السلام عليكم ورحمة الله وبركاته
كل سنة وانتم طيبون
احب اشكر استاذى الفاضل / سعيد موسى
وألف مليون مبروك على الاشراف وتستحقه بجدارة
وجزاك الله كل خير وجعله فى ميزان حسناتك
وانا وجدت اسمى الحمد لله فى كشوف ضم المدة بقرار 4233 اللى نزلها الاستاذ سعيد
بس لم ينضم سنة الجيش من ضمن قرار ضم المدة
فما هى الاجراءات اللازمة لضم سنة الجيش وهل من المنطقة ولا لازم اسافر للمشيخة

( علماً بأنى دخلت الجيش بعد شهرين من أول تعاقد اللى كان فى 10/2/2008 ودخلت الجيش بعد التعاقد بشهرين فى 13/4/2008 وعملت حفظ وظيفة ورجعت بعد سنة الجيش فى 2/6/2009 واستلمت تانى فى نفس المعهد اللى كنت فيه قبل الجيش واثناء تقديم اوراق الضم فى المنطقة قدمت استمارة 51 س اللى بتطلع من السجلات العسكرية بالسنة بتاع الجيش اللى خدمتها
وايضا كنت اشتغلت 8 شهور فى التربية والتعليم قبل ما اشتغل بالزهر مباشرة وقدمت شهادة خبرة من التربية والتعليم بيهم من مباشرة أول مرة بالتربية والتعليم وحتى اخر يوم فى التربية والتعليم اللى يسبق استلامى بالازهر مباشرة بدون انقطاع ولم يتم ضمهم ايضاً )

وبالتالى فلم يتم ضم سنة الجيش و 8 شهور بتوع التربية والتعليم على الرغم اننا اثناء تقديم الاوراق الخاصة بالضم طلبوا شهادة خبرة لمن اشتغل باى مؤسسة قبل الازهر واستمارة 51 س الخاصة بسنة الجيش لمن قضى الخدمة العسكرية لضمها

فما هى الاجراءات لعمل ذلك من فضلكوا وهل يتم عملها بعد الانتهاء من تسوية قرار الضم الجديد 4233 باول تعاقد بالازهر ولا اعملها قبل التسوية
وشكراً ولكم جزيل الشكر والتقدير