السلآم عليكم و رحمة الله و بركآتُه

أنا عايز أعمل كذا ، أنا عايز أبقى كذا ، أنا والله عايز أذاكر و اطلع الأول

و أجيب تقدير بس ...، أنا.....بس...،

كفــــــايَة بقى

لحد إمتى يا جمآعة ؟؟ لحد إمتى نبقى عايزين.. بس..!! ، هنتحرَّك إمتى ؟

انت هتفضل واقف مكانك و تقول أنا والله عايز بس...، يا أخي حتى السبب مش لاقيه..!

إحنا ضيعنا وقت كتييير أوي و احنا عايزين و مش عاملين حاجة ..

قرّر بقى ، قوم دينك محتاجك ، إتحرّك ، كفاية كسل..

انت مش عايز تخدَم دينك ؟؟ أكيد عايز خلاص قرّر بقى!! قرّر تبقى ناجح..



كلامنا النهارده مش هيكون نظري ، كفاية كلآم بقى ، عايزين فِعل

، قوم دلوقتي ، قووم دوّر عالحاجة الي انتَ متميّز فيها ، والله كل واحد فينا ربنا ميّزه بحاجة ..

عارف ان كتير منّنا يقول انا مش عارف أنا متميّز في ايه !! أنا بسمع الكلام ده

كتيير بس مش لاقي حاجة معيّنة.

عارف/ة ليه مش لاقيين؟ لأن احنا مستنيين...

'' حد يجي يقولك انت متميّز في الحاجة دي''.

وده مش هيحصل ..انت الي عارف نفسك ، هو في حد هيعرفك أكتر منك o.O

أكيد لأ..خلاص قوم و ابتدي جرّب متضيعش وقت و هتلاقي انك بتعمل حاجة غيرك

ميقدرش يعملها او انت بتعملها بطريقة أحسن من غييرك بكتير أكيد مش هلاقيها من

أول مرّة بس هتلاقيها حاول وحاول لحد ماتلاقي .

واخدم دينك بيها !!



طيب تمام انا كده عرفت انا متميز في ايه !! بس برضه مش بتحرك
-حااال كتيير مننا للأسف-

*عارفين ايه المشكلة ؟؟

ان احنا عايزين كل حاجة مرة وحده ..آه ، انتَ مثلا اكتشفت ان انتَ عندك موهبة

في الكتابة و طريقتك حلوة و سهلة و مفهومة و...، خلص بقى بتفكر انك وصلت

و نبتدي بقى في الاسطوانات المعتادة

أنا مفيش حد مقدرني !!أنا البلد دي خسارة فيها o.O والله ؟ أنا..أنا..

انتَ ايه ؟؟؟ هو انتَ عايز تطير يعني !!لازم تطلع السلم وحده وحده

مش من أول مرّه هيبقى اسمك الكاتب فلان..

لازم تصبر و تجاهد و متيأسش مش معنى انك كتبت موضوع و محدش رد عليك تيأس

و تزعل و تقول لا موهبة و لا حاجة .. لأ بس انت محتاج تطور الموهبة دي ، محتاج

تتعب تشتغل اكتر ، شجّع نفسك ،خلي عندك اصرار و عزيمة

خلي نيتك لله انك تخدم دينك والله ربنا ما هيسيبك هيوفقك و هتنجح..



أنا قريت مرّة واحد كان باعت سؤال -بما ان احنا يعني في فترة امتحانات وكده :)) -

بيقول : ''أنا عايز أبقى ناجح-عايز برضه - أنا عايز أبقى الأول عالدفعة
-مرة تانية عايز-

إمتحاناتي فاضلها شهر و أنا مش بذاكر

-ركّز بقى مش بيذاكر بس عايز يبقى الاول-

بس والله انا عايز انا عارف ان مشكلتي اني-اهو عارف مشكلته و مع ذلك ملقاش الحل-

أنا بقعد كتييييييييييير عالنت و بضيع وقت -سبحان الله-

السؤال ده او المشكلة دي مش مشكلة الشخص ده لوحده ، دي مشكلة كتيير مننا
مش هقول كلنا عشان معممش ..

