لمسة واقعية بصدور قرار رئيس مجلس الوزراء رقم 57 لسنة 2014 الخاص بتقرير علاوة مقابل أعباء وظيفية للمعلمين المخاطبين بالقانونين رقم 155 ،156 لسنة 2007 تبين الأتي ان المعلمين أو المخاطبين بكلا القانونين لم يدرجوا بقانون الحد الأدنى وما هذا القرار إلا صادر عن اناس غير مدركة عن ما تصدره أولا شروط الأستحقاق سوف تمنع المعلم المساعد من هذه العلاوة لأنه بالطبع لسه لم يحصل على عامين بتقرير كفء وايه حكاية بذل المجهود دي يعني اقيسها ازاي مثلا يعني لما اجد نتيجة المدرسة لم تتعدي الـ 60% هل كده المعلم بذل مجهود ولا ما بذلش مجهود ان لا يكون قع وقع عليه جزاء أكثر من خمسة أيام خلال السنة التي يتقاضى فيها هذه العلاوة ودي عايز اقف معاكم فيها شوية انت عارف معنى كده ايه انك هتتحرم من هذه العلاوة 3 سنوات السنة التي حصلت فيها على الجزاء وسنة بعدها علشان السنة التى قبلها وتقريرى هيكون غير كفء ارجعوا لشروط التقارير والسنة الله الثانية بردوا لنفس السبب يبقى عاايز المدرس يبوس ايد مين ولا يبقى ماشي ازاي صراحة القرار ده تهريج ومهانه الحد الأدنى أفضل

المعلمون فى الحد الادنى وعلاوة الأعباء زياده والعلاوة مثل الحوافز ليها شروط
ولابد من وجود مقابل للحافز
ويا جماعة حكايه نبوس الايادى دى ملهاش لازمة لا الموجة ولا المدير يقدر يجازيك الجزاء اللى يحرم الحافز الا لما انتا تخطئ خطأ يستحق

المعلمون فى الحد الادنى وعلاوة الأعباء زياده والعلاوة مثل الحوافز ليها شروط
ولابد من وجود مقابل للحافز
ويا جماعة حكايه نبوس الايادى دى ملهاش لازمة لا الموجة ولا المدير يقدر يجازيك الجزاء اللى يحرم الحافز الا لما انتا تخطئ خطأ يستحق
لا طبعا كلام حضرتك تسكين وتنييم للناس لأن كلنا نعرف أن أى معلم ممكن يتجازى لأسباب غير متوقعه عندك مثلا أنا شغال فى مدرسة متهالكة وفناؤها ضيق وفيها أكثر من ثلاثة آلف طالب على عامل واحد فقط مما يجعل الفصول ممتلئة بالقاذورات والقمامة وقد حصلت على جزاء بسبب إن واحد متابع غلس عدى على المدرسة وغزالته كانت مش رايقة فرش شوية جزاءات على خلق الله ما دخلى أنا بذلك وكيف أتمكن من تجنب هذا الجزاء ؟!! ومهما تقول محدش هيسمع لك .. عندك مثلا واحد زميلك استفزك وشتمك لو رديت عليه جزاء .. طالب عور طالب فى فصل بعيد عنك وانت مكتوب اسمك بالغصب مشرف على كل الدور جزاء ولو امتنعت عن التوقيع على الإشراف جزاء ... إلخ
كنا نتقبل ذلك بصدر رحب على أساس أن العقاب سيكون مجرد خمسين ستين جنيه ونقول بنحلل بيها راتبنا لكن أن يكون العقاب متواصلا لثلاث سنوات فهذا ظلم بين.