فى البداية ارجو من معلمى الازهر ان يكون لهم موقف ثابت وقوى من اللى بيحصل فى المعلمين من ذل ومهانة لسببين :
(1) موضوع مربوط الدرجة واللى يعتبر مشكلة للمثبتين حديثا
انتم عارفين يااساتذة لو رجع حقنا فى الموضوع داه وبقينا زى التربية والتعليم الاساسى بتاع اقل واحد فينا من المثبتين حايكون 300 جنيه شوفوا حاترفق ازاى معاكم
والغريبة انى مش شايف اى اهتمام ولا تحرك جاد من المعلمين
(2) موضوع يوم السبت اللى كان اجازة وبقى شغل نفسى اعرف اشمعنه نحن معلمى الازهر بنتهان كده ليه ياجماعة ساكتين على المهانة ديه والظلم
اللى اسمه عباس شومان داه عمل استفتاء فى جميع المناطق اغلب المناطق الازهرية عايزة يوم السبت اجازة ماعدا اربع مناطق ,واذ نفاجأ انه برده مصمم على جعل يوم السبت دراسة
بالذمة فى مهانة اكتر من كده واجد اغلب المعلمين ماحدش قادر يفتح بقه
ايه الذل داه ياجدعان بقى شومان يلبسنا طرح ويمشى اللى فى دماغه بجد مش عارف اقول ايه لمعلمى الازهر لانى لو اتكلمت بصراحة حالاقى الاساتذة المشرفين على المنتدى حايشطبوا العضوية كالعادة
بجد حسبى الله ونعم الوكيل

متشوق لسماع ردود المدرسين واذا كان فى فايدة ولا خالاص نبطل كلام

حسبى الله ونعم الوكيل

رفعنا امرنا للقضاء بالفعل بشان العلاوات المجرده

نعم تم رفع قضية بشأن تجريد العلاوات
أما بخصوص السبت ،، فهي وجهات نظر ، و على الرغم أني قد يتفق 80% من المعلمين على عودة السبت ،، و لكن بالتأكيد لن يطبق على معاهد كثيرة و هي التي تعمل بالفترتين مثل معهدي
و بالتالي لا استطيع التحدث في هذا الامر على الاقل حاليا ،،

يا أستاذ مصطفى محمود أنت بتقول أنها مجرد وجهة نظر وإن 80% من المعلمين على عودة السبت مين إلي قال لسيادتك ذلك؟

ما هي الاوراق المطلوبة والمستندلت يا استاذ مصطفي لرفع قضية تجريد العلاوات ضروري واذا كان هناك مستندات ترفق يجب ارفاقها للاهمية

نعم رجاء معرفة الاوراق والمستندات المطلوبة يا استاذ مصطفى ولو تكرمت حيثيات الدعوى حتى ننشرحها للمحامى

يوم السبت لما كان اجازة كنا بنشتغل لحد 9 حصص لكن دلوقتى اليوم 7 او8 حصص فالحكاية بعدد الحصص اللى بنشتغلها فى الاسبوع الموضوع محصل بعضة تقريبا. لكن انا معاكم فى موضوع مربوط الدرجة

لازم وقفة جادة

ليه السلبية ياجماعة فى موضوع يوم السبت داه

تم رفع قضيه بخصوص مربوط الدرجه

ملاحظ تركيزكم على مربوط الدرجة فقط طيب ويوم السبت محسسنى انها مش فارقة معاكم

فعلا معلمى الازهر دول يالا اصلى لو نطقت حايحجبونى من المنتدى

حسبى الله ونعم الوكيل فيكم يابتوع الازهر

فعلا مالكومش الا اللى يديكم على دماغكم والله ماعدت معبر اى فكرة حد يقولها على المنتدى

فى البداية ارجو من معلمى الازهر ان يكون لهم موقف ثابت وقوى من اللى بيحصل فى المعلمين من ذل ومهانة لسببين :
(1) موضوع مربوط الدرجة واللى يعتبر مشكلة للمثبتين حديثا
انتم عارفين يااساتذة لو رجع حقنا فى الموضوع داه وبقينا زى التربية والتعليم الاساسى بتاع اقل واحد فينا من المثبتين حايكون 300 جنيه شوفوا حاترفق ازاى معاكم
والغريبة انى مش شايف اى اهتمام ولا تحرك جاد من المعلمين
(2) موضوع يوم السبت اللى كان اجازة وبقى شغل نفسى اعرف اشمعنه نحن معلمى الازهر بنتهان كده ليه ياجماعة ساكتين على المهانة ديه والظلم
اللى اسمه عباس شومان داه عمل استفتاء فى جميع المناطق اغلب المناطق الازهرية عايزة يوم السبت اجازة ماعدا اربع مناطق ,واذ نفاجأ انه برده مصمم على جعل يوم السبت دراسة
بالذمة فى مهانة اكتر من كده واجد اغلب المعلمين ماحدش قادر يفتح بقه
ايه الذل داه ياجدعان بقى شومان يلبسنا طرح ويمشى اللى فى دماغه بجد مش عارف اقول ايه لمعلمى الازهر لانى لو اتكلمت بصراحة حالاقى الاساتذة المشرفين على المنتدى حايشطبوا العضوية كالعادة
بجد حسبى الله ونعم الوكيل
حسبي الله ونعم الوكيل نطالب بمساوتنا بمعلمي التربيه والتعليم

