|
مشاهدة النسخة كاملة : هل الغش فعلا حرام !!!!!!! سعيد حلمى 19-01-2014, 08:51 PM اول مره فى الامتحانات هذا العام ادخل لجان ومنعت الغش فى اللجنة وطبعا الطلبه متعودين على الغش كل يوم فمعظم الطلبه محلوش الامتحان وكل شويه يدخل مدرس زميل عاوز يحل الامتحان للطلبه وانا ارفض فيزعل منى ويمشى وشويه يجى شيخ المعهد عاوز يطلعنى من اللجنه وبعده رئيس الكنترول فلما رفضت كتير من زمايلى زعلو منى والمعهد تقربيا كله شايف الى انا عملته غلط مش عارف اعمل ايه ؟؟ أبلة ناهد 19-01-2014, 09:07 PM انت صح الغش حرام بس احنا شعب اتعود على الغش واعتبره حق سعيد حلمى 19-01-2014, 09:13 PM انت صح الغش حرام بس احنا شعب اتعود على الغش واعتبره حق عارفة حضرتك احساس انك تكون عامل حاجه مقتنع انها صح بس المعهد كله مقنع انك غلط وتكون منبوذ رغم انك صح BUDDY 19-01-2014, 09:34 PM فى الازهر الغش فرض كفاية اذا قام به البعض سقط عن الباقين .. يعنى لو زميل حضرتك فى اللجنة غشش يبقى تمام ولا حرج عليك ولا يكلف الله نفسا الا وسعها، اما لو شديتو انتو الاتنين يبقى بتهدموا الازهر وبتحاربوا الاسلام ومش بعيد تتهموا بالعلمانية والليبرالية الأثري المالكي 20-01-2014, 06:47 AM الغش في الامتحانات أصبح شئ أساسي المشكلة الحقيقية أن الطلاب اتعودوا على كدا ولو منعتهم بتبقى عدوهم mreng 20-01-2014, 01:14 PM ﴿ يَا أَيُّهَا الَّذِينَ آَمَنُوا لَا تَخُونُوا اللَّهَ وَالرَّسُولَ وَتَخُونُوا أَمَانَاتِكُمْ وَأَنْتُمْ تَعْلَمُونَ (27) وَاعْلَمُوا أَنَّمَا أَمْوَالُكُمْ وَأَوْلَادُكُمْ فِتْنَةٌ وَأَنَّ اللَّهَ عِنْدَهُ أَجْرٌ عَظِيمٌ (28) ﴾ mr_sameh_sakr 20-01-2014, 03:50 PM نفس المشكلة عبد الله صبحى 20-01-2014, 06:51 PM أخى الفاضل في معهدنا لايوجد غش محمد احمد برهومه 20-01-2014, 10:21 PM الله يثبتك على الحق انا فى معهدى والحمد لله ايام الدراسه ملتزم بالشرح بفضل الله وايام الامتحانات عمرى ما غششت لانى عاوز اقبض فلوس حلال سعيد حلمى 21-01-2014, 08:38 PM بس المشكله ان الواحد بكدا المدرسين والعمال تقريبا كلهم هياخدو موقف منى لان معظمهم ليهم ابناء فى المعهد او اقارب وطبعا يجو يدخلو اللجنه لابنائهم انا امنعهم فبيزعلو منى !!! n0777n 22-01-2014, 06:45 AM أشكر حضرتك يا أستاذ سعيد حلمى ولكن كلام حضرتك فيه تناقد كبير و ظلم فاستخدام ألفاظ التعميم "مقتنع انها صح بس المعهد كله مقنع انك غلط وتكون منبوذ رغم انك صح" من الظلم استخدام لفظ المعهد ***فالمعهد مكان فيه عمال زملاء من أعضاء هيئة التدريس و رئيس كنترول و رئيس لجان و موجهين و الطلبة (واجبك انك توفر لهم جو هادىء لأداء الامتحان)إفرض انك صح كما تدعى فكيف تكون منبوذ ؟ تناقد !!! سعيد حلمى 22-01-2014, 02:15 PM أشكر حضرتك يا أستاذ سعيد حلمى ولكن كلام حضرتك فيه تناقد كبير و ظلم فاستخدام ألفاظ التعميم "مقتنع انها صح بس المعهد كله مقنع انك غلط وتكون منبوذ رغم انك صح" من الظلم استخدام لفظ المعهد ***فالمعهد مكان فيه عمال زملاء من أعضاء هيئة التدريس و رئيس كنترول و رئيس لجان و موجهين و الطلبة (واجبك انك توفر لهم جو هادىء لأداء الامتحان)إفرض انك صح كما تدعى فكيف تكون منبوذ ؟ تناقد !!! مفيش تناقض ولا حاجه الموضوع ببساطه ان 99% من المدرسين فى المعهد وشيخ المعهد ورئيس الكنترول والعمال مقتنعين ان الغش دا فرض ولازم اغشش فالمفروض انى اسمع الكلام واغشش ولو معملتش كدا يبقا انا غلطان ومش مقدر زمايلى ويبقا حرام عليا ضيعت مستقبل الطلبه وياخدو موقف منى وهودا الموقف فى المعهد عندى وفى 3معاهد اشتغلت فيهم قبل كدا أم عمير 23-01-2014, 10:59 PM متقلقش انا حصلى نفس الكلام والكل كانوا بيزعلوا منى ويعملوا معايا مشاكل لكن لانى صممت على عدم الغش او المجاملات خلاص اتعودوا على كده وبقينا حبايب استمر على ما أنت عليه وتذكر " من أرضى الله فى سخط الناس رضى الله عنه وأرضى عنه الناس" سما الفي 25-01-2014, 07:17 PM نفس المشكلة عندى .لكن اتعودوا على كدة وبقى عادى.انما المشكلة مع الطلبة واولياء الامور. الله المستعان ahmd77 26-01-2014, 10:24 PM من أرضى الله بسخط الناس رضى الله عنه وأرضى عنه الناس ومن أرضى الناس بسخط الله سخط الله عليه وأسخط عليه الناس الحرام يبقى حراماً ولو فعله كل الناس mr.ahmed mostafa 27-01-2014, 02:23 AM لاتقلق يا استاذ سعيد انا كدا من 8سنوات كانوا كل امتحان يزعلوا مني و بصراحه كنت بسيبهم يخبطوا دماغهم في الحيط لغاية متعودو عليا و بقوا مبيدخلونيش لجان ( وعلي فكره دي ميزه) لغاية السنه دي جاءت شيخه غريبه مش من البلد و اجبرتهم انهم ميغششوش Mr.Mohammed Khedr 27-01-2014, 02:55 PM القابض على دينه كالقابض على الجمر اخي الفاضل أقسم بالله العظيم انى اكاد أجزم عن قناعة وعن تجارب شخصية ان كل من هو حريص على الغش فى المتحانات من الازهر وغير الازهر هو اصلا ناجح بالغش ، بل ومنهم من هو متفنن فى الغش ويعلمه للطلبة لدرجة ان الغش اصبح مرض لا يستطيع التخلص منه والله لقد حضرت اكثر من شخص يحرض الطلاب على الغش رغم انهم لم يطلبوه لمجرد ارضاء مرضه والصراع الشخصى بداخله واكاد اجزم انه يشعر براحه وسعادة عندما يكسر القانون ويغشش الطلاب ويزهو بنفسه والبعض ينتظر الامتحانات ويسعى اليها فى الشهادات ليحظي بفرحة بداخله لانه استطاع ان يغشش الطلاب ويتفاخر بها امام نفسه وامام الآخرين استغفر الله العظيم واسأله ان يعافينا من امراض القلوب سعيد حلمى 27-01-2014, 08:59 PM على فكره انا اشتغلت فى اربع معاهد كنت منتدب فيهم وانا شغال منذ 2009 اول امتحانات فى كل معهد بيدخلونى لجنه عادى اول مايعرفو انى مش بغشش مدخولهاش تانى الكلام دا فى 4 معاهد بس اما يبقا فى نقص فى المدرسين بيدخلونى غصب عنهم وكل شويه يجيلى شيخ المعهد او رئيس الكنترول او مدرس يقول كلمتين ويمشى وساعات يبقو عاوزين يطلعونى من اللجنه ويجيبو ادارى مكانى جاهز انو يغشش الطلبه واما مرضاش اطلع من اللجنه يزعلو ويغيرو معاملتهم ليا |