و نشيل .....
ولا حرام
تيجي
نبقي طوب .. خشب .. إزاز
بلاطة جنب بلاطة
تيجى
ننسي بعض ببساطة
وتبقي بياع البطاطا
وأبقي بياع الهوا ...
تيجي ….
سوا … سوا
نهرب
م الأمل
نطلع بطاقة ...
بدون عمل ...
نأجر عجل
نركب جمل ...
تيجي
نبقي ف اللذاذة
وأجيب مصاصة
تجيب بزازة
تيجي نبقي ...
ملناش عازة
زي كل شئ جميل
تيجي
مستحيل
هي كده
وملهاش بديل
تيجي رجلك
تيجي
تهرب بجلدك تنجرح
يوجعك قلبك بجد ...
لا تقبل أي حاجة
ولا تبقي أي حد ....
تيجي ؟؟

msamido

27-10-2008, 08:09 PM

مبقتش عارف اجى فين بالظبط
كلها أماكن نفسى أروحها
ونفسى أهرب منها
ما علينا

شكرا يا أسدات
.
.

HALEEM24

27-10-2008, 09:44 PM

قصائد رائعة جدا

اوركيديا

31-10-2008, 01:38 AM

مبقتش عارف اجى فين بالظبط
كلها أماكن نفسى أروحها
ونفسى أهرب منها
ما علينا

شكرا يا أسدات
.
.

شكرا بجد على المتابعه

قصائد رائعة جدا
شكرا على رايك و المتابعه

فى رعايه الله

اوركيديا

31-10-2008, 01:41 AM

أسكت ياض

قولي يا عبد الجواد

مش إحنا الشعب

وده مثبوت في البطاقة

ومكتوب ف شهادة الميلاد

ولا مصر خلفت ولاد غير الولاد

طيب ليه

كل ما اتكلم واستخدم حقي

يقولولي اسكت ياض

سنين ساكنين

في نفس الحتة الضيقة

نفس الهوا

ونفس الدوا

ونفس الأمراض

على فكرة

مفيش جبنة في التلاجة

ولا خيار

ولا أعياد

مفيش غير فيلم قديم

كل شوية بيتعاد

msamido

31-10-2008, 02:45 AM

بس ياض

شكرا يا asdat مش انتى اللى تشكرينى على المتابعة الموضوع بجد يستحق المتابعة
.
.

اوركيديا

04-11-2008, 12:23 AM

بس ياض

شكرا يا asdat مش انتى اللى تشكرينى على المتابعة الموضوع بجد يستحق المتابعة
.
.

بجد بجد حضرتك متعرفش ازاى بفرح ان حضرتك بتدخل الموضوع
و انا اساسا بكمل فيه عشان حضرتك
بس ياريت فعلا حضرتك تكون مبسوط منه

فى رعايه الله

اوركيديا

04-11-2008, 12:27 AM

فكر يا عبدالجبار..
فكر يا عبدالجبار..
إزاي تبقي واد مشهور
وعليك النور
وف نشرة الأخبار..
أحسن م القعدة ع القهوة
أشتغل ف الفتوي
والطيبين ملايين
والعطشانين كتار..
صحيح إنت جاهل
وإحنا نستاهل
ولسانك منشار..
العب ف الأساس
واخطف ودان الناس
ارمي ف عقولهم قطة
وف قلوبهم فار..
وخدهم معاك فسحة
علي بئس المصير في النار..
بص..
تتكلم عن الرضاعة
يفرحوا الحلوين
المراهقين الكبار..
وخش ع السرير
وفوايد الجرجير
والتوابل
واكسب العطار..
وشوية ف الفن
وبدل الرقص
وإحنا تعبانين
ومليانين نقص
وبالليل غير بالنهار
وإوعي تقلق خالص..
إحنا أحسن ناس بننسي..
وبنسامح الشياطين
والمجرمين الكفار..
يعني جت عليك إنت
يا عم عبدالجبار