على فكرة لو فى اى مشكلة مالية والناس عايزانا نتحد انا عن نفسى ماعدتش معبر حد لانكم سلبيين وكلامنجية على الفاضى انا مستغرب من برودكم فى موضوع يوم السبت داه

يا أستاذ مصطفى محمود أنت بتقول أنها مجرد وجهة نظر وإن 80% من المعلمين على عودة السبت مين إلي قال لسيادتك ذلك؟
سأقول لك لماذا قلت وجهات نظر :
أولا : ليس كل محافظات الجمهورية بالتربية و التعليم بها اجازة السبت مثلما تقول ، محافظتي و محافظات كثيرة السبت بها عمل و يوم كامل و اعتقد فقط محافظات قليلة بها السبت اجازة .
ثانيا : مثلما قلت لك أن معاهد كثيرة بالازهر تعمل بنظام الفترتين و لذا يكون السبت اجازة .
ثالثا : و الاهم ،،، الازهر له طبيعة خاصة ليس كالتربية و التعليم فمثلا ، المحافظات التي بها السبت اجازة في التربية و التعليم من السهل لديهم جعل الحصص الاخيرة - بعدما يتم توزيع حصص السبت على باقي ايام الاسبوع - من السهل أن يجعلوها في الجدول ، انشطة ، مثل الكمبيوتر و المجالات ،، و تربية رياضية أو تربية فنية ،، و أو ما شابه من المواد الخفيفة ذهنيا ، لكن انظر لحال المواد في الازهر معظم المواد في الاعدادية و الثانوية اساسية ، و كلها تحتاج للذهن ،، و فمثلا لا تستطيع ان تضع اي مادة من المواد الثقافية في الحصص الاخيرة فما بالك بالسابعة و الثامنة ، و ايضا المواد العربية تحتاج لجهد ذهني ، و سيخرج عليك معلمي المواد الشرعية ليرفضوا البقاء للحصص السابعة ، و حتى معلمي التربية الفنية و الرياضية سيرفضون ان تكون حصصهم كل يوم الاخيرة و سيشعرون بالظلم و التهميش ،، و لو قلت أنه سيتم التوزيع بالعدل ،، فإنك بذلك تظلم الطلاب ،، فمثلا أنا كمعلم رياضيات بالكاد تكفيني 4 حصص أخذها في الحصص من الاولى الى الخامسة ،،في انهاء المنهج فضلا على أن الحصص الرابعة و الخامسة يفقد معظم الطلاب تركيزهم لانها بعد الفسحة ،، فهل أضيع حصة أخرى من الاربعة لتكون الحصة السابعة بالطبع لا ، أنت نفسك تكون في غاية الارهاق و التعب في نهاية الحصة الرابعة أو الخامسة و بالكاد تستطع شرح الدرس ، فهل ستتحمل شرحه في السابعة و الثامنة و البقاء يوما من الساعة 7 و نصف صباحا الى الساعة 2و نصف أو 3 عصرا كل يوم .

يا أخي الفاضل و الزملاء العملية معقدة ، فالمحافظات ايضا التي طبق فيها ذلك في التربية و التعليم لها طبيعة خاصة مثل الزحام أو الاحداث أو ضغط الفصول ،، بالتالي فالمحافظين مجبرون على مثل هذه الوضعية بعكس الازهر الذي اعداد طلابه ليس بالشكل الذي يراد تخفيف اليوم عنه ، و ايضا عدد المدارس لا يقارن بعدد المعاهد بالمحافظات .

فكما نتحدث عن حقوقنا كمعلمين دوما يجب ان نتحدث عن حقوق الطلاب في التعليم ، و اسأل الطلاب انفسهم ،، ستجدهم يقولوا لك ما اقول ،، حتى الطلاب الذين يطبق عليهم السبت اجازة اسألهم سيقولوا لك " ياريت يرجع السبت دراسة لأننا نتعب جدا "

تحياتي //

بعد اذنك يا مصطفى

يغلق لتجاوز مظلمومين من الازهر