أشارك بنعم عشان مصر تستقر
اشارك بنعم علشان دا مش أخر دستو وممكن أعدله بموافقة خمس أعضاء مجلس الشعب
نعم عشان مش بعد الريس ما يمشى أخليه عضو مجلس شورى زى دستور الإخوان ويفضل محصن من أى مطالبة قضائية
نعم عشان دا دستور عمله كل فئات الشعب مش زى الدستور إللى خدوه الإخوان الإرهابيين حصرى وإنفراد
نعم للدستور لأنه جه من ثورة شعبية قضت على الجماعة الإرهابية
نعم لأن مصر قررها من داخلها مش من تنظيم دولى إرهابى
وبعدين أللى عاوز يقاطع أو يقول لا أقوله أقرا النسخة الحقيقية للدستور مش أللى مزورنها الإخوان وبيضلوا بها الشعب والناس الغلابة الطيبين أللى أغروهم فى الشعب والشورى ودستور الإخوان بالسكر والزيت والأرز الإسلام مش حكر على حد كلنا مسلمين بس الفرق بينا وبين الإخوان أن إحنا بنقول الحق ومع مصلحة البلد مش زى الإخوان الكدابيين أللى قالو مش عاوزين الرئاسة وإترشحوا بالتلاتة ومش هنترشح فى مجلس الشعب غير على الثلث وخدوه كله والنقابات وكل حاجة فى البلد يعنى بالعربى شلنا وطنى وجه إخوانى فعلا ناس مش فاهمه حاجة خالص عامة أهوه كابوس وراح نعم للدستور وتحيا مصر .

لو كان الاخوان خدوا حاجه أو كل حاجه زى ما بتقول فهم خدوها بانتخابات نزيهه....... و الشعب هو اللى أنتخبهم مش حد تانى........ ثانيا أنا مش عايز أتكلم عن الأخوان و لا العسكر .....هتقول أيه للأنبياء يوم القيامه بعد ما شالوا الماده اللى بتحرم اهانه الأنبياء...... هتقول أيه لسيدنا محمد ولا سيدنا عيسى ....هتقول أنا وافقت على أهانتك.... فكر.... أنا مصرى زيك وميهمنيش اللى بيحصل بين الأخوان و العسكر و لكن انا عايز أشترى نفسى......فكر معايا شويه...... ثانيا باين من كلامك أنك بتحب مصر زى ما كلنا بنحبها ....لكن أزاى تقول نعم على الغاء مفوضيه مكافحه الفساد....أزاى أوافق على نشر الفساد ثم أقول نعم للدستور و نعم للاستقرار يجى منين الأستقرار.... أسف أنا مبحبش أعيش منافق و لا بوشين..... شكرا أخى الكريم

هقول لحضرتك أيه أللى مخليك متأكد من نزاهت إنتخابات الإخوان ثانيا فى قانون أسمه إزدراء الأديان أظن حضرتك سمعت عنه موجود فيه كل حاجة كمان حضرتك فى قانون أسمه مكافحة الفساد صدر منذ فترة بسيطة بقرار جمهورى من الرئيس عدلى منصور وبعدين حضرتك مش معايا أن الإخوان كدابين على فكرة تسجيلتهم موجودة على اليوتيوب بنفسهم عن الترشح للرئاسة والمجلس والدستور وكل حاجة من مرسى وبديع والشاطر إلى صفوت أنا اللى برجوك فكر تانى وراجع نفسك أخى الكريم .

اللهم احفظ مصر وجنبها الفتن واجعلها بلدا امنا وسائر بلاد المسلمين ورد كيد الخائنين

اللهم احفظ مصر وجنبها الفتن واجعلها بلدا امنا وسائر بلاد المسلمين ورد كيد الخائنين(نعم للدستور)