اوركيديا

04-11-2008, 12:29 AM

مش غريبة

مش غريبة..
ندفع الأوجاع ضريبة..
قسمي الأحزان شرايح..
عبي دمعي ف الصفايح..
واسألي عمري اللي رايح
المصيبة..
لسه شايلك ف العيون..
أجمل حبيبة..
قولي كذبة..
حبي ليكي يبقي حسبة..
والأماني والهوا..
والشوق بنسبة..
وإنتي عزبة..
للي ماله فيكي حسبة..
المصيبة..
لسه شايلك ف العيون..
أجمل حبيبة..
مين اللي قرر يقتل الحلم..
في عيون كل الطيور..
ليه تسلميني..
من طابور تاني لطابور..
قيدي البخور..
بركات جراحنا المزمنة..
كل الأماني الممكنة..
تبقي يادوبك دمعتين..
فوق صورة باهتة ملونة..
سايبة الجراح ليه تهدني..
إيه فيكي تاني يشدني..
ده أنا اللي حبي عززك..
وإنتي اللي عشقك ذلني..
لسه يا حلوة بتسألي..
بتحبني؟!..
نفسي اشتري..
شبرين في حضنك وارتوي..
فكرك مسافر أغتني..
خدي اللي حيلتي...
الهدمتين والقرشينات..
بس استري عرض البنات..
لو حسينا علي دمنا..
في قلوبنا مات..
لو بكره فات..
وإحنا بياكلنا السكات..
كل الأماني الممكنة..
تبقي يا دوبك..
دمعتين..
فوق صورة باهتة ملونة

dedy_dody

05-11-2008, 05:54 PM

msamido

13-11-2008, 11:59 AM

بجد بجد حضرتك متعرفش ازاى بفرح ان حضرتك بتدخل الموضوع

و انا اساسا بكمل فيه عشان حضرتك
بس ياريت فعلا حضرتك تكون مبسوط منه

فى رعايه الله

ربنا يخليكى يا asdat
وبجد الموضوع جميل جدا وعلى سلامه شاعر يستحق المتابعة بجد

واخر قصيدتين بجد ملهومش حل

عارفه إيه أجمل حاجه فى الراجل ده
إنه بيلمس واقع وبيعبر عن كل القضايا بشكل بسيط وجميل واصل لقلوب كل الناس وعقولها

حقيقى شكرا ليكى وأنا دايما من المتابعين
.
.

اوركيديا

14-11-2008, 12:06 AM

بجد حلو جدا جدا جدا انا عجز كلامى عن التعبير عن الشعر الجميل ده انا حقيقى مكنتش اعرف مين هو الشاعر ده بس عرفته دلوقتى ومستنية اللى جاى وربنا يخليك على الوقت الجميل اللى عيشتنا فيه واحنا بنقرأ هذا الشعر الجميل وربنا يوفقك يارب
شكرا على الرد الجميل بتاع حضرتك
و يا ريت حضرتك تكون من المتابعين

ربنا يخليكى يا asdat
وبجد الموضوع جميل جدا وعلى سلامه شاعر يستحق المتابعة بجد

واخر قصيدتين بجد ملهومش حل

عارفه إيه أجمل حاجه فى الراجل ده
إنه بيلمس واقع وبيعبر عن كل القضايا بشكل بسيط وجميل واصل لقلوب كل الناس وعقولها

حقيقى شكرا ليكى وأنا دايما من المتابعين
.
.

جزاك الله كل خير يا رب
و شكرا كتيييييير على المتابعه :)

فى رعايه الله

أحمد حافظ جلال

14-11-2008, 08:03 AM

بارك الله فيك

msamido

20-11-2008, 10:36 AM

أيه يا asdat مفيش جديد ؟؟

اوركيديا

20-11-2008, 11:00 PM

على سلامة كتب حبة حاجة نقدر نقول عليها سلسلة ..
أسمها آلو ألو ..
من مواقع واماكن كتير
بيجسد فيها مواقف اكتر .. أحوال الشعب ..
جارحة ومؤلمة بطريقة صعبة
أسيبكم معاهـا

اوركيديا

20-11-2008, 11:02 PM

آلو آلو من عربية الإسعاف

الو آلو..
معايا سعادتك..
أنا بتكلم من عربية الإسعاف..
بسيطة يا فندم بسيطة..
والعيش والملح اوعي تخاف..
أنا..
زي الفل بجد..
دوخت شوية..
ووقعت من طولي ع الأرض..
بس ورحمة أمي ما تتخض..
ده أنا عال العال..
زي الورد..
بيقولولي دي جلطة..
بس أنا بقول..
نزلة برد..
إيه يا فندم..
صوتي..
بعيط..
لا أبدا..
دول دمعتين كده من زمان..
جامد يا فندم جامد..
مايغركش شكلي..
ده أنا بس لسان..
أشوف وشك بخير يا فندم..
وربنا يجعلني آخر الأحزان..
آلو.. آلو..
هل تسمعني..
أيوه سعادتك..
لأ يا فندم ده أنا التمرجي..
إيه يا فندم..
مستشفي إيه..
لأ سعادتك..
ده إحنا لسه ف الوراق..
مفيش معانا يا فندم دكتور..
ده أنا وهو والسواق..
لا يا فندم..
ده كان مرمي ع الرصيف..
وجنب منه كام رغيف..
بس باين عليه طيب أوي..
وابن حلال وأخلاق..
عموما متشغلش بالك..
هو زي الفل ورحمة أمي..
يمكن بس من التعب نام..
أو زهق م الكلام..
أو ناوي ع الفراق..
سعادتك قريبه يا فندم..
آلو.. آلو..
تقريباً الشبكة وقعت..
الدوام لله

