حوار مع صمت إبنى

إبنى اللى يامه سمع منى حكايات
ويامه شبع روايات
ع العمر اللى عدى وراح


وكل يوم أعيد وأزيد
فى نفس الحكاوى و مفيش تجديد
غير إنى أزيدها ألام وجراح



وإبنى يسمع منى ويسكت
ويشيل فى قلبه ويسأل نفسه
هو حرام إن أبويا فلاح ؟



أنا بحكى وفاكرها بطوله
إنى اتحملت المأسى برجوله
وقلبى كمان مليان سماح



وابنى تبان الدموع فى عنيه
واسأل نفسى زعلان ليه
ماهو عايش حلو ومرتاح



أشقى واتعب هنا وهناك
عندى وعند غيرى مايضرش
ولاجل ولادنا وجب الكفاح





وفجأه إبنى كأنه خاصمنى
وسابنى وراح قعد ع النت
عاش يومه فى وهم براح



يقضى ليله ويا نهاره
وإمه دايما تجر شجاره
ونفسها تطمن وقلبها يرتاح



وكل ماأتـابعه يصعب عليَّا
وأقول ياخساره كان عندى هديَّه
وزمن الوطنية ولى وراح






عشنا كدا على هذا الحال سنين وايام
نقول ونعيد نفس الكلام


والولد خلاص حيرنا فى صمته
وماعدنا نسمع منه حتى السلام


وحتى الضحكة غابت عنه
وعاش الولد كالأيتام




واحنا خلاص سيبناه لراحته
مادام فى تعليمه تمام التمام
وحالته كدا مخلياه مرتاح



وشوية و بدأ الولد ينهار
شريد الفكر ليل ونهار
وإن جه يقضيها شجار ونواح





وانفجر الإبن فى وجه أبوه
وبدأ يقول ويعيد فى كلام


اللى قلوبهم خضرة ياوالدى
ماتوا علشانكم
وانتم لسه فى الأوهام


ماتوا ياوالدى وكانوارجالة
وكل أملهم يشوقوا عداله
وحق العامل والفلاح


إزاى عايزينِّى أفرح
بعد مات فينا الإحساس
والكل خلاص شرب م الكاس
ودم الشباب صبح مباح



من خوفى على ابنى
أخدته فى حضنى
وقلت يا خدوا حقوقى منى
بس يجيبوا حق الجندى وحق صلاح



ماهو ياخلق العدل أساس
ويضمن حق كل الناس
وحتى اللى يموت يموت مرتاح






المجد للشهداء

حوار مع صمت إبنى

إبنى اللى يامه سمع منى حكايات
ويامه شبع روايات
ع العمر اللى عدى وراح


وكل يوم أعيد وأزيد
فى نفس الحكاوى و مفيش تجديد
غير إنى أزيدها ألام وجراح



وإبنى يسمع منى ويسكت
ويشيل فى قلبه ويسأل نفسه
هو حرام إن أبويا فلاح ؟



أنا بحكى وفاكرها بطوله
إنى اتحملت المأسى برجوله
وقلبى كمان مليان سماح



وابنى تبان الدموع فى عنيه
واسأل نفسى زعلان ليه
ماهو عايش حلو ومرتاح



أشقى واتعب هنا وهناك
عندى وعند غيرى مايضرش
ولاجل ولادنا وجب الكفاح





وفجأه إبنى كأنه خاصمنى
وسابنى وراح قعد ع النت
عاش يومه فى وهم براح



يقضى ليله ويا نهاره
وإمه دايما تجر شجاره
ونفسها تطمن وقلبها يرتاح



وكل ماأتـابعه يصعب عليَّا
وأقول ياخساره كان عندى هديَّه
وزمن الوطنية ولى وراح






عشنا كدا على هذا الحال سنين وايام
نقول ونعيد نفس الكلام


والولد خلاص حيرنا فى صمته
وماعدنا نسمع منه حتى السلام


وحتى الضحكة غابت عنه
وعاش الولد كالأيتام




واحنا خلاص سيبناه لراحته
مادام فى تعليمه تمام التمام
وحالته كدا مخلياه مرتاح



وشوية و بدأ الولد ينهار
شريد الفكر ليل ونهار
وإن جه يقضيها شجار ونواح





وانفجر الإبن فى وجه أبوه
وبدأ يقول ويعيد فى كلام


اللى قلوبهم خضرة ياوالدى
ماتوا علشانكم
وانتم لسه فى الأوهام


ماتوا ياوالدى وكانوارجالة
وكل أملهم يشوقوا عداله
وحق العامل والفلاح


إزاى عايزينِّى أفرح
بعد مات فينا الإحساس
والكل خلاص شرب م الكاس
ودم الشباب صبح مباح



