قَدَّموا الشباب وريَّحوا الشيوخ هتلاقوا البلد زى الصاروخ
ماهو الرَّايق واللى جاى من زمن الرَّواقة
كيِفُه ومَزاجُه يِفَتِّت فى السمكه وأشواكها
لكن اللى عايش فى زمن السرعه يكفيه سندوتش بَطروخ





أملى فى رئيس وقت السلام يِكسر ايدين أوبــــــاما
واوباما ما يسخر منه ويقول له إِجمَد يا بوالنَّشاما
وطن فيه الشبان تقود كل البلدان بالعلم وإلإيمان
ومش وقت القيادة
يجيِبوا لنا ناس من زمن الطربوش والعمــــــــامه






شفتوا عجوز مصر الأول بيقول إيه ؟
ساب كل شىء طيب فى قائد جيشه وبيداعبه ع الوسامه
يادى الندامه -ماهو صحيح رئيس وزرا جاى لنا من زمن اليتاما
ينام م المغرب ويصحى الضهر ومايصحى حتى لو قامت القيامه
ظلمنا معاه وظلم روحه والشباب متجنب ومتحدد له الإقامة!!!





الشباب يقود هو دا أساس لعهد جديد كله انطلاقـــــات
وإلا سيظل الفكر هو الفكر وان تغيرت البدل والكرافتات
وإيه المانع لما القيادة تتقسم نصين نص رجاله ونص سيدات

ولا إيه ؟