اوركيديا

20-11-2008, 11:05 PM

آلو آلو هل تسمعنى من هيئة الارصاد

ألو ألو..
بكلم جنابك
من هيئة الأرصاد
حالة من الطراوة سعادتك
بتسود البلاد
حر ؟

بعد الشر يا فندم
ورحمة أمي دي موجة
بس جت بدري شوية
قبل المعاد
يا فندم الجو لطيف
ومن بكرة هانلبس خفيف
صافي يا فندم صافي
بس الرؤية معدومة
إحنا كده يا فندم
أي حاجة نقول الحكومة

المواطن
اسكت اسكت
اتعلم الشقاوة
وبيعمل إضراب
وبيتكلم عن الفساد
وبيقول كفاية
ألو ألو..
أيوه يا فندم
إنت معايا
ألو
يا نهار أسود
ده الموبايل فاصل
هو أنا كل ده بكلم نفسي
يللا بقي كل شيء نصيب

msamido

21-11-2008, 01:44 AM

لسه فى الوهات تانيه يا asdat??

حقيقى مشكوره على المجهود ده
.
.

اوركيديا

21-11-2008, 11:36 PM

آلو آلو من عالحدود

آلو آلو
هل تسمعني
أيوه يا فندم
أنا تقريبًا ف الهو
بكلم سعادتك من ع الحدود
مفيش هنا أي حاجة يا فندم
بس الجودة برضة ف الموجود
لا يا فندم
المواطن هنا
قماشة تانية خالص
لا مدرسين ولا مدارس
ولا أمل ولا وعود
بس ابتسامة الرضا
السعادة كلها بقي
عارف سعادتك الإحساس
بأن الطريق مسدود
أنا
لا يا فندم أنا أعيش
ف أي مكان
أنا ابن ناس ومدلع
سعادتك ما تعرفش
إني آخر العنقود
ماتشغلش بالك
معايا ورحمة أمي
يا فندم كفاية الجو الروحاني
والقمر
والصحرا
يمكن أحتاج بس أجرة السكة
لو فيه نصيب
وهانعود
طب يا فندم
السلام أمانة بقي

اوركيديا

21-11-2008, 11:38 PM

آلو آلو هل تسمعني من البيت

آلو آلو
هل تسمعني
لأ يا فندم أنا مريح شوية
بكلم سعادتك م البيت
حماتك بتحبك يا فندم
بسم الله سعادتك معانا
طب سندوتش صغير
يعني ورحمة أمك إتغديت
يا فندم نبض الشارع واضح
باين ف شكل الغدا حضرتك
سعادتك الطبيخ نفس
مش لحمة وفرخة وسمك
وسمن وزيت
إيه يا فندم
ملوخية بالأرانب
يا ريت سعادتك يا ريت
حمام محشي
سمك مشوي
جمبري
والحلو أم علي
حرام علي سعادتك
إرحمني ريقي جري
أنا خلاص
قفلت الصفحة دي من زمان وانتهيت
طب يا فندم عشان مراتي خايفة ع الكارت يخلص
ورحمة أمي ما قالت حاجة
ده أنا لوحدي اللي حسيت

اوركيديا

21-11-2008, 11:42 PM

آلو آلو هل تسمعن ى من فرح

عقبال أولادك يا فندم..
بكلم سعادتك من فرح هاي هاي..
ف فندق خمس نجوم..
لأ ورحمة أمي..
أنا مش معزوم..
ولا قريب العروسة..
ولا من طرف المرحوم..
أنا جاي مع ابن خالتي..
شاب زي الورد..
بيشتغل ف الأمن..
وخريج علوم..
رقاصة..؟
فيه سعادتك..
بس مؤدبة يا فندم..
وبترقص وهي لبسة الهدوم..
فيه سعادتك حلويات..
وعيش طري..
وبتاع كده بشنبات..
بيقولوا عليه جمبري..
ينقطع لسان الكداب المفتري..
اللي يقول علينا شعب جعان..
أو مش لاقي ياكل..
أو محروم..
طب يا فندم سعادتك سهران شوية..
عشان بس البوفيه خلاص..
والناس إبتدت تقوم