شوف بقى جواب الراجل : ''هو انتَ بتهزّر o.O -اه متستغربش كمّل بس-

ازاي يعني عايز تبقى الأول -او عايز تجيب مجوع في الثانوية او..- و بتقعد كتيير

عالنت و بتضيع وقت يؤسفني ان اقول لحضرتك انت مش عايزo.O
-صدمة مش كده ؟؟ -

لو انتَ عايز بجد كنت اتحركت ، كنت حطيت جدول و قلت همشي عليه بإذن الله

ومش هسيب نفسي تتحكم فيا انا الي هتحكم فيها -مسيطر :D-''

احنا ايه الي خلانا نجيب سيرة المذاكرة بس -_-

معلش بس ده كان مثال حلو جدا عجبني

قلت اجيبهولكم يعني :))

نرجع بقى لموضوعنا ان احنا عايزين نبقى ناجحين يعني :)

فعلا !! اقعد كده مع نفسك هو انتَ بجد عايز تبقى ناجح ؟؟ بجد عايز ربنا

يستخدمك لنصرة دينه ؟ عايز تكون عندك بصمة ؟

طيب ازاي ؟ ازاي عايز و مش بتتحرك ؟

ده تناقض على فكرة يعني انت عايز تبقى ناجح و بس مش بتعمل حاجة تخليك ناجح
-لا إله إلا الله-




عايز تنجح بجد ؟ عايز تجيب تقدير عايز عايز...قوم يلا بقى قرّر تنجح

أنا قرّرت أنجح ، استعن بالله

سيب الحاجة الي بضيع وقتك جاهد نفسك ذاكر- :D -

اتعب و هتوصل بإذن الله كون على يقين ان ربنا مش هيضيعك :))

عايز توصل لهدفك قوم يلا

اتوكل على الله اعرف عنه اكتر ابتدي دوّر عالطرق الي تخليك توصله ، شوف الناس

الي تعرف اكتر عنه و تفهمك اتكلم عنه كتييير خليه قدام عينيك تخيّل بقى لمّا -مش

عايزين لو- تنجح و تحققه بإذن الله هيكون حالك عامل ازاي ؟ :))

طيب يعني لو واحد معندوش هدف http://www.goodwayinlife.com/forum/images/smilies/SnipeR%20%2872%29.gif هيعمل ايه ؟

متخافش مش هضربك http://www.goodwayinlife.com/forum/images/smilies/SnipeR%20%2854%29.gif ولا انت مفكر اني هقولك خلاص اقعد بقى متعملش حاجة !!

لا انت غلطااااان قوم يلا حط هدف دلوقتي حالا شوف انت عاي تبقى ايه ؟

عايز تخدم دينك بايه ؟ عايز توصل رسالة ايه ؟

-على فكرة لو مكانش عندك هدف الا ان هدفك ان المسلمين يبقوا ناجحين ومتفوقين

يبقى ده أهم هدف و دراستك حضرتك قدامك بيّن من خلالها انك مسلم ناجح و متفوق

، شغلك اديه بأمانة و تفوق فيه و اتميّز فيه لأنك مسلــــــم-

غيّـــــر كِلمِة أنا عـــايِز ب أنا قرّرت


http://im37.gulfup.com/dQpWg.png

آآآسفة عن الإطالة

ربنا يوفقنا و اياكم لما يحبه و يرضاه و يستخدمنا لنصرة دينه يارب

منقول

جزاكى الله خيرا على موضوعك الجميل جدااااااااا

موضوع جميل

جزاكى الله خيرا على موضوعك الجميل جدااااااااا



مروركمـ الاجمل

جزانا واياكمـ

نورتي التوبيك

موضوع جميل

مرورك الاجمل

تسلمي

موضوع جميل
اشعل حماسي
انا قررت