مشاهدة النسخة كاملة : ارجو عدم الحذف والافاده
بنوته مسلمه 24-07-2008, 05:19 PM السلام عليكم ورحمه الله وبركاته
ازيكم يا شباب وانسات المنتدي
عارفه ان موضوعي ده مش مكانه وانه انا هلاقي نقد كتير
بس انا باستسمح المشرفين ياجلو حذفه او نقله
كنت متردده كتير بس لازم اتكلم
الحال اللي احنا عليه ده عمره ما هينفعنا ولا يخلينا نتقدم
ادخل الاقسام الدينيه الاقي اقصي مشاركات 9 ومشاركات 2 ليه يا جماعه
الواحد يتمسك بالحق ولا يبيع الحق
يارب تفهموني تفهموا انه وحش ومحزن اوي لما الاقسام الدينيه تبقي نايمه كده
واقسام اللعب تحذو بالاهتمام وتمتلك اعلي المششاركات
ليه كده
ليه نتعلق باللهو وننسي الافاده والاستفاده ليه
ارجو منكم الفهم
ومش هاتكلم اكتر من كده
بس لما اللعي يحوذ اعجابكم والدين لاء
لما تقربو للهو وتبعدو عن الرب
لما تنسوا ذكر الله ازيد من ساعه تقضيها علي المنتدي
يبقي هم وخيبه
ياريت نفوق ومش تزعلو مني
وياريت بلاش ردود سخيفه
السلام عليكم ورحمه الله
dr.zomba 24-07-2008, 05:30 PM لا طبعا يا هيام موضوعك ميزعلش وميس رانيا كانت لسه عامله موضوع زييه بالظبط
واكيد طبعا حاجه تضايق وتخنق لما جرس الفسحه يكون اهم من الاقسام الدينيه
بس الفكره كلها انك لو بصيتي للاعضاء النشيطه في القسم دا هتلاقيهم كلهم مسجلين من حوالي شهر شهرين بالكتير وليل ونهار في القسم واهو يلعبوا ويزودوا مشاركاتهم
في خاصيه انا شوفتها في منتدي تاني اللي هي ايقاف عداد المشاركات في قسم الالعاب مش عارف اذا كنا ممكن خاصيه زي دي تتنفذ في المنتدي ولا لا
علي العموم ربنا يسهل بقي
Travel 24-07-2008, 05:43 PM معاكى حق يا هيام
بس كلوا بيدخل القسم ده (وانا كنت منهم)
يمكن لان باقى الاقسام المواضيع اللى فيها مش زى الاول
كلوا ملاحظ كده
قاعدين نقول تطوير
تعديل
تغيير
ويا مسهل (امتى التنفيذ)!!
علشان كده كلوا بيدخل جرس الفسحة
و يمكن كلوا بيرفه حبة
بس لعلمك
مش كل اللى موجودين فى جرس الفسحة جداد
فى منهم قديم
بس
صدقينى
يمكن لما المنتدى يرجع زى ماكان
كل حاجة هترجع زى الاول
3olomgy 24-07-2008, 05:44 PM السلام عليكم ورحمه الله وبركاته
وعليكم السلام ورحمة الله وبركاته :)
ازيكم يا شباب وانسات المنتدي
الحمد لله ..بخير
عارفه ان موضوعي ده مش مكانه وانه انا هلاقي نقد كتير
بس انا باستسمح المشرفين ياجلو حذفه او نقله
وانا كمان بطلب من المشرفين مايحذفهوش ولا ينقلوه
كنت متردده كتير بس لازم اتكلم
لا ما تتردديش ولا حاجة ...قولى اللى فى نفسك ..الميك معاكى :d
الحال اللي احنا عليه ده عمره ما هينفعنا ولا يخلينا نتقدم
هو حد قال ان احنا عايزين نتقدم ؟ ...احنا رضينا بالتخلف بس على الله التخلف يرضى بينا ومايطفش
ادخل الاقسام الدينيه الاقي اقصي مشاركات 9 ومشاركات 2 ليه يا جماعه
الظاهرة دى من زمان يا هيام مع انى بلاحظ ان احيانا بتكون فيه مواضيع مهمة
واقسام اللعب تحذو بالاهتمام وتمتلك اعلي المششاركات