اوركيديا

21-11-2008, 11:48 PM

آلو آلو من الميكروباص

آلو آلو..
أيوه سعادتك
معاك يا فندم
أنا أصلي بتكلم م الميكروباص
زي الفل ورايقة وحلوة الناس
يا فندم انت اللي سعادتك بقيت حساس
هي إيه العبارة
دي معاليك مش زحمة
ده ونس
دي تقريباً مصر كلها
واقفة ف الإشارة
يا فندم قلنا كتير
كل مواطن قبل ما ينزل م البيت
يصلي صلاة استخارة
المواطن
أهو بيضحك قدامي أهوه
وزي الفل ومبسوط
ما هو لما يموت
في ميكروباص ع الكورنيش
أشيك بكتير برضه
من الغرق في عبارة
لأ يا فندم مش أنا اللي بصوت
دي المدام
اللي قعدة قدام تقريباً بتولد
الله أكبر يا فندم هلت البشارة
طول عمرك يا مصر ولادة
وتاريخ
ومجد
وحضارة
بعد إذن سعادتك
الآنسة اللي جنبي يا فندم
تقريباً بتحبني
آه ورحمة أمي
كل شوية تقوللي
دمك خفيف شربات
يا اسمك إيه
يا واد انت
يا سمارة
مع إني أبيض يا فندم
بس ها نعديها سعادتك

اوركيديا

21-11-2008, 11:51 PM

لسه فى الوهات تانيه يا asdat??

حقيقى مشكوره على المجهود ده
.
.

اها لسه فيه شويه تانين كمان

و شكرا لحضرتك بجد على المتابعه

فى رعايه الله

msamido

22-11-2008, 03:12 AM

عبارة ميكروباص قطر؟؟مش هتفرق
كلها وسائل مواصلات إلى الدار الآخرة
.
.
شكرا يا asdat ومنتظر أكمل الألوهات
.
.

أحمـدنجـم

22-11-2008, 12:47 PM

شكراً جزيلاً على هذا الموضوع الأكثر من رائع ..

ellama

22-11-2008, 02:34 PM

جمييييل
بس بعيد الشر علي مصر ان شاء الله هنلاقيها على طول

rona99

24-11-2008, 10:57 PM

بجد موضوع حلو اوى وكلامه جميل جدا ومعبر اوووى وشكرا انك عرفتينا عليه

اوركيديا

25-11-2008, 09:28 AM

عبارة ميكروباص قطر؟؟مش هتفرق
كلها وسائل مواصلات إلى الدار الآخرة
.
.
شكرا يا asdat ومنتظر أكمل الألوهات
.
.

هههههههههه
ما هى فعلا بقت كده و الحمد لله
و ان شاء الله الباقيين يعجبوا حضرتك برده

شكراً جزيلاً على هذا الموضوع الأكثر من رائع ..
الاجمل هو مرور حضرتك فيه
و كمان ان حضرتك عجبك
وان شاء الله تتابع معانا الشويه الباقيين

فى رعايه الله

اوركيديا

25-11-2008, 09:30 AM

جمييييل
بس بعيد الشر علي مصر ان شاء الله هنلاقيها على طول
هههههههههه
ان شاء الله
الحمد لله ان الموضوع عجب حضرتك
و ان شاء الله تتابع معانا

بجد موضوع حلو اوى وكلامه جميل جدا ومعبر اوووى وشكرا انك عرفتينا عليه
كويس ان الموضوع عجبك
و هو فعلا كلامه جميل و معبر عن حالنا
ربنا يحمينا
و ان شاء الله تكونى من المتابعين

فى رعايه الله

اوركيديا

25-11-2008, 09:31 AM

بالغلط

آلو آلو..
هل تسمعني
لا مؤاخذة سعادتك
معلش
أنا آسف ع الإزعاج
طلبتك بالغلط
اتفضل سعادتك
إرتاح
لأ يا فندم ما استغناش
ده أنا كنت بدور علي روحي
لكن ملقيتهاش
زي ما تقول كده جنابك
محتاج أتكلم مع نفسي
لكن لا اسمي متسجل
ولا الرقم مكتوب
اعذرني سعادتك
إن كنت قلقتك
أو صحيتك م النوم
غلطة والله غلطة
أنا كده سعادتك
لكن مين فينا خالي من العيوب
لا يا فندم
أنا كويس ورحمة أمي
يمكن أكون حنيت لروحي
ناويت أتوب
أو حبيت أتكلم مع قلبي
وأقوله سامحني
أنا اللي علمتك
تبيع الورد ف الإشارات
سيبت الدنيا تحدفك بالطوب
وأنا اللي قلتلك معلش
عديها
يا بخت من بات مغلوب
أنا آسف
واعذرني سعادتك
طلبتك بالغلط

