|
مشاهدة النسخة كاملة : بالله عليكم مطلوب نصيحة فراق 24-07-2008, 05:04 AM انا جبت 405 علمي علوم وقدمت صيدلة لكن كتييير بيطلبوا مني احول طب وانا محتااارة ومتهيالى الصيدلة احسن للبنات لكن كله بيقول ادخلي طب احسن من الصيدلة انا مش عارفة مين الاسهل ومين اللي اقدر اخدم بيه ديني اكتر نسيت اقول ان بس اللي دخلوا كلية الطب هم اللي بيقولوا متدخليش طب اسمع كلام مين اللي مجرب طب او صيدلة يا ريت يقول رايه هنا الفقي 24-07-2008, 09:56 AM بصي بداية الف مبروك انتي اكيد عارفة قدراتك كويس وال2 بيخدموا الدين زي بعض تقريبا المهم ف الاول والاخر تجديد النية لله وطالما محتارة اوي صلي استخارة وربنا يوفقك ان شاء الله وعامة بردو المسلم كالنحلة اينما وقع ينفع المحب لرسول الله 24-07-2008, 11:01 AM السلام عليكم ورحمة الله ان شاء الله ده والله رايي لله واعتبريها نصيحه اخويه اولا هي الصيدله حلوه خاصة للبنات ليه بقى ؟ لانك اولا مش هتبذلي جهد كبير زي الطب وكمان مش هتقعدي لغاية 25 سنه تتعلمي لان الصيدله 5 سنين يعني هتطلعي 21 سن كويس عن 25 بالنسبه للبنات عشان الزواج مبكرا طبعا في احاديث تحث على الزواج المبكر وكمان لما ان شاء الله تبقي زوجه هيبقى في وقت عندك لزوجك واولادك ثانيا الطب لها ميزه ولها عيب بالنسبه للبنات العيب انها هتاخرك اوي يعني هتطلعي بتاع 24 او 25 سنه وكمان شغلك وخاصة ان كنت مشهوره مش هيبقى عندك وقت لزوجك واولادك باعتبار ما سيكون طبعا فممكن العمليه الزوجيه تفشل فان قررت طب وعايزه تخدمي دينك فيه فان شاء الله لا تدخلي الا قسم نساء وتوليد فقط (رجااااااااااااااااء ) حتى لا تتفشى اكثر من ذلك ظاهرة ان الرجال يدخلوا قسم نساء وتوليد وارجوا من كل اخت على المنتدى اذا دخلت طب تدخل قسم نساء وتوليد اخيرا ارجوك تدعي لي ادخل كلية الطب لاني والله نفسي افيد بها الاسلام والمسلمين مس رانيا حسن 24-07-2008, 11:08 AM اختى فى الله انصحكك بالصيدله فهى بالفعل افضل للبنت ووفقكى الله لما يحبه ويرضاه toty_toty 24-07-2008, 11:25 AM مفيش كلية صعبة وكلية سهلة بس المهم تدخلى اللى تحبيه لانك لو حبيتى كليتك هتتحملى صعوبتها مهما بلغت لكن لو دخلى حاجة ما بتحبيهاش يبقى ربنا معاكى المهم ما تنسيش حب ما تعمل حتى تعمل ما تحب Rien 24-07-2008, 11:38 AM معظم الناس بتفضل صيدلة وفيه كذا واحدة اعرفهم كانوا جايبين مجموع طب ودخلوا صيدلة ودلوقتى هما خلصوا وبيشتغلوا ;) --- افضل حاجة صلى استخارة وشوفى هاترتاحى لايه اكتر وربنا يوفقك ف المجال اللى تختاريه :) vampire_3ala2_16 24-07-2008, 12:12 PM انا لو مكانك صيديه الطب ماينفش للبنات باسم ابو المجد 24-07-2008, 12:13 PM صيــــــــــدله طبعا |