ده الحال من ساعة المنتدى ما فتح ..اهدى وردة لعضو تحبه ...اضرب العضو اللى بعدك بالطماطم ..عد من واحد لخمسة وهتاخد مصاصة ..الخ الخ
ارجو منكم الفهم
ومش هاتكلم اكتر من كده
بس لما اللعي يحوذ اعجابكم والدين لاء
لما تقربو للهو وتبعدو عن الرب
لما تنسوا ذكر الله ازيد من ساعه تقضيها علي المنتدي
حاجة تكسف فعلا
يبقي هم وخيبه
ياريت نفوق ومش تزعلو مني
وياريت بلاش ردود سخيفه
السلام عليكم ورحمه الله
لا ابدا مفيش زعل يا هيام ولا حاجة ...شكراً ع التذكرة المفيدة ويارب مايكونش ردى سخيف
بس فى اخر الموضوع انا عايز اتكلم فى حاجة ؛
لو عايزين نزود الاقبال على الاقسام الدينية يبقى لازم المواضيع تكون مناسبة لفكر الشباب ومفيدة فى نفس الوقت
مثلا بيكون فيه مواضيع بعنوان (( شاب خرج من قبره بعد ثلاث ساعات )) ..(( جنية تكلم الشباب ع النت )) ..وغيره
المواضيع دى بغض النظر عن انها متلفقة و طفولية ، مفيهاش اى نصح او افادة ولا حتى معلومة
يعنى فيها ايه لو مثلا عملنا موضوع عن فضائل الصحابة والتابعين ؟
موضوع عن العلم الدنيوى فى الاسلام ؟
شكرا ع التذكرة المفيدة يا هيام :)
بنوته مسلمه 24-07-2008, 05:51 PM متشكره ليكم انتم يا عادل ومحمد وترافل
بجد اسلوبكم في الرد شجعني واسعدني
ويارب اكون قدرت اوصل اللي عاوزين نستفاد بيه ليكم
ويارب بس اشوف تحسن
بجد مستعده اعمل اي حاجه لكده
ربنا ييسر
Dr.taz l0gic 24-07-2008, 05:51 PM مشكورة بارك الله فيكي
بنوته مسلمه 24-07-2008, 06:09 PM يارب بس مش يبقي كلام وخلاص
وكمان الموضوع متاكده انه مش عاجب ناس كتير دليل المشاهدات 39
وبجد ارجو مش نفوق شويه ونرجع تاني ياريت
ياريت بالله عليكم
Travel 24-07-2008, 06:34 PM متشكره ليكم انتم يا عادل ومحمد وترافل
بجد اسلوبكم في الرد شجعني واسعدني
ويارب اكون قدرت اوصل اللي عاوزين نستفاد بيه ليكم
ويارب بس اشوف تحسن
بجد مستعده اعمل اي حاجه لكده
ربنا ييسر
والله يا هيام
انا متضايقة اوى
على اللى بشوفه
على اللى عمال يحصل كل يوم
ياريت احنا لو نقدر نعمل حاجة
نعملها
انا مقدرش اقول غير كده
انا اللى عليا بعمله
وربنا المعين بقى
nothing 24-07-2008, 06:53 PM هو ده الكلامه والله يا هيام
انا ملاحظه اقبال غير عادى على الاقسام الترفيهيه
وسايبين الاقسام الدينيه للدرجاتى بقينا هايفين اوى ودماغنا فاضيه
ميرسى ليكى على فتحك لموضوع زى ده
MohammeD el_SadaT 24-07-2008, 07:31 PM بصى ياهيام ده العادى فى منتدى الثانويه
إنك تلاقى معظم الأعضاء منجذب لقسم جرس الفسحه والباقى متوجه للمشاكل
وقله قليله اللى فاهمه الهدف من دخولها المنتدى
arwaaa 24-07-2008, 08:56 PM السلام عليكم ورحمة الله الله وبركاته
والله موضوعك ده في غاااااية الأهمية
والله الأقسام الدينية فيها مواضيع حلوة بس ناس قليلين جدا هما إللي بيدخلوها
أنا عن نفسي خد فترة زهقت من إللي بيحصل ف المنتى رحت سبته شويه ورجعت لقيته أسوأ للأسف
مفيش رقابة كويسة أو قوانين صارمة