اوركيديا

25-11-2008, 09:47 AM

http://www9.0zz0.com/2008/09/16/21/332997221.jpg (http://www.0zz0.com/)

اللى يحب مصر يقول هيييه

استغاثة
إنقاذ
أزمة أمل
وفشل بدرجة امتياز
كلام
جرايد
برامج
دروس مستفادة
صوان عزا
وقهوة سادة
والدوام لله يا أستاذ
تبرعات
أهل الخير
ولو بجنيه
واللي يحب مصر
يقول هيه
ياتري الدموع دي
رحمة
واللا خوف
واللا ابتزاز
ولسه اللي بيته من إزاز
عايش ومزاجه عنب
وبيحدفنا كلنا بالطوب
وتستمر المسيرة
بكل فخر واعتزاز

msamido

25-11-2008, 07:13 PM

الله عليك يا عم على يا مقلب المواجع

شكرا ليكى يا asdat

هانى الشرقاوى

26-11-2008, 08:27 PM

hahaha
That is may happen

** ضي القمر **

28-11-2008, 01:50 PM

تحفة بجد يالولا
جميل خااااااااالص
تسلمى ياقمر

kalabalaemam

04-12-2008, 06:20 PM

يامصر ليه بمدحك وارجع ألوم نَفسى
نفسى فى مرة أشتمك واخالف هوى نَفسى
بحلم أشوفك ستهم واصحى أقول نِفسى
أقوم أمشى فى شوارعك تقوم على نِفسى
قرفان من منظرك وصعبان على نَفسى
لفيت بلاد كتير ورجعت أمنى نَفسى
أشوفك زيهم ؟...ياما كان نِفسى
لو يوم يامصر اكرهك..أحسن لى أموت نَفسى

بقلم العبد لله

kalabalaemam

04-12-2008, 06:23 PM

الأوله فى عشق ترابها...مامليت
والتانية زى جمال نيلها...مالقيت
والتالتة من بعدها...ماحبيت
ياريتك يابلدى تقفى على حيلك ياريت
ونعود نشوفك بعيون صبية الفجرية طالعة الغيط
وتعودى عروسة بكر متزينة فى البيت
.......
لو كنت يامصر كارهك ماكنتش عدت وجيت
ولا همنى أمرك ولا قلت ياخسارة وياريت
ولو يوم يامصر شتمتك يبقى أكيد زليت
ولو لسانى خاننى يبقى على نفسى جنيت
ولو رميتك بعيبة يبقى على أهلى رميت
......
عن عشقك يامصر للعالم حكيت
وفمحاسن شوارعك يابلدى افتريت
كدبت عشانك وبعدين دعيت
يغفر لى ربى مهما اتماديت

بقلم العبد لله

kalabalaemam

04-12-2008, 06:28 PM

مرة أشوفك عروسة...لابسة فستان قطيفة

ومرة أشوف صبية بكر متزوقة ونضيفة

فى عيونى بنوتة حلوة فى مشيتها أليطه

تترفعى عنا وتكرهى الزيطة

....

ومرة أشوفك عجوزة هايمة فى دروبك

شايلة هموم الناس وغارقة فى همومك

متنعكشة ومبهدلة وملخبطة هدومك

بندعى يامصر لينا...ربنا يدومك

....

ومرة أشوفك صورة مرسومة بالزيت

نيل وفلوكة ونخيل وشمس وبيت

مرسوم عليه طيارة وتحتها زرت وحجيت

ياريتك يابلدى تفضلى حلوة ياريت

....

أبعد ما أبعد ولما أشوفك أقول أدينى عدت وجيت

دفعت تمن بعادى وعنك أنا زكيت

بدموعى لما ذكرتك فى غربتى وبكيت

دعيت ربى يردنى وبعدين صليت

أرفع كفوفى واقول يارب احفظها لينا...مش حوفيها حقها مهما حكيت

....

msamido

13-12-2008, 04:34 PM

على فكرة يا kalabalaemam انت ممكن تنزل موضوعاتك بموضوعات باسمك فى قسم ابداعات الأعضاء مش هينفع أعلق على موضوعاتك هنا لان الموضوع ده للشاعر على سلامة

فين يا asdat الجديد
.
..

