السلام عليكم : بقالنا اكتر من شهر واحنا فى دوامة الحد الادنى لينا نحن المعلمين والا ملناش وبقت سيرة المعلمين على كل لسان انهم هايخدوا النصيب الاكبر من الحد الادنى اكثر من العاملين على قانون 47 العاملين بالدولة وتصريحات سيادة الوزير المبجل اعانه الله علينا وكل شوية صرح وزير التعليم اهو كله كلام ولسه ما خدناش اى مليم الى الان وكله كلام يعنى شو اعلامى لسيادته شكله كده ، وبكده والحمد الله رب العالمين خرجنا من الحد الادنى لاننا على قانون الكادر العظيم لينا فقد علاوة الاعباء الوظيفية ولكن بشروط وضعوها الخبثاء من وزارة التربية والتقليم ، واهم شرط انك تحصل على اخر تقريرين كفء طيب السؤال الاول هنا : فيه ناس كتير مش هايحصلوا على هذه العلاوة ليه : فيه بعض مديري المدراس بيعملوا التقارير السنوية بالبركة يعنى ع السريع والواحد هوا وحظة ، وفيه ناس تانية بتظلم المعلمين فى هذه التقاريريعنى المدرس اللى مضايق المدير بيديله درجة جيد او جيد جدا المهم ما تزدش عن 90 درجة ، ومن هنا فيه معلمين كتير ليس لهم علاوة اعباء ، والسؤال الثانى : كل الوزارات طبق عليها الحد الادنى واكيد صرفوافيه اى حد جاب سيرة وزارة واحدة من هذه الوزارات هايصرف العامل والا الموظف فى هذه الوزارة كام مفيش غير التربية والتقليم ووزيرها المبجل وتصريحاته النارية كل شويه ، اسف جدا للاطالة وعزرا لو فى اخطاء فى الكتابة . ولى ملاحظة على مفردات المرتبات على كل المعلمين الجدد تعيين 1/3 /2011 ، 1 /7 /2011 ، 12 / 8/ 2012 وهكذا ، ونحن فى محافظة المنيا يوجد بها 9 ادارات تعليمية ، كل مفردات غير التانية ليه مفيش توحيد فى مفردات المرتبات ، وحل هذه المشكلة سهل جدا بس المسؤلين ماشين بالعكس ، والحل فى يد وكيل الوزارة يرسل الى رؤساء الماهيات والحسابات فى كل ادراة ويطلب منهم عمل مفردات مرتب لكل العاملين بكل ادارة وبعد الانتهاء والمراجعة يتم بناءا عليه توحيد المفردات صعبه دى ابدا وبعدين دا شغلهم ، بس كفايه كده واسف مرة اخرى على الاطالة . وشكرا

المفروض هو ده الى يحصل

انت بتتكلم بلسنا كلنا بس يارب حد يوصل الكلام دا للمسئولين

نفسى اعرف دور النقابه وكبراء التعليم ايه فى الموضوع دا ؟أو ازاى نوصل شكوانا لرئس الوزرا مش للوزير المبجل

السلام عليكم : الاخت هنا نبيل ، والاخت هدى على شكرا جزيلا لمروركم الكريم ، الحقيقة فى هذا الموضوع أن كل مسئول مش فاضى ينزل ويتحرك من مكانه لانه خايف على الكرسى احسن يطير منه ، وكل مسئول يوصل التعليمات للى فوقه وكهذا الى ان يصل الى رئاسة الوزراء وريئس الجمهورية بان كل شئ تام ياريس ، وبعض من المعلمين الذين كانوا على ايام محمد مرسى كثيرى الشكوى لظلم المعلمين من الدولة والوزراة مش هانذكر اسماء ، الان ولما اصبح له منصب فى الوزارة ترك مشاكل المعلمين وشكواهم واهتم باشياء اخرى لنفسه فقط ، لماذا كل هذا ، اكيد لما قعد فى مكتب مكيف وشاى بالياسمين وسيارة تحت امرة فى اى وقت يبقى طظ فى المعلمين ومشاكلهم يقول لنفسه خلينى اعيش يومين حلوين ، والمعلمين لهم رب كريم ، ومش هاقدر اكمل كفاية لحد كدة علشان الواحد مليان كلام ، لله الامر من قبل ومن بعد ، اسف للاطالة

ا لمطب الذى ينادى به المعلمين هو اقرار الحد الادنى وعلاوة الاعباء الوظيفية لكافة المعلمين دون التقيد بشروط