وفي كلمات جارحة من بعض الأعضاء
عموما أنا رجعت تاني بس بحاول أقدم الإستفاده على قد ما أقدر
وربنا يهديهم كلهم حتى ع الأقل يلقوا نظرة ع الأقسام الدينية
arwaaa 24-07-2008, 09:04 PM على فكرة أنا نسيت أقول حاجة كمان
إن أعجب حاجة ف المنتى ده
إن لو العنوان فيه كلمه حب أو أي شيء يتعلق بالحب تلاقي كلللللله دخل الموضوع
حتى لو واحد عايز يعمل موضوع ديني وعايز الكل يقراه يخلي عنوانه متعلق بكلمة حب .... هيعمل إيه يعيني عشان يضمن
إظاهر إن دي أكتر حاجة بتشدهم هنا
للأسفففففف مساكين عايشين حياة ملهاش معنى أهم حااااااجة عندهم التفاهة والكلام الفاضي
وآآآسفة جدا لو زعلت حد ياريت محدش يزعل لأن هي دي الحقيقة
thechampion 24-07-2008, 09:19 PM مشكورة وانا ليه تجربة عملت موضوع واحد فى اربع اقسام لكى اجد تفاعل اطكثر الموضوع هو ان موقع شهير انشئت به غرفة لسب الرسول فحدثهم تالمثلمين وطالبوا بغلقها فقالت الشركة جمعوا مليونى صوت فجئت لانشر الموضوع فى منتدى به 109 الف عضو فلم يوجد رد واحد ولا رد خالص فلم تاكتب ولن اكتب الا لنصرة النبى
pureheart 25-07-2008, 01:53 AM و عليكم السلام و رحمة الله و بركاتة
فعلاً هو دة العادى فى المنتدى و انا شايفة ان الموضوع ليه عدة اسباب :
1- ان المواضيع اللى فى الاقسام الدينية مش حلوة و لا تشد
2- ان ان الاعضاء عايزين يقضوا الاجازة بعيد عن اى حاجة فيها تفكير
3- ان النقاش فى المواضيع اللى فى الاركان الدينية بيبقى صعب عشان كل واحد بيبقى متمسك بوجهة نظرة
4- التشدد فى بعض المواضيع ,فى اللى يدخل الموضوع لازم يبقى فاهم هو بيقراء كلام صح ولا غلط و الكلام دة عايز حد عارف فى الدين و الاراء المختلفة و طبعاً فى كتير ميعرفوش فى الدين
دية وجهة نظرى فى الموضوع
وشكراً ليكى
بنوته مسلمه 25-07-2008, 12:55 PM متشكره للمرور ليكم جميعا
بس برده مش شايفه تفاعل
بجد حاجه تبكي ليه كده
مش بقول مش تلعبوا
انا كمان بالعب بس مع اللعب استفيدوا ياريت يعني
Dr.Nobel 25-07-2008, 01:17 PM سلام عليكم
صراحة هو الموضوع مكرر ميس رانيا كانت عاملة موضوع زيه من كم يوم
وقلنا الاسباب واتقال هنصلح ونطور وزي ماحنا ومفيش حاجة هتتغير
انا واحد من اللى كانو بيخشو جرس الفسحة وبخش الاقسام الدينية
كنت بحط موضوع في جرس الفسحة بلاقي كتيييييييييييييييييير ردو
انما الاقسام الدينية مبلقيش غير رد واحد او اتنين فحسيت بجد انى مش بفيد حد لما احط مواضيع
والله انا مش بستني ردود شكر انا نفسي احس اني بعمل حاجة مفيدة وبفيد ناس ومحسش انى بدن في مالطة
ولما لاقيت الاقسام الدينية كده قولت بلاش احط المواضيع هنا واحطها في منتديات تانية يكونو مسلمين
ليا بس تعليق
انا عمري ماشفت اسم هيام سمير في الاقسام الدينية غير النهاردة في المسابقة الدينية
يبقي حضرتك كنتى عاملة الموضوع علي اساس ايه؟؟؟؟؟؟؟؟؟؟؟؟؟؟؟
dr.zizo 25-07-2008, 01:22 PM والله معاكي حق في كل كلمة
والموضوع اكبر من كده ...