اوركيديا

16-12-2008, 09:21 AM

عارفه يامه

أنا حاسس إن الموت
ماخدش منك غير الطرحة
والجلابية السودة
ما أنا كل ما عدي جنب الأوضة
أسمع صوتك
وانتي بتضحكي ع الدنيا
وبتدعي لي
روح
ربنا معاك
هاتسافر
وهاترجع مجبور الخاطر
وهاستناك
طب إسندي علي كتفي
بكره تقومي
بكره تخفي
عارف مين يا ابني بيقع ويقوم
أوعي تدور ع الدفا
في فلوس وهدوم
ومتنساش تحوش شوية أصحاب
وافرح أوي لما يدق الباب
وتلاقي حد بيحضنك
لوجه الله
ياه
فاكره يامه لما كنتي
تعملي البصارة
وتدي منها لأبلة سارة
يرجع الطبق رز بلبن
يروح لأم حسن
يرجع صنية بسيسة
تدي منها لخالتي بيسة
ويرجع الطبق مليان حب
معقول كل ده قلب
عارفة يامه
النهارده بقيت بخاف بجد
بخاف من أي حاجة
ومن أي حد
بخاف غصب عني
اتخبط ف حد
لحسن يعملي محضر
ويطلب تعويض
مشيت كتير يامه
بس الفرح لسه بعيد
ياتري لسه بتدعي لي

msamido

16-12-2008, 10:33 AM

وأوعى تدور على الدفا
فى فلوس وهدوم

بجد جميلة أوى أوى أوى أوى
شكرا يا asdat

زهرة البنفسج

17-12-2008, 05:07 PM

جميل جدا يا اسدات بجد رائع كملى انا مستمتعه جدا وانا بقرأه
جزاكى الله كل خير ومستنيين الجديد

اوركيديا

19-12-2008, 01:35 AM

وأوعى تدور على الدفا
فى فلوس وهدوم

بجد جميلة أوى أوى أوى أوى
شكرا يا asdat
الحمد لله ان الحاجات بتعجب حضرتك

جميل جدا يا اسدات بجد رائع كملى انا مستمتعه جدا وانا بقرأه
جزاكى الله كل خير ومستنيين الجديد
شكرا على المرور و الرد
و ان شاء الله اكمل
بس هما عامه قربوا يخلصوا

فى رعايه الله

اوركيديا

19-12-2008, 01:40 AM

الله يرحمك يا سبت

الله يرحمك يا سبت
في كل بلكونة ف البيت
كان السبت المتعلق
ديما ع الحيط
أنزله يرجع بالفول
وعمره يوم ما دلق لي الزيت
وأنزله يرجع جورنان
وأنزله يرجع بالعيش
وأنزله يرجع قمصان
ف وسطهم أفرول الجيش
وأنزله يرجع إنسان
وأنزله يرجع نسمة
وطفل لسه مش طايل
سور الكورنيش
وأنزله يرجع أفراح
يوم النتيجة وزمايلي
وشهادة نجاح
وأنزله يرجع جوابات
وأنزله يرجع حكايات
دقة قلبي
أول مرة قلت أنا حبيت
وأنزله يرجع أيام
وأنزله يرجع أحلام
دلوقتي بنزل أنا والسبت والبيت
ونرجع إيد ورا وإيد قدام
لا فرح معانا
ولا حتي إبرة وخيط

msamido

19-12-2008, 02:56 AM

صعب أوى كلامك علينا يا عم على يا سلامه
رغم إنه واقع وحقيقة
بس دايما بيصدمنى

شكرا يا asdat لمجهودك الرائع

محمد عبد العظيم وسية

20-12-2008, 10:06 PM

أحيييييييييييييييييييييييييييييييييييييييييييييييي يييييييييييييييييييييييييييييييييييييييييييييييك

من كل قلبي ..

وقد ذكرتني بالطبيب الشاعر إبراهيم ناجي الذي هجر الطب بسبب حبه للشعر

وذكرتني بيوسف إدريس الطبيب الكاتب الذي هجر الطب بسبب حبه للكتابة ..

ـــــ

((((((((((( لكن طبعا اوعى يا أخي الطبيب الجريء ............ تسيب الطب علشان الشعر ...

احذر ..

الناس دي سابته زمان أيام الخير ..

لكن الأيام دي الخير اتسرق واتعمل محضر واتقيد ضد مجهول ..

وبرغم اننا عارفين اللي سرقوه ...... لكن كلنا بنقول على طوووووول ..... مجهول .

أصل الحكاية أننا من كتر الدق على الدماغ سيبنا اللحمة الرخيصة وبناكل بمزاجنا طعمية وفول .

ولو حد سألك ان اللي كتب الكلام دا محمد وسية ؟؟؟
............... إياك تقوووووووووووول .