من خوفى على ابنى
أخدته فى حضنى
وقلت يا خدوا حقوقى منى
بس يجيبوا حق الجندى وحق صلاح



ماهو ياخلق العدل أساس
ويضمن حق كل الناس
وحتى اللى يموت يموت مرتاح






المجد للشهداء


قصيده تعبيريه رائعه تحكي حكايه واقع مؤلم ومحزن
سلم قلمك ودام ابداعك
تحياتي

حقيقة لتصارع الأجيال أو لنقل انحياز حكام الصراع للأبناء

ففى الماضى القريب كنا نستمع ونستمع بحكايات وبطولات الأباء والأجداد

اليوم الأب أوالجد هو من يجلس صامتا ليستمع لحكايات وبطولات الأبناء

هكذا الدنيا وهكذا حالنا وهذا سر عظمة الشعوب العربية والإسلامية

فالأمل نبت ونضج مبكرا فى دماء الشباب فلا حلول وسط ولاصبر على خطأ أو ظلم
ولن يعودوا حتى يكونوا بأمر الواحد الأحد


شكرا جزيلا الأستادة الفاضلة وجزاكم الله خيرا

رائع ما قرأته فى هذه الصفحه ولكنه مؤلم وللاسف فهو واقع

دمت لنا مبدعا

فى انتظار جديدك بكل شوق

فى حفظ الله

رائع ما قرأته فى هذه الصفحه ولكنه مؤلم وللاسف فهو واقع




دمت لنا مبدعا

فى انتظار جديدك بكل شوق


فى حفظ الله




ضيف على ورقك ياصحبى كمان ورقتين
على وجههم نكتب كلمتين شكر للناس الطيَّبين
وعلى ضهرهم نبعت لعنتين للشَّططه المِتلَمَّعين
ناس بيجمعوا الملايين فى جُمعتين
وناس خيرها مغرَّق الكل شمال ويمين
ونفسهم يترقُّوا حبتين من معدمين لمستورين




ورقه ترسم فيها فلاح عَرقه مَرقه وسلاحه فأسُه ولاعمره سأل خيره هيرسى لفين
ومع كل أوجاعه ساند ضهره بِدراعه سارح لغيطه متشوق وكأنه لقـــــاء محبِّين
وأصلُه اللِّى فتح فصلُه خير للكل لقال دامسلم ولاداقبطى ولا دامين ولا دامين
لأن عِنوانه ملازمه فى عميق وِجدانُه من قديم قديم زَمانُه الخير للكل يامصريين





وعامل م الفجرية صَحَّى نسيِم البَدريَّه وقال يامُسَهل – إنت القوى المعين
صلَّى فجره وركب قطره وربُّه فى قلبه وعلى شُغلُه اتوكل مع المتوكلين
ينسِج بإيِدُه قُطنُه وحريِرُه لنفسُه ولغيِره وقلبه مفتوح وضحكته مَاليه العيِن





وناشط شاطط فى كل تُورتايه ناطِط ويقول بالنُّص ياحلوين
من قناه لقناه وفَهلَوتُه هى الأداه ويتكلم عن الشقا والشَّقيانيِن
وان اعترض أهل المُفترض يُخرُج عن طُوره ويهيِج تُورُه ع الطَّيِّبيِن




وإعلامى جِلده مِتعايق بوَردَه وقانون حصَّنه وكمان أمِّنه لو حتى خلَّى الدَّهب خُرده
ملاييِنه كلام وكلامه لِئام والطَّحن فى خصوص الناس سلام والحكمه عنده حاجه عارضه




بالله عليكم
مش دى بلد عايزه تزبيط ؟؟؟؟











أعترف بأن ورقك الكثييييرفى توقيعك كان المُلهم لما تقدمت به فكان عليَّ أن أعيد الفضل لصاحبه
فأرجو أن تتقبل هذا الإهداء المتواضع:078111rg3:
كم سعدت بمروركم الطيب أستاذنا الكريم
جزاكم الله خيرا

شكرااااااااااااااااااااااااااااااااااااا

شكرا جزيلا

ما أرقى كلماتك أستاذ رضا
حوار ملىء بالشجون والوطنية والإبداع

ما أرقى كلماتك أستاذ رضا
حوار ملىء بالشجون والوطنية والإبداع

جزاكم الله خيرا يا أستاذنا
منكم نتعلم