ده هتلاقيه في كل المنتديات... وحتى في حياتنا
الدين ما بياخدش من وقتنا غير وقت الصلاة وشوية قرآن يوم الجمعة والتراويح كمان في رمضان ... وغير كده عايشين بعيد عن ربنا
بنوته مسلمه 25-07-2008, 01:30 PM بصي حضرتك
يمكن مش بتشوفيه لانك مش من زمان
الاول كنت باكتب فيه وبعدين مش بقيت اشارك اساسا
وقولت مش ليها لازمه
ورجعت تاني فيه اعضاء طلبو مني اشارك وانشط الاقسام الدينيه
وربنا يكرمه الاستاذ جمعه ايامه كانت انشط كتير يمكن مش تعرفيه
بس دي الحقيقه كان احسن حد هنا
وبجد ياريت نتغير
ها عرفتي السبب
ياريت مش تزعلي وياريت برده تتدخلي وان شاء الله الاعضاء هيشاركوا
السلام عليكم
ومشكور دكتور زيزو لردك ربنا يجازيك خير
Dr.Nobel 25-07-2008, 01:40 PM بصي حضرتك
اولا بص حضرتك مش بصي
يمكن مش بتشوفيه لانك مش من زمان
لا الحقيقة معلوماتك مش صح انا من زمان بس انا غيرت اسم الدخول اول الاجازة
الاول كنت باكتب فيه وبعدين مش بقيت اشارك اساسا
وقولت مش ليها لازمه
ورجعت تاني فيه اعضاء طلبو مني اشارك وانشط الاقسام الدينيه
...............
وربنا يكرمه الاستاذ جمعه ايامه كانت انشط كتير يمكن مش تعرفيه
بس دي الحقيقه كان احسن حد هنا
لا اعرفه طبعا
ياريت مش تزعلي وياريت برده تتدخلي وان شاء الله الاعضاء هيشاركوا
السلام عليكم
وانا مش زعلان
وربنا يوفقنا ويهدينا
CoMMaNdo 25-07-2008, 01:41 PM ربنا يهدى الجميع
من علامات يوم القيامه
قبض العلم وظهور الجهل
شكرا يا هيام على التنبيه والموضوع الجميل
بنوته مسلمه 25-07-2008, 01:45 PM اسفه اذا كنت كلمت حضرتك علي انك بنت مش اخدت بالي
وربنا يهدينا جميعا
مشكور جدا MCoMMaNdo
علي ردك وربنا ييسر الحال
_GUIDE_ 25-07-2008, 02:29 PM ازيك ياهيام
بصى ياهيام العيب مش فى الاعضاء
العيب فى مشرفين الاقسام الدينية
يعنى انتى بتشتكى ان الاعضاء معظم مجهدهم فى جرس الفسحة عارفه ليه
علشان مشرفين جرس الفسحة بيقدمه العاب جديدة بينضمه للاعضاء فى اللعب هو صحيح لعب
بس هنا ذكاء منهم
عرفه ازاى يخلوه قسمهم هو اللى نشيط
انما عندك الاقسام الدنينية مفيش اى جديد
لان المشرف نفسه مبيدخلش القسم بتاعه يبئا الاعضاء ازاى تدخل
مفيش عنده اى فكر ولا اسلوب ولا اى جديد يقدمه لقسمه
طبعا القسم لزم ينام
اللى عايز اقوله ان المشرف هو اللى فى ايده يطور القسم
وهو اللى فى ايده يخليه زى القسم الدينى
وسلميلى على النوم فى العسل
بس ان شاء الله النهارده فى اجتماع مع السادة المشرفين
وهنشوف مين هيشتغل ومين هيطور فى قسمه
ومين اكتفاء بلقب مشرف
بنوته مسلمه 25-07-2008, 02:52 PM منتظرين يا اسلام نشوف
وياريت الاعضاء يتحركوا