اوركيديا

22-12-2008, 12:32 AM

صعب أوى كلامك علينا يا عم على يا سلامه
رغم إنه واقع وحقيقة
بس دايما بيصدمنى

شكرا يا asdat لمجهودك الرائع

حضرتك اللى شكرا للمرور و الرد اللى كل مره بيثلج صدرى بجد :)
و اهو تقريبا بنخلص فيهم

أحيييييييييييييييييييييييييييييييييييييييييييييييي يييييييييييييييييييييييييييييييييييييييييييييييك

من كل قلبي ..

وقد ذكرتني بالطبيب الشاعر إبراهيم ناجي الذي هجر الطب بسبب حبه للشعر

وذكرتني بيوسف إدريس الطبيب الكاتب الذي هجر الطب بسبب حبه للكتابة ..

ـــــ

((((((((((( لكن طبعا اوعى يا أخي الطبيب الجريء ............ تسيب الطب علشان الشعر ...

احذر ..

الناس دي سابته زمان أيام الخير ..

لكن الأيام دي الخير اتسرق واتعمل محضر واتقيد ضد مجهول ..

وبرغم اننا عارفين اللي سرقوه ...... لكن كلنا بنقول على طوووووول ..... مجهول .

أصل الحكاية أننا من كتر الدق على الدماغ سيبنا اللحمة الرخيصة وبناكل بمزاجنا طعمية وفول .

ولو حد سألك ان اللي كتب الكلام دا محمد وسية ؟؟؟
............... إياك تقوووووووووووول .

ههههههههههه
لا حاضر
:romarioxp6:

اوركيديا

22-12-2008, 12:49 AM

بمنتهي البراءة ...
سأليتني …
بنتي نور ....
ف أربع خمس امور

مش ف كتاب القراءة ....
قالتلي .. بابا بابا ..
مش إنت .. يا بابا ..
بتكتب أغاني ..
وتقول أشعار ..
أنا سمعت ..
الشيخ يا بابا ...
بيقول إنك يا بابا …
ها تروح النار ...
زي الوحشين يا بابا ...
الحراميين الكفار ....

قوللي يا بابا .

يعني إيه إستعمار ....
يعني إيه نيل ...
يعني إيه هرم ..
ومين اللي حط ...
النسر فوق العلم ...
يعني إيه يا بابا ...
إستفتاء ….
و يعني إيه إنتخاب ...
ويعني إيه حر ...
ويعني إيه نصاب….
يعني إيه إختلاس ..
ويعني إيه هجاص ..
ويعني إيه خصخصة ..
يعني إيه يا بابا ....
دستور ….
يعني إيه معارضة ..
ويعني إيه مظاهرة .

وليه النهاردة ...
خدنا أجازة ...
م المدرسة .....
قوللي يا بابا ....
يعني إيه قهر ..
وفين …
خط الفقر ...
ويعني إيه حظ ..
ويعني إيه زهر ...
يعني إيه يا بابا ...
حريه …..
يعني إيه إنسان ..
ويعني إيه سرطان ...
يعني إيه يا بابا ...
خربوها ….
ومين دول يا بابا ..
ولاد القطقوطة

ومين دي ...
سمارة يا بابا ....
وإزاي يا بابا ...
ضاعت من قلبك ...
يا بابا .....
إنت معايا ....
فيه يا بابا ناس ...
بتقول كفايه ...
وفيه كمان عساكر ...
مسكين عصايا ...
وبنات متعورين ...
وتانين …
ماشين بيضحكوا ...
هما دول إسرائلين ..
.....

ويعني إيه ...
ويعني إيه ...

قولتلها ….
نور …..
ممكن أسألك سؤال
قالتلي ….
إتفضل يا بابا ...
قلتلها ….
هيه قناة Space toon ...
رقم كام …..
وخدتها .....
عشان تنام

msamido

23-12-2008, 02:30 PM

كنت سمعتها منه قبل كده
بس بجد تحفة
بس سؤال صحيح
هى قناة space toon رقمها كام
.
.

lobna_lamey

23-12-2008, 03:52 PM

:av4056bb7jp3:

msamido

24-01-2009, 05:00 PM

فيينك ياasdat على فكرة على سلامه ديوانه الأول نزل بعنوان " ناقص حته "

Dr.ahmed91

29-01-2009, 10:25 PM

قد ايه الموضوع ده جميل؟؟
ازاي مشفتهوش قبل كده !!!! أنا مش عارف
بس اديني خلصت امتحانات وفضيت واقرا براحتي بقى
.....
علي سلامه ده شاعر متميز...كلامه بجد قد ايه بسيط وقد ايه يوصل للقلب
وكل قصيدة تقريها تطلع منها منها بحاجة..بكلمة بجملة بحكمة
كلام من اللي بنسمعه كل يوم..كلامي وكلامك وكلام الناس

.....

