أنا شاب لكن عمري ألف عام وحيد لكن بين ضلوعي كلام خايف ولكن خوفي مني أنا أخرس ولكن قلبي مليان كلام
‏ عجبي !!!

أحب أعيش ولو في الغابات أصحى كما ولدتني أمي وأبات
طائر ..حوان ..حشرة ..بشر ..بس أعيش
محلا الحياة ...حتى في هيئة نبات
‏ و عجبي !!!

على بعد مليون ميل من أرضنا من الفراغ الكوني بصيت أنا لاشفت فرق بين جبال ولابحور ولاشفت فرق بين عذاب أو هنا
‏ عجبي !!!

أنا كنت شئ وصبحت شئ ثم شئ شوف ربنا قادر على كل شئ هز الشجر شواشيه ووشوشني قال :
لابد مايموت شئ عشان يحيا شئ
‏ عجبي !!!

عجبي على العجب العجيب العجاب لما الحقيقة تطل بعد احتجاب وتروح وتحلا وفجأة تصبح مفيش كمثل طراطيش بحر ياما خد وجاب
‏ عجبي !!!

قالوا السياسة مهلكة بشكل عام وبحورها يابني خشنة مش ريش نعام غوص فيها تلقى الغرقانين كلهم شايلين غنايم والخفيف إل عام
‏ عجبي !!!

دخل الربيع يضحك
لقاني حزين
نده الربيع على اسمي
لم قلت مين
حط الربيع أزهاره
جنبي وراح
وإيش تعمل الأزهار للميتين
‏ عجبي !!!
‏

ليه ياحبيبتي ما بينا
دايما سفر
ده البعد ذنب كبير
لا يغتفر
ليه يا حبيبتي ما بينا
دايما بحور
أعدي بحر ألاقي غيره
اتحفر
‏ عجبي !!!

عبثا بأقول واقرأ في سورة عبس
ما تلومش حد إن ابتسم
أو عبس
فيه ناس تقول الهزل
يطلع جد
وناس تقول الجد
يطلع عبث
‏ عجبي !!!

قالوا الشقيق بيمص
دم الشقيق
والناس ماهياش ناس
بحق وحقيق
قلبي رميته
وجبت غيره حجر
داب الحجر
ورجعت قلبي رقيق
‏ عجبي !!!
‎

لا تجبر الإنسان
ولاتحيره
يكفيه ما فيه
من عقل بيحيره
إللي النهاردة بيطلبه
ويشتهيه هو
إللي بكرة ح
يشتهي يغيره
‏ عجبي !!!

الضحك قال ياسم ع
التكشير
أمشير وطوبة
وأنا ربيعي بشير
مطرح ما باظهر
بانتصر ع العدم
انشالله أكون رسماية
بالطباشير
‏ عجبي !!!

نوووووووووووور الايمان..دمت رائعة..تحياتى

نوووووووووووور الايمان..دمت رائعة..تحياتى


تسلمي حضرتك أسعدني مرورك الجميل وكلماتك العطرة ..دمت سعيدة مشرقة