..Just Stop 25-07-2008, 06:56 PM ازيك ياهيام
بصى ياهيام العيب مش فى الاعضاء
العيب فى مشرفين الاقسام الدينية
يعنى انتى بتشتكى ان الاعضاء معظم مجهدهم فى جرس الفسحة عارفه ليه
علشان مشرفين جرس الفسحة بيقدمه العاب جديدة بينضمه للاعضاء فى اللعب هو صحيح لعب
بس هنا ذكاء منهم
عرفه ازاى يخلوه قسمهم هو اللى نشيط
انما عندك الاقسام الدنينية مفيش اى جديد
لان المشرف نفسه مبيدخلش القسم بتاعه يبئا الاعضاء ازاى تدخل
مفيش عنده اى فكر ولا اسلوب ولا اى جديد يقدمه لقسمه
طبعا القسم لزم ينام
اللى عايز اقوله ان المشرف هو اللى فى ايده يطور القسم
وهو اللى فى ايده يخليه زى القسم الدينى
وسلميلى على النوم فى العسل
بس ان شاء الله النهارده فى اجتماع مع السادة المشرفين
وهنشوف مين هيشتغل ومين هيطور فى قسمه
ومين اكتفاء بلقب مشرف
بالضبط كدا يا هيام
الموضوع مش هيتحذف ولا حاجة
(وذكر فان الذكرى تنفع المؤمنين )
ربنا يهدينا جميعا
مشرف القسم الدينى الجديد ان شاء الله هيحاول بطور
ربنا معاه ومعانا
شكرا على الموضوع
المشكلة مش قسم ف منتدى !!
المشكلة ف جيل ( معظمه ) بعيد عن ربنا !!
شكرا لطرحك الموضوع بس مش دى المشكلة اصلا
واديكى لقيتى ردود كتير هنا
لكن هل لقيتى تغيير ف القسم الدينى ؟؟!
عاشقـــ الانمى ـــة 26-07-2008, 06:47 AM ازيك ياهيام
بصى ياهيام العيب مش فى الاعضاء
العيب فى مشرفين الاقسام الدينية
يعنى انتى بتشتكى ان الاعضاء معظم مجهدهم فى جرس الفسحة عارفه ليه
علشان مشرفين جرس الفسحة بيقدمه العاب جديدة بينضمه للاعضاء فى اللعب هو صحيح لعب
بس هنا ذكاء منهم
عرفه ازاى يخلوه قسمهم هو اللى نشيط
انما عندك الاقسام الدنينية مفيش اى جديد
لان المشرف نفسه مبيدخلش القسم بتاعه يبئا الاعضاء ازاى تدخل
مفيش عنده اى فكر ولا اسلوب ولا اى جديد يقدمه لقسمه
طبعا القسم لزم ينام
اللى عايز اقوله ان المشرف هو اللى فى ايده يطور القسم
وهو اللى فى ايده يخليه زى القسم الدينى
وسلميلى على النوم فى العسل
بس ان شاء الله النهارده فى اجتماع مع السادة المشرفين
وهنشوف مين هيشتغل ومين هيطور فى قسمه
ومين اكتفاء بلقب مشرف
بالضبط كده
اسلام قال ال انا كنت عايزة اقوله
pinky_star 26-07-2008, 08:48 AM بجد يا هيام موضوعك ميزعلش خالص
ده اصلا موضوع مميز جدا
وانتى عندك حق لازم المنتدى الدينى
يكون فيها اهتمام اكبر من كده
انا عن نفسى الصراحه لسه مدخلتش
لانى لسه مسجله النهارده
على العموم ميرسى اوى على التنبيه
اقدم عاصمه للحب 26-07-2008, 08:51 AM انا راي من راي بنكي لازم يكون في رعااايه
جزاك الله الخير كل الخير
الي االاماااام دائماااااااااااا