على فكرة اول ديوان لعلي سلامه نزل من قريب...اسمه (ناقص حتة)
ممكن تلاقوه في معرض الكتاب

انا بقى بدور عليه في اسكندرية ومش لاقيه..لأن دار النشر بتاعته ملهاش فروع في اسكندرية
بس عموما معظم أشعاره عندي

وعلى فكرة هو ليه فيديوهات على اليوتيول بيقول فيها أشعاره بنفسه في ساقية عبد المنعم الصاوي
وكمان بيغنيها مع وجيه عزيز..وانا لو لقيته حاجة جديدة مش حبخل على الموضوع الجميل ده

:078111rg3::078111rg3::078111rg3:

اوركيديا

30-01-2009, 01:07 AM

فيينك ياasdat على فكرة على سلامه ديوانه الأول نزل بعنوان " ناقص حته "
مش كنت اعرف
طاب كويس جدااا
كان قايل فى العاشره مساءً من فتره انه مش لاقى ناشر
ابقى احاول ادور عليه :)
مع انى متاكده انى مش حلاقيه قبل شهر تانى اساسا
عبال ما ينزل هنا :(

قد ايه الموضوع ده جميل؟؟
ازاي مشفتهوش قبل كده !!!! أنا مش عارف
بس اديني خلصت امتحانات وفضيت واقرا براحتي بقى
.....
علي سلامه ده شاعر متميز...كلامه بجد قد ايه بسيط وقد ايه يوصل للقلب
وكل قصيدة تقريها تطلع منها منها بحاجة..بكلمة بجملة بحكمة
كلام من اللي بنسمعه كل يوم..كلامي وكلامك وكلام الناس

.....

على فكرة اول ديوان لعلي سلامه نزل من قريب...اسمه (ناقص حتة)
ممكن تلاقوه في معرض الكتاب

انا بقى بدور عليه في اسكندرية ومش لاقيه..لأن دار النشر بتاعته ملهاش فروع في اسكندرية
بس عموما معظم أشعاره عندي

وعلى فكرة هو ليه فيديوهات على اليوتيول بيقول فيها أشعاره بنفسه في ساقية عبد المنعم الصاوي
وكمان بيغنيها مع وجيه عزيز..وانا لو لقيته حاجة جديدة مش حبخل على الموضوع الجميل ده

:078111rg3::078111rg3::078111rg3:

شكرا بجد لحضرتك على الرد
مبسوطه ان الموضوع عجبك جدا :)

و ان شاء الله ابقى احاول ادور لو فيه حاجات تانيه
بس اعتقد دول الاغلبيه

فى رعايه الله

hend ere

10-09-2009, 08:20 AM

بجد موضوع كثير جميل ومميز ومجهود جبار
جزاك الله كل خير على تقديم الموضوع الجميل ده لنا
فى رعاية الله

بنوتة كوووول

17-09-2009, 04:00 AM

جزاك الله خير رااااااااااااااائع

mohamed badrawi

07-04-2014, 08:59 PM

-------------------------- ----

ساعات بقلق بالليل
يعني بالليل شوية كده
قبل الفجر
حسب الظروف كده
بعد العصر

خايف يوم أصحي..
وأفتح الشباك..
مالاقيش مصر

ألاقيها لمت هدومها ومشيت
لمت هدومها
علي نيلها
علي هرمها
وطفشت
وحلفت ميت يمين ماهي قاعدلنا
ماهي زهقت..
تعبت..
إتخنقت
أصلنا زودناها..
أكننا استعمرناها..
ورثناها

مصر البنوتةالحلوة
اللي زي القمر
بقت عجوزة وشايبة
وبان عليها الكبر

خايف يوم أصحي..
وأفتح الشباك..
مالاقيش مصر
[/quote]

mohamed badrawi

07-04-2014, 09:01 PM

[=mohamed badrawi;5809406]-------------------------- ----

ساعات بقلق بالليل
يعني بالليل شوية كده
قبل الفجر
حسب الظروف كده
بعد العصر

خايف يوم أصحي..
وأفتح الشباك..
مالاقيش مصر

ألاقيها لمت هدومها ومشيت
لمت هدومها
علي نيلها
علي هرمها
وطفشت
وحلفت ميت يمين ماهي قاعدلنا
ماهي زهقت..
تعبت..
إتخنقت
أصلنا زودناها..
أكننا استعمرناها..
ورثناها

مصر البنوتةالحلوة
اللي زي القمر
بقت عجوزة وشايبة
وبان عليها الكبر

خايف يوم أصحي..
وأفتح الشباك..
مالاقيش مصر
[/QUOTE][/QUOTE]

....رولا....

20-04-2014, 11:40 PM