التوقيع
معلش احنا بنتبهدل
بنوته مسلمه 26-07-2008, 10:52 AM والله يا جماعه ردودكم بتديني امل
والحمدلله يعني بدا يتحسن عن الاول
ان شاء الله لو ربنا قدرني وامد في عمري لام بامر الله يكونو ا من احسن الاقسام
ربنا يرضينا ويهدينا
Travel 26-07-2008, 10:56 AM والله يا جماعه ردودكم بتديني امل
والحمدلله يعني بدا يتحسن عن الاول
ان شاء الله لو ربنا قدرني وامد في عمري لام بامر الله يكونو ا من احسن الاقسام
ربنا يرضينا ويهدينا
يا هيام
كلنا متفقين خلاص
على التطوير
طاب فين التنفيذ
يارييت
كله يبدا
ان شاء الله
هنوصل للى احنا عاوزينه
بنوته مسلمه 26-07-2008, 11:06 AM بصي حضرتك
انا مش عارفه اذا كان ده يزعلك ولا لاء
انا شاركت بس علشان الاقسام الدينيه
ومش كنت ناويه اشارك بس
لما فيه عضوات طلبت مني انشط الاقسام الدينيه
خصوصا محمد رسول الله
شاركت
فالمهم عندي هو الاقسام الدينيه وانا مش مشرفه يا قمر
انا عضوه زيي زي اي حد
ربنا يسهل
Travel 26-07-2008, 11:46 AM بصي حضرتك
انا مش عارفه اذا كان ده يزعلك ولا لاء
انا شاركت بس علشان الاقسام الدينيه
ومش كنت ناويه اشارك بس
لما فيه عضوات طلبت مني انشط الاقسام الدينيه
خصوصا محمد رسول الله
شاركت
فالمهم عندي هو الاقسام الدينيه وانا مش مشرفه يا قمر
انا عضوه زيي زي اي حد
ربنا يسهل
انا عرفة انك عضوة
وانا كمان عضوة
وانا معرفش انك بتتكلمى على تنشيط الاقسام الدينية
انا كلامى كله عموما
كان على اننا نعمل تنشيط للاقسام كلها
وعلى العموم
حضرتك شايفة الصح
وفعلا...
ربنا يسهل
SENDRILLA 26-07-2008, 12:02 PM كويس يا هيوم انك فتحتي الموضوع ده
صدقيني كنت بفكر اعمله بعد ما دخلت قسم دجرس الفسحه لاول مره من ساعه ما خدت الاجازه
ولقيت فيه العاب بالعبيط
وكله معدي ال20 صفحه اقريبا
في حين انا احنا لو نفس الاعضاء اللي بيدخلوا جرس الفسحه دخلوا في موضوع نانو بتاع 2 مليون صوت واللي انا مشفتهوش للاسف كنا هنعمل لديننا كتير اوي
صدقيني انا دخلت جرس الفسحه ليومين تقريبا وكنت فعلا مخنوقه وكنت بلعب مش هكدب
بعدها حسيت بحاجه غريبه
ليه ماوفرش ردودي ووقتي لحاجه افيد
ليه ؟؟؟؟؟ السؤال ده غيرلي حاجات كتير اوي
بس شكرا يا جميل انك فتحتي الموضوع ده
وان شاء الله يكون في تنفيذ يخلي المنتدي احسن من كده
بس بجد زعلانه منك اوي اوي
لانك انتي نففسك غلطانه
لما مرشحتيش نفسك في الانتخابات وانتي شايفه نفسك ممكن تخلي الاقسام الدينيه احسن
يبقي ساعتها كنتي غلطانه
لما كان في ايدك حاجه تعمليهها ومش عملتيها يبقي ساعتها غلطتي
صح يا هيام وللا لا
اتمني يكون كلامي مش زعلك بس انتي اختي وانتي عارفه كده من غير ما اقوللك
بس صدقيني انا شايفه انك لو كنتي اترشحتي وكسبتي الانتخبات كان في ايدك تعملي كتير
بس مازال في ايدينا كتير
وقريب هحاول اعمل حاجه للمنتدي اللي اداني كتير اوي ومرديتش جزء واحد من اللي عمله
شكرا حبيبتي لفتحك الموضوع
بنوته مسلمه 26-07-2008, 12:35 PM والله يا زوزه كل الحكايه ان انا مش حابه اكون مشرفه
وبعدين انا اهو معاكم بغير علي قد ما باقدر
وان شاء الله يتنشط
ومش زعلانه ولا حاجه
بجد ومتشكره لردك واكيد اختي
dr.saeed 27-07-2008, 12:02 AM موضوعك مهم جدا ودة الكلام الى بيدور فعلا فى عقل الواحد
شكرا للتوضيح
بورسعيدى 27-07-2008, 12:52 AM اكيد موضوعك مهم جدا
وانا شايف ان السبب فى دخول معظم الاعضاء قسم جرس الفسحة هو تحصيل عدد المشاركات فقط
علاوة على ان الاقسام الدينية لايوجد بها اى روح
وانا اقترح حزف قسم جرس الفسحة
موضوعك مهم جدا ولا يجوز نقلة او حزفة
شكرا لطرحك المسألة دى
بنوته مسلمه 27-07-2008, 01:47 AM متشكره جدا استاذ بورسعيدي بجد كلامك شجعني اعمل حاجه
متشكره دكتور سعيد
ربنا يسهل وييسر الحال
الاستاذ محمد سرور 27-07-2008, 01:53 AM احنا ممكن ندخل العاب للاقسام الدينية
محدش يفهمنى غلط
فى العاب دينية
باذن الله انا حنزلها فى الاقسام الدينية وبعد كدة نشوف رأيكم
يا ريت محدش يستعجل فى الرد على كلامى قبل ما يشوف الالعاب
لا تحكم بظاهر الكلام
وانا عن نفسى ممكن اكون ابو لهب لو معندكوش مانع
طبعا دة فى الالعاب
لما انزل الالعاب
dr.saeed 27-07-2008, 01:56 AM متشكره دكتور سعيد
الموضوع مثبت لمدة تلات ايام
لانه فعلا مهم
واتكلم عن مشكلة حقيقة فى المنتدى
موضوعك مهم جدا ولا يجوز نقلة او حزفة
اكيد طبعا يا استاذ مجدى
بنوته مسلمه 27-07-2008, 02:07 AM هتنورنا طبعا يا استاذ محمد ياريت تساعدنا
ومنتظرين حضرتك
ومتشكره جدا جدا يا دكتور سعيد علي التثبيت جزاك الله خير
جزاكم جميعا خيرا
بس يارب نقدر نعمل حاجه
بامر الله
aasheqat_elgana 27-07-2008, 02:13 AM والله الموضوع جميل جداااااا
ونتمنى ان الكل يشوفه ويطبقه فعلا
dr.saeed 27-07-2008, 02:13 AM المشكلة مش هاعرف اثبته وهو اسمه كدة
ومش ارف كمان اغير اسم لينكة الموضوع!
هاخلى ان شاء الله استاذ صوت الحق يغير الاسم وبعدين يتثبت
فى امان الله
بنوته مسلمه 27-07-2008, 07:37 PM مش مشكله دكتور سعيد
المهم انه فيه اهتمام ويارب يتحركوا
ومتشكره لمرور حضرتك ومروركaasheqat_elgana
يارب يتحسن
ادعولي النت يتظبط علشان اقدر اعمل حاجه
ZAHIMR 27-07-2008, 07:48 PM شكرا جدا ليكى وميس رانيا اتكلمت فى نفس الموضوع
ومافيش حاجة تزعل
|